病榻中的平安夜, 自己不能吃也要陪Honey吃, 不然他很慘吧...
附近有一家外觀很不錯的德國餐廳, 就碰碰運氣吧... 來, 一齊大聲叫, 冒險王!!!!!!!!!
我無誇大啦, 2層高的獨立Building, 佈置得像歐洲小鎮...
![](https://blogger.googleusercontent.com/img/b/R29vZ2xl/AVvXsEhtilHtn61_UFLBkei0KrbcJYfxqWgmpM2XyZ212Ut44Jfk2Ty0jBkRXdqLLwBHqhSuwkrsBya9ydf1m7NRoBnKByHbfv6PF7BQLtZSBxbxT1J3HK-X-oJL4PbCPHwA4pD9KKi4F_t_K4Cw/s640/DSC_4810.jpg)
![](https://blogger.googleusercontent.com/img/b/R29vZ2xl/AVvXsEhxHtLF9jmUZNlOgjPemn5LyY1WubE7VdI4R4foDckjKj338zFlA06P_OGuHbYyX4stJf8fgFwaWltR03DOZ4mpvXGdPGA_fM5huhjXoKVnza3ZkOo_a3ClckdMaEIiDS2E8jr8X69MDeot/s640/DSC_4813.jpg)
![](https://blogger.googleusercontent.com/img/b/R29vZ2xl/AVvXsEgS5YOHnz1Kg3DqsiISx-UcQ6_EjltVzqt6SnhA_GgDI5ryEgpqXU4XDii84ERyDNaMm3aMALlwBGEEZXzQDqk3qRXpz52lI5t9cl_D9k6pBr_G1KAMobyAMAsLQSOUbDF2jjTZ875tCb7v/s640/DSC02898.jpg)
來到門外的接待處, 店員問有沒有訂枱...
我地 : 無...
店員 : 只剩室外的處位...
我地 : 嘩, 會不會好多蚊?!!
店員 : 不會, 我們噴了XX...
我地 : 呀...... 好啦好啦...
店員 : 今天晚上每位最低消費NT$800, 可以嗎?!! (嘩, 咁有情調先200蚊港澳1個人, 抵到爛啦吓話)
我地 : OKOK...
今晚氣溫攝氏十幾度, 如果唔係驚比蚊咬的話, 坐Outdoor其實幾舒服... (結果真係全晚無小飛飛出現過, 店員無講大話)
店員帶我地去1張2人枱, 不是靠牆的, 因為靠牆的枱已有人訂了位... 雖然如此, 原來我地已經好幸運... 之後來的夫婦, 要坐大枱, 坐坐下再塞一家五口落去搭枱, 兩組人面有難色, 最後亦無奈接受... 再之後來的人, 已經無位啦, 下次請早...
![](https://blogger.googleusercontent.com/img/b/R29vZ2xl/AVvXsEi7ZoH0kxtAP-JyjYIcriap-Wa8NAlhn590QQPA3PAJ4UbuJ21G0NI0sTqWW4Z64YzEo9_VgmtmrWa05tIjEtZfdZCUJcIhok9Le7ve2jTtDxOsZAu_-UGx3BOuLw73eFQz1Ue4Wrdc_65z/s640/DSC02881.jpg)
![](https://blogger.googleusercontent.com/img/b/R29vZ2xl/AVvXsEj5bwLmTCMjb9aAE0JruZWusGgc_QhQtxHbmNoHopkJrXy_PBilmiv22FuCo39pl1qVm7XXg7o4ZRuXNsxOiAr2HkLvu22QNuUBUvnjc2wAbX9NNcrkoNtFO5tI-PfdVMqNedCkuMC1uEjb/s640/DSC02879.jpg)
我身後有一扇門, 可以見到餐廳內的Live Band表演... 演奏了多首聖誕歌, 好有情調...
![](https://blogger.googleusercontent.com/img/b/R29vZ2xl/AVvXsEhip0wUFS6nebz-mtCY_mrA4U6UtK-BM2aPlA_-MpUTbLx0N6eYBZcgGunkkvxQV2ArJJ9090viG1plEjN-7JEz0BFQBZuAkSYN1WOVaSwx0sDTBnps4Yv_iedxwayE_JCrDd_8XQzwBBz2/s640/DSC02895.jpg)
餐廳有供應聖誕大餐, NT$9XX, 最正係如常供應A la carte,價錢不變...
來到德國餐廳, Honey最愛的德國豬手走不了, 想叫埋德式香腸綜合盤, 但驚太Heavy, 病緊真係頂唔順, 都係揀點Light一點的...
溫熱義式開胃盤 Antipasto Misto NT$495
-- 碳烤黃綠櫛瓜、甜椒、波特撤魯特乾酪、帕瑪火腿、綜合橄欖和羊乳酪... 好好味, Honey讚不絕口, 仲話以後再來剩係食呢一個再加2杯飲品已經夠嘆... Parma Ham我就覺得唔係太得, Aged得不夠, 味道偏淡, 但Port Salut Cheese真係正到暈, 軟滑綿濃香, 第一次接觸已愛上, 由一個唔多鍾意食芝士的人口中講出來, 應該好有說服力啩... Bell Pepper同黃瓜落勁多香料, 好似有少少Over咗...
