![](https://blogger.googleusercontent.com/img/b/R29vZ2xl/AVvXsEiXgFzYxs3t_G7fg54HAjag83ww3SG9EvMp_ib6GlfYgl9nvzz6k0V1HDTPYgqZ6MH9Nie6-S3oukZwAoOYLZQJ_D81ASEKL6eVz5UiyVhl1-3nvccuymX__pHxQuR0ySsX3EHsxmSkIGyn/s200/DSC_0232.jpg)
查實, 一早心裡有數, 星期五六日係繁忙日子, 去邊樹食都一定會跌Watt... 明知不可為而為之嘅原因, 咪都係因為讚媽一一一定要星期五晚先出得來!!! 星期五晚來訂枱只可以揀6:00PM或8:30PM, 佢仲好意思彈句"咁麻煩o架"!!! 呵.... 呵... 呵... 無言!!! 亦因為KaKaMa 6:00PM趕唔到, 咁我地最後揀8:30PM, 食完都應該無客等緊枱, 所以無人提到限時交枱...
(上次係星期四晚來, 可以自訂訂枱時間之餘, 仲無話要限時交枱)
上次無食瀨尿蝦, 又無食薑蔥焗蠔, 仲無食啫啫生菜, 呢個就係我地短期內要再來的原委...
飲啖茶, 慢慢揀食咩...
![](https://blogger.googleusercontent.com/img/b/R29vZ2xl/AVvXsEhGC6vos9CeAi44cHLqMjsPPexFrfpWusgHiiAOQoipttZ-vRc_Z0zNO-Ea6TrZzg2RTaAkQIHOwDVKj7MC8ZmiVNc2TO10k1GlTFAEkA5Sxzjd0f0B8hPhciVPndm7SYBGaa4Cylmg-mp7/s640/DSC_0220.jpg)
足料老火靚湯(大) $108
-- 眾友人都話上次個湯好味D, 但我覺得太辣囉, 今次呢個粉葛豬橫脷豬踭湯反而啱我飲D, 都幾甜吖...
![](https://blogger.googleusercontent.com/img/b/R29vZ2xl/AVvXsEikLVVCvEpzqj7KNpl7LesWlohsn4o_Hv4e2scyN9iDRmxImsYy0ngVA-DiKnZc8N-KGlc0Oqio2emDi96afbgUoUafValJCOMo6nGTw4rOi8MU1ySm_jTED6y-IKbTp-6-s9U8p4If-moo/s640/DSC_0223.jpg)
金牌即燒乳豬 (1/4隻) $178
-- 上次好好好味, 今次好好好鹹, 繁忙時間來的代價真大...
![](https://blogger.googleusercontent.com/img/b/R29vZ2xl/AVvXsEiXgFzYxs3t_G7fg54HAjag83ww3SG9EvMp_ib6GlfYgl9nvzz6k0V1HDTPYgqZ6MH9Nie6-S3oukZwAoOYLZQJ_D81ASEKL6eVz5UiyVhl1-3nvccuymX__pHxQuR0ySsX3EHsxmSkIGyn/s640/DSC_0232.jpg)
瀨尿蝦皇 (10兩) $616
-- 想香口D, 當然係椒鹽啦... 好耐無食過咁大隻瀨尿蝦, 好興奮呀!!! 蝦肉都幾爽彈, 新鮮~~~
![](https://blogger.googleusercontent.com/img/b/R29vZ2xl/AVvXsEhFav6G83QxNQaZMhCfFRIBLT5ZsRH2B9L7ggvFHNkgnfbYiZPoAKHQCTx4-xJEE2aeQhXxt38hE3jpVFYyuvTSAoYQVf1N9qtd7I02krzYaZbCCHjDKfz7wUFXrW9MFlSF4E74FxEzCnSN/s640/DSC_0224.jpg)
嘩, 蝦尾有好大舊膏呀!!! 正呀!!! 嘻嘻, 率先搶走蝦身中央的反而無膏囉, 我算唔算因禍得福呢, 呵呵~~~
![](https://blogger.googleusercontent.com/img/b/R29vZ2xl/AVvXsEipRaiYf0v6zh2pKIbLmaPa6FuTCVV6jEq1qHYWltbuyl0STUCv3HyjryIzkjsrwDQYsjPkeihyRNFufgC6-XOsaInTk0zexV7jJ2VmkIsmp0KCLaDaMgUs1s-n7Si1DiiL_YE4WzNeO0XD/s640/DSC_0229.jpg)
臨升仙時影返張相先...
