![](https://blogger.googleusercontent.com/img/b/R29vZ2xl/AVvXsEgxGQtkjdku-22zwsZbGMh_7gcs6NaIeRnLqQ5Q8YPRWzz4WxDxghn14fOOYX5o6Ec7jVasTHnjunbLqojibmj0b7q-ftsV9LHGr-R9TDrUOfLoOnV9V_UJg5Gw4wVwXXBMbTu4IXkX4I3d/s1600/DSC07435.jpg)
玩完維多利亞1日團同洛磯山脈4天團, 今日行程比較簡單, The Best Plan Is No Plan, 隨心而行, 免得太勞累...
朝早10點幾同長輩去王府井京川粵名菜(Imperial Court Beijing Cuisine)飲個早茶... 係正尋晚食亞拉斯卡皇帝蟹(Alaskan king crab)果間怡園隔2個鋪位...
![](https://blogger.googleusercontent.com/img/b/R29vZ2xl/AVvXsEgBHqSw7wthYqz8eoskEUNcl1ye83MHfwlLZs2-fLVKJtcoAjFylFJZizazQ6RmDjl9UK5RQC2xl81Py9iAuX7VsFzGn5XRBS1LdB4-a0wpm-XWXGHlr0tglr-rtvIDgFg21PtH-_i1nLDJ/s1600/DSC07396.jpg)
![](https://blogger.googleusercontent.com/img/b/R29vZ2xl/AVvXsEijfn80grJH19znWya0640sy5ZACDLWTny0TPPbd94AkBR81SgsvX0jv1RNRerZTNWbhjXV-6yyMxarpf2EkpSG-KhQdjInpvNwQD38fg789cTuf8k0WyLk8ItTdtmskNHB-HFKeBG9YA_E/s1600/DSC07395.jpg)
![](https://blogger.googleusercontent.com/img/b/R29vZ2xl/AVvXsEj6D9XjaU_ei5jsvCMJrR6N1bLFkPM1jqAFKmAQkEsfUY-beqfw65dg2WrAZdbg-ucZMqpyD8RbRboxO_9A29vFXY1com6L6ZLvuUgp8m40y4V3cUKvnN8GZaeKKMH2WhqD1dEWFmvd6Opp/s1600/DSC07388.jpg)
![](https://blogger.googleusercontent.com/img/b/R29vZ2xl/AVvXsEg1d-634e6ZwSzhpCfMTa7pk9bQPQa4UNcIYxftAmqGD5bEzXxzHOYxPSxv_7n-QkW3GPix9Cmj7vk2p1L6A6h_cmoV4vPZhSHQgj3gzLWkz5-SAGVYbMp33C1LbyDID8x43ZAY2I-kHDyA/s1600/DSC07390.jpg)
7個人食咗18個點心, 除咗豆沙鍋餅要4個幾加紙, 其他全部都係3個幾加紙... 早茶First Round有8折, 未計Tips埋單CA$77 (約HK$550), OK喎, 都唔貴吖, 呢餐我請得抵啦, 哈哈... 食物唔係話好精緻, 但就有種久違了令人懷念的老香港味道, 大大粒的燒賣, 平實忠厚... (左上角 : iPhone4S)
Urbanspoon的Link :-
http://www.urbanspoon.com/r/14/762771/restaurant/Vancouver/Richmond-Central/Imperial-Court-Beijing-Cuisine-Richmond
是次每人消費約 HK$80 元
味道: 3 環境: 3 服務: 3 衛生: 3 抵食: 3
###
地址 : #6-6360 No. 3 Road, Richmond, BC V6Y2B3
電話 : (604) 270-6169
~~~
飯後長輩開車送長輩去機場... 我同力仔就去咗 Richmond 的 Costco 掃貨...
Costco Wholesale 只接受會員購物 (做會員年費要幾十蚊至百幾蚊加紙不等), 會員可以買Gift Card比朋友ssss, 我問3個當地人3個都有Gift Card係手, 哈哈, 真係總有1張係左近...