![](https://blogger.googleusercontent.com/img/b/R29vZ2xl/AVvXsEhF4y2RZ1xei2bmzLDLDtZagLUNqH9teeWMxJH4rTErHD1cBhBMearEIKXVUFNaVRKR19UN17nvy1eVuc6ISgdIUKoUM9xZgnmj5TnPRPT5tZxLaZzUF7nQy8i0_MRMZA05gTIWkoUE3pMP/s640/DSC02887.jpg)
溫德卡普莉莎沙拉 Wendels Caprese Salad NT$445
-- 清脆蘿蔓葉生菜佐德式油醋醬襯濃縮巴沙米哥油醋醬、新鮮蕃茄、莫札瑞拉乳酪、綠與黑橄欖和紅洋蔥... 為咗Meet Min Charge, 呢碟真係叫多咗, Mozzarella超大舊蕃茄同生菜超新鮮... 可惜Balsamic醋落太少, 無乜味道, 令到整碟沙律失色...
![](https://blogger.googleusercontent.com/img/b/R29vZ2xl/AVvXsEhaBc17EgnUD4MCLEBGuoz9_SiCFSItNzQwmo1GbWjNjlBliCE8eEJgNztoQVKSxzUcj-tUffZCPIufhAQCApikvrSwqQUChRVeQBnRJnkdvy76e4GAelli-FdavzGkKt4OUREtHoUdLNVU/s640/DSC02888.jpg)
傳統式德國烤豬腳 Wendels Most Wanted Pork Knuckle NT$685
-- 搭配德式酸菜、傳統洋芋球和麵包球... 份量大堆頭, 起碼4個人Share先食到... 豬腳肉質紮實, 豬皮附近的膠質好黏, 唯烤豬腳皮好硬, 切都切唔開, 有點失色... 酸菜不是太酸, 可接受... 傳統洋芋球和麵包球真係食10次都唔識欣賞...
![](https://blogger.googleusercontent.com/img/b/R29vZ2xl/AVvXsEgmf7R8MPjujcEksBsTrbILNLHwcLLxrkE0G22rkhw5bFJAXoknQ6vJLkA2io_4fHXaJ3iV7zLK3CFHCVo4yMeL8h4D_WEQ_BdfDeqqnOzpsSA9hu9re1ySiLUKzruHibe42p-upTZu0wXl/s640/DSC02894.jpg)
百分百德國白葡萄汁 NT$140
-- 酸酸的, 很醒胃...
黑麥啤酒 Erdinger Hefeweizen Dark 0.3L NT$210
-- Honey嘆豬腳, 點少得佢...
食咗大概NT$2200, 埋單送4百蚊Coupon, 可以再來餐廳食o野又或者係隔離餅店購物...
![](https://blogger.googleusercontent.com/img/b/R29vZ2xl/AVvXsEhsWcqAGLedmvENBie4_uQxXJ13Rd59KqC0fUpWUNgXaTV87qhuEuY_nRIFNdhapJ7ErVpNzfxlig1NW7HI7Cg4v6IvSZ_qDmTBo5GpRTLxSV3xPc1NIIQBC6XyB-y_y1bxDHD_FAk65-Vn/s640/DSC_4789.jpg)
我地大除夕食完Lunch來餅店換蛋糕, 補了NT$50就換到個Cake...
![](https://blogger.googleusercontent.com/img/b/R29vZ2xl/AVvXsEgv9Zrr07tuQdf8-aYuodZAVyDG71YMXHi4YOSM3yn8ZV6-EV0OxGY9Plag3FmiFmShPA0Rx9PHLPAB0ARvYj1S20PiilTCMZ7bYm6woDtPTUTBWzbk__lOW1qiZwzQUg9utfp5AM49tLjb/s640/DSC_4812.jpg)
午夜柏林 Midnight Berlin NT$450
-- 朱古力蛋糕, 有層焦糖醬係面, 超好味, 我地換佢純粹係貪佢補最少錢, 估唔到會咁好食...
![](https://blogger.googleusercontent.com/img/b/R29vZ2xl/AVvXsEilbApjau2AfthoCh9jvFKJA0gLourZN_3qCyUR5bx70fAuk0U_DwkudXFQgErH_DfvQFsqgTRG6-otnFbWU6QDr8FDWqDr7mgvYXHK0zPodxrF7TOQ254BYu2ZYbMlrKSt7I_NiKbBFyFD/s640/DSC02955.jpg)
平安夜果晚凍親, Midnight病情惡化, 結果第2日聖誕節的節目係去睇醫生, 嗚嗚嗚嗚...
味道:★★★★☆
環境:★★★★☆
服務:★★★★☆
衛生:★★★★☆
抵食:★★★☆☆
Wendel's German Bakery & Bistro
地址:台北市 士林區 德行西路5號
電話:+886 2 2831-4415
網址:www.wendels-bakery.com
沒有留言:
張貼留言