![](https://blogger.googleusercontent.com/img/b/R29vZ2xl/AVvXsEi8oLu5PeHJDVYGS4q3esSOQDgiclZtumkRYCR-Zc0SVE_-1qjbzzUGew47uHJ9Hct2LUK6jY1W0guh_nJmJo6pnTrOSiEp_e9XYRbMiuRQ0qPif6n4_pgTbpW3l06wlaVi2keX2o244Ue1/s320/DSC_3827.jpg)
落雪也不怕
就算寒冷大風雪落下
能夠見到它
可以日日見到佢面
如何大風雪也不怕
我要我要找... ♫
咳咳咳咳... 來台灣5天了, 咳嗽還沒有好, 抗生素都食完了...
來台北12天了, 有11天的天氣都係好到不得之了, 大多是藍天白雲的...
為什麼?????? 偏偏... 偏偏... 偏偏今天我們租了10小時的包車出城遊玩, 狂風, 暴雨, 全都來熱烈歡迎!!! 天呀!!! 你到底要玩我玩到幾時?!! 之前東歐300年1遇的暴雨同日本311大地震你仲玩唔夠咩?!!
返到酒店先發現, 今日完全無攞過相機出來用, 但濕到滴水的手袋將濕氣滲進相機袋再滲進相機內, 部相機之後幾日都失靈, 開機影相唔識對焦, 影完唔識Display, 按Display又無反應, 影1張相要關機再開機再按Display先睇到張相影成點... 暈得!!! 今日先Day 5, 仲有7日要挨...
9:00AM 從捷運民權西路站出發...
今日租咗架5人車, 10小時, 司機加埋我地2個加埋Honey係香港過來Join我地的2位朋友(1位係昨天一齊參觀總統府, 另1位昨天先係FB召集)...
係台灣住了30年的香港人司機今日變身導遊, 唔止Plan晒全日行程, 仲不時介紹風景 : 「各位團友, 左邊係咩右邊係咩, 停車影相」... 台灣歷史政治經濟民生好玩好食乜都講得一餐... 無咗佢會少好多歡樂...
On the way係車上已經傾盆大雨... 大到心寒... 我地全部人都只係帶咗縮骨遮, 差不多去到十分的時候, 司機停車係超市門口, 等我地入去買雨衣...
今早的天氣預報係咁講嘅... 短暫陣雨... 應該都無咩問題吖... (選擇性睇自己想要的天氣)
![](https://blogger.googleusercontent.com/img/b/R29vZ2xl/AVvXsEiQ2M4hegLyo16zTtIR9yXW537PI7uikgpVnxhJ5fvr_Yt98tk0lqZylby4lpRmzmRlvP3eT143IBPLuJZaYHa04qFumg_-OiGGuvGEpWOs71W6D7F0gRPvs5cjFVhmo0_qtEfwM4nv9GPp/s640/Screenshot_2015-10-09-09-37-18.png)
![](https://blogger.googleusercontent.com/img/b/R29vZ2xl/AVvXsEjXYC5tCCo3yiwfpEG2OfxfgeePKfXIqVdcQVv8wS4cJ6QC5T9lBmdKbXwM6q_N6vVPmgHFug9clOehsINbZ1KGywkKeEk7uAi8QnQLVbEyYcM1sOn7g7tMDnvNd5q3khUpsKXKZnJqonJ-/s640/Screenshot_2015-10-09-09-37-40.png)
10:00AM 就到達目的地, 包車真係好舒服嘅呢...
一路上交通都好暢通, 未有任何交通管制... 司機可以直接駛進十分老街旁的停泊位, 斜路都唔使行... (正常人都唔會揀今日咁正嘅天氣走出來玩)
時間尚早, 人不多, 只是大家都躲在簷篷下避雨, 營造有點擠的錯覺... (相片無PS, 部Sony Xperia Z1 手機自稱有防水功能都搞到好似風濕病發作咁, 不過出來的效果又幾自然)
![](https://blogger.googleusercontent.com/img/b/R29vZ2xl/AVvXsEhNn59V9tof8Y7KcBgr6Cb_0PvxcvFzxqUhf1UoYAMXlsIPguKhgOPb1iECGglzTnGDcfs2gAdRhCpkbNlItwvV85_hvRx4DPWnfRqLGu3SqJApbLDAAfjmYG5nrOpr6rP3wclfP_8y7nN4/s640/DSC_3839.jpg)
指定動作... 來到十分老街唔企係火車路軌上影返張相又點算來過呀...
