6 July 2015, Monday
![](https://blogger.googleusercontent.com/img/b/R29vZ2xl/AVvXsEhVNAiW4hUBJ37-ZTuB6pB9jo3wfMeDxV2Jk_cgh_1EGqdag6evYPTEFLsChN3athG2F3PKrbXiK9J8y7VTV8dXocHqtwTxMoM0A_TiCBXNv6p7MuMFWzHU06yd1Ki8pQDQZFaPItlgo8mD/s320/DSC_0123.jpg)
姪女參加暑假前課外活動, 坐唔到校巴返屋企... 大姑媽話可以由元朗出發去接佢, 佢話好遠驚大姑媽辛苦, 要求三姑媽由鰂魚涌出發去大圍接放學, hmm... 唔該你上吓通識科先講啦...
(咁啱接佢果日佢八達通漏咗係屋企, 我捉咗佢去買單程車飛, 叫佢逐個車站按下, 睇下由大圍去唔同車站要幾錢, 當然越貴越遠啦...)
姪女錄音whatsapp過來... "返少日工啦"... "我好鐘意XX姑媽"... okay okay, 我舉白旗投降!!!
大姑媽話搵日一家人一齊去荔園玩, 我話不如就我去接放學果日啦... 原本大家唔係好得閒, 唔知點解拖拖吓個個都出晒來...
![](https://blogger.googleusercontent.com/img/b/R29vZ2xl/AVvXsEgB5W01cCsqf0iFRZ1bDfKucbNcJiUQaXTRfqqM3-fTgREaypCqXGcakJydI7Z-rEYFyfSEmf0rUyB63lHe-43E_8eVP1iXGSIVpnSTJbdbnCn7ZH-8tIibBcr_AeM6Mihk62zdAXlD2O7J/s640/DSC_0054.jpg)
接完放學, 坐火車去旺角會合2個姑媽同2個表姐去鴻星飲特價下午茶, 路過商場的擺設, 有人唔肯走, 係都要影相, 叫佢飲完茶落來先影都唔肯...
![](https://blogger.googleusercontent.com/img/b/R29vZ2xl/AVvXsEhcjotXgtqP0X2tHkseXCtz1iGFX21D6CzLXKYvtpRZ_QxGjprOhkZS4qj6rAIITh9yQPaUF5KD1o4fZxWJODurDAIjcPOGWA9qWMmwfEEKhaScSMj7QxkBLUETY-oYrctyWqiliW5ifZaz/s640/DSC_0063.jpg)
姪女阿媽帶埋細囝出來會合我地, 呢樣我地一早知, 之但係... 點解我地細佬都會一齊出來, 連佢自己個女都唔知!!! 咦? 呢個爸爸咁得閒同我地去荔園, 點解自己唔去大圍接放學嘅?
原來有人而家好鐘意飲茶... 幼稚園升小學果年暑假同佢拍拖去街街, 話帶佢去飲茶死都唔肯, 可能果時未知咩叫飲茶...
![](https://blogger.googleusercontent.com/img/b/R29vZ2xl/AVvXsEgSFuyZO37ASV5s6CPEU1hRXth_2_ByGjZwh9nOKvpSOI6zCN36w8eCor8NWKCm8UUAyOOrqfYy2G0SjcHUd-e8iwTP0M7JTDKFUHn9MAU3daQzhp2S5m358-SEjyb_2jtPpgowFBbFY2VG/s640/DSC_0065.jpg)
差不多4點走, 離開時用咗好多時間先擺脫到Minions陣, 好可怕...
