Yahoo! Blog 人氣精選「遊歷遍天下」again...

22 August 2012, Wednesday

急不及待要同大家分享, 繼今年6月出現過係Yahoo Blog主頁嘅「今日人氣話題 : 遊歷遍天下」, 我嘅旅遊Blog今日又再度被選中啦, Yeah!!! Happy Happy Happy!!!

http://blog.yahoo.com/explorer

原文分享 : 西歐"文藝復興"2012の威尼斯, 意大利 (Venice, Italy) http://blog.yahoo.com/ken-merry/articles/826327

Spice 8 : 印泰二合一

10 August 2012, Friday
今晚約咗貓兄去睇話劇「愛可以多狗」, 睇話劇我都係第一次咋, 好興奮呀... 幾年前睇過一次音樂劇「歌劇魅影」, 當時因為太攰, 瞓咗一陣, 希望今次唔會啦, 哈哈...


個Show係香港理工大學賽馬會綜藝館公演, 我地去理工大學附近嘅國際都會商場搵食...

行咗個圈, 揀咗呢間評語唔錯嘅印度餐廳「Spice 8」... 餐廳嘅擺位一度令我地擔心係要食Buffet嘅, 後尾問一問服務員妹妹, 原來係散叫嘅, 好彩...

印度菜餐牌背面係泰國菜, 搞到我同貓兄揀餸時牛頭唔搭馬嘴...

Mango Lassi -- 酸乳酪+奶+芒果... 嘩... 好酸呀... 嗒真d好勁芒果味... 再嗒真d都幾好飲, 酸得o黎幾香甜, OK, 好特別, 值得一試!!!

Spice 8 加多加多沙律 Gado Gado Salad -- 隻蛋... 好似我係屋企切都好過佢... 沙律材料有青瓜、豆角、荳芽、椰菜、西蘭花、薯仔、紅蘿蔔, OK新鮮... 沙律醬味道好特別, 有沙爹醬同花生, 味道唔錯...


沙爹牛肉串 Beef Satay -- 好味!!! 沙爹燒完都唔會太乾, 燒得幾香口, 沙爹醬都好味... 沙爹上面淋咗d綠綠地色嘅醬, 應該係青芥末, 唔辣, 幾香... 咁多樣食物, 呢個賣相最好...

(前) 印度燴羊肉 Lamb Rogan Josh -- 好辣呀!!! 好香羊味呀!!! 好好味呀!!! 羊肉都幾多, 好軟腍, 咖哩汁甘香濃郁, 撈薄餅一流...
(後) 印度薄餅 Roti -- 熱辣辣, 幾煙韌, 幾香口, 還可以...

印度牛油烤餅 Butter Naan -- 嘩!!! 點解個烤餅成攤油係面o架?!! 好驚呀, LaLa聲倒咗佢... 咦... 唔係喎, 我地係Order牛油烤餅, 唔通果d係牛油?!! Oh No... 倒晒... 同薄餅差不多, 都係熱辣辣, 煙煙韌韌, 不過好怪囉, d牛油唔係應該撈埋入面粉度先烤嘅咩?!! 搞到而家一d牛油味都冇...

貓兄食完第一客薄餅, 話唔係想要呢樣... 食完第二客, 又話唔係要呢樣... 我意會到佢想食嘅係千層牛油薄餅... 問下服務員妹妹, 佢話佢地呢度冇... Oh...

食飽飽, 埋單呀唔該... 原本時間好鬆動, 可惜外籍服務員冇咗件事... 最後要搵返服務員妹妹幫手, 好快搞掂, 剩番幾分鐘咋, 遲到啦)))

趕到去賽馬會綜藝館, 好彩d人仲進緊場... 仲可以有幾分鐘比我考驗吓部新相機個大光圈... Yeah!!!

是次每人消費約 140 元
味道： 3 環境： 3 服務： 3 衛生： 3 抵食： 4
###
地址 : 紅磡都會道6號國際都會商場7樓749-750號舖
電話 : 2330 7950

「獨特的香港縮影」展覽

15 August 2012, Wednesday
自從舊年開始學習微型藝術, 從此對迷你公仔屋制作著了魔, 所有有關於微型藝術的展覽及書籍都不會放過...

最近位於中環愛丁堡廣場三號的展城館, 舉辦專題展覽「獨特的香港縮影」, 我當然不會錯過...

