![](https://blogger.googleusercontent.com/img/b/R29vZ2xl/AVvXsEiwtwdFiLa9Fws0gVR_gzuHriPr0jhf3i3bPAwqT4gsvnIPs5WeT5Gy7l-ch5xbaz82OxDwzaIL7Tdcm3dRBvaQRe7Vh6N9NfYGA7ItW5ZE4QW4yMMmDj_qxtEyYgTGTv-wGjJiezKPXdqw/s320/DSC_3426.jpg)
爸爸的生日飯原本唔係今日食, 不過暑假大家都太太太忙喇, 講緊D細路, 冒住肥佬情緒低落的風險, 死就死喇...
肥就95%都會肥嘅喇...
阿Sir送我上路前補句, 加D LUCK就會成功... 噢... LUCK... 我從來都無... 聽罷自知死神來了...
只係勢估唔到, 霉運竟然強大到會影響埋晚上的壽宴!!! 我呢粒禍國殃民的黑氣石在古代應該已經拎咗去祭天...
尋日最後衝刺練習泊位時, 滂沱大雨, 落狗屎咁, 當然衰咗啦~ 天文台明明話天鵝今日都會送好大雨比我地, 尋日阿Sir仲話 : 你估聽日一定落雨咩, 唔一定o架喎~ 咁都比佢開口中, 激死~
![](https://blogger.googleusercontent.com/img/b/R29vZ2xl/AVvXsEjXA14KEz25DoOyUTkxsIW5Wk6AQh9Z-BoFbu1Nif_JGDKlfXg4rpB_OWpH3WkmmqJPJj3emAwBSVXEdbaMO8j29lLYnT_F1mrTF11TSfrpcCSCuvLlzg3sY_HyJJIWor_CT3pwPXWR4Vl7/s640/DSC_3414.jpg)
好天到呢~ 曬到我對眼都張唔開~
![](https://blogger.googleusercontent.com/img/b/R29vZ2xl/AVvXsEjQ1E6wnA7vKZx78XX8P-82AfmOlvq2HpHJDig_utw1sW79bEt5VQ1guUJNJJyifHUOmlkKoPmSODT80JXMbqXUuxsCJI3D9Ut4Pn4A_geIXVAkD0pRMF5covc12TF5N_EyEs-Xw0vpqBKc/s640/DSC_3415.jpg)
仲以為上天有好生之德, 大發慈悲, 憐憫我呢片苦海浮萍, 點知... 都係... 肥!!!
邊個話香港島駕駛學院全港最易考o架?!! 你地唔好再害人啦!!! 可能10年前係嘅, But Not This Day!!!
我就話無得揀一定要來呢度啫, 你地吹到全世界誤以為真, 搞到有個後生仔明明住元朗都走來呢度考, 話諗住放工時入來學, 學完先返元朗, 點知原來呢個Centre果D阿Sir個個都話唔教夜晚, 雖然發票話上課時間係8:30-23:30, 佢結果要請假來學...
呢度嘅交通, 仲混亂過太古坊, 人多車多障礙物更多!!!
而家起緊MTR大樓, 又有成橦工廠大廈改做Outlet, 又有大型地舖裝修中, 整路工人+強國大媽+裝修工人不時當條馬路係自己屋企個廳, 係馬路上「自由行」!!! 再加埋路邊2邊都泊滿晒大型工程車, 得返半條路仲要雙線行車, 排晒長龍瘋狂爬頭, 有車牌都難行啦吓話!!! 所有彎位都泊晒工程車, 未轉完個彎已經要打燈爬頭...
路線2本身比路線1難, 今日盲彎仲泊咗部大工程車+行到S型瘋狂TAXI, 學車咁多日都未試過情況咁惡劣, 加D LUCK? 嘿!!! 去第2個Centre或者仲有少少LUCK嘅!!! MTR大樓仲要起多1年以上呀!!!
回到CWB, 食返杯聰嫂龍眼冰安撫下咁不幸嘅自己...
![](https://blogger.googleusercontent.com/img/b/R29vZ2xl/AVvXsEgsD1fCHPuErfVEEtlmQj5og7S1amA_E__O3SWPEE51VD0p09NlrQq8n6qMsc7C7Ce6uJnzyPBmvhKffIZS7HyASPgo93tYpBvJ5T3r-HY2FthSRyJx8dcJUG3gPibfM-jjandxYc5KXomv/s640/DSC_3416.jpg)
收拾心情去奧海城食晚飯... 預訂了原隻乳豬飯, 再寫咗9個餸, 15個人, 諗住差不多啦~
![](https://blogger.googleusercontent.com/img/b/R29vZ2xl/AVvXsEjZO6FaJ57ze_9mpoZ8swvS5FL5GXlgTXrKWtyWDcE-NY54RsQA7dSYhpmaPiVEoIzOsrBKIAJU2Q9gOpUs23Fejzc75kC1u_CRv4ox-qDXoTEN4vzrMpAYlkgpbBA6ogXj4RUupve0GXsO/s640/DSC_3421.jpg)
入定單先, 等到7:30PM未夠就齊人, 即上乳豬!!! 影大合照係指定動作啦~ 大家高高興興地食乳豬飯啦, 仲未知黑氣已濃罩大地~
![](https://blogger.googleusercontent.com/img/b/R29vZ2xl/AVvXsEhokyb6NeadoaZaGiD1EV86LVkeciKWVAqRDaI1oMVQx6Ljb5ot4R8wgnanQU7Vx-QjiNl8qUYy07jJXIaPDFiRbBFvOHuVD8qTyDZcN7c7-mAjTVIATkHmZTABu6IiuKMaClYwnI_uRCy4/s640/DSC_3424.jpg)
![](https://blogger.googleusercontent.com/img/b/R29vZ2xl/AVvXsEiwtwdFiLa9Fws0gVR_gzuHriPr0jhf3i3bPAwqT4gsvnIPs5WeT5Gy7l-ch5xbaz82OxDwzaIL7Tdcm3dRBvaQRe7Vh6N9NfYGA7ItW5ZE4QW4yMMmDj_qxtEyYgTGTv-wGjJiezKPXdqw/s640/DSC_3426.jpg)
之後只上了1碟難食到食剩75-85%的大蒜苗炒培根...