![](https://blogger.googleusercontent.com/img/b/R29vZ2xl/AVvXsEg_ErY2J5svNm5bXEcnd1Mir-4tdE7DFR9z2wR6gLhGJFIhAgUmAfZDv3XgOA2ri9N2jb30u87YHzQJixB7Iwu4nH0P_ATUIk_nh-XTHjmQ4wOzwy-Ohx-rCC7Nr_qh2VIZPPs456Oy3T-8/s640/DSC_0067.jpg)
![](https://blogger.googleusercontent.com/img/b/R29vZ2xl/AVvXsEghSzEGbzfmb6fWyFaMVuvDzEOvMjjSaBDDngYSmi9SD34V4Nq0dSBa6n8BYxP6WZjwrniISeKNzv4hME9h1JfoibTGgV60MC8EB5TA4JTeRhHKEvMh3vGtp2wzdhcf5cMtGz-JIsZ2T-_I/s640/DSC_0068.jpg)
![](https://blogger.googleusercontent.com/img/b/R29vZ2xl/AVvXsEiJeH9mpr9LHl38Gn5wE_xCMN7oz6fpyoPPgdwYRbc8Szc1nSx4PqTDBm_wGshPPQZ9U_JVpzeOn6uNBVlfMTp6uyJS-Miobnnc57-pfP2NVXQ25L9d5rqqX0mdMj0AyHkzoB5WfIk-CoiC/s640/DSC_0069.jpg)
![](https://blogger.googleusercontent.com/img/b/R29vZ2xl/AVvXsEhvtpatfnGkKvl7F9ISXSa6OoveI3xsnX1AKHOURgEyRpXEb7hZFi-WXnC5f7l-nIYlZ5oEaDP-UJJxZoyLDs6bLMiZiUK9nSQ3wUtuedkGEj8MQHCqucyrOMEWlAU4aI2pLYZik73ZREEr/s640/DSC_0070.jpg)
小朋友唔行得快, 好不容易, 5點終於去到中環海濱的「臨時」荔園... 免費入場!!! 係, 免費!!! 遊戲逐樣收錢...
![](https://blogger.googleusercontent.com/img/b/R29vZ2xl/AVvXsEhVNAiW4hUBJ37-ZTuB6pB9jo3wfMeDxV2Jk_cgh_1EGqdag6evYPTEFLsChN3athG2F3PKrbXiK9J8y7VTV8dXocHqtwTxMoM0A_TiCBXNv6p7MuMFWzHU06yd1Ki8pQDQZFaPItlgo8mD/s640/DSC_0123.jpg)
4姐弟好有共識地入場前係門口影張大合照留念先, 但弟婦一馬當先衝咗入去 (又或者係比2隻失控的瘋馬扯咗入去), 打電話叫佢出返來影相都唔情願, 最後不敵大眾要求...
搵路人甲影相的結果係... 荔園個招牌得下半部少少, 完全影唔到個城堡嘅外貌... 但總好過無嘅...
![](https://blogger.googleusercontent.com/img/b/R29vZ2xl/AVvXsEjamvq81Tm5AGYlO9yLXxE21vmGw5QeYBmCzRcIPJjEzh5im_s9apAXbDrLhWZaG54PBBfSSoJEI0ZBU-e-osTnmwXwpMgme-LHqMHkoI5uftImy64rzYouhof_nmegbQAtquqtR2_4rGV4/s640/IMG-20150706-WA0018.jpg)
門口有人咁高的地圖, 好可愛~ 用了2個小時, 只接觸了中間3份1就離開, 右邊完全無去過, 我地太大堆人, 一齊行動, 驚走散, 同埋大家一齊玩攤位, 好難走得遠... 弟婦就勁, 自己帶咗個囝去玩踫踫車...
![](https://blogger.googleusercontent.com/img/b/R29vZ2xl/AVvXsEiQPpFYmnfSt_lOQ8Wy9_lfOgxNPFUF0BlFOJ2s3yWwdrfcg5aKdLSqkBjEyLdxfO13KmZcAdlo8-KZyjWqPpgU5mu5j2ny1sVdFx_DD3B6IDIE990oRrwF1wffQ1rE17iVHV3AKGFZwz_H/s640/DSC_0073.jpg)
讀緊小學同幼稚園的姪仔姪女, 一入去就被「假」大象同「假」香蕉吸引, 話要「餵」... 讀緊大學同中學的姨娚女當然表示無興趣...
