[0-6°C] ~ Day 8 ~今天的行程已KO了幽鶴國家公園(BC省)內的翡翠湖(Emerald Lake), 在班芙國家公園(AB省)內的露易斯湖堡壘酒店的意大利餐廳Lago吃過午餐, 秒看弓河瀑布(Bow Falls)及上訪硫磺山(Sulphur Mountain)... 剩下來還會有什麼驚喜?!!
Banff 班芙鎮... 絕對能讓你感到無驚有喜!!!
坐落於艾伯塔省(Alberta)洛磯山脈中的班芙 (Banff), 是加拿大班夫國家公園中最大的城鎮, 3.94平方千米, 人口只有約1萬人, 果真是世外桃源!!! 班夫被山巒環抱, 除了步行、登山、滑雪等戶外活動, 仲可以浸溫泉, 是著名的度假勝地, 每年遊客達300萬!!!
(香港島面積 78 平方千米, 2011年人口普查127萬人口, 密度高6倍)
地方細細, 當地人喜歡散步或踩單車, 亦會乘坐公共交通工具...
班夫鎮官方網頁 http://www.banff.ca 也提到 The weather in Banff can be unpredictable. Make sure you know if you need shorts or snow pants (or both) for your trip.
團友們, 了解咗班夫鎮之後, 準備好就衝入鎮血拼!!!
從Banff Gondola 班芙硫磺山纜車 開車到Banff Ave, 約10分鐘...
我地已經身處Banff Ave班芙大道之上, 過埋條橋就係Banff 班芙鎮心臟地帶... 驟眼睇, 座山有幾份似瑞士采爾瑪特的馬特洪峰...
Bow River 弓河...
4:30PM 到達 Banff Ave...
落車後團友自由活動, 包晚餐的團友5:30PM返回Banff International Hotel門口集合, 不包晚餐的團友6:30PM返回同一地點集合... 其實我地個團有得揀係呢間酒店住, 不過我地全團都係加錢住The Fairmont Chateau Lake Louise...
Banff International Hotel有Free WiFi, 反而我地住貴酒店無... 行條斑馬線已經有超市同埋大把商店, 反而我地住貴酒店無...
識得去, 一定係去超市!!!
花碌碌的昆蟲西餅... 好可愛呀))))))
The Fairmont Chateau Lake Louise 給你一個寧靜沒有Morning Call的5星級早上... 所以在超市內一定要買定第2天的早餐...
逛完Safeway超市之後就邊逛邊影... 得1個鐘, 做唔到D咩... Banff Ave只係1條直路, 向前行下睇下買下, 再U Turn返轉頭剛好1小時, 上旅遊巴習合去銀龍食晚飯...
山巒環抱, 風光如畫的小鎮, 地靈人潔, 與世隔絕 (從溫哥華過來接近1日車程), 正是我所嚮往的童話世界... 人少, 寧靜, 純樸... 我發誓, 來生要做班芙人!!! (咁鍾意少人, 唔通我有自閉症?)
第1間吸引到我的店舖... The Fudgery手作糖果店!!!
Pecan Logs CA$3.95/100gram
Cashew Logs CA$3.95/100gram
花多眼亂, 全部都想買, 好彩忍手, 埋單先知好貴!!! 原來好重枰, 2支糖CA$12, 接近100蚊港幣!!! 當時腦海中浮現香港的中藥店即磅即切無得唔要的畫面... 唔敢比Honey知, 鬼鬼祟祟比完錢鬆人, 掉埋張單毀滅証據...
夜晚係酒店Honey拎出來食時, 嘩!!! 個樣滋味到吖, 代言人咁款... 我心諗"有無咁好食呀?!!", 咬一啖, 中伏, 焦糖味!!! 但係咁鬼貴, 唔食好蝕, 迫自己繼續食, 先咬走晒D果仁, 再食多2啖又覺得幾好味喎...
Urbanspoon的Link :-
http://www.urbanspoon.com/r/72/1498489/restaurant/Alberta/The-Fudgery-Banff
跟手去OK Gift Shop購物, 落巴士前導遊派咗9折Coupon比我地, 好貴呀加拿大的手信!!! 番梘都CA$5.35, 不過係絕天然手作, 香噴噴, 都值得嘅, 朋友話放係衣櫃內D衫會好香... 我地買咗粒係Calgary開採的斑彩石(Ammolite)同紫水晶(Amethyst)頸鍊留念... 鎖匙扣係送比特別鍾意買鎖匙扣的朋友... 職員之間以日文溝通, 大多數是日本中年阿姨...
Banff行程話咁快就完咗啦~~~ 如果可以的話, 真係想留多幾日, 深入了解呢個地方...
驅車前往晚餐地點 -- 銀龍!!! 一個好有親切感的名字...
6餸1湯, 白飯任裝... 淸保凉湯濃到呢, 正所謂久旱逢甘霖, Very Nice... 咕嚕肉開胃到呢... 腐乳蒸雞好味到呢... 呢餐團餐的確係唔錯, 好滿意... (當然最好味係Lago)
Urbanspoon的Link :-
http://www.urbanspoon.com/r/72/1434749/restaurant/Alberta/Silver-Dragon-Restaurant-Banff
食飽出餐廳門口吹吹風, 老闆娘一知我地香港o黎, 仲要係第一次到加拿大, 又上演一幕「他鄉遇故知」... 雞啄唔斷, 我著晒Wind Stopper+Down Jacket, 佢得件薄Shirt, 我驚佢凍親, 佢笑住話係度二十年以上已經適應晒... 真係好羨慕佢可以由香港人變身班芙人...
大家睇下佢餐廳門口的景觀幾咁世外桃源... 老闆娘話佢地搬來呢個新位置只係3星期, 餐廳門外對到正的係3大名山, 嘩嘩嘩, 老闆娘你日日係呢度返工真係好幸福呀!!!
隨手就係地下執到個「冰河世紀」松果子... 大自然呀!!!
上車準備離開, 竟然見到我的長輩路過, 即刻飛去巴士門叫佢, 勁搞笑... (佢都係專程係香港飛過去飲喜酒, 都係呢4日跟Banff 班芙團, 我唔放心係香港報定先, 佢地就過到加拿大先報名)
超6星酒店... The Fairmont Banff Springs!!! 房價好似仲貴過我地住的The Fairmont Chateau Lake Louise...
沿途風景美不勝收...
回到酒店繼續在冰湖上暴走!!!
<< 待續 >>
加國「喜行大溫」2014 の 總匯 http://www.kenmerry.com/2015/01/Vancouver-Canada.html
沒有留言:
張貼留言