網頁清單

2013年12月24日 星期二

Espresso Alchemy : [一個人在桌上] 暖入心的掛杯朱古力

23 December 2013, Monday

明天晚上便是平安夜, 好多人請了年假去旅行, 整個商業區都冷冷清清...

自己一個人吃午飯的時候, 多數隨隨便便買件三文治或麵包便算, 但佳節當前, 總不可待薄自己, 想吃得好一點也不過份吧...

嘿, 注意, 在太古坊的午餐時段"吃得好一點"的意思只是食物品質上, 坐位方面仍然是超超超擠迫的... 每日中午都擠滿飢餓的上班一族, 晚上卻如死城...


今日提早咗少少食飯, 入到店內時仍然空無一人...



店子小小的, 木制的枱椅亦像給小學生坐的... 但在太古坊算有空間感...


廚房是半開放式, 看來相當整潔...


午餐定食有5款, 3款意粉1款三文治1款沙律... 可配飲品一杯, 熱咖啡9款凍咖啡3款茶8款熱朱古力2款凍朱古力1款同埋橙汁可樂...

咖啡好吸引, 好想試... 向店員詢問Mocca有否低因咖啡選擇, 店員非常用心地講解低因咖啡係經過化學程序, 店內只採用天然的咖啡, 今天調配的口味並不會太強烈... 嘩, 好詳細, 同只係答一個"無"字情感上差太遠... 但尋晚煲劇煲得太夜, 都係唔敢飲咖啡, 見到熱朱古力有Thick版, 決定一試...

店員再次非常用心地講解熱朱古力有Thick版同Latte版, Latte版會較多奶無咁杰比較容易接受, Thick版會較為厚身... 心諗 : 放心啦, 我係朱古力狂, Thick版我應付到喎, 就係想試下Thick版會唔會拍得住我係米蘭飲果杯接近固體的熱朱古力咁杰...

白酒辣炒煙肉黑水欖意粉 $82
-- 對於少吃辣的我來講, 係幾辣下, 但仍然可以應付... 意粉有嚼勁, 軟硬度剛好... 名為香辣意粉, 辣是有的, 香味還欠一點點... 如先炒香煙肉或會有點幫助... 配料及味道均傾向簡單, 卻頗合我心意...


熱朱古力 Rich Chocolate (Hot & Thick) +$3
-- 紅色的厚身杯碟, 好有聖誕Feel... 先用茶匙攪拌一下熱朱古力, 觀察一下綿密度, 對板!!! 呷一口, 暖暖的不燙嘴, 口感順滑, 密度大約係60-70%, 好適中 (我係米蘭飲果杯密度接近90%, 自命朱古力怪的我都頂唔順)... 甜甜地, 朱古力味香濃而不苦澀, 整體很搭配, Yummy Yummy!!!


大家來看看熱朱古力的掛杯程度吧, 有圖有真相~


一到12:30pm, 迅即全場爆滿(只有十多個座位), 貴得來也有點客路...

埋單可以收八達通, 不過唔會自動印收條出來, 環保一點, Upon Request...

是次每人消費約 $80 元
味道: 3 環境: 3 服務: 4 衛生: 4 抵食: 3
###
地址 : 鰂魚涌海灣街4-6號地下8號舖
電話 : 2613 2638

沒有留言:

張貼留言