![](https://blogger.googleusercontent.com/img/b/R29vZ2xl/AVvXsEjHrxIZ-G_JpIeoEqAGRdvdB5wOVZZQbQKTApl917JKOpPIFanTR_0QAz-6yUGTMifTrpwm_7Z7WTOw4WBnH995_auzvd-QS3CeCoEBkXUIPV6kBYQPo8t_sb2wX37hky6S8020T7dvtL9O/s320/DSC02921.jpg)
今天突然胃口來了, 病好了嘛?!!
其實呢幾日都係1餐當3餐, 今日都唔例外...
3:30PM係下午茶時間, 亦係我地食早午晚餐嘅時候...
第一次路過smith&hsu時, 係比佢度大大大木門+Raw到爆的石屎吸引住, 仲有內裡座無虛席的賓墟場面... 今日都唔例行, 行慢一步, 樓下已滿座, 好彩樓上仲有少量座位...
![](https://blogger.googleusercontent.com/img/b/R29vZ2xl/AVvXsEj5Kc_umQMMp2NQBz_dBI52zDkVZuK9aQirMY9fYcpBmBIli5mxzM_cyeW4Whq6lc-xLMTwn4GWrZluGO-cifGhIjKzQMAW3LZugUzDsSwjDfyqjYw7MCh9nCS7FTKZ1fXQH0TtoYzWUSbU/s640/DSC02904.jpg)
入口是售賣茶葉、茶具的展示區... 茶具都很美, 藝術氣息沒法擋...
![](https://blogger.googleusercontent.com/img/b/R29vZ2xl/AVvXsEjAkQudzYlrSHVVrX_k6yvLxkX_WIsexBx9QOH17FXfcbpl9rvAOhOyDoSVyZyXjd3aR0IKJXae0_pj-8u2ifTP988S5vnPWqCQQMk_Gj6L1k2el217ZfFPFt2SBhE5gjXQq_sGVGIwTkht/s640/DSC02924.jpg)
樓下用餐區, 7:00PM離開時才有機會影, 進店時坐滿人不敢舉起相機拍照... (身旁仲有1枱客)
![](https://blogger.googleusercontent.com/img/b/R29vZ2xl/AVvXsEggGIXWsB6hXj_gzj94XskHfTc7X6WNNICCw3vrIONtqdk3E9Whb4R_YZxUMrZppqfp_ESikg99TYoM-gqf-h051fiCEkM349uOxZKUWgByN29K0T-OYBN9Bd73xtd3IYaINcLCaW2cMmRP/s640/DSC02950.jpg)
樓上用餐區... 除了找不到店員落單要落樓下落單, 仲有要等好耐好耐好耐先有店員上來可以比我地捉住佢Refill Hot Water之外, 其實樓上比樓下好坐, 樓下車水馬龍, 樓上有種瞬間與世隔絕的清靜力量, 傾心事一流...
![](https://blogger.googleusercontent.com/img/b/R29vZ2xl/AVvXsEg0KhJP7Kz2fSXBxdg1JuG6mVoX2zQqXQ-XBahgyfeh78bV3Lv9eXXX-Ds5q4dTwep1BAky2B1zewINOlDwOeHaOlaEu_9IK1-l74eP6HVIivE1lhOi9Zt4sX2n0NLzFyUU5ulJ64_YvoqD/s640/DSC02940.jpg)
![](https://blogger.googleusercontent.com/img/b/R29vZ2xl/AVvXsEj8GNCZHPWdcxoPGO_HLzMRasL_R2zQ36sl-axYJck371D7zbp_1Ybr_GGaJhYGfBbgHFl7JBE8eneS8pjlarHKi7NYab8ldUOowWGnNHQlKAViv4_cTVuDBAcU5rP98Xb2aEmbO5ynpfQG/s640/DSC02948.jpg)
一坐下店員就送上48瓶精緻的茶葉Sample比大家用鼻索下, 以便選出心頭好... (之後店員就消失了)
![](https://blogger.googleusercontent.com/img/b/R29vZ2xl/AVvXsEjHrxIZ-G_JpIeoEqAGRdvdB5wOVZZQbQKTApl917JKOpPIFanTR_0QAz-6yUGTMifTrpwm_7Z7WTOw4WBnH995_auzvd-QS3CeCoEBkXUIPV6kBYQPo8t_sb2wX37hky6S8020T7dvtL9O/s640/DSC02921.jpg)
要嗅齊咁多瓶有點不可能, 我地都係睇下邊D比較特色D平時少D接觸到的茶葉先打開蓋來嗅... 好不容易選出 #80 Fruit Blend Turkish Apple 同 #101 Herbal Infusion Magic Juice...
