![](https://blogger.googleusercontent.com/img/b/R29vZ2xl/AVvXsEgCXy0EgVbpYikE7kRwS59vEQL78z1E98hxxROjTE0HBtCaMGdWlIofzT5x2Vk3W4DZUUky4x6NxDeiQ1YknASAaNAwSJZ_y03RKC6rOQfRTfRkBV5Tgm47IKQVmnsTDtj52-b4ezv6Vakg/s1600/DSC09826.jpg)
自從今年6月開始減肥至今, 都好耐無落過去啦...
原來清風街近期又靜悄悄地刮起了一股清風... Princess公主餅店!!!
如果比姪女知道我今日去食公主甜品, 肯定佢一定要跟埋來!!! (同普羅小女孩一樣, 佢都係公主迷, 只要聽到公主2字就會雙眼發光)
Princess公主餅店主打全人手製作, 以低脂、低糖健康為主的曲奇和甜品...
清風街我已經熟晒路, 出咗天后地鐵站話咁快就到...
WoW... 店內的牆畫有齊姪女最愛... 公主+城堡+旋轉木馬!!! 帶埋佢來肯定唔使走...
![](https://blogger.googleusercontent.com/img/b/R29vZ2xl/AVvXsEhCp5TxxiHbdMbFSt3PuW8stOJJIKrmhoPfo9Pa4H46tvaChbG2vryDO_dVj8CA3xYwDO0RthUNwS6ItmyhXVYBRdIcTkiXwu1FaTW5nnszmhFuC8KPWY_H3h2dczRhfWyhYYdmqcBt1joi/s1600/DSC09755.jpg)
店內的陳設一齊來得太"公主"... 好鍾意佢個Logo, 好Elegant...
![](https://blogger.googleusercontent.com/img/b/R29vZ2xl/AVvXsEjtWPQr5rOQl5LV1EV-HboupvvvxOKQO1ZIO_BvRtFZK8kmVAFcdsc9YSMNt-ml-DOyCewNhCYhqicAdw2V4-UNgVo2Ezv2mlnKAut8OMSLebVdUWUhghv3Ybc1qHGE7po5RkcGdTrk1lsz/s1600/DSC09769.jpg)
High Tea 3層架擺放了Princess人手新鮮製造的Mini Cake, 造型獨特又有創意, 皇冠、禮帽、銀袋、玫瑰、小熊, 100%『公主』先有資格享用到的甜品!!! 所有甜品都以低糖低脂為製作理念, 就算我減緊食都可以食, 呵呵, 好開心呀!!!
![](https://blogger.googleusercontent.com/img/b/R29vZ2xl/AVvXsEh6JF6R4DiAbBYpt7Cb9EB8qrqRc7of9SImSQwMDXFHcQXRbnOAYGqw4k6_S2W2Wcv4XKTLJJ_foFouTY0VFJABuVqW4b2c08cXBWeUna57vFdsZ0Q6rMpaT60EiPGhgcrkrDUogt1YXmQi/s1600/DSC09764.jpg)
來個Close-up看清楚... Mini Cake真係做得好精美呀!!!
![](https://blogger.googleusercontent.com/img/b/R29vZ2xl/AVvXsEjAEL62XsW_V-SsyIFsF-i2Dkch4_u8R85sk7uQexPhXhkT0Y13coPmrUsWNL9O-4cJh_hCUXszPsygffrO3OuUCb80WpfqUCKOtTwYxh2gQYk50PmvSH9EILyK-v09_1uNpP4u3n4L-Cj7/s1600/DSC09767.jpg)
![](https://blogger.googleusercontent.com/img/b/R29vZ2xl/AVvXsEj01LIWoDYy4j90_LF-4uuiYiEUackn-QfyIJSeQulBKRY5wqf6HcyPzQaB5sVH6n4jvgCbY9tE3O864_QujxFcV8U1_GFmveyuT-r0SZMu3ZHcfd8vZzFe391naA6kqoK7hSncNKyaBsnC/s1600/DSC09768.jpg)
![](https://blogger.googleusercontent.com/img/b/R29vZ2xl/AVvXsEi4CVhUlREG-1JCrQabqx3_T9iqAKOGh0P06RzhX6E7lBFge0bTbhjvjtlE9lt1xy9MUqPRLnqSRhl4b4zAgMO8M-vRWuMQ9NWQ3HaxrRPzkH6bjhpBNiX0s_pWas1xdoyXWPt8R5i2reXX/s1600/DSC09766.jpg)
Princess Cafe的曲奇好多元化, 有4個系列咁多... 抗氧化堅果系列、美容纖體花茶系列、公主首創鹹味曲奇、季節限定辣味曲奇...