![](https://blogger.googleusercontent.com/img/b/R29vZ2xl/AVvXsEgye1dm5N_ELb_AymN5kUCpjD5SHV_29mDvaTfDKSHXVz59SMcpBrtARQy_q-fXRLu11IZPcUebmGl73HiT20wtHTHvJHUCzJrSueEPcQTIVaOhX3Ze7Jlk6KKhQxmdGvxO5IxLiuh5C0b0/s640/DSC_3833.jpg)
十分車站... 大雨到呢... 為咗影呢張相, 踩咗落個水氹度, 對波鞋同對襪都濕到唧得出水, 全日唧唧聲... 之後每次路過水氹大家都會發出預警, 我霸氣回應:「水氹已經再威脅唔到我喇」, 忍來哄堂大笑...
![](https://blogger.googleusercontent.com/img/b/R29vZ2xl/AVvXsEi8oLu5PeHJDVYGS4q3esSOQDgiclZtumkRYCR-Zc0SVE_-1qjbzzUGew47uHJ9Hct2LUK6jY1W0guh_nJmJo6pnTrOSiEp_e9XYRbMiuRQ0qPif6n4_pgTbpW3l06wlaVi2keX2o244Ue1/s640/DSC_3827.jpg)
大雨到咁, 大家已經無Mood行入十分車站, 後來先知道原來入面係賣紀念品, 走寶添...
十分鐘唔使就遊覽完十分老街, 回航...
![](https://blogger.googleusercontent.com/img/b/R29vZ2xl/AVvXsEiU7U-oArswgSJL9zZntAdCumiOECyifbvU9CtLQoS_6i8dmf8U0L8ocMRAu101IS2YG1VMU35nH5gP0kw-bFXRdGEeAv7xPCl34MAyRiVLphK-p9HLu7_bt2dM8RSdvpdA3dGoRThl6UDf/s640/DSC_3830.jpg)
離開時見到有人放天燈... (咁大雨仲放?!! 淋熄咗升唔起唔多好意頭啫)... 其實我本人並不贊成放天燈, 造成山火的話, 就算無人命傷亡, 燒到棵樹破壞到大自然都唔好吖嘛...
![](https://blogger.googleusercontent.com/img/b/R29vZ2xl/AVvXsEi1UPo9XZ6vnjGmUNuSfRkO6DqW3MrHblb-mCihnJmLnXyKu8AZKwqBkbvN-PlniFjYradXEYcnarU-U-9SpDhQBNqdJ3HKLO2qMqj-RXs8HCsjAlKl8pSnK4zsdyyu8exz9n3tI-CzwN2G/s640/DSC_3837.jpg)
「十分老街」行程閃電完成... 下一站... 「十分瀑布」...
我地好勁, 離開咗先發現自己無去到真正的「十分瀑布」... 天呀!!! 點會咁o架?!!
案發經過... 司機停車係上游比我地落... 穿過餐廳... 落石階 (天雨路滑, 好驚瀡滑梯囉)...
![](https://blogger.googleusercontent.com/img/b/R29vZ2xl/AVvXsEgorkFEk6Ybu0xHQ3MhPc9HgUS70kJLnu8KOaf101ZWQiT4Oie6XQ_af_nI6IFeMBCmUG50PasT5e43XE54NR4ByAfy_fR1du_VIJGsQtxl2RLhsPSWDc_it1AaaR3IcPZ4L3rdIu4tcdAM/s640/DSC_3841.jpg)
路過涼亭...
