![](https://blogger.googleusercontent.com/img/b/R29vZ2xl/AVvXsEhbhwCF9H9-tkRqAkOhGYa1CCkDO8dJ9dUdA08q6eRHrh2xpMJXoolhbmblBAEtgNtFp8U74ij2MLIseanMhfm3NnOJuVrz6Z88Za5DeCIReAwtPwJeAIfGyD16P_IfnzHt7uDCqqxhND0c/s200/DSC01712.jpg)
3日2夜的行程, 離不開係天母區食食食... 呵呵呵呵~~~
我地幾勁呀, 住係士林夜市門口3日2夜, 都竟然無入過去, 連我自己都O咀...
起飛前一晚失眠無瞓過, 第一日好辛苦, 所以第一晚無行士林夜市, 諗住返酒店瞓夠第二晚先行士林夜市... 點知... 係酒店第一晚又係失眠, 第二日更加辛苦!!! 第二晚仲落雨!!! 唉... 返到酒店門口諗都唔諗就返酒店休息, 諗住第三日大把時間行, 點知原來士林夜市係5PM先開o架!!! 日間水靜鵝飛!!! 全部店都拉晒閘, OH NO... 我覺得自己好白癡呀!!!
到底呢幾日我地去過咩地方又食過咩呢? (著實不多)
好, 去片!!!
出門第一件事... 望天打掛!!! 睇睇香港同台北嘅Weather Forecast先... 嘩... 情況好惡劣吓喎!!! 玩3日啫, 使唔使兩邊都連續3日雷雨咁齊心呀?!!
![](https://blogger.googleusercontent.com/img/b/R29vZ2xl/AVvXsEifNo3lgzpFFGgXM98SomeIypeYvS4HXTWjydzQnn1E7uR1lzO93c5bH8b2gIlB2k6MfxcGCiUAybzgBNuodvVKG4qAuhKbJKcuMlZIe0Sr8sCPwL24ziGGxWj5xPNdM8P0egqthWdwjnX_/s400/Screenshot_2015-08-28-21-56-26.png)
![](https://blogger.googleusercontent.com/img/b/R29vZ2xl/AVvXsEh9Ofpnweb_ttVhHW1FC46yipeSsqoZkqCbNBLMmOlCQ6r2VDc7mVV6-sy2644bgHYoEmTCQVxJICek_XvOO7DAOiq1pgNHoNB9Bv4TKigF39JDbfjM_F6vKMOVgmN661k7ZGuNcmulhpeD/s400/Screenshot_2015-08-31-08-29-38.png)
首站...就當然係香港國際機場啦!!! 有免費Airport Limousine真係奇爽無比... 可惜今年只可以再用多一轉... 之後都唔知點算...
![](https://blogger.googleusercontent.com/img/b/R29vZ2xl/AVvXsEiJtZygarW-Ztjnp2lPLW0Ir2xUiVacuRHtBhBYVN39CvvA6EV4mXLRetwEmriK5fCjIasMAqgKw3z7shuL5ZtjvUPNWclyjnF7I_T5574_fQoz_hOUXhgdPz5pCY-TUjfY9DX-yL4LbQzc/s640/DSC_3481.jpg)
晨早流流, Traveler's Lounge條人龍長到不得之了... 食物真係好好好一般... 勝在免費同埋有蒸餾水比我食藥(預防Ear Block)...
是日奇景 : 有對強國couple, 女的留下手袋不知去向, 好耐都唔見人, 佢唔係諗住有人幫佢睇實呀? 男的用報紙由頭到腳鋪滿全身玩sleeping... 嘩!!! 露宿者之家呀呢度? 好核突囉!!! 影衰香港呀!!! 坐我對面的白人couple應該比我更早發現此事, 見佢鬼鬼竄竄用相機連腳架對準果個方向影咗好耐... 其實我都好想好想影佢相, 正所謂有圖有真相嘛, 不過角度唔就呀, 我偷影的話太明顯啦, 又驚個女的無啦啦走返來...
