![](https://blogger.googleusercontent.com/img/b/R29vZ2xl/AVvXsEiVzqO4vgG0cFOiZ5KHcDQso-SnBi8XsliXyZCCXWq8z0p1sfGvIuLMbOpUtKtHjVXd0aJ0b4ruCG8YExrYJiktYXFfIrQBUT7vLdGUbQGsj8OkFwjxYnovtkDLbwY_daJkTg2HO9ih1Wwy/s320/DSC02376.jpg)
終於可以瞓飽飽仲要唔使睇鐘做人喇... Hea住Travel才是真正的享受人生嘛...
將「食飽就瞓, 瞓飽就食」視為人生的座右銘... 咁... Lunch食咩好呢?!!
早幾日(飽受殘酷風雨虐待至不成人形1日遊果日)搵地方食晚餐時, 除咗對「紗汀娜好食 (Sabrina House)」比較有好感之外, 都留意到「圈子 Jessie wa」的評價不錯, 但見佢主打Brunch, 決定當日唔試住, 留作日後瞓到黃朝百晏先再去食早午餐...
命運中的邂逅... 就在今天...
每天都出入捷運民權西路站9號出口, 必定路過這店子, 原來佢竟然就係主打Brunch(早午餐)的「圈子 Jessie wa」?!! 我對眼真係咁大嗎?!! 眼大睇過龍至此?!!
![](https://blogger.googleusercontent.com/img/b/R29vZ2xl/AVvXsEj8Xlw9CZsceuhNP3iQtTfJ1gfNUQf-1SHF5uzv8NhS-i6W9sy3XWQ_cVsTIbuRlNQ6tVq3CyW13U6LcXQa9TJbxCq_ChYHlmtDkz0CAOWL-dPKOKRkLPvF0OY1FA8A-a7lMFJfuNJAURZB/s640/DSC02386.jpg)
每日路過都會駐足欣賞的室外小空間...
![](https://blogger.googleusercontent.com/img/b/R29vZ2xl/AVvXsEg6gm1JwsyTGsMeR9pohzRCVV46hKXXg7ICeALpWs44XFtwHUwE6lUdIck4ggz2lM3CA1Sjmnb-BKYaoIpABEEuHeA0BFBi9uwJPxRvQDi3IrtgghCjCuQ0pAosefU8mrJUNTgpWqJSkSmd/s640/DSC02385.jpg)
進店後, 店員安排我地到樓上坐... 環境都幾舒適, 簡約風加點Raw的味道... 正值上班族的午飯時間, 店內滿佈客人, 也不會感到太喧鬧...
![](https://blogger.googleusercontent.com/img/b/R29vZ2xl/AVvXsEg9U39AtNHAHe8auPmvpQL7ab7lBr9S2nx00PzM59g4Z6_fJjCrJGB1uFH_2W_dglA-1eytJu2oCFlGf1aBnE_dLH3hbqF7whUlrcMF545D_SOUFIKy2hjDCFU1KeoTOUtt5LWppWfokgdm/s640/DSC02382.jpg)
![](https://blogger.googleusercontent.com/img/b/R29vZ2xl/AVvXsEjo71YCdxIwxBXqHTnH7bIs87D6MmNxoCdvVJ1K3jfFnHP7QV2vuq2RdTqT9hHCwefhzOEGSu66i0FVsodzpusRnIpkdm7uz_u6uSG8yyTRo_8lhBGnojJE2515HvWjGAFGfBAiApSBEZHO/s640/DSC02378.jpg)
餐牌內有太多選擇, 好難決擇... 店員過來問了好幾次, 仍然未能下單... 最後下定決心, 原來要落樓下落單付款...
![](https://blogger.googleusercontent.com/img/b/R29vZ2xl/AVvXsEgBDhDgIClpMR3kcV_TP8_RZOVkRDDupDVgCIAhyphenhyphenmFKscviv1ahpkBeS2W2g5oiyPQnk8oEFKTjUp3ycuIpzGKChYSjD_UH14HahtDI_FX9hQHpBbRHAIe5cU55jtHs_iq_3V4p35098JiA/s640/DSC02381.jpg)
![](https://blogger.googleusercontent.com/img/b/R29vZ2xl/AVvXsEh1RtrYP6wDAPdGcddCO9vkx4mpBVAFi_d6Ly-NFE9fwVv_qOmbiqiFZGPoIVMXkcdJr73xUubiu5ofVnLUkbnvUQEFM0qZH1ROAgtyPVf7EQy_0TQ_SOdMpcDb4KccNGesspsTYYiuWcjN/s640/DSC02383.jpg)
(左) 夕陽煎茶 NT$85 / (右) 俄羅斯紅茶 NT$85
-- 日本烏龍茶甘甜滲出紅醋栗果香, 舒坦身心... 店員妹妹貼心指導如何泡茶, 泡一會至自己喜歡的濃度後便將茶包夾出來, 放在小碟子上...