![](https://blogger.googleusercontent.com/img/b/R29vZ2xl/AVvXsEipGUPnQ5kGIB3_hPeNFLhlHxawt6_6-DGgUUIgGEsG3kKP6WV-gcwc2p9GmN6aY_8wmobBefJvnth1Y2NUp5GzKbHZNo0cxKCYiccykrKmqWbZQWYp_HBR-X653qm5FCX0qXWfWRAYw8Fi/s640/DSC_3843.jpg)
來到觀瀑吊橋... 一步一驚心... 要趁其他人的Wave未波及到我之前, 急急腳過咗去先...
![](https://blogger.googleusercontent.com/img/b/R29vZ2xl/AVvXsEiuB20DwJOMVE-KIyGYzAWFtdulLC-CcvIbI62T7tZTKg8O8d8r5AhrawldFHOW_rglgDr_w0TJhlJWaNa2Wz8VWXmWh4_9X3lH8MC_LhM6FiskpgtkzHmviUqcdMlrcUzBak3ZRLetcrK1/s640/DSC_3854.jpg)
安全到達... 剛巧有火車經過... 我影!!! (咔嚓)
![](https://blogger.googleusercontent.com/img/b/R29vZ2xl/AVvXsEjxsJDrZTnxXpcUN95t7F0hL1MsxZYqOS6IinKnqg0RMyEXfrrJtY_i_LjuxEFy3bWt_TLlQ7w04k_os2vSJJZ_LSiyIVbAnLwiGBynSLqU9j7OzZQ-BHTRh1tyCVUH3qhSZRJY4l0bgW7_/s640/DSC_3863.jpg)
回眸一望... 有人話 : 唓!!! 條瀑布咁細條?!! 我地屋企樓下條引水道都大過佢... (的而且確, 有人無講大話)
![](https://blogger.googleusercontent.com/img/b/R29vZ2xl/AVvXsEgznDfkYpXZ4ngu9LGRFLcLf30gkOTkSGvc9-gkd-ekEf-RuZxmrK4A8aDrt9VmE51PKNlMIzHEQ3ILbyyLBYwS9rwawsKxOXX9LdjSg4H6byWZVVGdHVJ8U49S4jFeidHIk_lRaag08Rnk/s640/DSC_3865.jpg)
![](https://blogger.googleusercontent.com/img/b/R29vZ2xl/AVvXsEiIpdPQhk0oPAq9v5bVSUWeYnOhBw_GcTiOp8RlOmVUgZ35XpZWH4zEEGLufGIhoECp0TXlRatfluzrYW1pROPgEpL7Ruq2dvx1fCJ8_20qO3rRX2Wrts4H3YWX52VUqvsiO9CTLasOUV42/s640/DSC_3866.jpg)
其實... 我係見到有人係吊橋下面再向入行, 不過唔知佢地點落去同埋去緊邊度... 加上好大雨, 根本無心機去考究... 只想快D走...
大家失望而回... 上返車... 司機追問之下, 我地先發現自己根本無去到真正嘅「十分瀑布」!!! 好灰, 灰爆, 點會咁o架?!!
(事隔半個月的今日, 寫Blog時上Google Search下, 謎底解開... 原來我地見到嘅係「眼鏡洞瀑布」!!!
話咁快, 我地閃電遊覽完十分, 火速向九份出發...
11:30AM 瑞芳區基山觀海亭!!!
![](https://blogger.googleusercontent.com/img/b/R29vZ2xl/AVvXsEgdcaMI-DOGLWK04P9TSs0XY3Be0hNaOnKmncbC8sP-OuQ_tYRQxNtaVRwhL2m1LwtLNrVdWkUasGMTrCoOd9jIe-3YBFlb1M-c2g2gvECQQ4aWDdgGRpM8rRaJ8SI9ui6Ud2NxYMCm73bx/s640/DSC_3871.jpg)
司機係呢度放我地落車, 叫我地行下九份老街食下當地小吃, 1.5小時後係呢度接返我地...
我地首先係觀海亭入面影下外面山景, 狂風暴雨突然來襲, 雨水狠狠打到面上, 狂風吹到人都企唔穩, 全場幾十人同時尖叫...