![](https://blogger.googleusercontent.com/img/b/R29vZ2xl/AVvXsEje7K8xtentmll5Cm540M5isySTONhyphenhyphenmk2dl-L65-5GMdkpJkQcJgaJ7D3um0wt2Qr3mlvsiLsHqZx9lurAW6NUrk8wMEO85_kfl-ycxKOYE8vRm1cPf5OGp5ZN_VZHwNGErhi833DQJbsI/s640/DSC_3482.jpg)
影登機閘口相是常識吧!!! 不過人懶無藥醫, 連facebook都無upload到, 連D死黨都唔知我去咗台北, 哈哈哈... 遲咗離開Traveler's Lounge, 閘口又鬼咁遠, 我懶勁唔坐無人駕駛列車, 結果跑到腳軟, 去到閘口登機中的人龍已經好長... 我地嘅行李無寄倉, 太遲上機無位擺的話就麻煩啦~
![](https://blogger.googleusercontent.com/img/b/R29vZ2xl/AVvXsEjrOH-pNU9Hj-86gXraXuGDDwAq3S_C-8S1K_NG8BjDvGj1rFER-MDWjAfQZjp3Vjr97iKwzcM_jg74M7gL4pFy50BqNAoCGV4VU7l6FI9cz0-ZKWTyVvKzceKftsqb087ZK1oEILnhrCwG/s640/DSC_3484.jpg)
國泰呢個飛機餐飯盒一般般啦... 唔難食亦唔算得上好食... 今次用Mobile App劃位時見架機都好吉吓, 膽粗粗劃咗窗口卡啦位, 好好彩地, 無陌生人楔入o黎中間位, 奸計得逞, Yeah!!! 短途機無電影睇, 唯有重溫一下「10倍奉還」嘅《半澤直樹》~
![](https://blogger.googleusercontent.com/img/b/R29vZ2xl/AVvXsEgIcwLdpq0viIBV3jQYAnajQfZlZOYumHwdgZ5Tm2tRGMp3XSEN_z_8zMJt30ylYrtJmdAeaaKdAxbD1j_2NOhHxsXnZIUZTeLgkpNy5h7Cd1izM4a6Hrmqhdv7Pm9oFcsObMrfms81g-3F/s640/DSC01695.jpg)
航班循例Delay~ 係準時登機關門嘅喎, 不過成隻機停係度唔郁之嘛... 話10:00AM起飛, 結果12:25PM先落機... 落機時見唔到來接機的Airport Limousine司機, 急急腳走去買Unlimited Data Card先啦~ 上次中華電信無人排隊, 今次到遠傳無人排隊, 反正玩3日3間電訊商都係一樣價錢, 所以今次幫襯了遠傳... 親身試過後, 2間的市區接收力都不錯, 沒有太大問題... NT$300真係好抵玩...
![](https://blogger.googleusercontent.com/img/b/R29vZ2xl/AVvXsEgG1OhmtbF3US2pmB6ctVyFE8GZsKqX7KzoSN1P1j3tyEtHBo-tEyDyMim7n8DHPX6WW0MhwSw60v2mfNKzFlE1ll_UMqP1snG45FiHJQtDZyHWz5gp8eM66VNV1F17fom0x_jMH2ENFBqe/s640/DSC_3487.jpg)
會合了司機後, 直接去天母區同Honey的好友食Lunch... (落雨-ing)
朋友推薦的台灣牛肉麵店 -- 老地方牛肉麵!!! (飲料無限暢飲? 我好似咩都無飲過喎)
![](https://blogger.googleusercontent.com/img/b/R29vZ2xl/AVvXsEjOv2C2fykXqIbb_H0lPkH4gIDVgfIHo2stBiDDxgNV2D6xyP390Yk9CHCfXRkpI3hedBhQulHcEhybI-N1ulLbNnu405tBKEsc0cphFmWkdrieAGEKh1lRQYNMomf-Zq2onKIn24c_ThnB/s640/DSC_3490.jpg)
自助形式的涼拌菜放在雪櫃內, 供客人自取, 各式小菜 NT$35, 好抵食呀... 個豆角仲幾好味添呀...
