![](https://blogger.googleusercontent.com/img/b/R29vZ2xl/AVvXsEhcniR7EANkr8w78Psn6nG3YquNYJ6ExuDHUv0skiO7ac2MWlTKfnRMhqAKcTbU3Q5OtlU0foGWt7Urw4q5MYHDMdwbn3K96DDy-2w3fBb49fPfXZJ4_-5tHbOZZqE7XF8qCUmiAb3jGPuJ/s200/DSC03526.jpg)
今天已吃了一頓失意午餐, 希望晚餐不要再多踩我地一腳啦...
訂枱時職員會問是否慶祝生日或紀念日之類, 我問慶祝紀念日有何優惠, 職員話無, 有公仔炒飯...
原先訂了6:30PM的枱, 計劃Lunch與Dinner之間看電影, 可惜聖誕檔期前夕, 沒有什麼大片, 早前想看的亦已落畫, 勉強可看的, 地點與時間亦不理想, 最後提前6:00PM到來, 一個客人也未到...
![](https://blogger.googleusercontent.com/img/b/R29vZ2xl/AVvXsEj8NGbT11MkxsH4mjMC6SP9nXcW-4pXUOhzzSd-UJykV5cJWLTkOvsvQT20dqBtJmrhEwwiiSZYtnTtPyA62X7FakU5eb5zn2eBAhmdfJS1G0dG2Q2CevWTZAQlcOUSjWJsYsoc7pRrEZUi/s640/DSC03400.jpg)
門外掛上色彩斑斕的和服, 手工精緻, 不禁註足欣賞...
![](https://blogger.googleusercontent.com/img/b/R29vZ2xl/AVvXsEimpb9jtxrC_TvbaVj4iqrB8DyqJIBRTNds5OYB1ZSnwaT5udIu1ilNyZuMPMYUeREBmTEzLGJWsj3W1oG1eqkn0k9YLf3qyDAnNjcEyg0p4C46O9XZvU4Mi86mCLU3j2tZPlIfP9QtizCX/s640/DSC03399.jpg)
餐廳內的裝潢走簡潔風, 卻滲出濃濃的日本味道... 大大小小的鐵板區, 我地坐的小鐵板區可容納7人... 較大的鐵板區更可容納十多人, 晚一點到來的一群商務客將大鐵板區填滿了, 好不熱鬧... 嗯... 佢地唔除西裝, 唔驚吸晒油煙味嘅咩?!! 雖然呢度的抽氣系統都好強勁, 但當所有鐵板區同時全力開動時, 都有少少油煙味...
![](https://blogger.googleusercontent.com/img/b/R29vZ2xl/AVvXsEhwwGZtmzek4vGALrk7Fd5fMrHlbET87rqDMAahWp1NyyVY0NbvwatsDM-hkP_wVlh-7dsmQ-8wpulXcdY3Eslfk2XLbHmMt-wlh73Izzn503nOk20xKXmOVNSnzIgC7l5x7c0M2wbHgXfi/s640/DSC03401.jpg)
二人前套餐有2-3款, 我選了"秋田"二人前套餐 (每位 $638), 其實只要加多幾十蚊, 銀鱈魚柳會升Lev為鮑魚, 十分超值, 但我N年前係北海道食過一次"舞燒鮑魚"後有陰影, 要親眼睇住活生生的鮑魚在鐵板上掙扎至死實在太殘忍, 況且鮑魚難消化, 好彩無叫, 今晚食得好飽, 滯咗幾日, 食埋鮑魚肯定滯上加滯...
"秋田"二人前套餐包括季節沙律、活伊勢龍蝦、香煎頂級鵝肝、銀鱈魚柳、澳洲頂級和牛薄燒、招牌秋田炒飯、炒野菜、龍蝦麵豉湯、精選甜品... 超級豐富!!!
年輕靚仔廚師出馬!!! 手上捧著龍蝦及2隻蛋... 原來隻龍蝦仲識郁, 不停係度抺嘴... 喂!!! 你就來成為我的晚餐喇, 抺咩嘴喎, 係都係我抺啦...
![](https://blogger.googleusercontent.com/img/b/R29vZ2xl/AVvXsEgXfx_MjK1QqirG44qkCsmU9U4_XpMWRcfDpthw88bR5IXe-x_LrfI1q7xQyaJG9IXBrVz24s9H5cKJfgFw_iAvd85O7qD9PFMwMfFTqXXaQoLyCyQ1t3KTU2J2X5PKbysMl80CGpDlwSXt/s640/DSC03406.jpg)
季節沙律
-- 廚師準備期間, 先吃吃蕃茄沙律, 蕃茄切得相當厚, 用蕃茄扒來形容也不為過, 配上開胃可口的芝麻醬, Yummy Yummy...
![](https://blogger.googleusercontent.com/img/b/R29vZ2xl/AVvXsEgbnCDGBnxEW1KZ0HF9puVsJlosRKkRyb7G1XMIHvNMyptdRSsZ11sZ4ziK5kjvYopVaZz70JWV3mmJbFa_u2GlvE5CE7Kl6oAcm4fR8iMQgJJ6VHl5y8YNJ3-rOYYL1p9uawVt7iihd0s9/s640/DSC03404.jpg)
服務員奉上小吃... 香甜的銀魚、微酸的蕎頭、鹹鮮的牛蒡, 邊吃邊欣賞廚師忙著蒸蛋, 想得週到...
![](https://blogger.googleusercontent.com/img/b/R29vZ2xl/AVvXsEjxMtRV63_WLSXztgwKmivu9I0bZz4aOrN5LHBb4t6EA7WunHPI08v6TGmDjkg0tb36ch2L7yAKZLhZGzEfxXdSO6qW4GspssZjwbh2zeHv434zl8WYUJ_zC_5_D8fSqgyagAM30QsNv_PU/s640/DSC03417.jpg)
鵝肝蒸蛋
-- 廚師將鵝肝煎香, 放入蛋漿內, 加點水在鐵板上, 蓋上鑊蓋蒸熟, 更不時用手Chok下隻蛋用眼去Check下熟的程度, 完成後再加上黑魚子, 鵝肝的油香滲到蒸蛋內, 又香又滑, 好好味哦!!! 我超低能囉, 初時唔知係蛋漿, 以前廚師想煮流心蛋, 仲同廚師講話要熟D, 好大鄉里呀!!! 嘩咔咔咔...
![](https://blogger.googleusercontent.com/img/b/R29vZ2xl/AVvXsEh4EZkXTFQOChkgbE_7OtngHZhUcJrLdAOpDGxWKpzD_UYUnySzdfIvWcbn0TZ8LNvO_sqdi_3BrW2Muf5MjFAcvrJsljRggdgOR-vWQsOOVctN-w8d4SSMUMLkJPc0B0HwJOrJ0r85gJmR/s640/DSC03408.jpg)
活伊勢龍蝦
-- 好生猛的伊勢海老, 廚師用雙手將佢按住係鐵板上, 海老兄仍然數度嘗試來個蜈蚣彈, 嚇得我閃轉身叫了出來, 超低能, 好"火羅"呀, 嘩咔咔咔...
![](https://blogger.googleusercontent.com/img/b/R29vZ2xl/AVvXsEiWfoqFS5O3BFkdvyfqADTfKXzG1EXTrWtV4M_AL_MlusYKGvcPGiI9JoV-2-1FgKEk6_VBxkUzGSnLzcP7CMoiO9vO2p8hYvXNcwCldXWde_gdW09-9x_C2qBMEz7IgfP9bdbck0_tPKPR/s640/DSC03409.jpg)
廚師將海老兄分身後, 將龍蝦頭內的蝦膏挖出, 煮成馥郁香濃的醬汁, 好好味哦...
