![](https://blogger.googleusercontent.com/img/b/R29vZ2xl/AVvXsEg7bx67DSQ4A2OSHhxo7VLFi6kDju-lJ_3OPcrkmMS_5F99bgcYkWM96abvLx0i95kTtLlAp5wP3gCQ-GCTbCdjL8PEqj2mqtk8Hh9WYJs6uLf28CmlyH14OViRoR7Hp5lR74g_AUxa4MOi/s320/DSC_3943.jpg)
我今日終於可以盡情瞓, 盡情瞓, 瞓到飽為止先起身, Yeah!!!
差不多到中午, Honey開完會回來酒店接我去食Lunch...
明明好塞車, 架Taxi起勢係度飄移... 除非你架車裝咗竹蜻蜓, 否則, 你原地踏步瘋狂飄移係無意義的!!! 未落車已經好想嘔, 一度好擔心會忍唔住嘔咗出來...
Honey的朋友仲未去過GoGoRo「全球體驗中心」打卡, 我地好興奮又有得襯熱鬧...
店員講解完畢, 2位男士忙著坐到"電"單車上拍下英姿, 店員便問閒著的我"如果香港有GoGoRo賣, 你會買嗎?", 我毫不考慮便答"買"... 其實我應該答"只買不用", 哈哈, 會否太土豪?!! 膽小如鼠的我, 揸私家車都騰晒雞, 又何來勇氣揸電單車吖...
5月分的文章:告別呆叉電! Gogoro智能"電"單車「全球體驗中心」
http://www.kenmerry.com/2015/05/gogoro-smartscooter.html
![](https://blogger.googleusercontent.com/img/b/R29vZ2xl/AVvXsEjkz8AMQKE_XOt50P-ewRgWsbpNnBIjx23GIMwStDq3xeKBbAnKVhfIcAPSxKDM12N84JGKlhQOFPKoqpi6F4qJJ9OJZK4byFKpCOJacRXR8Ya3tE8Aor3SbnjxhReGS31k7OgCZ6dRFS1u/s640/DSC_3947.jpg)
好肚餓!!! 好肚餓!!! 近近地, 過對面馬路的新光三越搵食... 朋友推介香港機場都有的勝博殿... 其實我真係未食過... 好, 就試試...
![](https://blogger.googleusercontent.com/img/b/R29vZ2xl/AVvXsEgyj8Sekd1ZNjoV6DjivE_0zFNatKZ7cR7wb-BZv-N3aMzvJzaF6wGycX1NpGsRGaCdGnU0XGo2v7CE3h19YrIpWXKDUXcab3xV-ba7_-Py3UBFDHwEG5JzAxsDxdCmlMxHp7qMLmYFFGaD/s640/DSC_3945.jpg)
![](https://blogger.googleusercontent.com/img/b/R29vZ2xl/AVvXsEhY6uR_ZLLgZwbkjeJeUb7mGWLfxwsA_g7Q5KaMx0QQv3xGs_H87OrMvEMqaP-YnihG7cM2PQ-xepaRVNnrT1I_lyNtYUBj_FQ3VcphyO-Qq71eHgDIjZN10r2repp3WAAtu2pRlrBJBx8s/s640/DSC_3946.jpg)
Happy Moment... 磨下芝麻先... 黑芝麻,白芝麻,嘩嘩!好認真呀, 芝麻都2隻色... 以前大戶屋剛開業的時候, 都有得磨芝麻, 之後人客多了, 不斷偷工減料, 我去到就唔再食炸豬排...
