網頁清單

2015年1月2日 星期五

加國「喜行」の《再別洛磯》Canadian Rockies 洛磯山脈4天團 Day 4

25 April 2014, Friday

[-3 to 9°C] ~ Day 10 ~

歡樂的時光過得特別快, 又係時候講Bye Bye...

加國「喜行」的重中之重 -- 翠明假期「夏季洛磯山四天皇御之旅」 CANADIAN ROCKIES (SUMMER) 已來到尾聲... 最後1天的行程係... 無行程!!! 嘩咔咔咔... 強烈建議大家有時間的話,跟5-7天的團會較為理想, 因為進入同離開山區都無唔見咗2日...



6:45AM 早餐 @ Prestige Hotel Vernon

簡簡單單, 整體味道都OK的, 除了煙肉較鹹同炒蛋鞋過鞋抽之外...


導遊坐低同我地一齊食早餐, 我講到有網民寫Blog提到去年Banff水浸走唔到的驚險場面, 導遊即時勁興奮, 講到口沬橫飛, 分享佢當日係Banff第一時間搶酒店的輝煌事跡, 4日都未見過佢咁投入, 之前係冷淡+閃避球, 即時判若兩人, 哈哈...

7:40AM 出發

8:00AM Kalamalka Lake @ Coldstream Valley

Kalamalka Lake是會變色的冰川湖, 湖面的顏色時青時靛藍, 是水中的碳酸鈣沉澱被光散射衍生...


一掃全景都掃唔晒, 個湖好長...


同尋晚一齊去逛超市的團友合照...


為咗1張相, 你可以去到幾盡?!! 海洋公園高峰廣場「跌死人」事故Canadian Version不是夢... 

所有香港團友都好有智慧地企係圍柵內影相, 尋日係蜜蜂講座企起身大聲講電話的來自某強國的團友(1行8人, 日日都好嘈)居然爬出圍柵外面影相, 睇到我火幾把, 導遊的視線無離開過佢地, 但無打算相勸, 只淡淡然地同我講如果佢地有意外就會害到全團友無得走起碼係度搞幾粒鐘!!!  


9:00AM Summerhill Pyramid Winery @ Kelowna 

離Vancouver約393公里的Kelowna, 其著名地標Lake Okanagan清澈湛藍, 豐富的淤泥, 超過10000年歷史的冰川砂石沉積物, 至於Okanagan Valley則是地球上最北的釀酒區, 擁有與北德國和法國的葡萄園相同的緯度, 氣候和暖乾旱, 使葡萄完全成熟, 涼爽的夜晚留住葡萄的高酸度, 更能突出葡萄的香味, 造就種植葡萄的理想地理環境, Okanagan Valley在過去的幾十年, 成為北美最新的優質葡萄酒產區, 葡萄的多樣性, 吸引了來自世界各地的釀酒師(法國、澳洲、美國加州、新西蘭和南非), 有多種選擇來表達自己的創意... 




Summerhill 致力於生產100%有機葡萄酒, 除了釀造紅酒、白酒及Sparkling Wine, 最出名的卻是葡萄酒中的極品 -- Icewine冰酒!!! 冰酒是加拿大國酒, 連英國女王伊麗沙白同美國總統克林頓都專登去Summerhill品嘗佢地出產的冰酒, 台灣馬總統曾於總統府接待加拿大特使團, 特使團送贈小馬哥的正是Summerhill釀造的冰酒... 

釀製冰酒的秘訣在於葡萄成熟時不收割, 讓葡萄冬天待在樹上結冰, 在深夜最凍的時候採摘並即時榨汁, 果汁濃縮且份量奇少, 比一般餐酒矜貴...  

Summerhill的地標... 金字塔酒窖!!!







試酒環節... 眾人非常顯得肉緊...


2011 Merlot Icewine CA$108
-- 紅色的水果香氣, 柔滑的質感, 充滿成熟的焦糖無花果、李子和櫻桃果香... 甜度屬9度, 單是冰鎮已是一道甜品, 配新鮮水果或淋在雲呢嗱雪糕上都非常適合...

還試了2011 Riesling Icewine...


購買6支定8支就可以Free Delivery to Mainland China, 不包括HK & Macau, 是歧視我地嗎?!!

我係2012 香港美酒佳餚巡禮飲過好好飲的德國冰酒, 一生難忘, 所以今日唔買住lu~
http://www.kenmerry.com/2012/11/2012-hong-kong-wine-and-dine-festival.html

幫我地影相的團友買咗6支冰酒, 6千幾蚊港紙放低係我腳邊就走咗去影呢個景...
拉姑 : 喂)))))) 你地唔要啦D酒?!!
團友 : 你睇住先啦)))

笑死... 有冇咁信得過我呀?!!






10:15AM Lake Okanagan @ Kelowna

Lake Okanagan簡稱OK湖, 傳說湖中有隻水怪個名叫Ogopogo, 是當地家傳戶曉的故事... 拜見真身後, 有點失望... 成條中式龍咁嘅?!! 一D氣勢都無...




11:00AM Asian Pear Buffet

晨早流流就食Lunch?!! 而家11點咋喎!!!




好飽呀!!! 天婦羅熱辣辣好脆口, Yummy!!! 炒飯同糖醋豬肉都OK...

Urbanspoon的Link :-
http://www.urbanspoon.com/r/85/1768934/restaurant/British-Columbia/Central-City/Asian-Pear-Buffet-Kelowna

12:00NN 洛磯山脈4天行程完結, 驅車返回溫哥華, 未夠6PM返到Radisson Vancouver Airport Hotel攞埋房...

接近6小時的車程, 導遊在車上少不了講爛Gag... 如上一代的移民好鍾意用中文拼音去講英文, 如Calgary=交叉你, 好爛呀, 不過幾好笑... 仲有收小費環節... 再猜下字謎... 回大路途中颱起大雪...

去到China Town附近, 終於見識到唐人街的可怕之處... 真係好多人聚集, 所有路面都被佔據!!! 問10個當地人9個都叫你千祈唔好行入去, 夜晚揸車路過都危險, 附近有社福中心包括戒毒所, 癮君子都高度習中係China Town一帶流連...

我支Hair Gel患了高山症...


4日張Data Card都唔係好上到網, 去到Vernon先好少少, 當然要玩下極地追蹤...


雖然行車時間頗長, 4天有大部分時間都在車上, 但仍然是值得的, 推薦!!!

今晚... 會有好o野食... King Crab呀, 誰都喜歡你, 小王也自豪... 呵呵... 好期待呀!!!


加國「喜行大溫」2014 の 總匯 http://www.kenmerry.com/2015/01/Vancouver-Canada.html

沒有留言:

張貼留言