![](https://blogger.googleusercontent.com/img/b/R29vZ2xl/AVvXsEjWHtEyJpn7AUd72VmoBeR7QN-rNMPgQRNgzGWlosUjZizz9Mvl8MwJK7VosDVgTHYX16m327FF_eAF2YJ7PXz7leR_2498u8ysABy7p8azK0wOplfQM19AOn7s5-otIBt_Inj5_3hZJZV7/s1600/DSC_0878.jpg)
上堂前同Honey去西灣河搵食... 要為幻想世界繼續努力作出新嘗試哦...
路過梓桐堂, 罕有地見到入面好多人食緊午餐, 行緊一點看看, 門外擺放了Set Lunch的Menu, 午餐大約$100左右, 少少吸引... 再行了一圈, 最後決定返轉頭Try Try...
![](https://blogger.googleusercontent.com/img/b/R29vZ2xl/AVvXsEhhfn622yZg9oYcPmv6cS7D8Q3FKmUOR3aZLm6RvMwshadnydwAwKeT41c9GPSmT0YfFPhyphenhyphenLB2M0eaXXXtL-HGHmUZxanlzVIDcZrq6DtzEvyY8Z5HolFn9h8ev9WpILcdTclGOIg86zhRX/s1600/DSC_0877.jpg)
認識梓桐堂是緣於3年前想學手作仔陶冶性情, 看到陶藝工作室的作品時大感興趣, 最終卻選擇了學微型黏土食品... 後來亦從同學仔口中聽說西灣河有間私房菜好好食, 當時醒唔起佢講緊梓桐堂, 因為總覺得在行人路旁打開門做生意的, 不可稱之為私房菜吧...
餐廳入口擺滿藝術品可供選購... 座地灰色的大圓盤還有小金魚在內暢泳中...
![](https://blogger.googleusercontent.com/img/b/R29vZ2xl/AVvXsEgouXXmIR5o3QqFy6CqQnq4V2cCuZhfyNs5jMTtVfx_rGAy9-qSEIj4DBPJrkr52sGlrBvAiEyL2RVMSoAh4tCR-PBw0LSaubq1wZ7Qc4HSw2N9lVdmlGxk5UTh-2I8ZruM2b9gq3y370Yk/s1600/DSC_0900.jpg)
![](https://blogger.googleusercontent.com/img/b/R29vZ2xl/AVvXsEggpuo2iBaJ49ybm-LHpnLdgI15nv-Yo5USAG8ZCatgY79EucG12PWHeGTMLOOUWKlu0MYEIl-W1l4vL0FYXAKVw0y81QxjX1r62uOsNvLfaQh_QHjl9r5M4rFKtg2FJOIzTrdzBi8XXd5_/s1600/DSC_0875.jpg)
店內的藝術擺設多不勝數, 落單後也要等一陣子才會上菜, 等候期間也不愁眼睛會叫悶...
![](https://blogger.googleusercontent.com/img/b/R29vZ2xl/AVvXsEif_oR2IoquMKMAMX3Ra1VhwljJIA5P_nuGjoicq1OBO3NM6BLvbbkylC4LzfnCrjbs5zLjfNGQROckcZwaZHW6Wp8MPX1654Rsr-YBWJoguSrGg74khvuAaRFTaGKCE0rlx2eXperWzZ5y/s1600/DSC_0870.jpg)
![](https://blogger.googleusercontent.com/img/b/R29vZ2xl/AVvXsEi5d3HfW1gbmU6tXHD23EFozoScyqDd42rb6ab29dJhrLruCPsUj2rHzvywWbSCs5UcX4nYD37bjHUMPdJyeVwph-qIMzj8LWJ4ERKTLHvBnKMBbx_oX_Tg62IJsgEeF7FRVwJBfepC4qUj/s1600/DSC_0898.jpg)
陶藝教室入口在餐廳內, 不時有下課及上課的小朋友跑跑叫叫...
![](https://blogger.googleusercontent.com/img/b/R29vZ2xl/AVvXsEhsz2PEkWiuTxYeLWhsxh3Az9xFfNfRwVhx4n-Lv_JhkyhV7CsrNhT0kN-NnRkYzPrcwi_8hmyandTFL2-MtIZpFczrtwuzegpE51S0_iG-ZUAxmmaswP3YEZRyFjdw_MsoOjCgm9lVexTz/s1600/DSC_0899.jpg)
餐廳外的花圃正是一幅大自然的畫作...
![](https://blogger.googleusercontent.com/img/b/R29vZ2xl/AVvXsEgpoOHW8n90KONnNpj5V712UJOzFplsijh__mWl1KM0RfqNAda6nsoopA3gK_hSA3OPeye1Q9cF3cS5NcxySukJaKvjFn3EvXnYICp7oqw5zgs-N11Hxcja8CAgJOAyu2aY5KfV9DukCvNL/s1600/DSC_0895.jpg)
上海紅燒元蹄菜飯 $98
-- 落單後半小時先有得食, 紅燒元蹄卻只是微溫, 有點失望... 但味道仍非常出色, 醬汁甜甜的, 元蹄表面燒得有點點煙韌, 咀嚼時口感像啫喱, 入口即溶, 平時對此菜色極之抗拒的我, 今日卻出奇地欣賞, 原因是... 沒半點肥膩感!!! 醬汁亦很自然, 不像外面下很多生粉獻汁...
