網頁清單

2015年11月18日 星期三

台北「尋找他鄉」2015の謙匯國際酒店式公寓:初試Service Apartment

October 2015, Thursday

第一次出門租Service Apartment...

今次住得比較耐, 唔想對腳比地氈上的塵蟎搞到過敏起水泡, 又唔想帶咁多衫, 個旅行喼都無位放, 所以主力搵無地氈+有洗衣機的酒店式公寓... (交通要便利+治安要好+價錢要便宜+間房要夠大呢D就必然啦)

要求多多, 錢比少少... 咁都比我搵到?!!

多謝「光纖之父」高錕!!!

捷運民權西路站出, 行幾分鐘就到... 附近有晴光市場+雙城美食街, 屈臣氏+頂好(台灣惠康), FamilyMart + 7-11, 應有盡有, 不能盡錄...

Lobby 有中英日秘書候命... 保安員長期駐守...



樓層走廊...



房門用電子鎖只係小兒科, 用上香港豪宅先會用的鋼芯門真係好誇張...



最Concern個廚房... 雪櫃+微波爐呢D基本設施啦, 乾碗機我屋企都無... 洗衣機堅係日日用, 乾完D衫堅乾, 浴室仲有高速熱風乾衣, 洗完晾好第2朝瞓醒已經著得出街, 勁過自己屋企果部... 返港前一晚繼續洗, 返到香港衫都唔使洗, 慳晒唔少水電, 哈哈...



餐具有齊... 洗衣粉蒸餾水日日Refill... 每天有人打掃換毛巾...


浴室...




睇下間房先... 勁多櫃... 起居間又大又舒適... 工作枱夠晒長...



起居間同睡房有趟門分隔...


睡房...


WiFi每間房獨立Router, 夠晒速度感, VPN返香港睇myTV直播奇皇后係有少少窒... (之前2次來台北D酒店都Connect唔到Free WiFi, 好難好難得Connect到的時間都好似蝸牛上樹, 仲要好快斷埋)


其他設備...





天台有泳池, 無享用過...



地庫有健身房, 用過1次...



有咩疑難, Send個email好快有人跟進...

整潔程度十分高, 住咗12日1粒水泡都無起過... (係阿德萊德Mercure Grosvenor Hotel住咗2晚已起幾百粒水泡)

有擔心過介紹咗呢間咁好嘅Service Apartment比人知之後, 會唔會第時自己Book唔到... 哈哈... 多餘啦... 而家仲邊有人睇Blog, 更何況係我嘅私人日記!!!

謙匯國際酒店式公寓 CH Service Apartment
地址:台北市 中山區 農安街6號
電話:+886 2 2592-7860
網址:http://chapartment.com/tw/



台北總匯 : http://www.kenmerry.com/search/label/└15台灣「尋找他鄉」
 

1 則留言: