新聞一則 : 台北氣象站22日冬至來到30.5度高溫,創下67年來冬至最高紀錄,中午時分走在街頭一點也不冷,彷彿又回到夏天。
同Honey的朋友做完冬, 佢地提議轉場食甜品, 呵呵呵, 我實贊成o架... 跟住朋友話去Dazzling... WoW... 好呀!!! 我去我去我去!!!
朋友用App Call Uber去, 又快又方便... 佢話上車唔使同司機講去邊, 一定唔會去錯地方喎... 哈哈, 又係喎, 點解我之前諗唔到嘅呢... (我仲以為得我一個有雞同鴨講嘅問題)
話咁快就到Dazzling Cafe!!! 呢間係第1間開業的Dazzling Cafe總店呀!!!
![](https://blogger.googleusercontent.com/img/b/R29vZ2xl/AVvXsEh9fFIye5KawG769yc2tCD29ON7F28fESaOHSN66DpN0lmi8VHcli1594NhWLXCtGCLS7Rp-kMbrd07-o9E1ee-L3bAsm7CVQ9aQIX39UVwgTVonrYDT9Ih28NxUnI-WBA6JI-Bb0ZC9Su3/s640/DSC02813.jpg)
接近9PM, 唔係太多人, 但餐廳職員話某D區要維護(我估係清潔), 所以大把位都無位, 只剩超巨大Family Table... 仲要係High Chair果隻... 嗯... 都好啦...
![](https://blogger.googleusercontent.com/img/b/R29vZ2xl/AVvXsEgJE9m2cVV6FA3E20FomNCqQTYpmS35gWGb0zIC8irrPNcTC8VnJIfswcHkRldYB05JbCi_K_H02fiHCvEQphtepnr1K0DzSa0GfcnZuW4U4xCDXbH7inaTSKdGuEJ0ZtOO6IrfO2vTTF8E/s640/DSC02814.jpg)
落單後, 有客走咗, 職員主動幫我地轉枱... 舒服晒...
餐廳的小擺設營造少女夢幻氣氛...
![](https://blogger.googleusercontent.com/img/b/R29vZ2xl/AVvXsEg8teh2fejab0rAYRW6GAhK1csxychHAx_fR_c3KOx9xsKsvz7NSc5jwLW24bN876k8d6ck0zRKSyKqY-lExY-Pz-Dzm_oroNTJH3mIHCBK4OY2jZ8GXB_FETmj2Uk32et3cbW1637h9GyK/s640/DSC02815.jpg)
![](https://blogger.googleusercontent.com/img/b/R29vZ2xl/AVvXsEj4G5szrUqsf8qaD26UV8AybAdMQvmjTFb-kY9_3v0jORLKTZ6k0pXP6TTwOfb3VCo_EUKrH5GAtSQXkqp-VH-DSWm8jQeWVUHtA1OokRzz_zFN9ddcmQQ5XIZ5tpD1jmuupp2XCDXYnxN7/s640/DSC02816.jpg)
榛果巧克力蜜糖吐司 NT$290
-- 人氣必點甜點Top 1... 好好味呀!!! 吐司焗到好酥脆, 蘸軟滑雪糕一齊食實在太完美...
![](https://blogger.googleusercontent.com/img/b/R29vZ2xl/AVvXsEgkprgxbQFCvxS8feKIVYV5q0zeweTJl8aTjrJembqcL4NXgNlMymp4fOpQfUuKz46KijPKBk1HUOv4WYI6IjkoRcivFKA03EuOKZBKHaI7ZUrnMJZkLSsmtzPavTGK-TSnrefSSnXbePbK/s640/DSC02826.jpg)
經典巧克力鬆餅 NT$180+$20 (升級麻糬)
-- 人氣必點甜點Top 3... 脆脆鬆餅+QQ麻糬=夢幻組合, 太完美!!! 好幸福哦!!! 明明4個人Share, 結果我1個人叫咗半個囉...
![](https://blogger.googleusercontent.com/img/b/R29vZ2xl/AVvXsEhO-Mbn9HDaHk_yr8AiEbRVILNmZdFHlxf0Q_04bZ03FxCYJweEw36myPGB1zpRaZB2kHLHZJduM2B1-7MaQRDULm7GYNJLbAMfQEqbELh9w-Mb8krh5y34WavIL_lz89dNY-IMTBAwFZuk/s640/DSC02824.jpg)
仲夏熱帶水果茶(壺) NT$160
-- 上次係香港中伏叫錯茶包, 今次唔會再上當啦~~~ 煲到起沙, 濃厚果香, 酸酸咪咪, 令人著迷...
![](https://blogger.googleusercontent.com/img/b/R29vZ2xl/AVvXsEj2tNVCqg5Dg00DmoPCxKhrb2YFXumuyvKNde_CfTGJyfzecEPIQZLcbGj_5G3rSS2QR3cYXNV-78-2TnQK1DmL-09KJ48A-_MiC-YWWRVDgd3FCtsE2ihzMlTtjTHjZnxyZEyF3LVgVYTL/s640/DSC02823.jpg)
傾傾講講, 時光飛逝, 10點左右店員通知我地關門時間到了... 離開時朋友帶我地行去捷運站順道介紹一下東區的美食與潮物, 見到好多餐廳都好吸引, 腦內已開始盤算擴展美食版圖...
過2日路過又再影下個門口... 哈哈... 好無聊...
![](https://blogger.googleusercontent.com/img/b/R29vZ2xl/AVvXsEiZFTibBxKgs6yfOYXbRx3JSopnSIHnxKmF0akW9XBRYoNegGrb6dhbpdzegDtMerf3F-HKaJo06ytbQmyKXeUmDcHmhlNAxViCOL7QZ3kg2AGAfjT0wRhzY3rATs28JcDmPvMAJqwJLQky/s640/DSC02848.jpg)
甜品真係好美味, 一定一定要Encore!!!
小事一則 : 去Toilet期間, 門打不開, 人被困在裡面, 好驚呀!!! 點算呀?!! 叫唔叫救命好呀?!! 狂開十幾廿次, 都係唔得喎, 點呀?!! 發慌再大力扭呀扭, 扭咗十幾廿次,終於開到, 好彩唔使Call消防...
味道:★★★★☆
環境:★★★★☆
服務:★★★★☆
衛生:★★★★☆
抵食:★★★☆☆
Dazzling Cafe Pink (1店)
地址:台北市 大安區 忠孝東路四段205巷7弄11號1樓
電話:+886 2 8773-9238
網址:www.dazzlingdazzling.com
沒有留言:
張貼留言