![](https://blogger.googleusercontent.com/img/b/R29vZ2xl/AVvXsEje3vVJEL2eh2Kp4AGEyH4K_MohuZVfit3QhpXtcjfh_eUpLnKbumK0v2Akq76eeeeASrfR7nfP6r__rFSMkax6B3Tnz50UlHsLTkUvB4nj_SWi8ZLj-mNwSQWoNqiYa2VxTF0efDfI1VX4/s640/DSC_3488.jpg)
半筋半肉冬粉 NT$160
-- 牛肉清湯湯底清甜, 冬粉軟Q, 牛肉好腍好入味, 整體不俗...
![](https://blogger.googleusercontent.com/img/b/R29vZ2xl/AVvXsEhcSVeqneO1SuLuOa9rTNQ0TBqVJleMQ_QMnRfx6iy2T7yJ7ZcEe1a-VRqTlULWP05NPW99wS08o8sl9KJKbbPPkpTiEBZE95nVFUuv-nRD5EYqVrXN26e4QEq6Nm96Fx4yzJffdVnWRmLG/s640/DSC_3489.jpg)
姨姨在現場包豬肉水餃中... NT$5/粒, 好抵呀!!! 見咁新鮮, 試了韭菜&高麗菜2種口味, 我個人比較喜歡韭菜...
店內沒有什麼裝修, 簡簡單單的速食店格局... 有電視睇... 因有其他客人正在進食, 姨姨又坐在旁邊的枱包緊水餃, 我唔敢影餐廳入面的環境相呀!!!
食物份量不多, 剛食過倒胃口的飛機餐不久, 來個輕食正合心意...
味道:★★☆☆☆
環境:★★☆☆☆
服務:★★☆☆☆
衛生:★★☆☆☆
抵食:★★★★☆
老地方牛肉麵
地址:臺北市 士林區 天母東路8巷21號
電話:+886 2 2877-2891
網址:www.facebook.com/%E8%80%81%E5%9C%B0%E6%96%B9%E7%89%9B%E8%82%89%E9%BA%B5-569185719884671/timeline/
吃過午餐, 朋友誠邀我地到佢試業中的隱世咖啡店參觀...
唔知咁算唔算「試食邀請 」(Blogger Tasting Invitation)呢? 哈哈哈...
叫得「隱世」, 就緊係唔會咁易比你搵到啦~~~ 因為個門口都未整好!!! 嘩咔咔咔 XD
就算裝修完Grand Opening埋, 都唔係話你隨便行入去就有得飲, 要預約o架!!!
步入位於天母東路的店子內, 首先是一條長長的走廊, 神秘大門背後隱藏的, 是充滿濃厚古典歐陸風格的咖啡密室!!! 好好好靚呀!!! 我同Honey都不禁"嘩"咗一聲~~~
店內只有6個座位, 活像皇室貴冑的交誼場所, 置身其中, 讓人沾上一點點顯赫矜貴的氣質... 由於裝修仍在微調中, 暫時不便公開太多照片唷~~~ 等我下次有機會去台北再影過啦~~~
![](https://blogger.googleusercontent.com/img/b/R29vZ2xl/AVvXsEhbhwCF9H9-tkRqAkOhGYa1CCkDO8dJ9dUdA08q6eRHrh2xpMJXoolhbmblBAEtgNtFp8U74ij2MLIseanMhfm3NnOJuVrz6Z88Za5DeCIReAwtPwJeAIfGyD16P_IfnzHt7uDCqqxhND0c/s640/DSC01712.jpg)
朋友的咖啡店賣的絕非一般的咖啡... 而是來自越南的鼬鼠咖啡 (Weasel Coffee)!!!
咖啡杯的耳仔係鍍金同鍍銀的鼬鼠, 杯底有Serial Number, 飲完會洗返乾淨比客人帶回家留念...
咖啡農為了貓屎咖啡豆而困住鼬鼠在籠中飼養, 忍起愛護動物人士關注, 認為做法不人道...
朋友所選用的越南咖啡農則買了一個山頭, 進行圈養, 鼬鼠可以自由自在通行跑, 咖啡農會定時派人去收集鼬鼠排出的咖啡豆, 所以成本會比一般鼬鼠咖啡高...