今天是第一次使用新相機Sony Cybershot DSC-RX100拍攝迷你公仔屋, 效果真的不錯, 我很滿意... 大家也來一起欣賞吧...

一風堂 Hakata Ippudo : 袖珍人氣拉麵

27 July 2012, Friday

參加過幾次星級試食會, 覺得自己d相影得唔夠靚, 又唔想帶單反機去試食, 因為太大部好掗拃又好重... 加上如果要買1.8大光圈+超微距+蔡司鏡, 齋鏡都過萬, 仲要重過機身, 唔係太識合我用...

Honey幫我揀咗部Sony Cybershot DSC-RX100, 過幾日又有星級食家飯局同埋專訪, 唔等得啦, 放工即刻去Times Square買新相機...

買完心頭好, 就係Times Square附近搵食... 望到對面街「一風堂」個招牌, 就去試吓啦~ 之前想去尖沙咀試好耐, 不過人人都話要排好耐隊, 所以都唔係好敢去試...

6:30PM去到, 時間尚早, 只有幾枱客, 唔使排隊直入...

全香港最貴嘅黃金地段, d枱櫈好袖珍~

浸住檸檬嘅冰凍清水, 已經預先放置係大家嘅座位前~

第一次o黎, 對一切都好陌生, 特別係呢個芝麻樽, 研究咗好耐先識用, 好大鄉里, 哈哈... 同埋覺得佢個樣好鬼似「千與千尋」入面嘅「無臉男」, 好搞笑...


第一次幫襯, 都唔知有咩好食, 求其Order啦...

落單時職員會問客戶對麵條軟硬嘅喜好, 極為細心...

赤丸新味 -- Honey話幾好味, 可惜份量太少, 食完好似冇食過o野落肚咁...

味噌豬骨 -- 湯底味道濃郁, 湯面浮起豬骨精華, 麵條彈牙有勁, 叉燒肉質結實, 好好味~ 可惜份量太少, 真係食咗陣風落肚咁... 漫漫長夜, 點挨?!!

一風堂餃子 -- 皮薄餡靚, 一d油都冇, 好味~


好味係好味嘅, 不過咁就冇咗180蚊... 錢都事少, 食完好似冇食過o野落肚咁先事大...

拿拿聲趕番屋企玩吓部Sony Cybershot DSC-RX100先...

是次每人消費約 90 元
味道： 4 環境： 3 服務： 3 衛生： 3 抵食： 2
###
地址 : 銅鑼灣羅素街8號2樓
電話 : 2892 2387

世界遺產 World Heritage

7 August 2010, Saturday


每次出國旅遊, 都可能有機會去過一D世界文化遺產或者世界自然遺產, 但每次去完之後, 又好快唔記得咗...


今年去完捷克的古姆洛夫, 對世界文化遺產着了魔, 回來後反覆檢查自己之前曾踏足的世界文化遺產...


可惜嘅係... Yahoo Blog嘅Search實在太太太... 唉... 之前嘅Blog就算有打"世界文化遺產", 又或者係標籤咗"世界文化遺產"都好, 我都係Search唔到全部世界文化遺產足跡...

唯有用一篇獨立的Blog綜合起o黎, 好讓自己不會完全遺忘..

2019 日本 白川鄉合掌造村 * 文化 Cultural
Historic Villages of Shirakawa-go and Gokayama
http://www.kenmerry.com/2019/07/Shirakawa-Village.html
https://whc.unesco.org/en/list/734

🚀🚀🚀



2018 紐西蘭 Te Wahipounamu  * 文化 Cultural
Milford Sound Cruises (Fiordland)
http://www.kenmerry.com/2018/11/Milford-Sound-Cruises.html
Tasman Glacier Explorers (Mt Cook)
http://www.kenmerry.com/2018/11/Tasman-Glacier-Explorers.html
https://whc.unesco.org/en/list/551 
🚀🚀🚀