![](https://blogger.googleusercontent.com/img/b/R29vZ2xl/AVvXsEjozVxh5JDauHorUC83sdMmsNYJeb-B8fojrnL54XyEct6hOvqEk-7Wqzd8kw3fulRZQuQUzzzsfoacT4W073q5_p_qPACyMouz1awh0E8SQ0o9MXzrza7TTHAxVdwmmNAoATcIV7G1HmSL/s640/DSC03478.jpg)
方才仍紮紮跳的海老兄, 一煮好即時放係面前, 熱呼呼的, 會有可能不好吃嗎?!! 爽脆彈牙是必然的, 鮮味十足是肯定的, 馥郁香濃的龍蝦膏醬汁才是亮點, 將龍蝦肉的甘香鮮味昇華, 太美味啦!!!
![](https://blogger.googleusercontent.com/img/b/R29vZ2xl/AVvXsEiekezfUsVx7YuEdBdEaaIN5t4bDS5SAL1afYx0r0OR2xWFvaDAbDacFFeN1KnwPD-Kx6hMsuwukEk7ks9etldeVierynwzd68w0Wotx2hjqC8sQXez3mSBy8SUG1Lqh0HBWZ0lvKLBJcr8/s640/DSC03425.jpg)
Show Time!!! 廚師準備將燒滾了的酒灑到龍蝦頭上... ♫ 令我呼叫, 令我心跳, 是你一個燦爛名字 ♫
![](https://blogger.googleusercontent.com/img/b/R29vZ2xl/AVvXsEia_HU6iIzL79Ssj1wUPnHXBPmw5MyDkKuq-_BvTyBy85ZBGyz3n-vrcUOcjQO_ODw0QyefvgICK3jKqYqUgON12KryaDKL2ZOL5e8CN_2wXZv6EMIaJ9RDGVJMySsLHT9hwCdOsKQgjVQX/s640/DSC03438.jpg)
溤!!!!!! 嘩, 烈焰衝天, 好驚呀, 搵位閃先... 拍緊「烈火雄心」龍蝦版呀而家?!! 心跳加速-ing... 廚師甫出場時, 我已留意到佢手背有燒傷痕跡, 台上1分鐘, 台下10年功, 輕鬆演出背後一定付出了很多...
![](https://blogger.googleusercontent.com/img/b/R29vZ2xl/AVvXsEh9JSjq4iTpx0Cte-Xp0KXp7p4G2pHnOYzMLWe2KyUcW3uVAm6nhWxI083pCIq7_yBg6pcL271z5sLPCyRf1mQq-zl6gD34choM6hHTkLETPsInkjzVXL41Kw-KK7LHHOaKJvtohm9Y7gox/s640/DSC03462.jpg)
我驚魂未定之際, 同Honey講張相可能有少少朦, 影唔晒D火, 廚師聽到即刻話再來多一次... 吓?!! 再來?!! 講笑咋嘛?!! 說時遲, 那時快, 又來了!!! 好驚, 但又扮鎮定, 今次一定要影張靚相, 以免辜負廚師一番心意!!!
Hmm... 其實有人驚咪同廚師講唔使Encore咪得囉, 但佢又要貪小便宜, 典型C9無得救, 哈哈...
香煎頂級鵝肝
-- 同多士一樣厚的Blink Blink鵝肝正在向我地招手, 好邪惡呀!!! 靈魂不斷發出"危險"警號, 但肉體已不受控, 伸手去攞起煎鵝肝慢慢放入口一咬... 嘩!!! 鵝肝表面煎得焦脆, 鵝肝甘香豐腴, 油潤幼滑, 鵝肝的油香在口中盤旋歷久不散... 噹... 噹... 噹... 噹... 幸福的鐘聲響起了!!! 好好味呀!!! 好幸福呀!!!
![](https://blogger.googleusercontent.com/img/b/R29vZ2xl/AVvXsEgfydDwYlN8V5Cnhv0bgKNwnJWrKfbpy1kDYxazMSmxoJYqLweD9e-V9FomvfwD97IKyPxe2KkILRo7C0BLrRj5Ay6eB22-bw2rvodvYwJVESRsBcweBGFasmZLxfuK2zHIVWVFT7aMce79/s640/DSC03473.jpg)
返到屋企幾粒鐘後仍然回味, 亦不斷Repeat"好邪惡呀"呢句對白... 天使與惡魔之戰, 誰勝誰負, 不言而喻...