![](https://blogger.googleusercontent.com/img/b/R29vZ2xl/AVvXsEgzBloyZXTjfvG65ss2dLpf99fcjpxFxjIx99tqb_t_cWvty3kpP1qXMRI8iB9HVG26iA-L7ODbBuOabPpsgMcblmCXHKbWRrAvMSHIAZAXhyqgkjzWxpJGkE0ptVVgh4HqIYFsdRyjBN8z/s1600/DSC_0893.jpg)
宮崎黑豚肉擔擔麵 $88
-- 呷一口, 咳咳咳咳... 辣嘅?!! 救命, 好辣... 不過... 好香... 忍唔住再食多一口, 好辣, 要飲水飲水飲水... 但係... 又真係幾好味喎... 心思思又想再食, 個擔擔湯底真係好足料, 杰到不得之了, 啖啖都係花生精華, 有少少似飲緊花生糊, 大量黑白芝麻亦為湯底增添了不少香味... 宮崎黑豚肉肉味香濃, 豬味爆燈... 配菜也非常講究, 嫩中之嫩的豆苗, 雖然只有數瓣, 但已很有誠意... 擔擔麵麵身亦很彈牙, 整體非常滿意... Honey都讚擔擔麵比菜飯出色...
![](https://blogger.googleusercontent.com/img/b/R29vZ2xl/AVvXsEjWHtEyJpn7AUd72VmoBeR7QN-rNMPgQRNgzGWlosUjZizz9Mvl8MwJK7VosDVgTHYX16m327FF_eAF2YJ7PXz7leR_2498u8ysABy7p8azK0wOplfQM19AOn7s5-otIBt_Inj5_3hZJZV7/s1600/DSC_0878.jpg)
餐湯
-- Honey的菜飯有餐湯跟, 平平無奇的湯碗內, 蘊含了... 好好好味!!! 蓮藕湯的味道非常濃郁, 而且飲得出少一點時間或少一點材料也煲不出來, 對我地缺乏住家湯水一族來說, 可謂久旱逢甘露...
![](https://blogger.googleusercontent.com/img/b/R29vZ2xl/AVvXsEiZJUu-BOk5pTSZVDR8QCtOWrfXauac4u6ZukWPlxw7FKkum_6s8nrCdnPMrXWpLw0CLJHGuVsdbszhOZY-p0jVodiqYd9XxOK6Q9b0LGHHMYl0k4x9l7AHMPIPZ6k3xdYHTf7wqkBQeL5c/s1600/DSC_0873.jpg)
套餐甜品
-- 雪耳煲得像快要溶化, 在口中滑來滑去, 紅棗及龍眼肉的清甜, 濃縮於一個少少的杯子內, 不死甜, 好好味, 暖暖的溫柔地滋潤我乾涸的身心...
![](https://blogger.googleusercontent.com/img/b/R29vZ2xl/AVvXsEhHuBgF0FVIiyWPhGpVNhIxwv7oi6Kg0huGxkVKItHlMQow6xQAuNZr2PgKYYIgrjK6l_2Q1AmWQLukqGr5uCiYYkGxxduOPnNIVQ4S5Mfmv3Dp4t9euz54bwHrgkWtvJCRVD-LsM0VJtdd/s1600/DSC_0894.jpg)
服務員小妹妹顯然非常生手, 有點怯場, 但態度正面又有禮貌...
廚房顯然慢工出細貨, 但食物質數的確能抵銷出菜慢的缺點... 當然, 係因為我地今日唔趕時間先抵銷到, 嘩咔咔咔...
環境就更不用再說吧, 有圖有真相, 充滿藝術氣質, 古典優雅, 不落俗套...
吃罷一頓優質午餐, 心情也特別好... 沿海濱長廊散步到太古城旁的鰂魚涌公園, 赫見一片近日鬧得全城熱烘烘的紅葉, 不過是另類的紅葉, 哈哈...
![](https://blogger.googleusercontent.com/img/b/R29vZ2xl/AVvXsEhvH6uchLlZEwV9FZb-qH5DA7xvyJ1dorZ4BFhHzJdMoke4X-6R91sBRq_DYpxFg1GEj5AdOltjZa2aSEsMQmlB9_Xrqv6uk6WToK0iJrB-9pL5am_AVX_GgZvt0wZH4kQHalHyQ5y61gkX/s1600/DSC_0903.jpg)
是次每人消費約$100元
味道: 5 環境: 4 服務: 3 衛生: 4 抵食: 3
###
地址 : 西灣河太康街45-47號鯉景灣B座GB-27-28號舖
電話 : 2527 3448
沒有留言:
張貼留言