![](https://blogger.googleusercontent.com/img/b/R29vZ2xl/AVvXsEgx3nqooUifJTsNQz9GJKryJIIZBoEKS2DV2b-0S07L-WIunH0qTLKWPsjMEem-xXqXQMMVFemCS-kmBZtucKSAAZBgE5nOorZFC4WIR0Q4MLTC0uKbXRenGbdZO-vfcWThaAQbVf_61Her/s640/DSC_3939.jpg)
![](https://blogger.googleusercontent.com/img/b/R29vZ2xl/AVvXsEjH7dg1KF72Fqm8PPEuJVxOGgrhyURU2dxgYe77rk9FJChzEIOyUDjuOSfM-bGkt9hC7-Tv0ksfXLXtg5DYcj_H9VH33J7sTUW95UCjGAAcuIcOg-APonfJa3eKRn1wOU6PjE_x-5URXDdo/s640/DSC_3941.jpg)
加埋又香又甜到漏的豬排醬... 大功告成... 呵呵呵... 落多D多D多D...
![](https://blogger.googleusercontent.com/img/b/R29vZ2xl/AVvXsEhoOAWTBTs-CRIa6hAOsJVS8m03AKf2vCwOo0uMkjepiCwrskM55isUEKwjWqyA-E_m3pL6rckRyx6x20jS7Kr9IX0d7Lsopn2_TM-MVUY7gB9ZT0UTtNrG7YeZqkPsz74yQjSl7ZHK8PGA/s640/DSC_3942.jpg)
為咗食芝麻沙律醬而狂食高麗菜... 點套餐的話, 高麗菜食完仲會Refill, 飯同味噌湯都有得Refill...
![](https://blogger.googleusercontent.com/img/b/R29vZ2xl/AVvXsEhC7i5Dks2VI8e9U60RUbvBlm90UURfetNc3tzJ7JZfilYFFFBAyuWOXUnjk7UE1k-O62Tt397SFgATOWmWF4eQYnkU5G_LhNAyI31PDUaChtb_YeGhhsRSFsx7Vt0NpQGe_n6Gvlo1DSSC/s640/DSC_3937.jpg)
元祖豬排卷套餐B NT$370+10%
-- 嘩嘩嘩... 好豐富... 元祖豬排卷x2+里脊豬排再搭隻蝦... 外皮炸得酥脆甘香... 露筍卷豬肉略為乾身了一點, 半溶芝士卷味道唔錯但好滯, 里脊豬排才是皇牌吧, 肉質細膩又不會太乾身... 瘋狂蘸芝麻豬排醬中, 芝麻味勁香...
![](https://blogger.googleusercontent.com/img/b/R29vZ2xl/AVvXsEg7bx67DSQ4A2OSHhxo7VLFi6kDju-lJ_3OPcrkmMS_5F99bgcYkWM96abvLx0i95kTtLlAp5wP3gCQ-GCTbCdjL8PEqj2mqtk8Hh9WYJs6uLf28CmlyH14OViRoR7Hp5lR74g_AUxa4MOi/s640/DSC_3943.jpg)
吃飽飽, 送你一杯果醋消消滯...
![](https://blogger.googleusercontent.com/img/b/R29vZ2xl/AVvXsEgvlHEsmXnjI8lQGUOQxycY1Oy8hyphenhyphenC5Zc9jqMAelKTNUxB45YMOSUwSdlAqZUtM4WNZ3y8dJ9rOHiLQ2h6ybwLZf7EjG6qROvt3K5Rp1elKS6yKDlePsC3kjuOgPPafFvlCH3HK-egJVj3m/s640/DSC_3944.jpg)
環境、服務、衛生都好OK, 味道亦屬中上, 列入可Encore之選...
食到咁飽, 再坐飄移Taxi的話, 真係嘔得出來... 朋友突然靈機一觸, 話試下UBER... 嗯... 未試過喎又... 都好吖, 凡事都有第一次嘛... (UBER司機好快來到, 架車好新淨, 司機手車定到大家瞓著晒, Good Try, 搞到我同Honey都想裝返個UBER APP)
味道:★★★★☆
環境:★★★★☆
服務:★★★★☆
衛生:★★★★☆
抵食:★★★★☆
勝博殿
地址:台北市 信義區 松壽路9號6F (新光三越信義店A9館)
電話:+886 2 2725-5829
網址:http://www.saboten.com.tw
台北總匯 : http://www.kenmerry.com/search/label/└15台灣「尋找他鄉」
沒有留言:
張貼留言