![](https://blogger.googleusercontent.com/img/b/R29vZ2xl/AVvXsEj2vLTFqtiJ4dFiDy6ca_TST-T_3VJixEA79oDg8GbNpN-bncdWuLDJowIXGNmKfdAEJ2akVPZjT-_doP3cpvrm9rkUo86oqT9S_u1671Q7eDksVgQ48BwF9kF0lzukOzuDnqb_scAi324K/s200/DSC03734.jpg)
2位阿姐話要試太子新開的龍躉宴, 4千蚊1圍 (未計加一茶芥), 嘩!!! 咁捨得?!! 大家見有鎮店天九翅食, 是但喇, 捨命陪君子...
事前訂了位7:00PM, 後來餐廳方面又話要分6-8PM/8-10PM, 6PM太早未齊人, 只好揀8PM...
8PM前我地已經係阿姐屋企舉行了快速而簡單的聖誕禮物交換儀式... 我親手裝飾的Happy Snowman Cupcakes都OK受歡迎吖, 呵呵...
去到餐廳門口, 要等, 之前枱客仲未走... 餐廳裡面唔知係咪得2張大枱, 係正大門口魚缸旁, 路人可透過魚缸清楚看到店內的情況...
等候期間, 無所事事, 小朋友就最開心, 又要同大魚影相, 又要睇阿拉斯加長腳蟹同龍蝦, 唔夠高睇麵包蟹仲要我捧起佢, Arrr... 我條腰呀!!!
![](https://blogger.googleusercontent.com/img/b/R29vZ2xl/AVvXsEiDw83ZOEg_QmEUYkHQk4-6gcGFPOUBJxT6ZacCBxZw5qMIzes-RB1KJxcjDB6bQz8RbxwrsSEn3FpqzvNThXS_-iPP93BEgpUNH66_SQYdp_A8repLT0-UmIEdt4-qNG6IDVfjTJX-ojT8/s640/DSC03720.jpg)
有圖有真相, 2位阿姐Whatsapp給我們看時, 千真萬確, 清晰可見, 鎮店天九翅!!! 就等我帶大家見識一下佢嘅真身!!!
![](https://blogger.googleusercontent.com/img/b/R29vZ2xl/AVvXsEj-mvYbfud2QEbUpRmTTRo4Cbec8Afc0MU6X2C476XDQslIWiPRj8zltVc1y6DnjVSdOAdLV8ReujW5ySWpaZoVUzrtQbC0o6OqtdYsCjOVnTwIWSGr1Slu3fxuNi88lH0PKx8uKL-KIcV6/s640/IMG-20131202-WA0000.jpg)
野生石斛燉煙斗骨
-- 第一味已經係湯, 仲以為係金沙骨做前菜之類... 用龍躉的九節骨+雞腳+廋肉+豬腱石斛燉, 清熱解毒, 味道甘甜, 湯渣多得緊要, 好足料...
![](https://blogger.googleusercontent.com/img/b/R29vZ2xl/AVvXsEhO2YByYAhXykHNPx1IxAkSWBe9osx4t7UAWYl0n1wNjZvCdOU_lTjLHnWfCdIKPzuLG_83ujlP1MvtwybjLrcqsnYOYcLAaJxxmqEcoDUIfHw8ldGhKnuWLeR8uZ-7zr1rdOhgQ13f-HQd/s640/DSC03726.jpg)
XO醬爆珍菌聖子皇
-- 一般來講, 貝類海產我都唔適宜食, 不過... 今晚要豁出去喇!!! 聖子皇好大隻, 爽脆彈牙, 好鮮味呀, XO醬非常惹味, 食到唔停得口, 好彩第2日唔使去睇醫生啫...