銀鱈魚柳
-- 銀鱈魚柳表現略遜, 魚肉滑溜, 魚油稍為不夠香, 重點係無BB醬蘸, 嘿, 呢個係我地嘅癖好... 廚師可能太年輕, 不知BB醬為何物...
![](https://blogger.googleusercontent.com/img/b/R29vZ2xl/AVvXsEgNjfucHYKnT0SzjS6jBPtwCLT5XX5GZgogGRRWKhI10Rj9YSyzANfWjpqHkH6YjVfz8sNfBQSCOf9ZcbFeeBDAARIFXXTW7NvCPB6vY3A-Wj8wjzY6B9d-xPeftODb44Yf1ZdDHR-Cr471/s640/DSC03469.jpg)
澳洲頂級和牛薄燒
-- 澳洲頂級和牛雪花分佈均勻, 好吸引呀!!!
![](https://blogger.googleusercontent.com/img/b/R29vZ2xl/AVvXsEjEzBT18ZB_STIDGEXBxY-LP53d9cPH5fDYr_hdCll4EqvfgYc9FzeRRSuX20FzVx57TW3LtNDWBogR-9clg7FrOGJ7j8kJ7Rf084DxvP9zRncbasU5vw9RF_ZPpXD3nfRzN-_h1pEVBDJf/s640/DSC03482.jpg)
生蒜片要連續炒數分鐘直至金黃色, 都咪話唔手軟, 要用超多油先唔會黐底, 跟住又要隔3次油, 都幾繁複...
![](https://blogger.googleusercontent.com/img/b/R29vZ2xl/AVvXsEhNEOozU2uUiXBFbrXHTmYoIHtiHuNaAIhwOp3qVJmjOims-4pJeUKSr6DV2tY2Vd1pjTCw3q_n6Wj1gTskotjlRnINvr2S8DR_ygDLOFMiZcSMpBYkJFcdX2jjNvv4gZi54LKa2ktsP4Tl/s640/DSC03484.jpg)
加蔥花再炒一會, 廚師三兩下手腳就將澳洲頂級和牛薄燒捲好放係我地面前, 本應我話要全熟, 但廚師話無人食全熟, 多數食5成熟, Arrr... 好啦, 試下7成熟啦...
蔥蒜炒得好香, 配薄牛肉真是一絕, 滿口肉香, 油而不膩, 我好食多幾件呀!!!
![](https://blogger.googleusercontent.com/img/b/R29vZ2xl/AVvXsEjHxkIdkolF3VybOZPEYfC43fNNF8xRjm6CR50GbZH4xd6dpaR6e4WBdrfgWxPG8IrvUgdPMlwBDBuRbl6lNCSfSNY6FdhOHLntu8j1sr1XWx_3SQ5H3fdSjGZarhITQiRhTwbHs8-xvmpO/s640/DSC03496.jpg)
招牌秋田炒飯
-- 今晚的戲肉, 公仔炒飯!!! 先來Blink Blink眼, 然後是包包面...
![](https://blogger.googleusercontent.com/img/b/R29vZ2xl/AVvXsEhK8Cpnk8TJBcsaaXt75B8TOQ7blWSXP2LIyp6IILNUH7zJWmipGssT2BI81ib7bf7XQ9Shyd_NGxZoFOvUieWDA1pmmzLIA-Ydy2n8lGUF38crqsU3hJszeLrLUif4_FtvS-J6zVt3Gs2X/s640/DSC03509.jpg)
接著是紅粉緋緋的面珠仔...