Costco 賣的都是 Bulk Pack, 貨品真係堅平... 但Non-members堅係要有Gift Card先可以入去Shopping, 大家出發前最好睇下有無當地朋友可以幫你班到1張... 聽講過期Gift Card或者Gift Card入面無晒儲值都係唔容許的, 堅嚴謹... (正確D講, 係可以入去Shopping, 但唔比你付款, 貨品當然唔可以帶走)
嘩... 我係咪中咗叮噹的放大縮細槍呀?!! 點解自己好似細粒咗咁多嘅?!!
![](https://blogger.googleusercontent.com/img/b/R29vZ2xl/AVvXsEhePup4BvY_q2FsRSWXF2DGSu0r0pChOZPPI9fXIVk1i3_Wg_vElWbupvTDuG6BVjWzceciXDcX1x3Z8EzCK11vO1eq1DElTiOv1m3h-AQF0xhmv_GHb_MkU8dQx27SmmYPMVsPP3Jl3Yzz/s1600/DSC07397.jpg)
架購物車巨型到呢... 定係我真係縮細咗呢?!!
![](https://blogger.googleusercontent.com/img/b/R29vZ2xl/AVvXsEgSxQPQ6V9W8m6o9lrJmkI1Ybq_1ajUZ2-CuIMXstw-0j9R88sJKGsoBHjlXk65Qr6EeUpw-8W6NyK6GV9oimbDidj5fOz3qsYCe6xEIbTlmyc7-dmXcjmiRyKcMSdZ3Rz_mOtGY_fjHRVK/s1600/DSC07398.jpg)
我已經覺得自己買得好多, 多到要問力仔借紅白藍膠袋寄倉... 當地人買到冧山咁, 隨時會山泥傾瀉咁, 有D人買2車貨添呀, 勁誇張... 比完錢成車推出去停車場, 搵返自己架車之後就搬D貨品上車, 最後推返架購物車去收集處...
(右) 野生三文魚乾 (Made in Richmond) CA$12.99/盒 (免稅) ** 必買手信 **
-- 100蚊港紙都唔使, 獨立真空包裝, 1盒有20片, 原本只係買咗1盒比自己, 結果Honey食咗3盒...
(左) 藍莓朱古力 CA$9.49/包 (+5%GST) ** 必買手信 **
-- 好味到無朋友, Superstore都有得買, 係呢度見到Bulk Pack忍唔住手再入貨...
(左) Omega-3 Gummies CA$13.99 (+5%GST) ** 必買手信 **
-- 好好味, 絕無半點腥味, 買比小朋友做手信一流, 但要注意進食份量, 以免中毒 (等於魚油丸食得多會中毒)...
(左) Blueberries 小丸子 CA$14.49 (+5%GST) ** 必買手信 **
-- 抵到爛, 香港3份1價錢 (甚至4份1), 後悔掃1樽咁少, 應該掃多D送比求學中的小朋友補下眼...
(中) Advil 止痛藥 CA$19.99 (+5%GST)
-- 當地人都極力推薦, 有別於Panadol, 對付M痛非常有效...
(中) Fruit Source CA$19.89 (+5%GST)
-- 獨立包裝, 1盒有30片, 味道似山楂糕, 純果糖, 容易被人體吸收, 不過大部分朋友嫌太甜, 只有1位朋友勁Like...
![](https://blogger.googleusercontent.com/img/b/R29vZ2xl/AVvXsEhZp7F6CgzkLcGyiGWCJm9YMDLcJUUllVjorI26cibe-OzXh7a2GYXowdukv4p1dYaTTNfmPdP2ymj9Q_bMBmkiLS3SIFNYSZYvr18bXKS58jUj4Otok7DtMe_nK44Ao-ZWp_MUHJ2BymW7/s1600/DSC07399.jpg)
離開大門口前有職員抽查發票, 眼見前面十幾個白人都無查, 直行直過, 到我行出去就攔住我截查, 乜我個樣似賊咩?!!
