![](https://blogger.googleusercontent.com/img/b/R29vZ2xl/AVvXsEjPJI4zlCvzPz9yNbv0GlxiK-v9UfFgnatq2eyP43N7A_5RdbQRQGMnmxFxe2n0oLJ6o-qD9oGyU1pEWIdcyOTTluLiItqynAAyajlHVpPAov61wf9HH5Me5oSzGehzOZMiZDKQXv9cH4Z0/s200/DSC01975.jpg)
下午出城探訪過「歪腰郵筒」及「袖珍博物館」, 回到酒店附近仲有1個鐘頭剩, 我又點可以輕易放過呀?!!
係香港引起一陣哄動的咖啡弄同Dazzling Cafe, 大家都係為水果茶同窩夫而瘋狂...
上次來台北都無機會去試, 我今日一定要食到...
中午出城前留意到酒店附近好似有間Coffee Shop... 等我行去了解下先...
吸引到我注意的, 就係酒店對面呢座3層高的小木屋...
![](https://blogger.googleusercontent.com/img/b/R29vZ2xl/AVvXsEgx1b0FtgUMxcig38i5Vej-yM56CaBMgqqtA1XU2P16GaF6OIIY3DS-KXSK_8TdBdD3zUpgoC4V31UDTd95GL_qjHXdUFFRSFd2uBzAzzoR0Vjim3e2Oc2O7Su_gXynuk1PI_I2DjDikhwX/s640/DSC01981.jpg)
小樽手作珈琲 (OTARU Coffee)... 樓下係餐廳, 樓上先係Coffee Shop...
![](https://blogger.googleusercontent.com/img/b/R29vZ2xl/AVvXsEhUkxM7rTZo2ElBhcRdKm-mrwwcJbRajzXreZN6YjEQ8_InkQXWNJSFyVdFLWnx0zf0qf1Ipi2ppaldqOiHKkQ2fWYtjdW1z9GkAnT2ki4FWivEng05BtCDPagGceAjOxJcjlJ344GZ0HMY/s640/DSC_3667.jpg)
嘩!!! 樓上原來好骨子... 走可愛路線... 現在是4PM, 未有其他客人, 好寧靜好舒服...
![](https://blogger.googleusercontent.com/img/b/R29vZ2xl/AVvXsEj5SeCtpu-a-GyAKNIyrf3xB420om3P0flE1YGPahdi3J1vGhquocYM-WlI3yYZxjhoODs9B3AcZmtKo5dfPH2-eMmOaek-gTyEXUghgSWV4v8jR88JjXJMj1kN1sXBxMrgY2YEwqn1MHOa/s640/DSC01965.jpg)
餐牌很配合原木傢俱的風格...
![](https://blogger.googleusercontent.com/img/b/R29vZ2xl/AVvXsEivqUEhQyDiwIjPIdSpTbNGR4dXNw6Y9wq3qp_v7YbYkLvQLTJG38TZE-xFGuwt33m9urSw6aO7z9iNkr-26kwTx8x9u4qmtzvqA2UXVBK9wyBzSCH1sQKIJhYUquPiU-9dK46f1Pprzgqn/s640/DSC01967.jpg)
有攝石虎表示近年在各個環節(包括環遊世界)的出鏡率偏低, 強行出鏡...
![](https://blogger.googleusercontent.com/img/b/R29vZ2xl/AVvXsEi_iT3yxfvlsT7MmsfeJN2qT09gSF1YpDD_pTYJWTH0TVLMSC-OKLIkYeg910d6Ku8ppB9jo7pMY0ntwR4d6aYHQIU9sjghJ32GtQFm1LUoCNbaLBmlM_B7M8xeu7u5wlcqa99rktBkfgQk/s640/DSC01970.jpg)
窗外景觀係我地住嘅酒店同隔離嘅油站...
![](https://blogger.googleusercontent.com/img/b/R29vZ2xl/AVvXsEhXisyZmepPtH2k5ugG0YTd8CDCKy_Z_6srLdJ46qcipRbuZr8uns74ax7mEA1TRZVlgdgsag767WjQzbqtmZWJHa7Ik-zWDpkNa0ux7EJ6ZB2K4SJTfrtb_SXXRVxxHEm6lbeDS6PclLeX/s640/DSC01974.jpg)
海鹽可可 NT$150
-- 總是喜歡新挑戰的我, 今天仍舊屢戰屢敗... 只是普通的凍朱古力, 苦味適中 (我喜歡更苦的), 甜度偏低 (抵讚), 海鹽沒有太大角色, 味道還可以, 口感稀薄, 千萬別聯想到醇厚二字...
![](https://blogger.googleusercontent.com/img/b/R29vZ2xl/AVvXsEjPJI4zlCvzPz9yNbv0GlxiK-v9UfFgnatq2eyP43N7A_5RdbQRQGMnmxFxe2n0oLJ6o-qD9oGyU1pEWIdcyOTTluLiItqynAAyajlHVpPAov61wf9HH5Me5oSzGehzOZMiZDKQXv9cH4Z0/s640/DSC01975.jpg)
季節水果茶 NT$125
-- Honey呷一口即講:"嗯,好飲呀!"... 是多麼的"銀"耳哦!!! 佢見我唔係好滿意杯凍朱古力, 有話同我交換, 但我又驚佢飲凍飲會肚痛, 只好忍痛婉拒了...
