![](https://blogger.googleusercontent.com/img/b/R29vZ2xl/AVvXsEjaIsa3EuTkyzaj5v_NxLohdbzVy5VsK19CQiQJrR-ER4WbgQi4_zRrRXDMqoAtw-BkXGfPqvnahLyIPSajakbDfGl7Th7rrbz_5GW5RaTq-f0ShEyt800JKwcx_z7x6r8l-bMOF_MoLNBL/s1600/DSC_1271.jpg)
先食泰國菜, 門外搭了棚, 門前有個傳統報紙檔...
![](https://blogger.googleusercontent.com/img/b/R29vZ2xl/AVvXsEjxT04-3fMIuy3C2UCrctSPMXq_4rFBa8BEk8H6iENUnOKyNgP3QDdX9quXV1e2z3xti7HGVUfgXvKxuINaYEqbdOobk5ZaJ0w7b1Qr1FlQzuv76jyBJUnYK7TihpqT03eagokdr65u_C79/s1600/DSC_1245.jpg)
店外可以望到店內的Open Kitchen...
![](https://blogger.googleusercontent.com/img/b/R29vZ2xl/AVvXsEjKVL4gs1yvP6-sqzyfFZ9WdCJYd3hW3aLco1shTprvqm8YOEgl4DhcNNSUhyHM8zk5rDpPCyiPb9tvNuld9zpd0Zppt_Zl-fASxMhdKuFww7drlsimm08gwW2ZzypNZiwgTnkh5qsXgTg1/s1600/DSC_1256.jpg)
一貫泰式餐廳風格, 擺放了鮮花供奉神明...
![](https://blogger.googleusercontent.com/img/b/R29vZ2xl/AVvXsEgwpiDCIAzS6Ztxktxcwo0aFV0xQe8oKl1Jf9t3nZh01NDS8oUyow8Cp0_hvVLQerT06A2Qhg98qu-yCHur_MCFXeR7LVi7BgzRWVgZOtByQyGEDVJ1ELDwnYC9xmqSaNQKQXjpNVmgzLt4/s1600/DSC_1252.jpg)
時間尚早, 店內未有其他客人... 我地有卡位坐之餘仲可以揀位, 緊係坐係隻大帆船側邊啦...
![](https://blogger.googleusercontent.com/img/b/R29vZ2xl/AVvXsEgIKH90tFiWaVy2_Qh_F2tTEjiImFOQi9rbFYVtvcHZ1dWrBmLHH48PGcHWGI05myuz_Q_sfI8wJVSW6I8jRAO3TAHhe6rpkm0SlbuMf_f5h_8b1CKrw82rDAuMYrBo61QUIjeWKM5uFStr/s1600/DSC_1257.jpg)
![](https://blogger.googleusercontent.com/img/b/R29vZ2xl/AVvXsEiOm_4W7cTwuxI5-tdd1d5d51EkP_TbbUavtxNJCLVFHYxbyykSto4wTgHk8qKIeep51lGy0Pb5W0L7CNt35okmInK6J1MgMMJ5kXmt1-_cFmWmw7_7UhwhTmxkR_5sWkzsoxsyLYJAd95z/s1600/DSC_1247.jpg)
好, 睇下餐牌有咩好食先...
![](https://blogger.googleusercontent.com/img/b/R29vZ2xl/AVvXsEgYyRVmZajoM3GaX8clnFK7PvfP2WrhvXckwRzbGg2mBehLvDnUnr0KU0kIhd3wg7NwlEMjssDhvZ8GrQ9uX3aRZuNrWzRDNOd5AvWqvvxb6rUA6rqrdkvBT6R_9zx_27Grx9yWVL_u1pLo/s1600/DSC_1246.jpg)
泰式大蝦金邊粉 $72
-- 飯麵唔係應該最遲上嘅咩?!! 居然最早來?!! 金邊粉炒得均勻, 軟硬適中, 少少酸少少甜, 加埋櫻花蝦的鮮, 花生碎的香, 肉質爽脆的大蝦, 整體味道配合得好平衡, 好味, 食幾注就無晒...
![](https://blogger.googleusercontent.com/img/b/R29vZ2xl/AVvXsEinDqJGhvYdIeFVTC02zeR_7L1InC1CTpNUMyncb3R2UEs70LGdxLYkzUpqcd1T_wAqMywE8_Ctol09ZP62Yai4hx_TDm_eKzaPVM5ML9IGRZcA36mFqIh-Akbq3VMepg6snxByfaCAy4K4/s1600/DSC_1262.jpg)
沙嗲串燒 (豬/雞) 半打 $68
-- 豬肉及雞肉各半, 賣相不俗... 先試雞肉, 唔蘸沙嗲醬住, 嗯, 好香喎, 應該用金不換醃過, 面頭有少少青綠色, 肉質柔軟, 少少焦香, 好味呀!!! 再試下蘸埋沙嗲醬, 沙嗲醬好杰身, 花生的香味好強勁, 好味!!! 到豬肉, 都係用金不換醃過, 好香, 肉質柔軟, 少少焦香, 好味!!! 一樣係蘸唔蘸沙嗲醬都咁正!!!