星期六日好早關門的, 大家出發前最好上網查清楚先...
http://www.costco.ca
#9151 Bridgeport Road, Richmond, BC V6X 3L9
係車上傾開, 當地年青人加人工加到去到某個Level係會選擇加福利多於加人工, 因為收入過咗某個額會好重稅的, 由3x%跳到4x%, 勁甘... 最好笑係今年加1次Spa, 上年加6對波鞋, 洗牙果D已經好基本...
~~~
掃完貨去力仔屋企參觀, 嘩嘩嘩!!! 有前後花園的獨立屋呀!!! 好靚靚呀!!! 好羨慕呀!!!
![](https://blogger.googleusercontent.com/img/b/R29vZ2xl/AVvXsEh3e7aLD87ikVg_ZbOPuBH1wLcKAnzkdQ1tRwaIBDWMzD-hh3PYzZB_16ZVtlhSb7j5OaRn-6w0oY4YM6C-r0_D2HKrHVXwoM4SGieJZCnWfStYFGBqe6oe-I_jCfQW6DMtl1uO8EyJTIXQ/s1600/DSC07401.jpg)
![](https://blogger.googleusercontent.com/img/b/R29vZ2xl/AVvXsEhsxuQHNYWkxVsdofA4rcmn_lyGz_T61LwoxRiH7CI4S11oY_wgzh-9j22joxmtdG5d1PDfTqAg1kTqHGmUN9ptWBi1JImelXYSzVulVXugzaiaUaAyoONcb-VNxQktZY9nLP_OcRW7xHb6/s1600/DSC07410.jpg)
參觀完靚靚大屋, Honey的朋友來接我地去街街...
架車行咗唔夠100m, 一轉彎就見到洛磯山脈4天團的團友(唯一無食團餐的6位團友), 嘩嘩嘩!!! 有無咁橋呀?!! 咁都撞到?!! 尋晚先係怡園撞到另一組團友... 溫哥華有無咁細呀?!!
~~~
Honey的朋友打算換樓, 車咗我地去Burnaby Skytrain站旁的一個新樓盤度參觀... 聽講有電台直播, 好誇張...
![](https://blogger.googleusercontent.com/img/b/R29vZ2xl/AVvXsEizFS_od86gBnSCRo-DY-HlrRyPOQr8PciKH1LJ2pwT8cUo7Mz48y1NFBaKD3HRNg28iIQky7AFD2rih2r1lvy07M9XYQrtC5Sm_r9jA7AqLfBvXwsDcoAJrBafsrNsKBii-itLZT5paExn/s1600/DSC_2119.jpg)
門口仲有2架餐車, 1架係炒麵, 1架係雪糕, 免費供應比來睇樓的人享用...
![](https://blogger.googleusercontent.com/img/b/R29vZ2xl/AVvXsEgAKzSm6eOx_-4fpLusJKHiIiIVfgWb_Yjbp3f4PnXsHMXTIO6Z2Lh1q0PnXqt7z8_SVQJro6Zr0dzMHbvxNsGYNPJh-eBdGb3ik46IOd9OGi9iIsUfEmV9491WRbbJk4uDaNDo7d1fZv1W/s1600/IMG_0201.jpg)
朋友的太太帶我去排炒麵, 味道麻麻, 旨在貪得意... 原本打算參觀完先食雪糕, 點知出返來2架餐車都已經閃了... 我唔制呀, 嗚嗚...
![](https://blogger.googleusercontent.com/img/b/R29vZ2xl/AVvXsEjsEUvPP3buks07INQ5PEP5bFGi4dzKCgGqkw8l2p8h_Efs1_M1TeWuccSXR2oxKd70YXO2Kqh8Xe7SzeetutwxyAINzp-rLibEOWFw4sbhFseddwPtRbY-rmbPRw3wyVRHggdezi6Aw_MC/s1600/IMG_0202.jpg)
場內有休息區, 又有糖果同飲品任拎... 場面勁墟冚的, 塞得水洩不通... 不過示範單位用了好多掩眼法, 勁似香港的銷售手法, 房間間隔用玻璃扮牆, 睡床用Kid Size, 管理費仲要未公佈, 咁都可以賣咗一半出去, 有無離譜D呀?!! 咩人買架?!!