2014 加拿大 Canadian Rocky Mountain Parks *自然 Natural 

Canadian Rockies 洛磯山脈4天團 Day 1, Prestige Inn Golden
Emerald Lake 翡翠湖, Lake Louise 露易斯湖, Lago, Banff Gondola 班芙硫磺山纜車 , Banff 班芙鎮, Fairmont Chateau Lake Louise 露易斯湖堡壘酒店 
Columbia Icefield 哥倫比亞冰原
Canadian Rockies 洛磯山脈4天團 Day 4, 
https://whc.unesco.org/en/list/304
🚀🚀🚀

西歐「文藝復興」2012 の 總匯

西歐「文藝復興」2012 の 總匯 (跟團)

出發前 : 酒店茶會, 整裝待發

Day 1 : 出發喇!!! 趴地企鵝勇闖西歐!!!

Day 2 : 羅馬, 意大利 (Rome, Italy)

Day 3 : 佛羅倫斯, 意大利 (Florence, Italy)

Day 4 : 威尼斯, 意大利 (Venice, Italy), 維羅納, 意大利 (Verona, Italy)

Day 5 : 米蘭, 意大利 (Milan, Italy), 夜遊琉森, 瑞士 (Lucerne, Switzerland)

Day 6 : 琉森, 瑞士 (Lucerne, Switzerland), 鐵力士峰, 瑞士 (Titlis, Switzerland), 波恩, 法國 (Beaune , France)

Day 7 : 凡爾賽宮, 法國 (Versailles, France), 塞納河船河, 巴黎, 法國 (River Seine Cruise, Paris, France), 艾菲爾鐵塔的日與夜, 巴黎, 法國 (Eiffel Tower, Paris, France)

Day 8 : 羅浮宮, 巴黎, 法國 (The Louvre Museum, Paris, France), 遊遊蕩蕩, 巴黎, 法國 (Paris, France)

Day 9/10 : 西歐「文藝復興」2012 の 回家鳥

治安問題

圓華薈廚 CircleClub Cuisine : 日落、啤酒、嘆豬手

2 August 2012, Thursday

完成了今天的第一個任務, 還有第二個任務, 便是前往「圓華薈廚」尋找美味的德國鹹豬手, 聽說比在德國吃到的更勝一籌!!!

走訪了「古法烘焙」後, 便步行往荃灣港鐵站, 乘坐汀蘭居提供的免費穿梭巴士, 每隔30分鐘才有一班車, 事前可致電酒店方面了解一下... 若然是深秋時分, 我會選擇從荃灣西站步行前往汀蘭居, 除可欣賞沿途海邊美景及享受微風吹彿之外, 還可活動一下身子, 畢竟吃太多了, 要做點運動才成~

穿梭巴士沿著青山公路向走, 只需數分鐘便到達位於油柑頭的汀蘭居!!! 下車後步入酒店大堂, 左手邊便是圓華薈廚, 比想像中快捷!!!

趁太陽還沒下山, 先到露天花園欣賞青馬大橋的風景, 然後才到餐廳享用晚膳!!!

還沒踏進餐廳範圍, 服務員已帶著笑臉前來迎接... 餐廳前半部分是酒吧區, 見到有些外籍人士在這裡喝著酒與服務員聊天, 氣氛很輕鬆!!!

再往內進便是用膳的地方, 由於已預訂, 所以被安排到落地玻璃窗旁邊的2人枱, 180度全海景致, 還可以看到青馬大橋, 正值日落時分, 落霞餘影, 美不勝收!!!

先來一杯服務員推薦的餐前飲品...

 

荔枝特飲 Pink Lady -- 外型像玫瑰紅酒(Rose Wine), 將新鮮荔枝肉攪碎, 加入紅糖水及七喜混合而成! 荔枝鮮甜多汁, 紅糖水塑造出嬌艷迷人的粉紅效果, 七喜則提供了香檳般的氣泡口感!!! 甜度適中, 正值荔枝當造的時期, 夏天喝很適宜, 作為餐前飲品, 可清新一下味蕾, 很適合不勝酒力的女士們!!!

朝日啤酒 Asahi Beer -- 日本三大啤酒品牌之一, 純正芳香, 味道不苦澀, 確實是鹹豬手的良朋伙伴!!! 以預先雪凍了的啤酒杯奉上, 呷一口, 透心涼!!! 炎炎夏日, 暑氣全消!!!

