網頁清單

2015年9月15日 星期二

台北「尋找他鄉」2015の臺北商旅官邸別館 Les Suites Grandee

31 August 2015, Monday

前文提要:住係士林夜市入口3日2夜, 竟然無入過去, 讓人匪夷所思...

起飛前一晚失眠無瞓過, 第一日好辛苦, 所以第一晚決定唔行士林夜市, 諗住返酒店瞓夠第二晚先行士林夜市... (好好彩, 都叫做係條路度影咗幾張相咋!!! 第2晚一落車頭也不回就直衝入酒店喇)



酒店同士林夜市只係10秒步距, 過對面馬路就係...





係酒店第一晚又係失眠, 第二日比第一日更加辛苦!!! 第二晚返到酒店仲落雨... 唉, 激死!!! 返到酒店門口諗都唔諗就返上房休息...

諗住第三日大把時間行啦, 點知... 原來士林夜市係5PM先開o架!!! 日間水靜鵝飛!!! 全部店都拉晒閘, OH NO... 我覺得自己好白癡呀!!!

我出發前仲做定晒功課添o架!!!

[士林夜市必吃美食]

豪大大雞排

地址:士林總店 士林夜市陽明戲院
士林二店 基河路士林夜市新市場旁
營業時間:16:00~凌晨1:30



家鄉碳烤香雞排 

地址:台北市士林區基河路(都會叢林門口)
電話:0956-258-706


辛發亭雪花冰
地址:台北市士林區安平街1號
電話:(02)2883-1123
營業時間:AM12:00~AM01:00

DSH上海生煎包
地址:台北市士林區文林路99號後方
電話:(02)2882-9463
營業時間:15:00~24:30

郭家蔥油餅 (強烈建議一定要買加蛋)
蕭記碳烤肉捲
大上海生煎包
阿姨鹽水雞
士林大香腸
十三座牛雜
老士林大餅包小餅
忠誠號蚵仔煎


唉))))))))))))

唉))))))))))))))))))))))))

唉))))))))))))))))))))))))))))))))))))

使唔使吟返首「長恨歌」先呢?!!

都係介紹吓間酒店先啦~

一落車係一邊長長的窄巷, 朋友住咗5年話唔知呢度有間酒店, 其實唔奇, 奇就奇在司機哥哥住咗30年都話唔知果下勁...






Check-in時一聽見係2樓勁大反應, 我話唔要2樓, 我比咗Upgrade Fee加大間房!!! 職員話無錯係大房, 好決絕咁話「除咗2樓, 全間酒店所有樓層都裝修緊」... 呢一下先至晴天霹靂!!! 我有冇咁黑仔呀?!! 點解去親邊個國家, D酒店都全間裝修緊o架?!! 澳洲如是, 加拿大如是, 而家連台灣都係... 

每次出完街返到酒店都嗅到好大陣味, 都唔知係裝修味定消毒藥水味... 一入房好快就會開始喉嚨痛, 唔係一般嘅痛, 而係「劇痛」!!! 痛足兩晚, 通霄不停起身飲水都無用, 劇痛至完全無法入睡, 第二朝一出咗街個人又即刻無事生猛晒喎... 返香港果程機食咗藥都Ear Block, 好慘!!!


房外的景色真係嚇死人... 油站!!! Honey話如果唔係近到咁, 唔計裝修緊, 其實間酒店地點同房間同早餐都叫做唔錯... 但係咁近油站, 一定唔會再住!!!


間房的確係幾大幾四正, 似係全新裝修完... 門口仲有個玄關位, 之後再有一度門先入到房, 夜晚可以Lock起2度門瞓, 感覺上安全D... 起坐間非常寬敞, 有型有格, 所以叫咗Honey朋友上來坐坐, 飲杯茶, 傾下計, 等夠鐘就直接去餐廳, 唔使係外邊搵地方飲杯o野...




張書枱好恐怖!!! 外表白白淨, 第一晚唔夠2粒鐘發現十幾隻蟻, 殺之不盡, 之後我檢查過間房, 發現佢地淨係o係書枱流連, 我已經無晒辦法, 由得佢地啦, 我將所有行李及私人物品搬到有咁遠得咁遠, 蟻哥, 張書枱送比你地...


浴室有浴缸又有企缸, 都幾寬敞, 唯一係度趟門無得鎖的, 我同Honey就無所謂, 比著其他住客如果同同房關係唔係咁親密, 都幾尷尬...




網上Comments一律都話低層房間夜晚好嘈雜, 所言非虛, 零晨2點幾飆車的引擎聲響徹雲霄... (失眠令人好痛苦)

酒店房包早餐, 眼見2日都唔夠10枱客, check-in的職員應該無呃我, 應該真係得1層有人住, 其他樓層裝修緊... (疑心重的人)

雖然客少, 但早餐絕不馬虎喎... 同埋都幾高質數, 令我地覺得間酒店本身係唔錯的... 只係太多其他因數令我地住得不稱心...