當我同讀緊中學的姨娚女講, 我好似佢地咁細果陣, 隻大象「天奴」同香蕉都係真嘅時候, 我都有餵過, 佢囧住問"真o架??? ( ̄皿 ̄///)", 哈哈哈, 反應勁過我話見過外星人, 笑屎我...
![](https://blogger.googleusercontent.com/img/b/R29vZ2xl/AVvXsEiONSDJx9RnUrvR6-5AmyRENNFJhF540R3k37nfOfWo0SQoIl85PMc8KU3LQO2wq2vknWe8aiXfMSJKgjPGEfIhH-kvtCeDRfCPkxkFFSfthn-fYeB4BKqYXjsHUPeLMupR_Whe96Eo0z41/s640/IMG-20150706-WA0017.jpg)
荔園遊樂場, I'm here!!!
![](https://blogger.googleusercontent.com/img/b/R29vZ2xl/AVvXsEgxbdn2oplEGb70QS1QeuGw4y4inYkkt-QDOqeaMmOK6JeBqkX6uyyiKk0dpff2ZalvzVsMbYwXb2OVFc7kdg0dbb5BaeF6KFVLo9Thytf8NZs0N6UGXk3AWXpPJUxw3fxtPS5sOUUg_G8g/s640/DSC_0078.jpg)
我地玩咩都係比1個錢, 一大堆粉絲(4家9口)圍觀+「依牙鬆槓」, 唔中禮物都好開心...
![](https://blogger.googleusercontent.com/img/b/R29vZ2xl/AVvXsEjOR7sDtudmv9Z_TzB1n8e4vwDhFlu7vebZ7VeS4pAhkcugXdLXMaZDbFR1hJOyYwmBEDighk7ZpzJq123gQwAumaW2jJvpJRu9UH9D7pnhDQcbLSVNlZsK6npL-ordyJUbvM_wDv-0qG03/s640/DSC_0114.jpg)
呢個MJ由大姐出發, 諗住實食無黐牙, 當大家以為中獎嘅時候仲一齊歡呼尖叫, 之後被職員一盆冷水淋醒後, 成班人傻笑住轉身走... 唔中獎+低B咗, 但又覺得好開心...
![](https://blogger.googleusercontent.com/img/b/R29vZ2xl/AVvXsEj27_C6DRSjsFf4hadhnF2sSVj6Ii28U0jEg5pjWUeU1-0A1nLCYs_kiz3VH4d8aT0NYp_kubZBkTaZSJSUJOEedV2fbhqxwL9JjCuib24-6VhJne1G8frLIwF1caYlqlbTgMpG-P_PZJLf/s640/DSC_0081.jpg)
![](https://blogger.googleusercontent.com/img/b/R29vZ2xl/AVvXsEjwDRVIHRc7-ZqPCkD7wvy0mu7j88iKu0RnWmaJB03Y5hFlBmlr0ig_PM44vEcHqs2vxbDF6xaR2nyL_Zc-QxFSFdD9KTl-d3sTuoyNiHj434Hb3j3YPQD4zluDziX2cTAq0UuAb_MOnKvN/s640/DSC_0085.jpg)
咁又唔係樣樣都唔中獎嘅, 呢個懷舊遊戲, 20蚊比4個乒乓波你, 4個小朋友每人分到1個, 已經抵到無朋友, 諗住都剩係享受過程, 點知大家合作贏咗第1個公仔, 仲唔爭喎, 大果2個仲讓咗個公仔比個細嘅, 睇到我老懷安慰, 雖然幾個都唔係我生嘅, 哈哈...