![](https://blogger.googleusercontent.com/img/b/R29vZ2xl/AVvXsEjldL1gpr8St-45MTH2HsQyua0TPdYY81dTexH00Y0K3X2bbvTgwOIsZW_3iAZWFTlY3W1wCcbxi4CVtcwaUP0DE45t9BvUxu-aO4NddZCXjEOl7_CdLKBH1czlGsdrjlUE672e_-Q3KDRt/s1600/DSC_2120.jpg)
![](https://blogger.googleusercontent.com/img/b/R29vZ2xl/AVvXsEiQdrRAckKTZrSqZeQww91nfBDmn9UsI8NXQwIW5N_XVPqvfoD0vhmuHIb142itgKQ2jOMfnTXmTw60nOOYEoo9KPuhtycYrNUeo3gUsye68toPTpiKRpPIIdWymhcjd6Soed253TUKHx2A/s1600/DSC_2124.jpg)
![](https://blogger.googleusercontent.com/img/b/R29vZ2xl/AVvXsEjv3t1d1DgC9tS58vPnRlWIOlPuRmVpDp72446DquKe4HsUZT-exGJ3ueXnKz2PSADf5ad5ZWwhbB4NcSsL0jNnohyphenhyphen2n5nzXdOjCTa2dcr40QhzwWgMX3DR6rSOUEc8ygPBSDK2su3N_BNd/s1600/DSC_2129.jpg)
~~~
之後Honey的朋友又車咗我地去Burnaby的另一個樓盤, 用iPhone導航都搵唔到, 原來地皮的舊建築物都未拆... 搵咗我地成粒鐘...
![](https://blogger.googleusercontent.com/img/b/R29vZ2xl/AVvXsEjZPA6yreVT0vkwNmtavlHqSiyj3SlwpDnebndiX2Wxl6UTxy0W4o8dhjh4D8isHe5pvZTF-cdhHXXQnRGIMI8rILVB9aRxbdJ6LIEiJJj1AnaTEAE4HnyzP_0rTJsHVata4_5ih_PnRwRd/s1600/DSC_2135.jpg)
朋友話搬屋最遠都只係會去到Burnaby, 唔會Prefer比Burnaby更遠的Surrey... 佢地形容Surrey係罪惡城, 越南幫同印度幫經常為了搶地盤而發生搶戰...
回程路上朋友打電話去Book韓國菜, 6:20PM打去話要7:20PM先有位... 中間的時間無o野好做, 朋友又再車我地去多1個Richmond叫Concord的新樓盤... 嘩!!! 搵笨... 示範單位係假的, 似Ikea分開一區區咁, 叫你自己幻想唔同Size的單位個結構有咩唔同...
~~~
晚餐地點係Richmond食街Alexandra Road的Haroo Korean Homestyle Cuisine... 係Honey朋友的女兒推薦的, 佢都係Food Blogger來的... 餐廳位置係早幾日幫襯過的鹿園魚湯米線旁邊... 假期關係, 好難搵位泊車...
