網頁清單

2015年8月24日 星期一

品坊 the SQUARE : 適合重量不重質的朋友

23 July 2015, Thursday

貓兄使出召喚術, calling大家暴一暴肥... 一呼百應係平常事, 令大家驚訝的是... 失蹤人口--鑽媽竟然搭訕話會出席, 在場人士(whatsapp群組)無不O咀... anyway, E5終於齊人啦喂~~~ (對上一次都接近2年前)

睇完貓兄send來的資料... 咦... 有種似曾相識的感覺... 一問之下... 係, 就係佢!!!

話說... 2009年幫1月之星賀壽時去過呢間餐廳食Dinner Buffet, 酒店網站就講到天花龍鳳令人食指大動, 實情係食咗2個鐘先拎到4隻蟹腳, 1人分得1隻, 酒店一個鐘先Refill一次, 每次十幾隻, 每枱都分唔到半隻... 詳細情況可瀏覽 http://www.kenmerry.com/search?q=348

今次主題係:「法式鵝肝、阿拉斯加蟹爪、北海道扇貝」自助晚餐!!!
原價$378, 6折價$228(星期一至四), 無限添飲果汁、汽水、即磨咖啡或茶, 可以食足3粒鐘...



吸取上次教訓, 今次大家6點半未夠就去到等入場...


頭幾枱入到去, 極速影了Buffet Bar...










第1 round, 當然要收復上次嘅失地... 今次唔單止可以攞到蟹腳, 我仲可以揀添呀, 不過大隻極都係瘦骨嶙峋, 仲要得個鹹字, 半點鮮味都無, 食咗1-2件已經無晒心機, 如果唔係我唔想做大嘥鬼,一早叫人收走... 後尾見有人7點幾先來都攞到十幾件, 餐廳係Refill呢方面係改善咗...


阿拉斯加蟹爪同北海道扇貝係呢個自助餐3個王牌裡面其中2個, 好可惜... 蟹腳唔掂... 扇貝一樣唔掂... 只此1 round, 無encore...

腸胃唔太好, 唔敢食其他冰鎮海鮮, 第2 round食沙律... 出奇地, 雜果沙律好OK喎... 我知係cheap嘢, 咁真係好食吖嘛, 蟹腳係回本但唔好食嘅我真係唔想食囉...


見大家鑽個咖哩, 第3 round又試下先... 咖哩真係堅正, 香中帶辣, 剛中帶柔, 質感濃郁, 好味!!! 相中其他食物... 大家當無睇過... 放心, 雖然味道唔出眾, 未至於要倒的地步, 我唔要做大嘥鬼, 全部食晒, 係食得慢D同有少少受靶咁嘅樣啫...


平時食完跟湯餐包已叫飽的鑽媽, 竟然食完一碗湯粉又去拎多一碗, 我好奇之下, round 4 會一會佢... 平時食buffet我一定唔會拎湯粉... 衰鬼吖, 魚肉春卷又真係唔錯喎... 湯粉數量少得出奇, 2啖食完... 都OK啦, 少食多滋味...


話明係「法式鵝肝、阿拉斯加蟹爪、北海道扇貝」自助晚餐, 又點少得鵝肝呀... 不過我真係食唔到囉... 呢碟係我去拎甜品期間, 貓兄同KaKaMa拎到o架!!! 咁我拎咗雪糕驚溶, 諗住食埋先出去排鵝肝, 點知已經派完!!! 比甜品害死, 最慘甜品完全唔好味...


第5 round甜品... 甜品怪都唔再encore的甜品, 可悲... 後來轉為追擊HD奶茶雪糕, 貓兄話為佢而來...


第6 round... encore沙律同生果...


今晚大家好多近況要傾, 口渴到呢, 好彩可以不斷encore熱檸茶...

雖然食物質數一般, 不過食完飯我地仲玩自拍, 又搵職員幫忙影大合照, 都幾開心嘅...

整體已有改善, 價錢平, 食物質數唔高都係正常...

Upload埋Buffet前路過The One影的相, 懶得又開多一篇Blog... 影佢唔係因為我鐘意佢, 係因為Honey鐘意我先影下, 打算send比佢睇下...






是次每人消費約$250元
味道: 3 環境: 3 服務:3 衛生: 3 抵食: 3
###
地址 : 佐敦彌敦道348號九龍諾富特酒店1樓
電話 : 3965 8788 / 3965 8782

7 則留言:

  1. 作者已經移除這則留言。

    回覆刪除
  2. 原本諗住平平,請外母去試下(^^)
    點知外母之前已食過哩間,話麻麻...,
    轉咗去另一間,
    有改善咪好。

    回覆刪除
  3. 價錢需平,但質量真的麻麻,睇見啲甜品都吾吸引﹗

    回覆刪除
  4. 回覆
    1. 如果欠大胃王一餐飯, 而又唔係話同對方認真好friend, 呢度fit晒 XD

      刪除