重申 : 今日完全無攞過相機(Sony Cyber-shot DSC-RX100)出來用...
同行美少女不顧一切拎佢部新買的Sony Cyber-shot DSC-RX100 IV出來影相, 我只有祝福佢... 我舊年係Vancouver都做過同樣嘅傻事, 結果部相機年邁再染上風濕病, 機能一日差過一日...
借用Google Map街景, 比大家了解下我地當時有幾狼狽... 觀海亭係2層高有蓋建築物, 面積都唔細, 企係中心位置都比雨照頭淋, 可想而知有幾風大雨大... Honey係FB臨時召集的美少女只穿了吊帶背心, 猛叫救命好凍, 我地果斷地即Call司機, 話15分鐘後就要走人... 90分鐘的行程縮短為15分鐘, 勁, 哈...
![](https://blogger.googleusercontent.com/img/b/R29vZ2xl/AVvXsEgtwIkp8Prr5LM_jG1aC1i_xLtOBM_IERalrWF5uztIckMEUYLySCQkkdCyIgAWPhS63ePrzKnYs1o7ee-CnOfVmjWO1tavoPLU1W0pNTHQb4k70GYT9_zFwP8BN_QE-RRadV45CKkt0v8c/s640/hillview.jpg)
九份老街同觀海亭只係幾步路距離...
![](https://blogger.googleusercontent.com/img/b/R29vZ2xl/AVvXsEh5sSMLAJxg4YjaL76mRS-IUWNC3mp9DpwCmn4Uc6wDpuuLGrBMesIiCBj5hEA2I1yOvtrSHHJqs_eYsSkGxbFXKj77xDpkZcNzjA6fSg0Eyo_3tC5M15yftznq2MXI0lrtuA8LH6KBxxHp/s640/streetview.jpg)
地圖係10月尾寫Blog時Google Map嘅, 搵咗半粒鐘先知自己當時位置... 坐包車/跟團就有呢個問題, 都唔知自己去咗邊...
![](https://blogger.googleusercontent.com/img/b/R29vZ2xl/AVvXsEi-gght3Ze3D8GWCjsyocAdqNDgFVwbP3T2TUZhWzbZ1TY9ZxQmc1vikfHk5lJLYj7i7gE5ukMp6gbpqDHw7WpQbUcBJAr01HRg15ig07ppDdIXitR3dCC5CFBDkfw6pjRfYOCL6BbhqTUI/s640/711.jpg)
司機話九份老街好似香港的赤柱大街, 所言非虛... 驟眼睇, 好似有蓋的商店街, 實際上雨水不停打到身上, 所以大家都要繼續撐起雨傘... (無Mood逗留欣賞, 極速向前行)
![](https://blogger.googleusercontent.com/img/b/R29vZ2xl/AVvXsEheSvcbLQxv7St7FM0HPp-fALnCbsu2dzELdOc5sgpwdTQ5ChrgMiYOjDd5HtyBQHnunJ998rhtvJSP-PcsL8nhFK9XqwG6Y6UZ-oV8LO0lD3Ui4x37j8pQ99YGnYzB3XiNVRLSeLJVY-iV/s640/DSC_3876.jpg)
美少女來過好多次, 其餘3人(包括我)都係第一次到台北市以外的地方, 美少女推薦食芋圓, 大家當然照跟...
![](https://blogger.googleusercontent.com/img/b/R29vZ2xl/AVvXsEiBuZTpq2_5glT9V5TlKBNKgq1Wnkqu7tJLWNppE_OKVUS2aOaUL6_tOVrJczALxvGMqQprS7ct1aqpKdtz74W7s8OhYdMc7ECJzVQzZqeHgsw5tU0XxeolDyrZSphrJlKxbPJhH2tRF95k/s640/DSC_3875.jpg)
芋圓豆花加薑汁, 芋圓紅豆湯 NT$50/碗
-- 我第1次食芋圓紅豆湯, 好好味, 不過我有點後悔, 淋到落湯雞咁, 應該要飲薑汁驅寒... 全身滴水中, 無心情去慢慢享受, 火速食完走人...