![](https://blogger.googleusercontent.com/img/b/R29vZ2xl/AVvXsEh_EjT2iHaL5l2_DUwxD05Qj5q5jjbqYDxpOpEDAakrIbT2HliJFIs6no7zo0vrdJUL5x4x4EU5SwLUsNygUfB3ZT8IBmIjkFlyZHzrtbeUavTMGaLajh3F-mwsY_Td9V9w0Za0tCAiOL5Z/s640/DSC03515.jpg)
加上耳珠仔... 呢一刻係最Cutie...
![](https://blogger.googleusercontent.com/img/b/R29vZ2xl/AVvXsEitjIJAUAalAEhjgRW32BDZcj7Llt7vww05cZ4LjGjmrf7LAsTIPhIV-VcXJWN0sBY_d30ayA1ywK4whg6Uy3RRKaK2x-V5rHp-XY2vDqaVKQBHyhQbLvn7_0ZItj9I2F5-eFSgL4olkcRZ/s640/DSC03519.jpg)
加上珠唇後有點跌Watt, 哈哈... 再附上粉頸... 足足用了15分鐘才完成的大制作唷!!!
![](https://blogger.googleusercontent.com/img/b/R29vZ2xl/AVvXsEhcniR7EANkr8w78Psn6nG3YquNYJ6ExuDHUv0skiO7ac2MWlTKfnRMhqAKcTbU3Q5OtlU0foGWt7Urw4q5MYHDMdwbn3K96DDy-2w3fBb49fPfXZJ4_-5tHbOZZqE7XF8qCUmiAb3jGPuJ/s640/DSC03526.jpg)
廚師果然能做出任何公仔, 我只係比咗張公仔圖佢睇, 佢就做到出來, 望住佢一步一步咁完成Kenmerry公仔, 內心興奮莫名!!! 15分鐘內講咗幾百次"好Duck意呀!!!", 嘿嘿...
Kenmerry與Kenmerry炒飯!!!影完相就要被炒, 好唔捨得呀!!! 嗚嗚嗚嗚... 忍著淚說一聲Good Bye...
![](https://blogger.googleusercontent.com/img/b/R29vZ2xl/AVvXsEgrqaUaq2B0QWjWnmsHeMY3XoZyIh4i1WBIbUnlUMQAOsSomUyY-ALMkYcZ18RH2JBBWT0aRLdVyqqkrYLeElZWuaMWIwkdDnohZ2A7YaJkxgEUlu-iVhp91HMZwz2FdTEHSDI3zwRQ58vs/s640/DSC03560.jpg)
殊途同歸, 飯歸飯, 料歸料... 嗚嗚嗚嗚... 炒飯材料豐富, 但整公仔需時長久, 飯的水氣流失了, 口感難免會硬一點, 有利亦有弊...
![](https://blogger.googleusercontent.com/img/b/R29vZ2xl/AVvXsEgbwIWQYKYZ0HnFrneLKsO-v7uLsk3WL_R7tZhDki0WgTQtfvAiSRspu2mEV3M0DTPSdaTSzKOSJOhIIQcs7F-q5wDRmSg-NFsFWEY428TcaE51R9qSqmqK02XT-iWbm32z4gcvoGZOnv-4/s640/DSC03568.jpg)
炒野菜
-- 璀璨過後, 回歸平淡... 沒有特別的炒野菜...
![](https://blogger.googleusercontent.com/img/b/R29vZ2xl/AVvXsEiDlDRBSuajNSwWXdj6M9HYmn-kA5TSVe3VJobCOXp8vjh4EhxDoPd0MynRM1jfGqxMZUP-eFIzc96yl64u4DTueGmHow766p6JrERvo_EKpm5DiDLb6j-iSm5WG1TBAYjHir0E5gkvYmS7/s640/DSC03570.jpg)
龍蝦麵豉湯
-- 剛才的烈火焚身的龍蝦頭, 煮成麵豉湯, 多出一份鮮味...