進入店內到下單已用了20分鐘... 再隔30分鐘, 店員送上餐具...
![](https://blogger.googleusercontent.com/img/b/R29vZ2xl/AVvXsEgHKc2uZeNcyu55juO8RifNDDO-WxU5_I5SCZGXt8aIyoed23oPWh5JL9vLZoTPDsSsTMqJnecYG1s7-N9_WD7uhfUxL1fEBr5d63Y1_pf-KGA9PhItbxfVtgLEwisPd-eP2iz1Sb68D1bQ/s640/DSC02926.jpg)
16:30PM 入座1小時, 終於有得食, 好彩入來時唔係認真好餓... (扣除我自己慢吞吞的20分鐘優柔寡斷, 下單後等了40分鐘)
* 注意 : English Afternoon Tea Set食物係未齊的, 手造曲奇仲焗緊...
smith&hsu 英式花園午茶組 (2-4人套餐) NT$1280
-- 英式酥餅4個、英國德文郡奶油、英國經典果醬、茶凍、蛋糕、手工餅乾、小三明治(燻鴨、牛肉、燻鮭)及任選2款$200或$220壺茶... 超強大的陣容!!! 5星級酒店的質數, 中環「蛇竇」翠華茶餐廳的價錢, 識得揀, 一定係揀佢...
![](https://blogger.googleusercontent.com/img/b/R29vZ2xl/AVvXsEi2LNItbZtU8_rbEff7jwezEi5HO-LIH7GqkEjh5avXaGq_pAmjIh_IJaTvllJcMupr2l6l2R4DcsnzDkPJBXJSgKF38Kz0Et0mMZqOWsnvwqhyphenhyphenieK2Jfxa2NDcFE1SMm_OH5UM2xsjUFqM/s640/DSC02932.jpg)
餐牌有圖文並戌詳解如何完美享用起源自英國德文郡(Devon)的Cream Tea...
1. 將Scone對半切開
2. 抺上Clotted Cream
3. 塗抹果醬
由於未食早餐的關係, 同埋Scone凍咗會變硬無咁好食, 所以我一開波就食Scone, 事前無諗過, 呢度嘅Scone竟然仲好食過香港半島酒店的Scone... 鬆, 軟, 外皮帶少少脆, 內裡帶少少濕氣, 牛油的濃香... 嘩!!! 瞬間令我愛上Scone!!! (其實Scone我一向麻麻地, 覺得乾爭爭又硬又難吞)
覆盤子蛋黃醬與梅子醬更是畫龍點睛... 微酸的帶果香很解膩...
![](https://blogger.googleusercontent.com/img/b/R29vZ2xl/AVvXsEgluUAGSjn1qyq5UYtWPXIHS-TWZaBj-CYfQfM0IJ21wYiVUVELi3vdt9s5eFm5iIHUuYzyYIhpH9hNg8Jujfvuxm83mpQdQg2JtPaNYqwp6QNScG2nk4HvYtS_ot8mYqhLb2mQpM4XS6y4/s640/DSC02933.jpg)
17:00PM 三層下午茶來了半小時, 茶才緩緩送上... (已入座90分鐘, 已下單70分鐘)
![](https://blogger.googleusercontent.com/img/b/R29vZ2xl/AVvXsEil5Ra_xkuOC7BO5Dd6EZNNDDqjexfodpfFOzuknRIYB0fAOBcfITrQYdNwEenzfkbKd2nGSD2s0gCvh_CFr3tMcGxPKDJEzI3KqhWW9FvFyjIa1JniylJoOOzsXulTuRSzroVW4g9rh-fm/s640/DSC02939.jpg)
我的 #80香戀土耳其蘋果果茶有蘋果塊、蘋果纖維、黑刺莓葉、檸檬酸... 茶是非常非常的香, 混配得宜, 非常Balance, 味道是淡香, 顏色較淺... 呷下讓人感到很Relax...