![](https://blogger.googleusercontent.com/img/b/R29vZ2xl/AVvXsEhzWgOScOhnctrIlBeRjnpiADyJX60XPW0tagN5w0u7K3XKfj_hIkUK8DoFMPRmD3Wk3bslD6-3TwJ78hyphenhypheni4T_FDOfA4yyVMc6vc3JS7FJoGQcdaD4JLvczqbIEruQHkv7S3oZXB3ynGhZO/s640/IMG_6594.jpg)
直行咗200米左右, 當要轉右的時候, 大家就決定回航... 就係呢個轉彎位, 買咗「食尚玩家」推薦的烤腸上車食... (怕被天花淋下來的受污染雨水污染烤腸, 我將佢地放入雨衣內用手係雨衣外勾住個膠袋行出去, 古裝戲味甚濃)
![](https://blogger.googleusercontent.com/img/b/R29vZ2xl/AVvXsEgWm8Z0FCTNOeK-TG8vldWDRHkNEIoEI7W4CYhUUTUOyq8BW2D_qmJ3jMgp-mZrzkcM9WsGh8Ib64ZHiW2E2cAslGga8wCqTGR0fbFPe_CJhh1Vx-uwfhUpOY1nCW-0lWyJDDZQK3EKkWKY/s640/DSC_3877.jpg)
美少女唔知幾時買咗鹽酥菇, 回到車上與大家分享, 大家食得好滋味...
落山好塞車, 大量大型旅遊巴擁緊上山, 條路又窄, 得1條線, 仲要來回行車, 根本唔應該比大巴上...
金瓜石黃金瀑布... 雨勢稍為緩和, 大家先肯落車影張相...
![](https://blogger.googleusercontent.com/img/b/R29vZ2xl/AVvXsEgiXWEwGf5blGdHY70ScHeoWiiVvosNE0137OuakZHYuxbfCRYWtt7xNeqlDVbhLFaSinVe5muLXODYdoOebUi0ERoasr5B3yh5GDSjeY82jXNpfp96oEAyYHalvgvZlxOqXJyiHni3WucZ/s640/DSC_3889.jpg)
![](https://blogger.googleusercontent.com/img/b/R29vZ2xl/AVvXsEgCWcwvmnFv8qBYSg5qXHQyQdJs0t_fyVc-y5mCwj5f2QGxdBcj-9nsHeLuavzNxtPi05HWh00P_8zWFItdWlz3Oh_K_T7SjXsbSF3DNbyJotXp6vfneXqIBAuxHfDjnEKfVdHi10TdUIhe/s640/DSC_000061.jpg)
金瓜石濂洞煉銅廠煙道... 沿山坡而建, 內置有換氣的風扇, 每座煙道約長達1公里... (攪低車窗拍照)
![](https://blogger.googleusercontent.com/img/b/R29vZ2xl/AVvXsEjV1UhmGT32thLpXYxJlNlbUh3LiqQDn93og6ogDBywa51MIMpML6pmgpgyjWozelWI9VoGFuVQ05vYivUkM1YOEPU1gMA0W0-1qCIozPKuGRmYlIJZf80vdpN5jy5MAgC4T1GBtcsBiMeK/s640/IMG_6600.jpg)
![](https://blogger.googleusercontent.com/img/b/R29vZ2xl/AVvXsEh2iIowtMpHTn-Kshk4CjoaAAAc_7T0txbqwIGJMqz_YwNybFvNuBo8S0qxj35JDQacgMkjM2MnD1JZhI_9BICjtx3eRq_gqc_YJ21dNoEVJMy_J2VsXPbWsdnr2pP_Vx_9eloKSz0X93qe/s640/IMG_6599.jpg)
金瓜石水湳洞選煉廠遺址(十三層遺址)於1933年落成... 見證銅礦開採與煉製的歷史... (攪低車窗拍照)
