17 June 2025, Tuesday
黃色暴雨警告🙈、雷暴警告🙈
出發前幾日，香港吹緊打風，仲吹到好大，好彩打極都係3號波，無打亂我地嘅部署～🍀
起飛前2日收到SMS同eMail，芬蘭 Helsinki機場有工業行動，我地轉機去英國果程（3小時）Business Class嘅飛機餐會無咗，淨係會派水＆曲奇～😑
（充滿挑戰嘅蛇年，希望所有鑊氣都已成過去，旅行期間唔好再爆鑊）
1年1度嘅大長Jump正式展開～
有咗上一年嘅經驗，今年去程Business Class我地唔會預先劃位，每人慳返幾舊水，大不了咪分開坐……留返果幾舊水回程預先劃Econ位好過～（舊年回程Econ劃位慘到呢……要半夜3-4點起身劃位，仲要得返機尾5行）
出發前14日芬蘭航空已經Remind我Order Meal～出發前7日又再Remind～估唔到有人同我一樣，咁緊張餐飯有咩食～😅
我揀咗Pan-fried sole fillet with crab cream sauce, roasted new potatoes, broccolini and grilled tomato～
Honey就揀咗Black vinegar pork with egg fried rice, cooked choi sum with red and yellow peppers～
到Online Checkin又話電動牙刷唔可以寄倉，又要起返晒個大喼D野，重新執位～😑
好彩忍手無加錢劃位，反而免費派到單邊窗口位（預先劃呢隻位每人要加$1,452架），缺點係要前後坐囉，如果中間果排左右坐就可以無縫接軌遞吓野咁～😎
原定計劃係落街食個Lunch，再返屋企沖個涼先出發……But……朝早又黃雨又雷暴，都係煮個麵食算啦……
好幸運，今年繼續Call到250蚊機場Limousine……搬行李上車時只係落緊毛毛雨，一開車又黎返料……🌧🌧🌧
Limousine司機話尋日個客好誇張，2公婆13件行李，結果老婆要帶住3件行李自己搭Taxi～
第1次係機場寄信～
芬蘭Business Class可以免費用香港機場Lounge同埋赫爾辛基機場Lounge，食返碗招牌魚蛋河先上機～（飽）
機長廣播話香港機場繁忙喎，所有乘客準時上晒機，但就要原地踏步Flight Delay咗30分鐘……（即係我係赫爾辛基機場Lounge Hea嘅時間少咗30分鐘）
今次Finnair繼續有廣東話空少，讚！英文唔係話溝通唔到，始終大家用母語係親切D～
空少好好人，見我地玩緊自拍咁辛苦，主動話幫我地影合照，影得超有水準～💖💖💖
無所事事，睇返套戲先……各位觀眾，九龍城寨！🤣🤣🤣
電視撈飯……久違嘅習慣……
食完飛機餐就熄燈熄電視鋪床瞓覺覺豬，好勁呀我今次，瞓足8粒鐘！雖然係間中醒吓咁～瞓到佢開燈派早餐我都仲想瞓～😴💤💤💤
食完早餐，仲有個零鐘頭先降落，諗住上吓網啦……點知個Chrome話wifi.finnair.com唔安全喎，將個Security降到零都唔比駁上網，蝕咗個「1小時Free Wifi」添～😱😱😱
（Honey部蘋果機就上到網）
坐窗口位以為好興奮啦，食完早餐你就知……曬死無命賠！（塞縮一角有誰知）
芬蘭機場安檢超恐怖今年，10件行李有9件要人開黎check！😱😱😱
就算透明Zip Zip袋裝住Liquid放咗出黎，都要面對面逐支Check！
多幾部電話係手袋入面都話太多Electronic Devices，要攤開晒出黎再Scan 1次！
我地9衝出黎唔駛排隊都等咗半個鐘，我唔知後面嘅人龍點算～
Flight delay 半小時，安檢又半小時，係Lounge得返30分鐘Hea……係跑狗咁，算唔上Hea🤣……話咁快又Boarding～
工業行動無飛機餐，但派個芝士包又幾好味喎，我地2個明明好飽都食清光～
係飛機上玩吓Angry Bird轉眼又落機～
迎戰英國「夏至」熱浪攝氏32度高溫！🔥🔥🔥
沒有留言:
張貼留言