 

享受完餐前飲品, 再來一客頭盤醒醒胃...

服務員推薦法式香煎鵝肝, 可惜昨晚出席U Food與富豪香港酒店合辦的「招牌‧海鮮極級自助晚​餐」星級食家飯局 時, 已狠狠地吃了2大片, 肚皮本週的配額已嚴重爆滿, 還是把這個美味驚喜留待下一次再來發掘吧...

太子貝沙律配日式麻醬汁 Hotate Salad with Gold Sesame Sauce -- 沙律的外型不錯, 沙律菜很新鮮, 帶子很厚身, 肉質鮮嫩帶有甜味, 日式麻醬香濃美味, 這個頭盤我很滿意!!!

吃罷頭盤, 也是喝湯的時候了~ 伴湯奉上的麵包很燙手, 即使拍照花了一點時間, 當我捧著麵包塗牛油時, 燙得不得不把它放下! 牛油是用星嘴唧筒唧出, 形狀像星星, 帶有鹹香, 塗在鬆軟的麵包上吃, 很美味!

蟹肉南瓜湯 Pumpkin Soup with Crab Meat -- 還以為只有咖啡才會有拉花... 沒想到西湯也可以來個拉花, 在橙色湯上用忌廉拉出了白色的花紋, 非常漂亮, 很有驚喜!!! 南瓜湯香甜濃郁, 好像有整個南瓜在口內盤旋一樣, 蟹肉鮮甜爽口, 大小像夏威夷果仁, 材料十足, 好像很久沒有喝過這樣色香味俱全的西湯了!!!


龍蝦湯 Lobster Bisque -- 用龍蝦頭熬製而成的龍蝦湯, 比坊間所喝到的濃上好幾倍, 每一口也像喝了一隻龍蝦頭進肚內, 是我所喝過的龍蝦湯之中最濃的!!! 喝了半碗以後, 開始帶點甘味... 細問之下, 原來龍蝦湯內加了干邑(Cognac), 干邑能夠提昇龍蝦湯的味道, 難怪會如此香濃!!! 這麼有水準的干邑龍蝦湯... 我還是第一次喝...

烤澳洲羊架配迷迭香汁 Grilled Australia Lamb Rack with Rosemary Sauce -- 大廚精心炮製的澳洲羊架, 三足鼎立於圓形蔬菜舞台上, 美得讓人咋舌!!! 本身要吃全熟的我, 有點擔心羊肉煮熟後太乾又太硬, 服務員很有信心地表示不用擔心, 太廚掌握火喉的功夫果然利害, 羊肉切開沒有血水, 肉質仍然保持柔嫩, 不帶半點臊味, 很好吃!!! 一般伴碟的蔬菜不甚美味, 但這裡的甘筍蓉及菠菜蓉很美味, 甘筍蓉軟滑香甜, 味道濃郁, 比咬著原條甘筍的味道更濃, 菠菜蓉沒有半點草青味, 味道鮮美!!!


烤焗脆皮鹹豬手 Roasted Crispy Pork Hock with Sauerkraut -- 全晚焦點所在, 我們是衝著它而來!!! 制作工序繁複, 先要烚熟豬手至軟腍, 然後再烤焗至乾身, 最後以新鮮的食油炸至脆皮! 想吃到外脆內軟的美味豬手, 少一點工序也不成, 絕不可馬虎了事!

大廚先讓我們拍照, 然後才切開豬手讓我們品嚐...

豬手皮炸得酥脆, 咀嚼時會發出咯咯聲響, 皮下膠質豐富, 黏而不膩, 肉質結實, 味道偏鹹, 邊吃豬手邊喝啤酒, 味道剛好!!!

咖啡慕斯蛋糕 Homemade coffee mousse -- 店方自家制的甜品, 慕斯口感幼滑, 咖啡的味道香醇, 為是夜畫上完美句號!!!

 

服務員還推介店內的招牌甜品--焦糖燉蛋 (Cream Brulee), 可惜我們實在太飽了, 已經再吃不下, 還是留待下一次再來品嚐吧~

晚餐份量頗大, 如女士們是幾位朋友一起來吃的話, 建議可少點一份晚餐, 多點一些頭盤及甜品來分享~

這裡真是一個洗滌煩憂的好地方, 我們這一餐足足吃了3個小時, 完全忘記了家裡等著我去做的功夫多的是呢~

臨走前再次步出露天花園, 多拍幾張夜景照片, 可惜有點匆忙, 拍得不太好, 皆因5分鐘後免費穿梭巴士便會開出!!!