![](https://blogger.googleusercontent.com/img/b/R29vZ2xl/AVvXsEidq4MC0Bn7wZFOLvXC4zVo65LKkAC8XKaljWgpTv2_nWMBNGQ8RDuUgkRsMZ2ikNNe3mDI_oSRaum1YawROEiswzHJbZWFW-e1D6ut5A2OPzS5T24uISjXVhkzjr5sYq-BIq58QoJ5q2GK/s1600/DSC07421.jpg)
![](https://blogger.googleusercontent.com/img/b/R29vZ2xl/AVvXsEiyYnlyYrz3o9V_lJzv0HzqC3hZAfkBqj4NUbJncnt3PctR-kJe-GprvOAlWdo_OvYnr1Xbkjghn58gxLVmw3_HNtQRNvxTRdE4-fSKqhJ1B270XcQW61a1mRqO10u67j7HVisz8Z8BWThG/s1600/DSC07420.jpg)
![](https://blogger.googleusercontent.com/img/b/R29vZ2xl/AVvXsEg-Pr795hCDVVrrh9xAggnnrslt727Bp1vbR99IArTYBVOvk0932vRSnzySxYUcInRoL9uI7wH2rdA2dBuil9ZVXbi2T6ikv8CEc29Ul6iwaSsNuoqy-epNxnck0TVUhSR8fAr1TTcNNJZl/s1600/DSC07422.jpg)
間餐廳唔係好大, 十幾張枱, 一眼睇晒...
![](https://blogger.googleusercontent.com/img/b/R29vZ2xl/AVvXsEgCJrN2InqH3CFSEi8nGESfDjY2Y2qXDvipBy9jtT_Hfk0A0B9L9pF6_5au_H-9Xv-jE5aeTUb9_GCnmA9wLNvGu2pg8RT3kHlqkp6vEXabgirYgu5IbDyIwCPmKYypQ7P_CnE5Mc9R-1PY/s1600/DSC07423.jpg)
一坐低即刻送碗粥仔比你暖下胃先...
![](https://blogger.googleusercontent.com/img/b/R29vZ2xl/AVvXsEjNCkF-5dfUj8WTEKPMOUkDCJymINwPVC5lqrkSayl8BbDPy4yD9x-AGVKchuzkHjJUIKlunUS4WdnlhL0X3JBsGuPlHM3_8s3GbPvoYlUCM9Xx6l4wX2IX8q7Jx-Z8N-UDzog9jI5PLzrN/s1600/DSC07426.jpg)
落單後奉上前菜... 我將甜薯、醋漬海草、魚板撈落白飯度自制拌飯, 好好味呀)))))) Honey的朋友又玩埋一份, 佢都愛上呢個食法呢...
![](https://blogger.googleusercontent.com/img/b/R29vZ2xl/AVvXsEhSButBurSkmQwWOF7lv8tnkM2qb9R_tg7SDI5xstzhNk2eKKm0KZNyb2abyo4yfwMozWgFTXvFgUkMjtmISausCVnKvobIQW4_SCeXURN907EB5iun5LKf2d0hRQZWcJIJ8BWYNARIPN1Y/s1600/DSC07431.jpg)
![](https://blogger.googleusercontent.com/img/b/R29vZ2xl/AVvXsEj8teJcJUFQVhNNER5vjuh3mvIAzQRJFZ8Z8AL_QS_hOLU2GAMubvZqdbDMSSodUEOzwMTfJAMgrf_qqVph__PB-f26UDFCkNBg9hyphenhyphen1smoSToJhjJP1c93elUMm5EltEtOV9IbWr_2IGWVW/s1600/DSC07427.jpg)
辣炒年糕 CA$13.95 (約HK$100)
-- 好煙韌, 超勁辣, 又怕辣又想食, 好慘呀!!!
![](https://blogger.googleusercontent.com/img/b/R29vZ2xl/AVvXsEhwoSheSrAH1O3M4uyXTyVzMZm8sT_9QAbnbgiraWdxqqxJf86de-lpUGti9IWPvggJeG6XWML0ILi7MNBdKRTobPmNTFK9OF1aHCJugKOOybfMhsyHKKfeqwFeDtXJgIbcOIxDZxOmBTgS/s1600/DSC07430.jpg)
燒烤牛肉煎餅 CA$17.95 (約HK$125)
-- 嘩!!! 又大又厚, 厚到嚇死人, 雖然咁厚, 但個面好酥脆, 餡料勁多蔬菜, 食落一點都不油膩, 好味呀!!! 4個人輕輕鬆鬆瞬間KO整個煎餅, 初時見到仲驚會食唔晒添...