![](https://blogger.googleusercontent.com/img/b/R29vZ2xl/AVvXsEg25dIC78UXgbtfSGI0qukS7dcHGHwmvVaLsRyyDHQD1NdmPqSYrTr2eZOE3YY6lN37eOOQI9taw_8ItSqlBUA3zf8stZ19hHTMOLf49B0EJps8Hdf1o7rkDrIYDcJdH2Orj4QL4HtBuyWY/s640/DSC01696.jpg)
除了咖啡豆矜貴, 咖啡師亦非同小可, 是咖啡師考核的評判呀, WoW... 好勁呀!!!
![](https://blogger.googleusercontent.com/img/b/R29vZ2xl/AVvXsEhlTh9c5zhQs2WFxvHdRCsdB6IhAZGvUBoHnfICXWihrc7qFJm84Xk9F-slAseb0lyS8hWQLnWe8wPhqjgoSDHhLo41K6tTywYL1tZFs4aFn660MK6UBoE0RxSBXS0F1uTMBt8xeLpmadAd/s640/photo01.jpg)
咖啡師細心地沖泡及講解, 第一泡口感很順滑, 有朱古力同焦糖味... 第二泡甘味重, 只喝半杯, 剩餘的會與第三泡混合, 微弱的酸味, 順喉回甘... 想不到一壺咖啡會有3重享受, 芷菁mode : 「我今日真係學到好多o野」!!!
可以飲到咁好的咖啡, 好感動呀!!!
見識過如此驚為天人的咖啡, 跟Honey去2個地方辦點事, 才到酒店check-in... 未夠鐘食晚飯, 見酒店房都幾寬敞, 邀請朋友上來飲杯茶... 稍後一同前往朋友的心水食店, 位於天母區的沃田辦桌...
沃田辦桌位於沃田旅店內, 由302家農會和40家漁會所共同支持成立, 挑選全台灣342家農漁會的食材, 產地直送到餐桌, 食材新鮮不在話下, 每天烹調不同的晚餐, 無需點菜, 品嚐到新鮮、健康、習各地風土特色的合菜料理...
![](https://blogger.googleusercontent.com/img/b/R29vZ2xl/AVvXsEg1XudbnCFQ0dYPtk9CuMBeafhoINs2ysqlQkvUKjvBSVUi2CqMOyO70wxmrsxlQ3VUOeHeRhjfzuZVs5UzRjKb3pYi55M5FGTX58MrqR3W0_j1OMUJI4rAwVPKsM9R28WWwAV4ZzkJtL2j/s640/DSC_3495.jpg)
![](https://blogger.googleusercontent.com/img/b/R29vZ2xl/AVvXsEgXCZ1vJdbvwE5oynhlX7XFJc_NxWD_irpORhNWVQ2rtLCo6-4wwlcTixFJreEZhapctzL6NrpUAjShs6Iamqs9knojoF1TafjkGP_GDDkUASAWtrxYJGK5vWK_uWyAGaCv5atP310HfaCc/s640/DSC_3515.jpg)
![](https://blogger.googleusercontent.com/img/b/R29vZ2xl/AVvXsEjuSE2LbR0P7PMnXImrlV6hBRLR0sfuj0lo1O5Unsrs2Awhmi0CZUK3iJzc7yvE57xeigGcoUWctk6llJbQ6a_m5u1ecGaZ98iMNinw1aawAxDiNBtg30x5z1cMS_7GO5OvmLGdVcN0ttN7/s640/DSC_3499.jpg)
![](https://blogger.googleusercontent.com/img/b/R29vZ2xl/AVvXsEgY3_sqIYF8E4ULBQUaeDmJ9wpcvGiIi9SIpvqF2ajbo9s7nLH6enf7txk5nbQ40t9w3dm55GrGosYKrHZipmgGTLuXYbGG7mOwm8eI_TI8X60E6bh5oQcNLb5KDZ4TyChHBgu_CVj2v0Lu/s640/DSC_3497.jpg)
![](https://blogger.googleusercontent.com/img/b/R29vZ2xl/AVvXsEhDRCT7OC0krBZIHLmKw0Yet1jdlEVPO4sGwCs9C8dVQ7DocoWLi5uwGklEg7Vj23khwmoDQusWgU1hu8UszegWCz4s4Dp8bqDC6hAhnCUjmixZxkOxqGoKOcTG9tVaTns1sDPb2OUt8Z7Z/s640/DSC_3498.jpg)
餐廳供應「季節合菜」, 大家完全不會有點菜的煩惱, 只需根據人數來點餐, 胃口大的朋友可考慮加菜...