![](https://blogger.googleusercontent.com/img/b/R29vZ2xl/AVvXsEgF7lDdnXAdaMOGxVlG7P2JAHmBNdcu8AQ2arrsYTBLaUi3qMhmYooj7TGvq7uK8nznFQ8QcpGLtpl0QLESBsNl7Sb_gnGZoZModCFZc9H6UphVzDVbPDcVYNCgkvKYFMUCwSwGlziUjGGT/s640/DSC_0082.jpg)
![](https://blogger.googleusercontent.com/img/b/R29vZ2xl/AVvXsEh055vFtsFZk4hfP4iDUjvJs3dpWUHiZLiZkdgvPXUjvTJXejvfBHYm3xIl9wQoSW1SvTFpnuoX36tw7Njwcc9tyemKBILDXvZyk3Ij-ADx0bHmiMDdZIpwhl4PW_h6Y0mkZugmZBUcCwvu/s640/DSC_0084.jpg)
呢個夾波子, 我同2姊都出師不利, 最後由出名揸筷子唔掂的大學生出馬, 竟然得米, Unbelievable...
![](https://blogger.googleusercontent.com/img/b/R29vZ2xl/AVvXsEgGORRFq4uMLydINuCZfdm5A-NF8DgSOhDSqwCl00e6roi6N-Smkcuwq8sABA-TEKVYVt3d-VOPyPaw5VtZMhiYQ8p24E79PLDT18x1WWrioBQt170C5L6cKIPg3qKNxq8L3YF2TLkS7Vhx/s640/DSC_0111.jpg)
![](https://blogger.googleusercontent.com/img/b/R29vZ2xl/AVvXsEgz5OGTpb4i4k9hRCRgZxWw7L-UYTfIRk9-Znlt8FJw4sWsWLCaTO3rQdXWeZFgaEj3H1BxiSEStLDDy_siODsgkU6-0z-dmewE9f7Dko1ga1unJdPLmWhKL_zf-U-M4kjYG6pugUYc8_cB/s640/DSC_0113.jpg)
大家越戰越勇, 就滯留於攤位遊戲之間, 無去其他地區...
2個小朋友嚷住話要玩全場最貴的遊戲... 揸住一大袋代幣的姑媽(即係我)就跟住佢地3母子去啦... 去到佢地阿媽每人放4個代幣係手仔, 就話"你地自己去排隊啦, 阿媽去玩啦"...
吓))))))))) 咁都得???
結果姑媽(即係我)留低, 企係鐵欄外, 2個細嘅自己排隊... 讀緊幼稚園的姪仔望住絕塵遠去的媽媽, 開始悲鳴, 好細聲的自言自語 : 媽媽, 媽媽, ... 當我以為佢準備喊嘅時候, 佢又拎轉頭望吓條滑梯... 結果... 滑梯勝!!! 嘩咔咔咔...
40蚊玩5分鐘, 聽落好貴, 但好Lucky地呢Round只得3個小朋友, 3個人有傾有講仲等埋一齊Sir落去, 大笑尖叫足5分鐘, 我拍Video都拍到唔拍, 仲開始不耐煩, 心諗 : 咁耐o架, 玩完未呀, 又話5分鐘, 仲有幾耐玩o架... 2個小朋友開心到癲, 80蚊我覺得值得囉... 我地走時下一Round排咗勁多遊客, 中外都有, 仲有大人添呀, 如果佢地玩呢Round我就擔心啦...
![](https://blogger.googleusercontent.com/img/b/R29vZ2xl/AVvXsEikT2Xw5r1VNelOSf5P5jT1l3MZIiIzMqJKlSb8YOuhKycC-PhH1Ze0dKiJI88vOXH-2k2Y8d2yRfduEu4Ub2Jsef3viAL84qSlNeFUk_enwOc6L6Eb5EdTFGfRoVhynSRlmwjImAe7PM0o/s640/DSC_0092.jpg)
再玩多幾個攤位遊戲...
![](https://blogger.googleusercontent.com/img/b/R29vZ2xl/AVvXsEgWN7upmJuq8pZYDisrHkT1cUmJswA7YKd22egjfY9Vt7LEDElrDM8AqlSKdW025yLSCK92OlbD1LXytjtH1rCrpQ726XMC8kCk7kDNpFrmdwk0Y6I7mrs4WZ64pawpt-2x43JiiwHf2sEC/s640/DSC_0079.jpg)
剩返1個代幣... 得經典掟階磚可以玩... 小時候拎到綠箭香口膠已開心到飛起...
![](https://blogger.googleusercontent.com/img/b/R29vZ2xl/AVvXsEhbUlAbw4OFJLtqhrsHWVwwxzdrqDZnzC3o6plbcaNgcEYX6uysO_Vi_F1WjwCw3Wv-UyMmEzHZ9F-OdmZbnOAGv5m4u-MbSr_HOWtihxmeYp8UlRaVhdDUTMKIKzTablSkySiRtrAeko27/s640/DSC_0117.jpg)
歡樂的時光過得特別快, 又係時候講拜拜...
![](https://blogger.googleusercontent.com/img/b/R29vZ2xl/AVvXsEgwj22BEv3VPUEz6pWAOiHodFmM-wvv0c6HpVoRX_iU1SYA1YEuwaD_auQQjJR4ZOmN-XIMwbsnUdz1CJLfCfqCqFDXavCGGsetKTGVdWa-7T30xlDjtqs-rlGTBoeakUEsidu8rWHW_Rn1/s640/DSC_0119.jpg)
一行9人玩了個半鐘, 用了500蚊, 細佬話抵過去海洋公園...
其實我覺得帶住咩心情去、同咩人去先係最重要, 我地係4姐弟小學時一齊去荔園玩, 今日一齊同遊舊地, 4姐弟尋回昔日的童年回憶, 小朋友就建立將來的童年回憶, 氣氛好到不得了, 單獨去的話應該個Mood會無咁好囉...
荔園旁的另一遊樂設施... 摩天輪... 影吓好啦...
![](https://blogger.googleusercontent.com/img/b/R29vZ2xl/AVvXsEgaSnnga2HueHePWQoxUigfOXUitGGvNgzQAkV8EjQ18GtMPlm4soJbIYc16WccVDBlhsPVGH799drM3DK1L9fXa_QFs0Bw3iTyeRBz81ejqInH9f9o6EhIcaJinUW1Dr0FdSfFzOWzzOFX/s640/DSC_0125.jpg)
之後大家互相whatsapp今日影的相... 原來弟婦帶住姪仔分頭行事其間, 玩咗好多正o野...
![](https://blogger.googleusercontent.com/img/b/R29vZ2xl/AVvXsEjNdkcE-VnA9cB_Yx3ggJpj9JdpVXRGR730nTq_hpzUnWHK8ByRWzOfW0DxLSAfx-tGfDq-LF_ytI9oAjn0RfCj-2U0juGhSdON0MO6bOBlCaZtFXiBAIZtdBya67cplgt2lg8QKto4kEg7/s640/IMG-20150706-WA0016.jpg)
![](https://blogger.googleusercontent.com/img/b/R29vZ2xl/AVvXsEiu3CXuhXDrbOrx_OccoVWYySlEjNOf3avOXm_3gTQNOk11pTQJwbHrucYWJneO306m0S1zPrSvOxsuhv2BdFHOa42ED13OOpkaOcIQOc4MshrdA_7DfYL42tbDtuRSWAycq3QhatyY_f8y/s640/IMG-20150706-WA0015.jpg)
晚飯於奧海城... 當然要同今日的戰利品影返張大合照...
![](https://blogger.googleusercontent.com/img/b/R29vZ2xl/AVvXsEgHWtr7pG7wuAPjx2-dbLe1QvagqK1wHWKCckpko5otCtepDwmJCSqppQqb9j_w5tVAAZ8p3GzsM0lrNnhtxgkVojAMrxvd4whplKzApPMUg28H3_ufBE7ALl7fHQVjaGc4JCmeNf229k8m/s640/DSC_0131.jpg)
![](https://blogger.googleusercontent.com/img/b/R29vZ2xl/AVvXsEjYiLKzlaA_A7fl7ZFQqH98QEaKkYm_9CiWh-gw5H_8tU62hEOt5u7Bty427KMrUUK3wZLS0twHvlwhzscJL4TOGyu9UdTYaBQQkdhttRC6S26boNykNofrxaG_NbakgfdaRAQeqnTCW1Ct/s640/DSC_0127.jpg)
第2朝2姊翻開舊相簿, 將舊相片影了whatsapp過來... 佢話係荔園執笠前專程帶阿女去... 相中B而家已經讀緊大學... 勁...