Honey的 #101魔法茱麗葉花草茶有橙皮、黑醋栗葉、黑刺莓葉、接骨木果、接骨木花、蘋果塊、柳橙、石南... 味道比我的較濃, 顏色也較深, 香氣不相伯仲...
幹掉底層輪到頂層, 三明治都做得相當不錯... 煙三文魚三明治不會太腥... 燻鴨三明治用上黑醋, 香醇微酸, 合我口味... 牛肉三明治用上白醋也不俗, 很清新...
![](https://blogger.googleusercontent.com/img/b/R29vZ2xl/AVvXsEjVRTb-aZkSn_rVQSMmyWMmqdtLR9PYYBNUiZlZZ4IxmADkmXVa-l6KtSzxlFjGYGjf2pHgJA07GOFvCU-e1soNqCZTLSh2mFLwqiOfeMUAlw038Umyto1XF1udpSkk8Dt2dL0dCqVPeHjo/s640/DSC02931.jpg)
![](https://blogger.googleusercontent.com/img/b/R29vZ2xl/AVvXsEiV37KZHhl5n1cA22uBO3bJvsPMmtUDcNuisKyPLOf1Uluic27wGZcVDTOUi58g39Oe7fA8MGTUI2ebMQwk3pl8ReaSetGaDSh6NrrCrzgHSm8Q4qt8pvX-fC2sAIhxQhm9W2CWjcDKo68M/s640/DSC02937.jpg)
17:15PM 千呼萬喚始出來... 比D掌聲... 手作餅乾!!! (啪啪啪啪) (已下單90分鐘)
![](https://blogger.googleusercontent.com/img/b/R29vZ2xl/AVvXsEhh_bOyXh5syWpKWenTY04R255qcfzqEsBeY1UvUOAv9zGHVIAn-ZV-fHkJcDi6nfugjSn5kQCeTJQ_0M64WVXS91aEKvoQq7ZeDhXmB1ahRjP0QbHNj83Umug7xdK_XLNjpDkdwJ-h5AsU/s640/DSC02941.jpg)
好熱, 未食得住... 食埋中層的茶凍同自選Cake先... 茶凍味道好複雜, 講唔出咩味, 有莓, 有玫瑰, 哈哈, 好似食緊Hand Cream咁...
![](https://blogger.googleusercontent.com/img/b/R29vZ2xl/AVvXsEjy1AA7_l55nyqN_4mp1BsVbWkh_2IG2pL7qyPeMZUml9p9vqpbH66IK5hnd9sO0Gi_p5SuRnQgTeEHGuUCWlrjkLfmVs4VFtoPtEODchws-MYHHtMCvMFuk0Es0rySE9hbIHZfAzFw95-2/s640/DSC02946.jpg)
自選蛋糕選了重乳酪蛋糕、鹽味焦糖咖啡慕斯... 2款都賣剩最後1件, 一定有其吸引之處... 我的鹽味焦糖咖啡慕斯超好味, 4重Layer 4重口感 4重味道, 有滑有脆, 有甜有鹹, 正!!!
手作餅乾放涼後, 酥脆香, 好味...
食完都唔走, 繼續Refill熱水, 繼續坐坐坐, 反正不趕時間, 好似同世界的時間軸脫了軌一樣, 這就是「慢活」吧... 我一向是心急人, 估唔到自己今日可以一次都無催促過D店員, 只有默默、默默、默默等待... 是脫胎換骨嗎?!!
19:00PM 終於離開了, 入座3個半小時, 下單都3小時了... 一頓HK$320的下午茶, 每人HK$160, 係香港, 不被店員趕走就可以上新聞了...
以後約朋友飲o野傾計好大機會會o黎返呢度, 超推薦!!!
靜靜雞同大家講, 唔叫咁大Set Afternoon Tea, 叫幾件小吃食下仲平呀!!!
味道:★★★★★
環境:★★★★★
服務:★★★☆☆
衛生:★★★★★
抵食:★★★★☆
smith&hsu
地址:台北市 士林區 中山北路6段177號1 & 2F
電話:+886 2 2838-1828
網址:www.smithandhsu.com
沒有留言:
張貼留言