![](https://blogger.googleusercontent.com/img/b/R29vZ2xl/AVvXsEhlnEgK5YpzFDgvO8E1eFp9xecoAOxZ0sRfGKQV7bUvAt9uC-otD8pvFGmbSoxHxstGMe3doBNV-LDY29hw1_6voGs90_1Dfpzc_0swcgkipc_OB35rGJGjjeBbve700utUOAHMpVyVZo-s/s640/DSC_0219.jpg)
啫啫生菜煲 $63
-- 個菜一上, 鑽媽插手起勢咁搞, 仲驚訝緊點解佢突然咁熱心, 驚魂未定之際, 更驚訝地發現佢只係數下有幾多棵菜, 數完就即停手由得煲菜自生自滅, 嘿, 你都得o架啦, 貴婦!!! 阿闊太話屯門分店得2株, 呢度份量多好多喎!!!充滿蝦膏鹹香的新鮮生菜, 爽脆, 好味!!!
![](https://blogger.googleusercontent.com/img/b/R29vZ2xl/AVvXsEgyGXwpqFzkW9D8D8MOQaCBe6V_9ch2yut1XGg0Pi9NJB3hyf81R7gz3TsNcXFmm8nCu-u7oEfmlyErTZPzK1Ju3EOS1VLSqxINQWHUahV7fIJ1UK8Yp9b65STTPU9AXEZYQW08s2Qpkdiq/s640/DSC_0227.jpg)
薑蔥美國桶蠔煲 $168
-- 桶蠔有大粒有細粒, 鑽媽係主腳, 讓咗粒最大嘅比佢, 自己夾咗2粒最細, 佢竟然話好韌, 咁我食咗1粒細覺得無問題, 又比埋我粒細蠔比佢, 佢就話唔韌好正常, 呵呵, 孔融之所以讓梨, 唔知係咪細梨口感好D呢?!! 味道我覺得OK過得去, 唔係話特別惹味, 但我唔鐘意炸粉好似厚咗D, 口感唔好...
![](https://blogger.googleusercontent.com/img/b/R29vZ2xl/AVvXsEgsQaj-ecKemyRj3UELuoTwflXEd0eeUYt6XvmjkwxpzT9XEHXrwj9eSSnzyrC_1sI24dJ4MShck6b7jn4GICkAYLfgjSFJFRiQ97PvGULqK3IJPHk7vqBGoR7I-bs601xNkm9jhk4-vA2a/s640/DSC_0231.jpg)
鹽燒一字骨 $78
--朋友們話上次蝦醬骨太鹹, 呢個一字骨就啱啱好, 但係我鐘意蝦醬骨多D喎, 蝦醬骨惹味好多... 其實都幾多肥膏, 唔理得咁多喇, 合埋眼吞落肚...
![](https://blogger.googleusercontent.com/img/b/R29vZ2xl/AVvXsEhh8ZDroRCvHMqfcKv4PDupYB6yiyPHCrsTFzQPIgQxDm6kXF5RYyifae2rd1jV-itDcM5v0g1pogVEAxbxYNXGgCK9P2Kz8h1e-SQLvcZZiddSS2VwnOa6BTkshAml98pbDdOzr8OTm8cr/s640/DSC_0230.jpg)
服務員阿姐竟然認得我地, 話"你地好似前排o黎過, 坐果張枱"... 嘩!!! 好驚驚呀!!! 阿姐點解你咁好記性o架?!! 唔通我地上次太嘈, 嘩咔咔咔...
貓兄話隻懶尿蝦唔抵, 但係我覺得OK啦, 食海鮮仲要咁大隻, 1人都係$300有找, 都無掠到你一頸血, 係咁上下啦...
Order前打算分開2個Round來Order, 諗住Round 2先食炒麵同鵝腸, 點知食完Round 1飽到上心口, Round 2打消了...
大家之所以咁細食, 係因為挨唔到8:30PM先食晚飯, 個個打晒底先來, 我放工後都去咗土司工坊食咗個咖央多士餐先來, 嘩咔咔咔...
回憶總是最美好, 有時翻兜都未必係好事...
是次每人消費約$280元
味道: 3 環境: 3 服務: 4 衛生: 4 抵食: 4
###
地址 : 佐敦長樂街18號18號廣場地下及1樓
電話 : 2388-6020
[ 拍攝器材: Sony Xperia™ Z1 ]
我都去了, 一般般, 人又多!
回覆刪除我地對上一次係閒日去, 質數好好多的 :(
刪除