漿聲燈影裡的青馬橋...


夜月朦朧...


借用友人早前在圓拱形天窗貴賓房拍的照片... 由於一星期前香港受到強颱風「韋森特」(Vicente) 吹襲, 天文台更一度發出近12年第一個十號颶風信號, 香港多處地方皆受到影響, 而位處海邊的圓華薈廚, 貴賓房更受到嚴重破壞, 所以今天無緣拍照, 希望維修工程可盡快完成, 回復高雅與浪漫的一面!!!

前往方法可參考餐廳網址 : http://www.circleclubcuisine.com.hk


是次每人消費約 450 元
味道： 4 環境： 5 服務： 5 衛生： 4 抵食： 4
###
地址 : 荃灣油柑頭青山公路123號汀蘭居地下
電話 : 2413 8848

古法烘焙 GU FAH BAKERY : 帶給你「美味、快樂、滿足」的古法雞蛋仔

2 August 2012, Thursday
美味、快樂、滿足... 看似簡單, 知易行難!!!

充滿傳奇的「荃灣古法雞蛋仔」, 故事很長篇, 創辦人Eric在Montreal留學McGill期間, 得到法式Crepes店老板傳授秘訣--將啤酒加入蛋漿內!!! 後來因聲援在大坑擺車仔檔賣炭燒雞蛋仔30年的吳師傅, 更自發幫忙搭建木頭車, 而與吳師傅結緣!!!

Eric亦因一次鯉魚門海鮮之旅, 被鳳香園黎師傅的鯉魚造型手作蛋卷所深深吸引, 為令黎師傅答應作為技術指導, 不是三顧草蘆, 而是數十次!!! 非一般的無比毅力, 實在自嘆不如!!!

得到大坑吳師傅和鯉魚門黎師傅作為技術指導, 成就了今天的「古法烘焙」!!!

成功走進商場, 「荃灣古法雞蛋仔」搖身一變「古法烘焙」, 將「帶給人們美味、快樂、滿足」作為企業的核心價值!!!

位於荃新天地的新店, 古色古香, 光潔鮮明, 格調高雅, 一洗傳統售賣雞蛋仔店舖不修篇幅的形象~


走進店內, 看到裝裱在相架內的「古法雞蛋仔之定義」-- 外脆內軟, 外是酥脆可口, 而內則像蛋糕仔的鬆軟彈牙!!! 很久沒有吃過這樣完美的雞蛋仔, 真的可以做得到嗎?!!

店內供應即叫即制的古法雞蛋仔, 包括原味、朱古力夾心、玉桂提子夾心, 花生醬夾心, 薄荷夾心，更有期間限定的特別味道雞蛋仔, 例如將會推出的焦糖海鹽味!!!

創辦人Eric正在為我們制作特別版鴛鴦雞蛋仔, 由於制作需時, 店內只售賣單一味道, 大家想試多少種味道, 就要買多少底了~


我的吉祥物小虎有幸走進廚房重地, 見證能「帶給人們美味、快樂、滿足」的古法雞蛋仔之誕生, 真是既興奮又期待!!!


要制作出外層酥脆可口內裡鬆軟彈牙的「古法雞蛋仔」是很費時的, 單時焗制已經需要8分鐘, 完成後再放在抽風機下30-60秒左右, 抽走水氣, 絕對不能心急!!!

而且每次完成一份雞蛋仔之後, 店員都會徹底清理雞蛋仔的模具, 才能令到之後所焗制之雞蛋仔, 每一粒的外型都是完美無暇!!!