2人份 (三菜一湯) NT$600
3-4人份 (四菜一湯) NT$1,200
5-6人份 (六菜一湯) NT$1,800
7-8人份 (七菜一湯) NT$2,500
* 另加10%服務費...
![](https://blogger.googleusercontent.com/img/b/R29vZ2xl/AVvXsEgVn_dTrq3P25B4weBjP1ynQLpk2Y_B7xmb5WZ2hFk3o-jfwjYp89Hn8_qgSvMITyz8HV3P58jInwtCLNS-PBaYU5IY2cDYMiayawduXFxSBZiKag4c82IGkE71cfQQjVT2phr-SKOJjp9w/s640/DSC_3502.jpg)
餐廳提供的飲品--洛神花茶同檸檬水好好喝呀!!! 花生都特別美味, 好香...
![](https://blogger.googleusercontent.com/img/b/R29vZ2xl/AVvXsEiN704NX4GfI66tGl_DFcHKIWKuBGhAg2KxEXVzs_W10ya6uu7VodO7e3rC8I8u8F_TpjJbXTYXAx9kURxJxYSpRAUNLhIyi9rtqjxyxawLiuEeS7s5pgl4LR8qG5WWrLuOcmWN5viZg3Ky/s640/DSC_3496.jpg)
(餐)涼拌松板肉
-- 小炒好香口, Yummy...
![](https://blogger.googleusercontent.com/img/b/R29vZ2xl/AVvXsEgd_keTUUmra6lo6hMY8trM-6H6DN_qLESv-LXGtiWB64_RABGabNj-bwDSkcKS32yNVIYBRmypeL8WcJCspUpMxeLWZZ_KHT99arfJ-BOplLDgI1HAuWz2RVjBCyRjLV3Edb5dsxP1Zkgg/s640/DSC_3510.jpg)
(餐)乾煎虱目魚
-- 嗯... 應該是臨時改了菜單吧, 點睇都係蒸鱈魚... 魚肉滑溜得很, 加埋酸子放入口味道酸酸的好特別...
![](https://blogger.googleusercontent.com/img/b/R29vZ2xl/AVvXsEgJUR2VcUTEdIAuLCGonIjRRmdAEJQahRxqGqaNd1v9rWS1Jz-2DHHafWc0fXe7erk4XRCScYZqV3nOFRxeI9hV5JlEt9aHuJJDCZNwKdYBfxLjH3OAB_OdD_DsYHKV0b7NDgYxvOcjwU8w/s640/DSC_3513.jpg)
(餐)老梅苦瓜
-- 白肉苦瓜, 咁大舊, 大家都以為係蒸魚, 哈哈... 苦瓜肉軟腍腍, 一點也不苦, 伴甜梅菜同吃很美味...
![](https://blogger.googleusercontent.com/img/b/R29vZ2xl/AVvXsEjSfNgTdyddXJj_z18adBmZge7_P8AsFwTEUVG9CR72yDt2e1mxacTII7dqtv4Z3msrN0nWx1iY-xEKr9tanU4di80bQr0tTcXUIN_Ypkj_YTjJRjFS84SMAHHHinB7yBSG3aT7X8v57D9L/s640/DSC_3508.jpg)
(餐)魚香茄子
-- 酸酸甜甜, 好開胃, 吃過不停...
![](https://blogger.googleusercontent.com/img/b/R29vZ2xl/AVvXsEg7UcXgEa0oy_fgy9uqirLuZsKoBfvY8RcALmZPTwoyfko3Y7SbvUJQbNCiEL_GTQsbsXBp2zZzMWhsJqvmMsfk-fK8t-cgYvEfzXsa8ughtEm11KTqT1ndsytd2oo6FjJe_7XEB1LUBLRQ/s640/DSC_3509.jpg)
(餐)蓮藕排骨湯
-- 好重當歸味的湯呀, 中藥味雖重, 但都幾好飲...