![](https://blogger.googleusercontent.com/img/b/R29vZ2xl/AVvXsEi0IwbQIU_hvHuDcGL1iyWUENGDfxaV6oSbNX_QbIWhteYwfhWTzkHCdhWejyU_Y1a-c95olVyasI4-uMGudP7SP04c7S5UBBONfHicF-WB9odFEkL6eR_eHeqrZfHo1OC7IO64PtqacwS7/s640/DSC03731.jpg)
砵酒脆焗龍躉球
-- 好地地的健康食物, 點解要拎去炸做唔健康食物呢?!! 炸漿不太脆, 有點腍, 龍躉球好滑溜, 但有骨, 比幼童食的話要小心一點, 砵酒做得出色, 甜甜的酒香, 令整道菜生色不少...
![](https://blogger.googleusercontent.com/img/b/R29vZ2xl/AVvXsEhJhyphenhyphen1ZjspS_P3Ba5IgIsLltD_b1M78fmyYw5BexVuDtZUIvznKojlty5os9moHhPyPCpm5Qvxp0ug0pSLta5AzqgTOlvIVkkJFCMAkzpuoDqqfQTF-hFvS0VCdf4rgHngtuNr_oNBqs_qW/s640/DSC03732.jpg)
鎮店天九翅
-- 上天九翅時, 大家也呆了!!! 天九翅唔係平時去飲, 撈少少醋一齊飲的湯羹嗎?!! 點解會係煲魚尾?!! 訂枱的2位阿姐找職員問個究竟, 對方一味話啱... 有點被騙的感覺, 大家四目交投, 居然無人發爛, 想必只因大節當前, 一家人想吃得好一點, 不想掃興, 無奈下, 略過了... 平時只吃魚尾的我, 今天不太想吃, 只吃了1-2口, 心裡不爽, 吃龍(躉)肉都無味, 醬汁味道稍濃, 像平時吃到的栗子排骨煲, 吃魚我都係傾向鍾意清清地...
![](https://blogger.googleusercontent.com/img/b/R29vZ2xl/AVvXsEj2vLTFqtiJ4dFiDy6ca_TST-T_3VJixEA79oDg8GbNpN-bncdWuLDJowIXGNmKfdAEJ2akVPZjT-_doP3cpvrm9rkUo86oqT9S_u1671Q7eDksVgQ48BwF9kF0lzukOzuDnqb_scAi324K/s640/DSC03734.jpg)
珊瑚蟹蓋蒸龍躉唇
-- 終於有清清地的蒸魚食喇... 龍躉唇加蒜蓉放係蟹蓋上蒸, 蒜蓉味強勁, 龍躉唇好重膠質, 咀嚼時感覺粘粘的, 間中吃到好香的蟹膏, Yummy!!! 不過... 隻蟹蓋... 會唔會係菠蘿炒飯個菠蘿的朋友?!!
![](https://blogger.googleusercontent.com/img/b/R29vZ2xl/AVvXsEiMv1P04-ljOqzaNoafXxm25EWKIksJknWZG22415ojsNn5dHKchU8BqBLvZNXvqj4ONUidVlevbuwXsntvtNGEJ6SmplvJQWn7ie7PabKO9GpnaAj_fqc3x6b6-5X4S_cGk174FLZ4OVKI/s640/DSC03735.jpg)
石窩葱燒龍袍 (真身 : 石鍋醬燒龍躉腩)
-- 上菜時見有個石頭飯咁嘅窩裝住, 又有幾條葱, 問上菜阿姐都係一味話啱, 咁正常都照食啦... 感覺係... 好油囉...