![](https://blogger.googleusercontent.com/img/b/R29vZ2xl/AVvXsEgyjjTRdI4vIIgCEceF5DRS0aKHYTbD3lHVrox00G2qLD7IOof1BUdH7VGoM-7ARxn3HjlQ5Tim0kp_mARDk0DLqHjlji6W-f8wdY4Tly4ndSF_F9QsRPQQ_54MWmAjL9LJtcKsgidBF-xb/s640/IMG_6602.jpg)
12:55PM 金瓜石濂洞灣「陰陽海」... 黃鐵礦與藍海水交匯處... (攪低車窗拍照)
![](https://blogger.googleusercontent.com/img/b/R29vZ2xl/AVvXsEhFtW7McXNTqdiulgqmW8XbBk0RZn4gcKx5yph38TjsfB2UxG4nhVMnWUd2rJ3ienSC79n8disMJkf_RcuasEeGHGw7lYZ1wWUD85KdcRf_PHZwpEmfR-WN2kbNW8omLyJC3Xbuj0EYfLnA/s640/IMG_6603.jpg)
![](https://blogger.googleusercontent.com/img/b/R29vZ2xl/AVvXsEiZwViT4oqKb9_q-x2M89OWxGJa0afVI-iNvyt8be8AN5MnUp6qq8VJ04wXCNb_RBApjeXxXQkmr8gtygfv1md4G7ID84Uecdke_U07kLuyo8OzOl8_-u_KBjs1N9lEVpTR4HJXjnaCQDPc/s640/IMG_6633.jpg)
1:40PM 東北角三貂角燈塔...
建於民國24年, 坐落在臺灣最東的岬角上, 有「台灣的眼睛」之稱, 是北部地區唯一開放提供民眾參觀的燈塔...
![](https://blogger.googleusercontent.com/img/b/R29vZ2xl/AVvXsEjTNKXdZ5CIs_rOE0JsOpXoTR7i88x2V4NsVgakQBmgBUkj3OQ_aCL_4hQqzYvXHejKldkX8w5DaF-N1jeZbY-Ukgf5Nw87cP5ABTq1wKsOlDZjL7cXhWHAiUD2T5xdhnlBjUewhZu8iaQH/s640/DSC_3908.jpg)
![](https://blogger.googleusercontent.com/img/b/R29vZ2xl/AVvXsEi94wIz76yZGg9feBZv3klPx94T4lesHDQHi58blknbcoutypx8BFt-KKQU9gzgapB2UnGM4Lvmr9Zr5KA8yhz25RN4CxP62-VY5cyYAn3TOBmYVzfaq8EcJlf8Q4zhYiTuxFshBI4Jzw79/s640/DSC_3893.jpg)
![](https://blogger.googleusercontent.com/img/b/R29vZ2xl/AVvXsEhuDvq4F9F3gqPeOMclgo7nEtmqXfOTlOblihiTVnWSkVauV4fvHhFeIC4E4122nfrms1IUOUYWvbTbNmg_hURurvYEQYR92uh9RdVT1yafIsrw5WPRPN3ivF7QQ0Bawvz3zv_whOiYQYdN/s640/DSC_3907.jpg)
一路上... 我以為我地好快會返酒店... 心裡面一路諗住返到酒店即刻沖個熱水涼, 又好驚第2日會發燒... 司機一路話去睇一眼個燈塔, 好快到, 快到用咗45分鐘... 到達後無人想落車... 最後美少女話大家用咗45分鐘來到, 無理由浪費呢45分鐘, 點都應該落車影返張相... 佢講得都好有道理, 結果大家最後都落咗車... 先去個Toilet(無皂液洗手)... 再入燈塔內參觀展覽室... 小虎話要同美少女的Minion公仔影返張合照...
