網頁清單

2015年10月1日 星期四

台北「尋找他鄉」2015の小樽手作珈琲:開業不足2個月的新店,推薦「季節水果茶」

2 September 2015, Wednesday

午餐吃過明星開嘅越廚越南菜... 格都未落... 又食?!!

下午出城探訪過「歪腰郵筒」及「袖珍博物館」, 回到酒店附近仲有1個鐘頭剩, 我又點可以輕易放過呀?!!

係香港引起一陣哄動的咖啡弄同Dazzling Cafe, 大家都係為水果茶同窩夫而瘋狂...

上次來台北都無機會去試, 我今日一定要食到...

中午出城前留意到酒店附近好似有間Coffee Shop... 等我行去了解下先...


吸引到我注意的, 就係酒店對面呢座3層高的小木屋...


小樽手作珈琲 (OTARU Coffee)... 樓下係餐廳, 樓上先係Coffee Shop...


嘩!!! 樓上原來好骨子... 走可愛路線... 現在是4PM, 未有其他客人, 好寧靜好舒服...


餐牌很配合原木傢俱的風格...


有攝石虎表示近年在各個環節(包括環遊世界)的出鏡率偏低, 強行出鏡...


窗外景觀係我地住嘅酒店同隔離嘅油站...


海鹽可可 NT$150
-- 總是喜歡新挑戰的我, 今天仍舊屢戰屢敗... 只是普通的凍朱古力, 苦味適中 (我喜歡更苦的), 甜度偏低 (抵讚), 海鹽沒有太大角色, 味道還可以, 口感稀薄, 千萬別聯想到醇厚二字...


季節水果茶 NT$125
-- Honey呷一口即講:"嗯,好飲呀!"... 是多麼的"銀"耳哦!!! 佢見我唔係好滿意杯凍朱古力, 有話同我交換, 但我又驚佢飲凍飲會肚痛, 只好忍痛婉拒了...


抺茶紅豆鐵板鬆餅 NT$190
-- 落單超過30分鐘才現身的窩夫, 我地已經完全忘記咗佢, 正準備埋單走人, 結果要狼吞虎嚥, 不能慢慢品嚐... 鐵板純裝潢, 可以不要... 鬆餅外層烤得脆脆的, 裡面鬆軟, 抺茶味不濃, 沒有太大驚喜, 不過不失... 抺茶雪糕是較為出色, 香濃回甘... 紅豆很甜, 好像太過軟腍... 我是怕Cream人, 一碟甜品超過半碟都是Cream實在嚇人... Cream底的粟米片倒是加得不錯, 令我不禁吃了幾口Cream...


有人初時唔多願意去嘆下午茶, 半推半就下來到, 最後仲Enjoyable過我, 真係唔鬼抵得佢...

寫Blog時上網搵餐廳地址, 先發現原來7月初都仲講緊話"小樽士林店即將要開幕囉", 咁我地今次咪率先試?!!

味道:★★★☆☆
環境:★★★★☆
服務:★★★☆☆
衛生:★★★★☆
抵食:★★★★☆

小樽手作珈琲
地址:臺北市 士林區 文林路81號2樓
電話:+886  2 2883-2880
網址:www.facebook.com/OTARU.coffee



♫ 回頭再看微微燈光 ♪ 離離細雨茫茫星光 ♫


轉下眼, 3日2夜的旅程又要畫上句號... 期待下次的旅程...

尋晚唔記得上網預辦登機手續, 好彩去到機場都仲有相連位, 仲係平時要加錢的長腳位... 隻腳點伸都掂唔到前面幅牆...


雖然如此, 但下次可能唔再坐Cathay啦, 又無得儲Asia Miles, 飛機餐又鬼咁難食...


臨走時係士林的土產店隨便掃了幾包手信, 雖然唔係大家所要求的, 但總算有得交待下... 至於大家期待的蝦叔叔同黑橋牌豬肉乾, 我下次一定會認真處理...



台北總匯 : http://www.kenmerry.com/search/label/└15台灣「尋找他鄉」

3 則留言:

  1. 我曾在東京車站吃過水果pancake,念念不忙,咁呢間ok嗎?or台北有冇好吃的水果pancake推介?

    回覆刪除
    回覆
    1. 這個Pancake的水準只屬中遊位置... 今次(10月)雖然來了2星期, 卻因出發時已咳到要食抗生素, 來到一直咳, 不敢吃凍的/甜的, 無機會試住~

      刪除
  2. 我曾在東京車站吃過水果pancake,念念不忙,咁呢間ok嗎?or台北有冇好吃的水果pancake推介?

    回覆刪除