時間一分一秒地過去, 終於能夠一睹傳說中的薄荷朱古力味雞蛋仔的真面目!!! 正如創辦人Eric強調的, 外層要酥脆, 內裡要像西式鬆餅(Muffin)一樣鬆軟, 才能夠稱得上「古法雞蛋仔」!!! 看到這一粒剪開了,  內裡與西式鬆餅(Muffin)無異的雞蛋仔, 我真是無言了!!! 已經多年沒有見過這種充滿內涵的雞蛋仔, 數月前吃過北角區的硬殼空心雞蛋仔, 也要15元, 那次之後, 不想再吃~

先試薄荷夾心口味, 放進口一咬, 發出咯咯聲, 真的很酥脆!!!  內裡真的像西式鬆餅(Muffin)一樣, 鬆軟彈牙, 而且熱力迫人, 有如燙手山芋!!! 薄荷味道很清新, 一試傾心, 從沒想像雞蛋仔與薄荷可以放在一起!!! 

再試朱古力夾心口味, 朱古力味道香濃, 我很喜歡!!! 朱古力與雞蛋仔也很匹配!!!


然後再試玉桂提子夾心口味, 先嗅到玉桂香味, 入口有淡淡的玉桂香, 提子乾的香甜, 不嗜甜者, 玉桂提子是很好的選擇!!!

最後是花生醬口味, 入口花生味香濃, 喜歡花生醬的你一定會喜歡!!!


一度成為成中熱話的薄荷夾心大有來頭, 材料是從City Super購入, 外國人會拿它制作西式鬆餅(Muffin), 可想而知成本有多高!!!


Eric還傳授了享用美味外賣雞蛋仔的秘訣, 就是以高溫烘焗3分鐘, 或放上平底鑊烘至表面酥脆即可!!!

店內只有雞蛋仔是即叫即制, 鯉魚造型手作蛋卷是在鯉魚門制造, 然後運到店舖, 有多種口味, 我試了綠茶味, 很香濃的綠茶味, 入口鬆脆, 忍不住要買點回家慢慢享用!!! 還買了店內銷售量最高的杏仁批及鳳梨酥, 杏仁批有點像千層酥皮, 口感酥化, 杏仁味清香, 不太甜, 很適合做下午茶小點!!! 鳳梨酥是少油少糖, 比坊間所買到的較為健康, 甜度不太甜, 適合怕甜的朋友!!! 還有其上佳手信如老公餅、合桃酥、原味老餅餅、杏仁餅、紫菜肉鬆杏仁餅、黑白芝麻酥、椰絲鳳凰卷、原味鳳凰卷、牛油曲奇、牛油楓葉批等等可供選擇!!!


獨特的鯉魚造型, 中間肥, 頭尾如魚一樣彎下來, 機器是制作不來的, 完全人手制作, 集合心機、手工、心血於一身!!!


店內還看到醫管局於今年2月頒予「荃灣古法雞蛋仔」的「傑出僱主獎」, 以表揚其在「病人再培訓及就業服務」之獎牌!!! 不說不知, 原來從2010年起, 古法烘焙一班義工和瑪嘉烈醫院合辦了一次古法雞蛋仔製作​班, 讓一眾康復病友學習古法雞蛋仔的製作, 還有歷史、顧客服務、器材保養及創業之心得, 期後更顧用當時接受再培訓之學員, 這份無私的助人精神, 值得敬佩!!!

令我佩服的, 還有Eric對在社交媒體上與顧客購通有著純熟的應用, 例如會不定時更新Facebook專頁, 更不定時提供"打咭" (check-in)優惠以吸引"粉絲"!!! 最近更上載雞蛋仔制作過程影片到YouTube, 將美味秘方公諸於世, 果真是真金不怕紅爐火!!!

價錢可以說不平也不貴, 在巴黎, 一粒馬卡龍已售2-3歐羅, 是一粒, 並非一底~ 如此花盡心思, 落足材料, 13-20港元已能買得到的「美味、快樂、滿足」, 我覺得很值得!!!

咦... 咦... 點解我呢篇Blog嘅風格好似完全變晒咁嘅?!! 我平時d嘩咔咔咔去晒邊度呀?!! 唔通因為我要開展名人專訪之路, 令自己不自覺迷失係十字路口?!! 轉行專業食評路線?!! 折或繼續我的低能食道?!! 到底我應該點做好呀?!!

是次每人消費約 N/A 元
味道： 5 環境： 4 服務： 4 衛生： 4 抵食： 4
###
地址 : 荃灣楊屋道1號荃新天地G31號舖
電話 : 2941 0131