![](https://blogger.googleusercontent.com/img/b/R29vZ2xl/AVvXsEgC7Hc3njpHakqYxq7M6ACMTPzVv3e7Mhh2lcuvofITXqdLaY3caTTaDI7uxBMac-m7aCS05FONiYKmnDS9-dtPwX__Un5CVgf7Io1PwextNhsAwMr7wZJzcGorsW1J1c1UCzNK4AafEz2S/s640/DSC_3898.jpg)
其實燈塔入面一眼睇晒, 但係大家就賴死唔走, 行完1圈又1圈(1圈大概係7步成詩的距離), 原因係... 出面好凍, 風大雨大, 無人想出去呀!!!
離開時有堆人係呢個心心面前影完又影, 影完再影, 最後仲拎住把吹反咗嘅反骨遮做道具, 又幾有創意喎... (我呢張相係o係佢地換人之間的0.01秒影的)
![](https://blogger.googleusercontent.com/img/b/R29vZ2xl/AVvXsEgEyXQgaWWnxtWDqN4O2pFlUdVl9mJngMQ7pN07WFrCvsQNQHACwRXOclPzMSNvBhhyphenhyphenZyTKhxuGJN_opnGSIRZe8-RTK8qEFjmFfV3SwZBillhYJ-TjGjovvnCve7vrnypmeT2Cjc6JPSvV/s640/DSC_3906.jpg)
終於回程...
三貂角燈塔 - 東北角暨宜蘭海岸國家風景區觀光資訊網
http://www.necoast-nsa.gov.tw/user/article.aspx?Lang=1&SNo=04000478
2:10PM 福隆火車站...
司機推介大家試試福隆火車站的便當, 可惜唔知咩原因封路, 唔比車入, 所以駛咗去福隆火車站前少少的位置停, 咁啱對面都有賣便當的店... 大家都落車去買便當, 只有我1個選擇留在車上, 對鞋濕唧唧超過4小時令到我心情堪入谷底... 好想除鞋呀!!!!!!
![](https://blogger.googleusercontent.com/img/b/R29vZ2xl/AVvXsEiy_FgZTLsZu8xM-2mBrNsKViQ3MDVYfICP6yBGPx2HDlMufYpIy8VB1yTeVdhxXYtRRXRxzg7tba76FYdtMqjUJNmxu9uAYT480tGV8FP4K0yaD14crPi14rLmsV0h4E6gqNRJNiPoRjGc/s640/DSC_3914.jpg)
3個人落車, 只有美少女有買到福隆月台便當回來... Honey話睇完覺得我應該唔會食, 所以無買... 另外1位朋友睇完話"唔肚餓"... 美少女在車上不斷一邊食一邊話:"你地唔餓嘅咩?!! 攪到我好似好大食咁"... 情況都幾搞笑...
![](https://blogger.googleusercontent.com/img/b/R29vZ2xl/AVvXsEhFhwp94jPxrAtKNt6CddBMtVSFY8_HUdzqKGWAnAqfOdx0GLVYwhy1JFmdQyfhMzXLt2g8k5Jzu-b3Jzup-L_NNM134E7ZZxLPP9hjXT8WDU0jrQqmiPAguFHZVQIw6T1sEEAfPdKRZAZP/s640/DSC_3915.jpg)
![](https://blogger.googleusercontent.com/img/b/R29vZ2xl/AVvXsEjaPwNybqRrFF451JaEB41HWXJ-4G3PIvGxvZjYEeRc6Xmut0MkbIhjod0LES9alIikBuENQaKhMSHJxUzFvy4VSjCaSJWRbrgH-hvIrAUelOnZm6yUnIHGOWkNA3D9Gi9J5Am1OUXiUtJ1/s640/DSC_3916.jpg)
車子再向前行了幾分鐘便見到「核四」龍門核能發電廠...
![](https://blogger.googleusercontent.com/img/b/R29vZ2xl/AVvXsEjVa6LZF8BfeSO86nlwoA4A0nO25_bhb1InaALaTle5Cfn9CjWoXhbtBjdnZF5GdyAEwNUHXZd88AFrDVGlEk8_4yTIxsV-UiOLy8IAy2ZBbWpzK3xCzCECYfT48Uync8b25TFc2nL_cTxL/s640/DSC_3917.jpg)
之後經過間餐廳司機停車係門口話入面有龍蝦食, 好出名, 果刻有D心動想落車, 龍蝦喎, 賣飛佛... 同埋今朝早餐食得1塊麵包, 剛才係九份食得1條腸仔... 但我對腳強烈警告我唔好落車... 最後只有吞啖口水, 絕塵而去...