![](https://blogger.googleusercontent.com/img/b/R29vZ2xl/AVvXsEhRn0bzuT1BhpzrexkYydQ477QXawJZGc9ugV5C64YqKIzp-KzDqDgCMOtXUKdkZluG5Mwe5zlxOBjQw48TYfGxI6N6XXN3Wf9XNC6h6J6rQQMsghx6t6386F15PflGEbJHH3FB8ARyc5gK/s640/DSC03737.jpg)
古桐麻香雞 (真身 : 石窩葱燒龍袍)
-- 理論上應該得返雞同菜, 睇個樣又係魚咁嘅?!! 問上菜阿姐都係一味話啱, 今次問多咗1-2個職員, 都係一味話啱... 無奈下咬一口, 又係魚, 不過係好厚好厚嘅魚皮, 成片膠啫喱咁, 味道都唔錯... 我已經食到有點反胃, 全餐都係魚, 我真係唔慣... 正當大家高談闊論緊《商品說明條例》(香港法例第362章), 真係忍唔住氣, 再問第4個職員, 終於話我地碟雞未上!!! 吓?!! 之前幾個職員都堅持指魚為雞喎!!! 咁之前果碟又係咩呢?!!
![](https://blogger.googleusercontent.com/img/b/R29vZ2xl/AVvXsEiPF-D_uhBXGdGgTztCNb3UQVLUyoCrtO3bU_mfzEWe97gj20RtT-yvf0qWZA42EYEK9eUQ2Li1pkJHXyyJEUbbPIw3NSVwf9pUudSqVcDMzVJX1gcOx7sgWWshDiSrGg_dYvTu2xX9l_KY/s640/DSC03741.jpg)
古桐麻香雞
-- 佈滿油淋淋芝麻, 雞皮炸到比古銅色更深色, 望一眼都飽, 食一件, 咬唔開, 好韌, 結果, 得2個姪女同姨甥女肯食1-2件, 80%打包走, 無人肯要, 當然係迫住得最近果個打包... 相信係炸得過火了, 未知是否與近日H7N9疫情有關, 炸熟D, 炸死D箘, 等大家食得安心D...
![](https://blogger.googleusercontent.com/img/b/R29vZ2xl/AVvXsEglHw9VPOYw7yK1zku8iBnHhx3WR5mnpq4YLlzF1v0HxpO40OER9QBCkfZDTdFaDdku4bEZLE7TKH6bpJYEo9PobCd_cysRGu0JF7vzhSWms8nOLWnv2sKKoAm-5GiEO02jDA2Q4JoV4O6Y/s640/DSC03744.jpg)
荷塘素燴
-- 食咗咁多舊魚, 終於有其他食物落肚, 即時覺得好味D!!! 豆苗好嫩, 真係抵讚!!! 仲有黑木耳, 車厘茄,草菇, 銀杏, 食咗咁多炸魚之後, 個人即時Green返!!!
![](https://blogger.googleusercontent.com/img/b/R29vZ2xl/AVvXsEjqLz6l4R4Bl-L5RrZzosVWjPAgzeaS920rOEFLqY4GPAiLbXXTCP39yrovQ1yegfMx_W-i3ArB_-C_0Vn16ZIFPCTGTfP6nsIDIIUwGzS6OZsuw3RbjQFxDFNLPFwk_QS6qYYK5fzrcsP6/s640/DSC03747.jpg)
西施龍肉泡飯 (真身 : 魚子姜蔥蟹皇炒飯)
-- 根據我嘅飲食記錄, 泡飯, 係應該比湯浸住, 呢碟似係炒飯喎!!! 又問上菜阿姐都係一味話啱, 食咗一半先彈個職員出來話比錯, 但無打算換返個泡飯比我地, 似係早有預謀!!! 不過, Honey話呢個仲啱佢食, 魚湯泡飯佢一定唔食, 我都覺得呢個炒飯炒得好好味, 乾身得來又夠香口...
![](https://blogger.googleusercontent.com/img/b/R29vZ2xl/AVvXsEjD5mWKhfKQungDnqtCuYsAu594E06lkxLJj4ksLXcjlNFaIfIMOFJqxM79-xEh-jve9usN_q-xf_WGKNYk7By-Zy_Uqas8VwB3ygQhUMhKQ0kLTHKQ8ui2AOEofTDadE5i7H3KrGpESmYr/s640/DSC03736.jpg)
生磨蛋白杏仁茶
-- 今日自知, 口味都有遺傳!!! 原來阿媽同2個阿姐同我都Dislike杏仁茶, 連姨甥女都一樣!!! 我夾硬吞咗一碗, 其實都煲得幾好, 杏仁真係生磨同埋真係有蛋白花, 好飲過出面飲到的味精杏仁茶好多, 不過都係比個Dislike!!!