![](https://blogger.googleusercontent.com/img/b/R29vZ2xl/AVvXsEjaIsa3EuTkyzaj5v_NxLohdbzVy5VsK19CQiQJrR-ER4WbgQi4_zRrRXDMqoAtw-BkXGfPqvnahLyIPSajakbDfGl7Th7rrbz_5GW5RaTq-f0ShEyt800JKwcx_z7x6r8l-bMOF_MoLNBL/s1600/DSC_1271.jpg)
焗酥皮青咖喱 (雞/牛腩) $138
-- 其實呢, 無酥皮的青咖喱係平一半, 不過見酥皮青咖喱個器皿咁Cutie, 好想試吓... 我同店員講要"鴨仔青咖喱", 睇清楚, 似雞多一點喎, 嘩咔咔咔... 個酥皮超薄呀, 焗到金黃色好靚呀, 不過味道原來同青咖喱唔係好夾...
![](https://blogger.googleusercontent.com/img/b/R29vZ2xl/AVvXsEgOt9LDdw-lgTToYIhhWMl6V1N2ps2CH6CwJbZxRmdcvYFigvQvWxq_RpIIG6JVorqmgMxTGRKB5_Dr0iWlzyn0JHPPkGPqfNR8C_ZcI0IqGvCHKoDBoEjgFF4Efee15RA-Ao3j1NIFYp6g/s1600/DSC_1265.jpg)
推開酥皮, 入面有好多牛腩, 仲有茄子同青豆... 青咖喱好香椰奶味, 辣得來有少少甜, 好好味, 撈白飯食一流... 雞仔器皿仲好保溫, 食到落底青咖喱汁都仲好暖, 太好味, 無晒飯, 我就咁用鐵匙舀青咖喱汁來飲, Yummy!!!
![](https://blogger.googleusercontent.com/img/b/R29vZ2xl/AVvXsEgaVTQissdQjHUouMgL2ocBVk047RyQ2W3RbX8qupBpb9DH488cm_y1T9EwMrNd2PWPWGDbAptz7HEW8yUcqhP7HALyhdpE3Nw36rBQb32SD3ZAFFg81ar5DKir_4HnHD6S5DA5gcYAttg3/s1600/DSC_1269.jpg)
椰青 $38
-- 好多椰肉, 好厚好結實, 青咖喱辣到我飛起, 好神奇, 飲一口椰青即時止辣...
![](https://blogger.googleusercontent.com/img/b/R29vZ2xl/AVvXsEjdc3LLTV7yw92nLa3FqfAJG05IY-oG4ikYuJ7EFFmabuAsh3Usmr4lPGF6sbbRqySqzvql_r5D_DASxYxDQVtwJfFsZTdg0cccrCPgui_OkTyUPXBlIoVFICHrTVGPwEasqIzYV2tJ4LR8/s1600/DSC_1260.jpg)
埋單3百幾?!! 咁貴?!! 落單時唔知椰青同白飯幾錢... 原來椰青要 $38, 白飯 $14... 真係飲椰青唔知貴囉... 不過食物真係幾好味, 都值得再食...
店員都好似係泰國人, 識講廣東話...
好坐卡位的話一定要訂位, 好似都幾Full...
焗酥皮青咖喱牛腩太足料, 飽到唔郁得, 取消甜品行程... 2個人來應該唔好叫金邊粉, 叫2個白飯來撈青咖喱汁食一流...
味道: 4 環境: 4 服務: 4 衛生: 4 抵食: 4
###
地址 : 天后電氣道86號
電話 : 2571 2287
我想吃那個串燒呢﹗
回覆刪除串燒好得 :)
刪除拜年來喇! 祝你馬年如意, 身體健康...
回覆刪除一*╔══╗╔════╗*Ѽ*╔══╗╔════╗*馬
馬*║╔╗║╚═╗╔═╝*Ѽ*║╔╗║╚═╗╔═╝*年
當*║╚╝║╔═╝╚═╗*Ѽ*║╚╝║╔═╝╚═╗*Ѽ
先*║╔╗║╚═╗╔═╝*Ѽ*║╔╗║╚═╗╔═╝*行
大*║╚╝║╔═╝╚═╗*Ѽ*║╚╝║╔═╝╚═╗*好
旺*╚══╝╚════╝*Ѽ*╚══╝╚════╝*運
祝你馬上行運, 龍馬精神 :)
刪除•*¨♦・゚齊齊.❀•*¨ 從年頭開心到年尾 ¸„ø¤º°¨*Ѽ
回覆刪除恭喜恭喜♦・゚❀•*¨ 天天接福.❀•*¨ 開心萬事得⌒✿╮
初三赤口•*¨♦・゚齊齊.❀•*¨哈哈大笑•*¨♦・゚百無禁忌 .❀•*¨
嘻嘻哈哈°¨*福到◇*°祝福❀*幸福•*得福♦・゚接福⊹❀齊齊忙迎接
¤º°¨*Ѽ我忙吃喝歡愉呢¤º°¨*Ѽ•*¨話咁快是大年初四*°•✿
祝你馬上開心, 哈哈 XD
刪除