一眾韓迷充滿遐想來到新開的韓國餐廳THE JOOMAK...
![](https://blogger.googleusercontent.com/img/b/R29vZ2xl/AVvXsEjXw0kkOu1PmQUdQ8_4LiedXdEr4z2HAEqfUifKRxrfT3_yJr4Tun0jKUe58M_cokh8Um7JFMK1ZeTx9Df8zV0WeVJgwUKXkga_eSvqUolgeDQ4ziXBCRLdl_NcrvFbXZHQn7tQlpDe7iMe/s640/DSC_4389.jpg)
點歌時間... 大家不如一齊來唱一首「夢醒時分」...
♫你說你犯了不該犯的錯 心中滿是悔恨 ♪
早知道傷心總是難免的 你又何苦一往情深♫
夢碎... 一切由Order飲品開始...
無酒精雞尾酒完全無Description, 要逐杯問落咗咩, 都好正常吖 (高8度)... 我問一杯店員答一杯, 我咪問晒5杯囉, 成個餐牌先得5杯Mocktail, 要我開5次聲問, 店員態度+表情係極不願意極+不耐煩, 睇到我心情由高漲變為不悅, 呢一刻, 餐飯已經太打折扣...
![](https://blogger.googleusercontent.com/img/b/R29vZ2xl/AVvXsEgvAI2q2KsRKe1vXsgD9SBirztMvWBR1yeiuW7SkNMONFUdBgKd7FpgeIt4DiAPa7wGjAG-D_Q1yPvHu2LrQ-VSIUJRHWnMY1nkphbcE7DkSgj7w1ZxSIVnFmxD75Qlc5WQByT7tr-Gya59/s640/DSC_4395.jpg)
Banana Sikyhe $58
-- 最矮果杯是我... 勁冰, 9成冰, 咳屎...
![](https://blogger.googleusercontent.com/img/b/R29vZ2xl/AVvXsEitDQYXwBAtlLUGxonv_6j6TEq23a8hMfSLQP0MiruKSOZLbtg6uqHO_6i8NKm5mYEkQc72-ZS_CRjTTafZZdFXRnwsY0OQGXl3YC-LvzMDlK5j9WrF0fn8uqZ2AQADfyEL9agxwWCQdtTc/s640/DSC_4402.jpg)
接下來的... 是「價錢與食物的味道及份量不相符」...
吞拿魚卷 $88
-- 無味卷, 吉豬島間X島水產好食過佢多多聲, 咁嘅價錢, 一次夠...
![](https://blogger.googleusercontent.com/img/b/R29vZ2xl/AVvXsEhbWQfMebzeCXO_KkA97IWAKnlM-UECFxgq-5bKC1MMXQzBvHsOLZXatUY9YhU2Zloxtb3r3mkwVh6csrkNgTmIvayJPe8xVJyL7va6rN5G3mFSEc9zcexHegofdm5nD6a5pc83IuI9bYgt/s640/DSC_4397.jpg)
韓式牛肉炒粉絲 $108
-- 份量少得可憐, 一人都無一啖, 食唔真咩味都好正常, 但係, 個醬味道好唔得, 一句講晒, 唔好味...
![](https://blogger.googleusercontent.com/img/b/R29vZ2xl/AVvXsEi_3sAIozXGpeSEfoMblKJYa_zgis3tixkPr6yI3gDJKJQxiM9sTMmS8HcurKZSiv4L2MimrUXCdQrNCFXwcGJA3B5u9OgHPyXsyghtWXtJrU5cSTP82-t6QcaBrlgbanyPpodH2l3WE4Te/s640/DSC_4398.jpg)
甜辣炸雞 $118
-- 無咩肉的炸雞皮粉醬一堆, 甜辣醬甜還甜辣還辣, 說不出的不和諧, 份量少得可憐again...
![](https://blogger.googleusercontent.com/img/b/R29vZ2xl/AVvXsEh1AvQ9mo1dMWEwzlLaonvt_GdlEyKXFyGlP6TAFNT6gdk47mdQ8h7CZSDJk8owIsxakpxTM_h7B-B-jgssB0KTuRQue5YONjJ9-E1fpCvAjIZqTV7hQ6NzZ94ufveYS3_NqpxrnfnNWeWJ/s640/DSC_4399.jpg)
泡菜煎餅 $88
-- 餡料很少, 味道不突出, 薄脆表面是唯一可取, 醬汁不蘸也罷...