最近仲推出咗聖誕特別版, 好可愛呀!!!
![](https://blogger.googleusercontent.com/img/b/R29vZ2xl/AVvXsEj6UPcRTVYiZKaXMlOJ4e1Jv937LolE0kC04B7iYHX3lzGSwdZVtWRhSSfAI3gFU3TN_9xbCVhR54vQYu_8hvi1cAnY2p6U3fawYyUB6qOgz-wCgrOd4S4VC97JG2a4Vj_pPO48l2KfBtkF/s1600/DSC09762.jpg)
每次去到曲奇店最興奮的, 當然係試味啦, 我今日一口氣試咗9款, 超開心, 呵呵呵呵...
曲奇餅的包裝盒好靚呀!!! 收到的朋友一定會好開心...
![](https://blogger.googleusercontent.com/img/b/R29vZ2xl/AVvXsEjLZA0Q9sVziB_nCSqVUEyn3DpMoPCmC-gdis0QHWcoh5pkV9w6DYCtOUwg1d4A8fRhzLugxzuEVr-ClMIaYwKFhIyNS8LQy5sIxLSYlZyHmxYkc4SHMh1pyXhb2S8YpDRFhAkkbgtN-8se/s1600/DSC09803.jpg)
每片曲奇獨立包裝, 唔使擔心開咗包裝之後食唔晒會變腍... 包裝上仲印咗曲奇的口味, 大黟人分享時唔使再不停回答"呢包咩味? 果包咩味?"嘅問題... 每盒曲奇都有Catalogue, 又唔使再答"仲有咩味揀"嘅問題, 自己睇, 唔該...
美容纖體花茶系列有8款口味... 伯爵茶、草莓茶、茉莉花茶、混合乾果茶、洋甘菊果茶、薄荷茶、圓肉杞子茶、洛神花茶... 圓肉杞子茶曲奇入口時好重牛油味, 嗒落圓肉同杞子的甜味就會走出來, 好好味呀!!! 草莓茶曲奇呈粉紅色, 雖然好香草莓味, 好好味, 我都好鍾意, 但無得傾, 一定要留起晒比我的小公主姪女獨享... (心中已暗暗盤算訂1盒全草莓味曲奇來博取小紅顏歡心)
![](https://blogger.googleusercontent.com/img/b/R29vZ2xl/AVvXsEjzvxTy1YgoP6PMMognYrVXc7zaQN-k3EgOVnipqeI58iwKFYrHVjrCBLdjpin6Hq9CuyvOJH6LHoXiYMr-PZ3tRPsCPjRWWkujv_mmiNwWq8hs4IkK7lo2xT9yNuXvdTEQlIWypCbby28t/s1600/DSC09805.jpg)
公主首創鹹味曲奇有8款口味... 黑松露、魚子醬、鵝肝醬、西班牙火腿、蟹肉、芝士、煙三文魚、XO醬... 嘩嘩嘩, 全部都係名貴食材, 用來送禮肯定唔失禮!!! 我食咗西班牙火腿同芝士同XO醬, 3樣都好好味, 味道非常濃郁, 好有驚喜!!!
