![](https://blogger.googleusercontent.com/img/b/R29vZ2xl/AVvXsEhQhNzFLlGD84QRNYKiM0q7kXdQbxY3_okMAQ7SvWQzW4lcln9Uc9Ba2C-YwlXCS4s0C5SUxDwl1_iHOjh0dw-aQ8tWYGleNT1YXDGKqKDeKT7ExvII0Na5yt_BQU03Z9MMLkpZHKfiU4-d/s200/DSC_0617.jpg)
辦完大事, 坐西鐵返市區食個Late Lunch... 2點幾啦陰公... 奧海城比較就腳, 一於去睇下有咩好食...
一到步, 就見到一間新店, 本想再向前行多一會, 但見到旁邊的意粉House門外排滿人, 我又餓到手軟, 再行多陣先返轉頭會唔會無位呢... 唔好多心喇, 就呢間喇...
蝴蝶粉
-- 蝴蝶粉軟硬適中, 醬汁味道不俗, 意式腸及蘑菇份量不多...
![](https://blogger.googleusercontent.com/img/b/R29vZ2xl/AVvXsEjGe_aOFRhOrGuKGd6DLOXH6sAxlhgdm5ndM9uaY38mY8xQwFJ7P1TCZhWHxscL8QTtIgajyGy48d535BaU9x9y7Wc4ZgVGkT1YGSZn29tnnzID9i8oZVtrSl9ZL9kSyxwd9050sTUH5Iw0/s640/DSC_0616.jpg)
薄餅
-- 鬆厚的薄餅上鋪滿了巴馬火腿及火箭菜, 巴馬火腿非常鹹, 油香欠奉... 吃剩半個, 服務員問要否包走, 正常情況下我一定包走唔想浪費食物, 不過今天免了... Sorry...
![](https://blogger.googleusercontent.com/img/b/R29vZ2xl/AVvXsEiNyTUjHOIYle-pT4_RLNKWWesmbs8FcYDRQazX2mfov025zSsT6T5Vffy9xPB90O7i9D1eB9dttW3mIqQ22DDMsW0RYPoR6EG6IFIpWp7jtfuNoMbvZm17Si1UXJeTyOvXDEu75CydRmkT/s640/DSC_0618.jpg)
荔枝汁香茅特飲
-- 隨隨便便Order的一杯特飲, 帶來意想不到的驚喜!!! 賣相已先聲奪人, 以香茅作搞拌棒及插著原粒荔枝肉... 呷一口, 瞳孔即時放大!!! 荔枝香甜, 香茅清新, 薑味香辣, 3種風馬牛不相及的味道, 竟然配合得天衣無縫!!! 嘿, 好想知個食譜, 開Party請客人飲的話一定大受讚賞...
![](https://blogger.googleusercontent.com/img/b/R29vZ2xl/AVvXsEhQhNzFLlGD84QRNYKiM0q7kXdQbxY3_okMAQ7SvWQzW4lcln9Uc9Ba2C-YwlXCS4s0C5SUxDwl1_iHOjh0dw-aQ8tWYGleNT1YXDGKqKDeKT7ExvII0Na5yt_BQU03Z9MMLkpZHKfiU4-d/s640/DSC_0617.jpg)
咖啡
-- 力仔話都OK...
![](https://blogger.googleusercontent.com/img/b/R29vZ2xl/AVvXsEjDvc8-VKa-5liNORKeVJCw9hpqspUzELKAjjXjUEH1B1IzdSpFEYcPsfDHjHhBGU16rg95KGw9aDGAAhez457OVGggqTG6DYuIsZCKaACyB5wMMhbweronNYX0aXF988Ybtg-rXyP6PvWR/s640/DSC_0615.jpg)
埋單力仔請客, 我不知道詳細價格, 只聽到服務員說$3xx... 一點也不便宜, 味道有好有唔好, 睇你好唔好彩叫唔叫得中...
是次每人消費約 $150 元
味道: 3 環境: 3 服務:3 衛生: 3 抵食: 3
###
地址 : 大角咀海庭道18號奧海城二期106號舖
電話 : 2352 4848
薄餅看來不錯.
回覆刪除~~MERRY CHRISTMAS~~