![](https://blogger.googleusercontent.com/img/b/R29vZ2xl/AVvXsEgnJRu-R7QaRKQq6XeiLQQ118TybiowYi5jeyk-OZBmJantFGbnMgjosm9G0t0OIhuT-f2I__jNbczhagEu_SPWCHoqZygnyLQpWwP-ixIkXzTic9A0ZQYfbaX9-MXIbKIB6PhIBMdSDneE/s640/IMG-20150707-WA0001.jpg)
![](https://blogger.googleusercontent.com/img/b/R29vZ2xl/AVvXsEhLIeeTZ9QTKCV3EdUaAsvBQEz2-_RiDVaXos6jCKOYtpMYHi6hZ9AdSjq-oU4d8AAR4Ebi4_fAMLCgVLtFsL-ElnL5bNsLb6MstuvWyNxL3buk7o5RxKfYy6Ixx-myJZKWzM_vRa4a8gwQ/s640/IMG-20150707-WA0002.jpg)
「荔園Super Summer 2015」
日期: 2015年6月26日至9月3日
時間: 11am-11pm
地點: 中環龍和道9號 (海濱活動空間, 免費入場)
~~~ 以下資料來源 : 維基百科 ~~~
荔園遊樂場(英文:Lai Chi Kok Amusement Park 現稱Lai Yuen,1949年4月16日—1997年3月31日)原名「荔枝園」,簡稱「荔園」,開業時是香港規模最大型的遊樂場,最初設有三個山泉游泳池,水源經兩重沙漏消毒,並有濱海泳場。1961年邱德根購入荔園並增設「宋城」景點,開業初期成人小童入場費皆為港幣5角。在1997年3月31日晚上,荔園與「宋城」一同結業。
荔園總面積達160萬平方呎。早期設施包括各類劇場、機動遊戲、各式各樣的攤位遊戲、水上遊戲等。內設的機動遊戲有摩天輪、碰碰車、旋轉木馬、哈哈鏡、搖搖船、咖啡杯、小飛象、八爪魚、過山飛龍、恐龍屋、鬼屋等,更曾有香港唯一的真雪溜冰場;還有蒙眼飛刀表演等,吸引不少觀眾入場。當中最吸引的是「豔舞(脫衣舞)」表演及稱作"科學美人"的色情表演,但因後來被批評有傷風化,所以在約60至70年代就取消了。
1952年10月25日(星期六)荔園在「粵劇場」後花園的山溪旁開設面積約10萬平方呎的動物園,初期從越南共和國(南越)進口大部份動物,最早期展出:虎貓、四頭金錢豹、馬來熊、三頭亞洲黑熊、南美洲出產的羢羊、白猿、黑麝貓、鼬鼠、猴,並聘請一位法國國籍馴獸師來管理。曾養有很多不同種類的野生動物,分別有熊狸、獼猴、山羊、印度虎、揚子鱷、水鳥、獅子、黑豹、禿鷲、綠孔雀、美洲獅、後期運來的雙峰駱駝與長頸鹿。
荔園動物園有一頭象被名為「Tino(天奴)」,牠是一頭緬甸大象,於1952年隨沈常福馬戲團來港,一直生活在面積不到500平方呢的獸籠內,過着跪地討食的辛酸情況。於1989年2月因不幸患上急性肺炎而人道毀滅,後期運往將軍澳垃圾堆填區埋葬。
沒有留言:
張貼留言