坐咗1小時, 都無再上過1碟菜!!!
講講呢度個環境先, 我地坐廚房門口, 身後係走火通道行2步就係外街, 15人坐張10人枱(呢樣佢電話有講話要坐迫D), 最離奇係唔知點解垂直放塊10人枱圓板係我細佬同姐夫肩旁, 我姐夫一移開個身少少塊板就想拍落o黎, 不過我地有更重要嘅事要投訴...
見到有個男人帶住個細蚊女係後門走入廚房, 滕出滕入十幾廿次, 之後仲拎個電壓計衝入廚房, 我已心知不妙...
搵經理問咗N次, 終於知道電爐壞咗, 整緊...
個有米豬都相當飽吓, 坐到悶悶地, 個腦自然多o野諗... 思考到剛才亂落單叫咗大多餸, 大家都表現出一個飽樣, 咁咪搵個職員想話CUT咗2個餸--雞煲同牛柳粒...
點知個職員仲話煮緊唔可以CUT... 煮緊?!! 你個電爐壞咗你搵咩o黎煮呀?!! 火都o黎!!! 即時開火 : 我叫你CUT就CUT, 唔CUT嘅就全部餸CUT晒去!!!
之後佢搵來經理, 經理話要去買零件要1小時, 要坐多1小時先有得食...
問題少婦來了...
第1, 五金舖向來太陽落山就收, 請問你農曆7月夜麻麻去邊度買零件呢?
第2, 1小時後唔保證一定維修成功o架喎...
結果, 阿經理幫我地埋咗張單, $850, 無收汽水啤酒茶芥...
但係我地成15人, Friday Night, 8點半, 去邊都無位食啦...
姨甥女QQ話有個地方肯定有大把位... Food Court!!! 我要寫個服字, 咁大張枱都比你地搵到...
![](https://blogger.googleusercontent.com/img/b/R29vZ2xl/AVvXsEiKHATyRyw0a6b8WNICGKUlFa_jsXh-el52mPm0UuquC_MzZ8sM-YUeiq5U_-ivFkfWI8d4a03tRm4_IiI23zMzg13v1kxG5K953YIpKbehBkqFn4icUHeHw0qK_daMfhUc_bi5aRQ94rvI/s640/DSC_3431.jpg)
我地呢家人真係好能屈能伸... 只係可憐生日果位啫... 不過一家人齊齊整整平平安安, 理應粗茶淡飯都一樣咁開心嘅...
隔離飯香果真是金石良言!!! 明明太古城都有大食代, 我偏偏無幫襯過綠豆沙同煎餃子, 今日一試驚為天人, 好好味喎!!! 下次要encore先~
![](https://blogger.googleusercontent.com/img/b/R29vZ2xl/AVvXsEid9F2gX0gIFhnAb6ZHolmDEsDylcDQBvk0eUF19cMfSeIGTPmuVnkiUdenMRcxcT3p1sArfUexm_ZWZHfSKbHd0Dy8SuFXp63vIaGt2jdLsj1QL6zI_noboJODoSYiridqP-wJbwKgAKje/s640/DSC_3428.jpg)
![](https://blogger.googleusercontent.com/img/b/R29vZ2xl/AVvXsEhPcXw7FaLroxoFw4olum26LbpZis4ouALpkNiMl6KOsM_bNlbxFN0wmFx6dYe6fXcAlNxGbWGS5NzyFDUPfLGPHQx7n9dlDi-DaVMEbLX7BmSrMCoD13Kuf77DYYXVoioUyrFo79hlJQHC/s640/DSC_3430.jpg)
是次每人消費約$60元
味道: 3 環境: 1 服務:1 衛生: 3 抵食: 2
###
地址 : 大角咀海泓道1號奧海城3期地下G22號舖
電話 : 2618 2316
世伯生日快樂,
回覆刪除衰運走哂架喇,
意外嘅嘢,妳估唔到。
代家父多謝你先 :)
刪除再衰的運都遇過, 只要堅強面對, 明天一定會更好 XD