![](https://blogger.googleusercontent.com/img/b/R29vZ2xl/AVvXsEi505jSIZaX50JQuWXoidwuiZX9t0MnznbRZWP_9-cTQT-iPxf-zumuS77nqUfwGP5Z4nRd26Vs0jpJNRY028pR3AmA0FZ1SjOq-SYfsGFQr1MnMwz6MiRZ-A68QV1w1Os9ZBTOghyphenhyphenLaAqi/s640/DSC03505.jpg)
精選甜品
-- 單看"精選甜品"4字, 沒有任何期待之下卻教人驚喜... 原來連甜品都係鐵板Show, 好特別呀!!!
![](https://blogger.googleusercontent.com/img/b/R29vZ2xl/AVvXsEjSE4Qxtw2Z4rypZShiBjShFxLTSqtzdDJNWtqi_01ZYmMtya5PGAzEdYWkqlYjjVG75sDej0JLCnW_SOOnHZluG6bdCswnVGezStGmXoUQZjvdu1T4GOLiP6M5Ui1MPkWOWyrSq9Sau-0O/s640/DSC03574.jpg)
先做餅底, 再炒紅豆蓉...
![](https://blogger.googleusercontent.com/img/b/R29vZ2xl/AVvXsEhBGR2BqD1NKlCDWTFxkUjDDrMP8FAAjAPSRcTppNd4vK3E5-kXi9ZdPlu6y8NzoxYBp_U2Stc0sNipsvzMOmSS4yFpIpWeJmGJACjGbn70ZLtNZjYyLc6OOwHxbkW3Cx2hvNMRVVdUxAbO/s640/DSC03578.jpg)
將紅豆蓉放上餅皮上, 再蓋上餅皮壓扁...
![](https://blogger.googleusercontent.com/img/b/R29vZ2xl/AVvXsEir1bvOXVa6yPK0cjeDiZmAfffv2stDKCaN6peJaK-UEvcSJVI_1_nmSa7Dndsu7wId3mz2CbhjZb8UA3q_aHfeW8r-bS172QNbIFroxfbR9zy2IJPDPai_jRya7mf1dUMzdeuJjHHGOZ0Q/s640/DSC03582.jpg)
熱辣辣... 軟綿綿... 銅鑼燒登場!!! WoW... 我第一次食鐵板即制銅鑼燒, 好興奮呀!!! 餅皮係即開的, 好香好軟, 好好味呀!!! 好開心呀!!!
![](https://blogger.googleusercontent.com/img/b/R29vZ2xl/AVvXsEjMvsFNNnNJNfskxUjRpf-gFOS3Qvs9Rnet7_tGyiaaC5LmBE2ZlJevYgWiqmP2dU91STVn584TjJhtYG6S6vv72v6PuOTlNAvcWS_0BiCimpuhl9ZGNSIZwbhLsYJLZaQcDVbTekxPOi62/s640/DSC03583.jpg)
原來仲有雪糕食, 綠茶&芝麻, 賣飛佛!!!
![](https://blogger.googleusercontent.com/img/b/R29vZ2xl/AVvXsEjFA1Oc6INUC0ajp2OgLrPyGVcBhuEHHvTkVhGjlBGhoKjyvME4NWEaDmpD0vW4wSwUR2bvhlKRFHcR2ZdLx70zRBs52JIPHCYCbZHr5HfJOxcBlmFsj29asG-UZQFf8A99HW0DLV3-WckV/s320/DSC03585.jpg)
今晚好開心呀, 係最有驚喜的鐵板燒之夜!!! 當然, 我心目中最好味的仍然係松菱...
最怕食鐵板燒無鐵板枱坐, 送到來冷冰冰, 又失去欣賞的樂趣... 秋田9成座位都係鐵板枱, 正!!!
服務都好貼心, 抵讚!!!
是次每人消費約 $700 元
味道: 4 環境: 4 服務: 4 衛生: 4 抵食: 4
###
地址 : 灣仔皇后大道東202號QRE Plaza 8樓
電話 : 2788 0012
個飯唔捨得炒咗佢喎...
回覆刪除我都想永遠唔炒佢, 廚師自己都好似好滿意, 要影返張相先炒咗佢 :)
刪除