![](https://blogger.googleusercontent.com/img/b/R29vZ2xl/AVvXsEjnuOGmOk2MtaYlrXfsfznbzyHvc3FDcaNT4WZBi9jXpZNnGN4OgsBIFxmtulcbVMj-iTiriSElKoU3uaIjwXHks0nGnpA1YmdPr7fZhoyEPb-9JVwgbHwQkQ9icuQKjfSTCKWOIavE6n9q/s640/DSC03749.jpg)
敬送2011年智利紅酒一支...
![](https://blogger.googleusercontent.com/img/b/R29vZ2xl/AVvXsEie1sJTQrXkCq4YTQfrJ28sgyGDWGnSKyz7BZWB1a4u3MVECnUuClAp4mdx6vnf_ijrlm0O6HmVGyOXjYBu5-EGQNw1TBjOdtmHeraAObXblGL-pxQaqojVBTajuX5xGffab4wyQBICYHva/s640/DSC03723.jpg)
Honey成晚笑話去咗麥兜茶餐廳, 上菜阿姐10碟問佢9碟, 碟碟都話係, 碟碟都話啱... 雞即係魚, 魚即係雞, 無色無相, 四大皆空!!!
從現實世界返回虛擬世界後, 先知道原來間餐廳好出名!!!
9月果時有位仁兄, 救了極度瀕危玳瑁一命, 原來正是餐廳老闆!!! 發現新大陸的我, 即時同Honey講, 點知佢話餐廳門口貼晒出來啦, 你睇唔到咩?!! Arrr... 我當時做緊苦力, 抬緊姪女睇加菲蟹吖嘛...
又原來, 街坊廚神食四方都有訪問過, 我真係唔知囉...
再原來, 幾個月前好多份報紙雜誌都有報導過龍躉宴, 真係寫住鎮店天九翅係炆龍躉翅!!! Arrr... 其實多日來我一路都以為係騙案, 點知原來人地一早報導晒, 只係我地無做Research就走咗去食...
坐巴士返屋企時, 都有驚過會中雪茄毒, 好彩隔咗幾日都無事... 跟手又諗到龍躉瀕危, 罪疚感BaBa聲湧出來... 龍躉宴, 一生人食一次就夠!!!
是次每人消費約 $370 元
味道: 3 環境: 3 服務: 2 衛生: 3 抵食: 2
###
地址 : 太子荔枝角道127-133號D&E舖
電話 : 2868-9863 / 2868-9865
Happy New Year! Wishing you & your family a wonderful year ahead~
回覆刪除See ya next year :D
Happy New Year!!! Wishes you a happy 2014!!!
刪除謝謝分享!..✫¸.•°*”祝您˜˜”*°•.✫ 新年快樂 2014
回覆刪除☻/ღ˚ •。* ˚ ˚✰˚ ˛★* 。 ღ˛° 。* ° ˚ • ★ *˚ .ღ 。
/▌*˛˚ ░H░A░P░P░Y░ - ░N░E░W░ - ░Y░E░A░R░ ˚ ✰* ★
/ \ ˚. ★ ˛ ˚ ✰。˚ ˚ღ。* ˛˚ 。✰˚* ˚ ★ღ ˚ 。✰ •* ˚ " ✰ ✿ ✫
祝您1生1世快樂!!!
刪除新年快樂!
回覆刪除一切順意:-):-)
新年快樂!!! 健康吉祥!!!
刪除祝新年快樂, 也祝你有美好的2014年!
回覆刪除新年快樂, 影多D靚相!!!
刪除