網頁清單

2013年12月9日 星期一

港澳義順牛奶公司 Yee Shun Dairy Company : 座椅唔係設計比成年人坐


29 November 2013, Friday


食完新斗記都10點幾, 闊太Call Taxi速閃, 餘下「台山四寶」繼續覓食... 飽係好飽, 但好想食甜品...

慢步至義順牛奶公司, 推門一看... 嘩!!! 爆滿!!! 轉身走, 職員即時話有位, 迫我地坐落其中一張4人枱, 對情侶亦比佢地極速迫走...

問題來了!!! 張枱細唔在講, 張座椅細到唔係設計比成年人坐, 勉強坐下就膝頭頂膝頭, 身後客人與職員不斷穿梭, KaKaMa比進入客人的手袋撞到慘叫, 咁嘅情況, 無可能傾計, 極速食完即閃...


冰花燉雞蛋 $21
-- 個賣相勁唔得, 中間裂開, 睇落已覺嚡, 蛋香亦不足, 有點失望...


KaKaMa的馳名雙皮燉奶 $27...


貓兄同龍媽的巧手薑汁燉鮮奶 $28...


又貴, 味道又麻麻, 環境簡直... 相信95%不會再來...

眾人又開始想當年... 哈哈... "老"友聚頭總係要鍾意懷緬一下過去... 佢地話上次「台山四寶」澳門喪食一日遊嘅燉奶好多多聲...

唉... 都話囉, 回憶總是最美好的!!! 我地之後D D B 澳門「食食食」一日遊の義順牛奶 不知幾嘔電...

是次每人消費約$26元
味道: 3 環境: 2 服務: 3 衛生: 3 抵食: 2
###
地址 : 佐敦庇利金街63號
電話 : 2730 2799

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

笑料一則 : 剛才係新斗記唔知點解夾錢時多咗張100蚊出來, 搵唔到誰是物主... 到而家義順夾錢時又多咗20蚊出來, 今次, 我袋咗, 嘩咔咔咔...

係門口接收神秘20蚊時, 鬆咗手, 飛走之際, KaKaMa同我只係驚叫, 路過的外籍少女一腳踩住張20蚊, KaKaMa幫我執起, 向少女道謝及道別後, 我問KaKaMa"喂, 究竟佢踩住邊忽", 接過張20蚊紙後, KaKaMa建議我係前面麵包店用咗張20蚊, 咁我就買咗硬豬同菠蘿包...

第2朝食菠蘿包時... 嘩!!!!!! 入面真係有菠蘿o架!!!




[ 拍攝器材: Sony Xperia™ Z1 ]

3 則留言:

  1. 自從澳門大搞賭場我無去過,
    見好多從前美食都走哂樣,
    又懷緬過去!

    回覆刪除
    回覆
    1. 由從前的精緻溫情小食, 演變成現在的粗製濫造!
      以前都會一班C9朋友柴娃娃咁約埋去掃街, 而家根本唔會想去 :(

      刪除
  2. Ken & Merry 你好,

    SeeWide特搜網是一個全新互動生活分享平台,集齊各地遊山玩水好去處及講玩講食,讓大家分享不同生活體驗

    你的網誌十分切合我們網站的主題,內容及相片也很有質素,請問可否讓我們轉載網誌內的相片及內容?(會注明出處及不作改動)

    我們的目的,是盡力網羅優質的相片及內容,建構一個屬於香港人的講玩講生活平台,並分享給一眾志同道合的網友

    希望你能成為我們平台的一份子,助我們更有效地集結不同好玩好食之處!

    另外,我們設有「稿費」制度,文章獲得本地瀏覽量,即可兌換稿費!

    迎新推廣,每100本地瀏覽量,可獲高達HK$1稿費;我們亦可以你的名義,將稿費捐到香港宣明會,或你指定的慈善機構
    詳情可參閱:http://www.seewide.com/space.php?do=help&essay_id=22#001
    如有任何查詢, 歡迎電郵至: info@seewide.com

    回覆刪除