![](https://blogger.googleusercontent.com/img/b/R29vZ2xl/AVvXsEhrfTQsH7_6K_6J_bY_D_QO0cdokhSd9mqy5O0uYlTGtIs7FJPa0H86y3qSvccL-x3oNWNDroJc08_YNqsXAzgEeRT-eXQliBDhn_ZM1a7C1vxgMOweoiP04SHvL0FreO2tmL-dxhvgAdxy/s640/DSC02374.jpg)
義大利茄汁海鮮燉飯 NT$210
-- 濃稠的醬汁混合了白酒及茄醬再灑上大量九層塔, 香濃中帶微酸, 開胃惹味, 好味到無朋友... 材料有蝦、花枝、蛤蜊, 非常豐富... 推介...
![](https://blogger.googleusercontent.com/img/b/R29vZ2xl/AVvXsEiVzqO4vgG0cFOiZ5KHcDQso-SnBi8XsliXyZCCXWq8z0p1sfGvIuLMbOpUtKtHjVXd0aJ0b4ruCG8YExrYJiktYXFfIrQBUT7vLdGUbQGsj8OkFwjxYnovtkDLbwY_daJkTg2HO9ih1Wwy/s640/DSC02376.jpg)
普羅旺斯雞腿佐青醬焗烤飯 NT$230
-- 醬汁包括白酒、白汁、香草汁, 材料有杏包菇、鴻喜菇、香菇、雞腿排, Honey食得好開心, 我咳緊, 唔敢黐食, 以免傳染佢...
![](https://blogger.googleusercontent.com/img/b/R29vZ2xl/AVvXsEgB_p1vRkTgU9CkfjIhh_4sqt1Q6VP-RvUF7nBmrAQoCfTFhHi-ywERrxU4OJHhBiQr92LzL4tpa0bgmukm1d_D7-JRhMsMJXIA36in9Go22Yj1KjLO63qPXERn4-KfgwRqu_OxDuIqjvGk/s640/DSC02375.jpg)
呢度嘅千層草莓鬆餅好似好正, 可惜... 咳到肺癆咁, 比人ban咗... 鳴鳴鳴鳴... 好想食甜品呀...
店員妹妹工作太落力, 自助餐具區形同虛設...
![](https://blogger.googleusercontent.com/img/b/R29vZ2xl/AVvXsEikoyFiCjxpu0SyuC09OWTlrh3I1qNQSQs00were5w9BlWlGGO0OkDEWIJmhvzMjf2vRWu79kJy22nh0gw-0uAXe1hKNoJ3tOvw-G3S_T5E3bQYiiSUVBQxl7LrB7eomSY3xd2LYr-C6ARr/s640/DSC02380.jpg)
Signature Table一直有客人坐, 不敢拍照, 我離開時剛好客人又離開, 店員妹妹在執枱, 我示意想影相, 其實只係怕佢唔高興我影到佢, 點知店員妹妹竟然叫我等一陣, 幫我抺乾淨晒張枱, 仲要拍齊枱椅比我影, 好窩心 ...
![](https://blogger.googleusercontent.com/img/b/R29vZ2xl/AVvXsEj9tc0GpM-SQDfGcLg5rWQL6FJPigFNaHDgGYCcYHDnCKr5KaxJ8wVBEqJ0gp_W2u4okAcms_Akw1FsNecJWly2HDNz73cqx91CKLXE2VOsrbaOlnN52tlapGzGdyCm1BpbXUZgcTV9sXhu/s640/DSC02379.jpg)
(話說回港之後幾日, 去美酒嘉年華, 我只係影自己剛付款的食物Close-up, 個廚房佬--我估佢唔係正式廚師--居然呼喝我"影咩相呀?!! 有咩好影呀?!! 走啦"... 果段時間係VIP Invitation Only, 未開放比公眾, 全店只有我1人在買食物, 無阻礙佢做生意, 仲要比5百蚊無錢找我好努力去借散紙買, 我都叫好合作啦, 佢都咁嘅態度, 一下子落差太大, 有點接受不了)
店員妹妹年輕可人, 工作用心, 對客人又貼心, 鄰枱姨姨不斷追問店員妹妹有無男朋友, 好似想搵新抱仔咁...
埋單NT$665, 比尋晚鼎泰豐貴NT$55, 即十幾蚊港幣.. 今日呢餐無論服務、食物、 環境都好好好多...
味道:★★★★☆
環境:★★★★☆
服務:★★★★★
衛生:★★★★☆
抵食:★★★★☆
圈子 Jessie wa
地址:台北市 中山區 民權西路11號
電話:+886 2 2599-1510
網址:
台北總匯 : http://www.kenmerry.com/search/label/└15台灣「尋找他鄉」
沒有留言:
張貼留言