![](https://blogger.googleusercontent.com/img/b/R29vZ2xl/AVvXsEhZfbS62UCyhzSwjVKyb2dlwrlgPdGbS9r2e11ocznDXb6x6sAo_YH-nhLqj-sAm2BYHE4Pnv1LGJuPwYDaWy-mMVg-2mnqAgOF8lAQRH_fXJ1xCmj4hRlypvY_uAFwfYo8VEmYH1rGA-he/s1600/DSC07428.jpg)
![](https://blogger.googleusercontent.com/img/b/R29vZ2xl/AVvXsEg9F7mDuCYTmHdLlkvlTcMG-xrgEtnonSOIsIXnfo1wBNIvZyTUrURPsZZ-4BXyPNp-jEcNbi7e8yOB7XUqXlkIbZ-JDruNsoO1GpAYbqC7bOlS3EFZwxnSpG66EJkhDe9FY1-CQ1v2Lj_J/s1600/DSC07429.jpg)
土豆豬骨湯 CA$29.95 (約HK$210)
-- 嘩)))))) 使唔使咁大煲呀?!! 大家都差點被嚇暈, 朋友的太太頭先仲想叫多2個餸, 好彩我制止咗佢, 好驚Day 1事件重演, Vancouver真係1個好可怕嘅地方, 定係我真係中咗叮噹嘅放大縮細槍呀?!! 最抵食係又大煲又好味, 點會咁o架?!! 呢個世界點可以咁唔公平o架?!!
![](https://blogger.googleusercontent.com/img/b/R29vZ2xl/AVvXsEgxGQtkjdku-22zwsZbGMh_7gcs6NaIeRnLqQ5Q8YPRWzz4WxDxghn14fOOYX5o6Ec7jVasTHnjunbLqojibmj0b7q-ftsV9LHGr-R9TDrUOfLoOnV9V_UJg5Gw4wVwXXBMbTu4IXkX4I3d/s1600/DSC07435.jpg)
韓藉店主接近One man band, 雖然都叫做有個後生仔幫手... 佢地都好Nice好有禮貌... 小店的精髓, 慢功出細貨, 大家千祈咪心急呀...
Urbanspoon的Link :-
http://www.urbanspoon.com/r/14/1592968/restaurant/Vancouver/Central-Richmond/Haroo-Korean-Homestyle-Cuisine-Richmond
是次每人消費約 HK$ N/A 元
味道: 4 環境: 3 服務: 3 衛生: 3 抵食:4
###
地址 : #2000, 8580 Alexandra Road, Richmond, BC V6X4B3
電話 : (604) 284-5596
~~~
豐收的一天... 講緊我個肚腩... 呵呵...
「醜婦終需見家翁」... 返到香港一企上個磅, OMG))))))))) 晴天霹靂!!! 世界末日呀!!! 慘絕人寰呀!!! 點會咁o架?!! 去咗十幾日Vancouver啫, 就將我推上人生頂峰, 仲要破自己紀錄, 天呀))))))
~~~
點捨得放你地入紅白藍袋吖又~ 就由得D污糟衫放入紅白藍袋寄倉, 寄失咗咪當換季...
![](https://blogger.googleusercontent.com/img/b/R29vZ2xl/AVvXsEjeagrW9dwsgwNBi30eu_9eKQXfhNV-ma13D_UrnxIxYas9Wki6MKPsws_gKaCTCU4VF_JSVwIz6UCzge3I2corxldoyCbv1XfgNZBxH0wsYkszhfvXsdy4sTHlR5jY8qL3KP4zp4y3e7R0/s1600/DSC07436.jpg)
加國「喜行大溫」2014 の 總匯 http://www.kenmerry.com/2015/01/Vancouver-Canada.html
沒有留言:
張貼留言