昨晚徹夜難眠, 今朝9點未夠就落去Lobby餐廳食早餐... 很不在狀態, 只輕輕吃了2碟... 抵讚的是有腰果、合桃、杏仁, 係香港賣得好貴的... 仲有係早餐Buffet第一次見的熱情果、益力多, 真係好有驚喜...



Honey第一天的早餐...


第二晚體力透支, 終於都瞓到少少, 但都係喉嚨劇痛+Keep住起身飲水...

第三日的早餐... 都係9點前就食... 比尋日食得多返少少... 魚鬆超好味...




第三日終於有時間在酒店附近到處逛逛... 可惜的是, 日間的士林夜市靜得讓人害怕... 店舖都關上了鐵閘... 一出酒店門口第一眼見到嘅...



幾分鐘就行到捷運劍潭站, 方便到不行...


上次來台北已經想申請「臺北公眾區免費無線上網」(Taipei Free)服務, 可惜臨尾個日係台北車站迷路, 空手而回... 今次係劍潭站簡單得多, 個車站一眼睇晒, 無論閘外閘內都可以係旅遊服務中心辦理... 一陣間就搞掂, 超方便!!! 同Honey一人一張, 咁下次再來台北就有得用啦...
詳情可瀏覽 www.tpe-free.taipei.gov.tw


順帶一提酒店房個WiFi, Signal弱到無朋友, 4格裡面先得果1-2格, 根據過往經驗, 好辛苦好辛苦咁Connect到都唔慌上到網, 上到網都好快會Cut Connection, 所以我今次慳返啖氣, 駁都懶得駁...

早上跑到士林夜市B1美食區簡直是惡夢...


11AM的狀況... 落閘!!! 幾百甚至過千隻蚊係梯間狂亂地飛舞... 好可怕呀!!!


地面散發出令人暈得一陣陣的街市氣味... 攝氏卅幾度, 一籮籮生肉擺賣中, 裡面還有更多更多... 夜間賣百貨的地方, 日間竟然被人佔領來賣蔬果魚肉... 真的有點意想不到!!! 有把男聲係耳邊不停重複「你肯定你想入去?」 (意識開始模糊, 有誰可以給我一個嘔吐袋? ♫ 好心啦, 福心啦, 可憐吓我呢隻迷途小羔羊啦 ♫)


係捷運站行過來時, 因為新樓地盤封路的關係, 被迫出行車道路上行走, 險象環生... 回程時決定抄小路行入士林夜市, 雖然有點像迷宮, 開著Google Map+Location Service應該不會走太多冤枉路啩...


返酒店休息下先... 嘆住冷氣搵下邊度有好o野食先係一個旅遊懶博客應有嘅態度, 又或者應該話附近都無o野食, 最近可以去邊樹為身體充電...


上次係101附近潮拜過的GoGoRo原來已經殺入士林夜市啦...


係香港數一數二的長龍餐廳Dazzling Cafe原來係士林都有分店, 不過已經執咗...


~ 酒店資料 ~
臺北商旅官邸別館 Les Suites Grandee
地址:台北市 士林區 文林路102號
電話:+886 2 2880-5599
網址:http://www.grandeehotel.com.tw


台北總匯 : http://www.kenmerry.com/search/label/└15台灣「尋找他鄉」



號外新聞一則... 新鮮滾熱辣...

第一晚司機哥哥問我地有無買過威力彩(我估同香港六合彩差不多啩), 我地話無, 司機哥哥極力推薦我地去前面間飛來發碰下運氣, 強調經常都係呢間中獎...

佢講完啱啱2星期之嘛... 古語有云:「如入寶山空手回」, 原來我最最最失敗唔係無行入士林夜市品嚐地道小食... 不聽司機言, 吃虧在眼前!!!


威力彩頭獎28.7億元 1注獨得在北市
http://www.appledaily.com.tw/realtimenews/article/new/20150914/691686

2015年09月14日22:00

連40摃的威力彩,頭獎今晚終於開出,開在北市士林區飛來發彩券行,1注獨得,獎金高達28.7億元,創下威力彩史上最長連摃次數及第二高頭獎獎金,光定存就可月領近百萬元利息。

連摃40期的威力彩今晚開獎,第104000074期威力彩:9、19、21、23、27、37,第二區為08。頭獎28.7億元開出1注獨得,在台北市士林區文林路143號。

該筆頭獎獎金扣稅後可實領22.8億元,以大額定存利率0.52%估算,可月領利息達99萬元;估算可買每戶售價2.8億元的帝寶豪宅8戶;可買單價7千萬元的MCLAREN超跑32輛。(戴安瑋/台北報導)


沒有留言:

張貼留言