![](https://blogger.googleusercontent.com/img/b/R29vZ2xl/AVvXsEimYUG5CZWCb-2XRX4UL37Ppopz-Mdn_Qv1NfNKuYdvtFnqo6bNtqLCT0F7Egg53vzkIjjDSxlhZlBHDvKOlZRTfnnFJ_i4Bfjw2ViZKLVpOLy9D6yXWr46yNm_oY-Qv396jFFb_2kF_w2n/s1600/DSC09811.jpg)
抗氧化堅果系列有8款口味... 芝麻腰果、夏威夷果仁、健康五穀、朱古力杏仁、原味牛油、榛子果仁、咖啡合桃、開心果仁... 呢盒一定要獨食, 果仁曲奇一向係我至愛, 唔捨得同人分享, 頂多比幾塊健康五穀比Honey食...
![](https://blogger.googleusercontent.com/img/b/R29vZ2xl/AVvXsEjWYk3J0hFsrgClTvqAkD0CaPm-lGYbwK9hm5cvH8-V1IPp_hBkQ3yOLHPCCnpdy92EsFZ3qLw1E7l_FHRCvd2OCYLehTSPzRFNvzDKy4tWiwgAcAHjN4aEvz53sBmzr6aiezTbERYkJQiU/s1600/DSC09810.jpg)
全港首創「無牛油、無糖、無麵粉健康曲奇」... 聽落好神奇!!! 以天然的山藥粉、糙米粉、橄欖油、椰子油和雜莓乾果制作, 非常健康, 對麵粉敏感的人都可以食...
![](https://blogger.googleusercontent.com/img/b/R29vZ2xl/AVvXsEiG-0BrktHpoaWlhY58hYl54hgxosU0WxSyIxWz5ULg25fQDwvqPL0ZH8elTf4rek96Apbe2GFMalUgxyQ78YhaoRoyNjc2Js79LzZrLDOpJgdiIXF1XhPm8IscnblLmLYKEbYB3WkHvQ_N/s1600/DSC09809.jpg)
3點3下午茶時間... 等我扮吓公主先, 呵呵... 不過呢... 原本我屋企無適合擺蛋糕曲奇的碟仔, 拎住個粉紅LC心心盅頂住先啦~~~
![](https://blogger.googleusercontent.com/img/b/R29vZ2xl/AVvXsEgCXy0EgVbpYikE7kRwS59vEQL78z1E98hxxROjTE0HBtCaMGdWlIofzT5x2Vk3W4DZUUky4x6NxDeiQ1YknASAaNAwSJZ_y03RKC6rOQfRTfRkBV5Tgm47IKQVmnsTDtj52-b4ezv6Vakg/s1600/DSC09826.jpg)
Princess Cafe仲有辣味曲奇、全蛋白薄脆、全蛋白橄欖油薄脆, 大家有興趣的話, 可以上佢個網站 http://www.princess-hk.com或者粉絲專頁 http://www.facebook.com/princesshkhk 了解下...
多謝店方的邀請, 咁我以後想食曲奇唔使再撲去九龍城咁遠喇... (早幾日先同同事講起以前專程去赤柱買曲奇的往事)
是次每人消費約 N/A 元
味道: 4 環境: 4 服務: 4 衛生: 4 抵食: 3
###
地址 : 天后清風街25號A1地舖
電話 : 2866 9062
迷你蛋糕整到十分精緻呢... 但好唔好味呢?蛋糕有咩口味選擇?
回覆刪除等我下次為大家去買幾個來試試味, 真係純粹為大家食咋, 唔係我為食呀 :p
刪除皇冠 : 熱情果白朱古力 / 伯爵茶古朱古力
玫瑰 : 紅桑梅朱古力 / 紅白酒黑加侖子
禮帽 : 開心果 / 榛子脆脆
熊仔 : 蘿勒朱古力
銀袋 : 紫薯乳酪
更多口味 : http://www.princess-hk.com/index.php?thispage=cakes
真係整得好靚好靚呀!!!!!
回覆刪除尤其係綠色哥頂帽!!!
綠色哥頂帽手工真係好精細, 好利害!!!
刪除天后清風街,我最記得是在多年前,在一間小店旁的小巷食串燒開餐。間小店好好生意,不過唔知是否仍營業至今。
回覆刪除好似叫串串貢, 果期好HIT, 去親都無位... Openrice上年開始無咗食評, 有D奇怪, 下次我去開天后幫你查下
刪除