沿濱海公路回程, 有經過早前哄動一時的龍洞... 好多警車穿梭, 又有警員在岸邊影相, 應該影緊企到好出的岩石上釣漁的瘋漢...
當晚係酒店睇新聞先知, 之前1晚, 即10月8日, 深夜三名男性釣客遭瘋狗浪襲擊捲走失蹤, 地點正是龍洞(新北市貢寮區)... R.I.P.
http://www.cga.gov.tw/GipOpen/wSite/ct?xItem=93024&ctNode=7739&mp=9997/
何解話係岩石上釣漁的人是瘋漢?!! 以下是司機在濱海公路唔知咩位停車叫我地落車影下鮑魚場的照片... 大浪到呢... 相中4位港人已被風雨催殘至失去常性, 反正個身都200%濕晒, 狂風暴雨視作等閒, 雨傘雨衣全部唔用, 氣定神閒繞埋雙手影相...
![](https://blogger.googleusercontent.com/img/b/R29vZ2xl/AVvXsEj_hV2KNfn2mONy0JGzC4JPjQtY5_pxoOUjPEK88NjLPN6tpFatfBPL0ujecFRxdIwadhuJEV1M5CFg2VjtHzfsDZd59mLlUIegDRkq3Cf90R55UsZoT0LhUjh-vvJbqIs3SNnonvA0IBeY/s640/IMG_6626.jpg)
![](https://blogger.googleusercontent.com/img/b/R29vZ2xl/AVvXsEhl07RdeF7dz97UkmfHV45ELHP2SpdAfczcjS1n1xQhrOy7anO29OAAcdMrNxZ_tgaii2aYtaZavrqgLHkcsPyCR0Jd3lPDsD_ExNY3frlYUHRhtxkLvvEoq92e-csRSXG4jj3boskK1vTj/s640/IMG_6622.jpg)
![](https://blogger.googleusercontent.com/img/b/R29vZ2xl/AVvXsEiOLHlzK3Xum9m45sCOgWJwi5ccoQcHT7ygf6wXpurgeWyW5t6E_CYn00CvTkbWSCa6j-jycjmY7pqCVTN-lB0cj1v5fGKQd5BTE3fMjH5AItr8gfqJ2FVox9p35J_iJRA87HNUVoX2CumU/s640/DSC_3921.jpg)
上返車, 司機仲攪爛Gag, 話佢提供嘅係高級服務, 左手揸車, 右手拎支髮Gel出來比美少女, 真係笑到肚攣...
3:15PM 基隆廟口食街...
司機叫大家落車試下地道小食, 4位飽受殘酷風雨虐待至不成人形的港人, 已經唔肯再落車... 拉低車窗影張相就走...
![](https://blogger.googleusercontent.com/img/b/R29vZ2xl/AVvXsEhchc1AftyFgs-2OQHMRGMhp3fh7lnNO34SEJ2BZfxIRAdElD8ET26sgRiAwIjIq8cwozI-WmMrZxTJG4MCbqmHJWuqUpMnK2PcRpfXVb8ErHTP7YtElOksgtzwHC9Y-qPJHScUka9jk85f/s640/IMG_6637.jpg)
司機講笑話, 以我地嘅速度, 1日已經可以環島遊晒成個台灣, 佢興致勃勃, 講到好似約實咗下次原班人馬再出發咁...
4:00PM 返到酒店
謝天謝地, 感動到想喊, 我終於可以沖熱水涼啦))))))
Bye Bye 啦~~~ 各位團友~~~ (又Bye唔晒嘅, 約咗Honey個朋友今晚一齊Dinner)
<<待續>>
台北總匯 : http://www.kenmerry.com/search/label/└15台灣「尋找他鄉」
沒有留言:
張貼留言