![](https://blogger.googleusercontent.com/img/b/R29vZ2xl/AVvXsEiaALeubCsktSUfbwThkU0Ghf0Z3cQdkM_u8gICPDSrhefhYB9v-TnILIHPquYLtwAnRrz7FEHI_NDVg5WyHgQWYAJ9DE-eIQeCgy-Up_cMjl3F6aHFbcU46y0e9D7d8wDrJEls_XblLOG_/s320/DSC_3511.jpg)
(另加)星蔥煎蛋
-- 好好味的煎蛋, 用上三星蔥(宜蘭縣三星鄉特產), 香味倍添...
![](https://blogger.googleusercontent.com/img/b/R29vZ2xl/AVvXsEg4GeE_YowkhzERCLhehOuIHJW_AU2DXKOuYoXXnTmVeEiat5vJhMQfGhatlMX9a3oKmwtoT1S-9jh1BtRnaCQJKZoDehXjY-4eWZxx3cJUR8jhnnzOh50j64UCYQNb4EeD6k2xRIztcfi-/s640/DSC_3512.jpg)
(另加)蔥油雞
-- 不用多說, 好好味!!! 套用蔡SAN金句, 雞有雞味, 肉質滑溜,正...
![](https://blogger.googleusercontent.com/img/b/R29vZ2xl/AVvXsEh4DN9lYqBss9cuwRL3SqkpOKYQ7PxPHAlnSlQNP9oORV7i5a-gh8nBcJFqX_WdRpzqNlwev7-9wbWccfgeyHU7L6FOsCEtGVp7HIVdxGYAZDxd_5UbU3hHoYSv8GlCYldLdpbUSm0uLJnE/s640/DSC_3506.jpg)
紅豆飯超美味...
![](https://blogger.googleusercontent.com/img/b/R29vZ2xl/AVvXsEjvep_7G1IW30mpgCcwESrHj_yNtWDqC3ICD_faBzjTcmSe48fHuACdDWU_CQ6dBc7mQXcwGB4zlFJTwLQLR-UNar5urlVCQSyCxN0tUYy42QNdO11kLs4WCVLSWQjKiLH1YVlaUsH2x9ts/s640/DSC_3507.jpg)
時令鮮果...
![](https://blogger.googleusercontent.com/img/b/R29vZ2xl/AVvXsEhpz5Um31Sp97-XAMB8bIti3h1VAoiglc878r1worMd0HBJipRfbC0NbVcjqZA8HKZMr2oF4IKqRKhQBB_SE0X6MbU84QIUcutEFMVNDjbSWPQGAg6DHOwu_tGjMzQp9gx_lyWtVoQIcB7g/s640/DSC_3514.jpg)
味道:★★★★☆
環境:★★★☆☆
服務:★★★☆☆
衛生:★★★★☆
抵食:★★★★★
沃田辦桌
地址:台北市 士林區 中山北路七段127號
電話:+886 2 2875-2288
網址:http://mellowfields.com.tw
飽到無命, 去一轉HSBC襟機就返酒店... 尋晚失眠無瞓過, 好攰... 係士林夜市入口影咗幾張相就返酒店休息...
![](https://blogger.googleusercontent.com/img/b/R29vZ2xl/AVvXsEgncm-E0mUe6YUv7AJo7z8Gho6_RuKfDWQxFL49XX0FZicqnKELJM6eYGQe68rNTx9WvEQB4WTN2PV2UYhyphenhyphenU9wrknd4FxYdGLtts1oycb9uh6aoVaywkqnjszIi4Fx5UnWoIxNah4Zwoyh2/s320/DSC01736.jpg)
酒店同士林夜市只係10秒步距, 過對面馬路就係...
![](https://blogger.googleusercontent.com/img/b/R29vZ2xl/AVvXsEhVP9Kf2P26BllPhdz_RO4ejQ-xdWrA1jo6Sb_yyTIcudBBVwx5i5JUpt5YAXm0eZ1ac7brfmInmt3eh3gF8m8X42GblmxX9mbuivAGn3NT_X50LYQ6KiehygLcstw9h60jmuIAfz0DrkMh/s640/DSC01740.jpg)
<<待續>>
台北總匯 : http://www.kenmerry.com/search/label/└15台灣「尋找他鄉」
沒有留言:
張貼留言