![](https://blogger.googleusercontent.com/img/b/R29vZ2xl/AVvXsEj-NIovyinqPBx8EsAa_tg8ffw8s-GGkEMu96f5o1bqmxF0SY9Px4tCRQL8GEfGIUqJtjy5MnS4N2-8zzW-yxDc8V6c9g-wfE69AIrD89nji7dm91XdFO1MHT9GMZlG-4mLxNRsr6SW2hyS/s640/DSC_4400.jpg)
蜜糖蕃薯條 $88
-- 呢個算係唔錯, 但朋友們都Dislike, 得我1個比讚... 蕃薯甘甜, 好吃卻很黐牙, 一路食一路撩, 好唔自在...
![](https://blogger.googleusercontent.com/img/b/R29vZ2xl/AVvXsEisWUxU6vRx_3rhMBJnaC3TnLfzfj2e2Qfjp8sf3KmnS1yrK4XaUau4vtHvb551rjJVZSQZYxCoH0cjU7kp-cSjKr9lp3-XJYZ1_RiCjSJWcjDaVqccNS7uM-PGhJODD7KeQ5XFoA_HR12x/s640/DSC_4404.jpg)
卡邦尼炸雞年糕 $118
-- 你是誰呀?!! 我睇完食物相再睇埋餐牌相都唔知佢係阿水, 對多幾次先知係年糕, 可想而知, 佢唔應該呃我地佢係年糕... 4個人, 每人唔知有無Share到1條年糕, 講緊4cm長的, 唔係40cm... 份量少都算, 味道又唔係好, 何德何能賣呢個價錢...
![](https://blogger.googleusercontent.com/img/b/R29vZ2xl/AVvXsEicVs6_Zgm_x_UDmsx5hRtXMlf7bG64IP7VtT07PJgen5MP0TB2PqEGykttVNqDqutf0_2i6tNMPbWKuyBF6R56KgxTTU1FCinh-JKnyakChPi9-x3dFgEGnEOLYPT8Ej_97EuL15vMdc5S/s640/DSC_4403.jpg)
咁嘅質數, 想我地回頭?!! 太難...
(想不到低處未算低, 一山還有一山低, 我地食唔飽去搵Second Dinner, 食物更衰, 呢間原來叫吞得落, Second Dinner係垃圾級)
今晚揀係海港城食飯, 順道可以影埋聖誕燈飾, 4個人迫埋一堆同聖誕樹玩自拍係一件好開心的事, Free of Charge...
![](https://blogger.googleusercontent.com/img/b/R29vZ2xl/AVvXsEiAGFOJ451NI19yN_T7npH6hH4dJrb55wkvWe124KxbVkafdo_OqQf901VwFC3RT9f0U3P7aVw0Lp2rvPMQ_eYjJaQblaLE4RH2K26gVyegcmb_3U1a9XB8Fmog23exnl-NdFZ7NFmyaKPX/s640/DSC_4386.jpg)
《無聊Q&A》
Q:2個月前的晚餐... 而家先寫BLOG?!!
A:(係呀, 忙呀嘛...)
Q:仲記得咩味咩?!!
A:(唔記得啦, 剩係記得又貴又唔好味仲要食唔飽)
Q:咁仲寫泥做咩?!!
A:(因為我唔想忘記, 我同老友們一齊食過的每一道晚餐, 一餐都不能少, 班失憶症病人, 包括我, 過一排就唔記得自己食過邊間餐廳)
※耐到我真係唔記得咗呢餐係貓兄生日飯, 仲想寫無啦啦出來食飯不需要理由, 心血來潮, 去KAKAMA個FB驗證一下, 果然, 好險, 哈哈※
味道:★★☆☆☆
環境:★★★☆☆
服務:★★☆☆☆
衛生:★★★★☆
抵食:★★☆☆☆
THE JOOMAK
地址:香港 尖沙咀 海港城.海運大廈3樓LCX34號
電話:+852 2111-0851
網址:http://tjm.co.kr/
沒有留言:
張貼留言