![](https://blogger.googleusercontent.com/img/b/R29vZ2xl/AVvXsEip0U6gP1onnUqncyqewwJr3t9FNXnr5Q7ZQV1Hqt-tQU83DJ8LEvqFL2sxbQXp4Dw0vORErhNq6TliAE3Yc7-CF4bjhLSX7GtUhZl3zQ5X8eajFVOdOBxmvuF1qp8AH0b17UAPnySjMgri/s640/DSC01976.jpg)
抺茶紅豆鐵板鬆餅 NT$190
-- 落單超過30分鐘才現身的窩夫, 我地已經完全忘記咗佢, 正準備埋單走人, 結果要狼吞虎嚥, 不能慢慢品嚐... 鐵板純裝潢, 可以不要... 鬆餅外層烤得脆脆的, 裡面鬆軟, 抺茶味不濃, 沒有太大驚喜, 不過不失... 抺茶雪糕是較為出色, 香濃回甘... 紅豆很甜, 好像太過軟腍... 我是怕Cream人, 一碟甜品超過半碟都是Cream實在嚇人... Cream底的粟米片倒是加得不錯, 令我不禁吃了幾口Cream...
![](https://blogger.googleusercontent.com/img/b/R29vZ2xl/AVvXsEiq7Lg3f0foOQLPh-t4BjjDrkcP8q9JSjwsdEYgj8rGBJvp22upCPMPmCZxMGrQdV1oj3X8SRhjCCBBWpOQOB40FFZ7D31ZA-U8aCu7lyG2PgVTwXk_sqO5H-s5RofIlLZtP_XgsnADF39s/s640/DSC01980.jpg)
有人初時唔多願意去嘆下午茶, 半推半就下來到, 最後仲Enjoyable過我, 真係唔鬼抵得佢...
寫Blog時上網搵餐廳地址, 先發現原來7月初都仲講緊話"小樽士林店即將要開幕囉", 咁我地今次咪率先試?!!
味道:★★★☆☆
環境:★★★★☆
服務:★★★☆☆
衛生:★★★★☆
抵食:★★★★☆
小樽手作珈琲
地址:臺北市 士林區 文林路81號2樓
電話:+886 2 2883-2880
網址:www.facebook.com/OTARU.coffee
♫ 回頭再看微微燈光 ♪ 離離細雨茫茫星光 ♫
![](https://blogger.googleusercontent.com/img/b/R29vZ2xl/AVvXsEiahdVpJHXsOWdQOsHWJHPZ18GiAzKuCYQ0V5MSFRXEBTNV3dNvQjK8ZejooxzoARmhcIN_1d2suE4ZS2lI7BEGrjPzp6LgGuNEfPN744gEFYKTi0FzjZRHwwteh-jajwaepJJMhpDILgCT/s640/DSC_3670.jpg)
轉下眼, 3日2夜的旅程又要畫上句號... 期待下次的旅程...
尋晚唔記得上網預辦登機手續, 好彩去到機場都仲有相連位, 仲係平時要加錢的長腳位... 隻腳點伸都掂唔到前面幅牆...
雖然如此, 但下次可能唔再坐Cathay啦, 又無得儲Asia Miles, 飛機餐又鬼咁難食...
![](https://blogger.googleusercontent.com/img/b/R29vZ2xl/AVvXsEje8o3BSgtJi2CqBgrogDfl84QN8ZkUBUXzn_Tpxk-TRBjbZ91PbknkrVrZKdzj5CREwf_mTq9-jiDww2Hu2MnmG_FKwW6D00aFXHwItgmXhebwy82KlU9WhJyIA0k9A-2dPcyCltdAYYOO/s640/DSC01985.jpg)
臨走時係士林的土產店隨便掃了幾包手信, 雖然唔係大家所要求的, 但總算有得交待下... 至於大家期待的蝦叔叔同黑橋牌豬肉乾, 我下次一定會認真處理...
![](https://blogger.googleusercontent.com/img/b/R29vZ2xl/AVvXsEix69x6eOgylFku-t5elVe54DDbM4TqOUoS1M8f4HOhLD0O06j9jW3C10BxIUiTS9vuCkCY6Lsllruey6kljdNyk0SqYgTma9CrwnCHIvSryDfl15nYcLcwGFuwM8fdQkMZCmxxcSG58dyt/s640/DSC01992.jpg)
台北總匯 : http://www.kenmerry.com/search/label/└15台灣「尋找他鄉」
我曾在東京車站吃過水果pancake,念念不忙,咁呢間ok嗎?or台北有冇好吃的水果pancake推介?
回覆刪除這個Pancake的水準只屬中遊位置... 今次(10月)雖然來了2星期, 卻因出發時已咳到要食抗生素, 來到一直咳, 不敢吃凍的/甜的, 無機會試住~
刪除我曾在東京車站吃過水果pancake,念念不忙,咁呢間ok嗎?or台北有冇好吃的水果pancake推介?
回覆刪除