網頁清單

2012年5月22日 星期二

西歐「文藝復興」2012の琉森, 瑞士 (Lucerne, Switzerland)

30 April 2012, Monday
 

6oC - 15oC, Cloudy 
~ 琉森小檔案 ~

琉森(Luzerne)是瑞士中部琉森州的首府,位於琉森湖畔。面積約24平方公里,人口約:5萬7千人,擁有4種官方語言,包括德語、法語、義大利語、羅曼斯方言。
琉森最著名嘅標誌係卡佩爾橋(Kapellbrücke)和水塔。卡貝爾橋又稱教堂橋, 全部由木板建成,座落於羅伊斯河上,建造於1333年,全長204米,1993年發生火災後重新修復。



7:00AM落酒店餐廳食早餐... 嘩!!! 好迫人呀!!! 好彩我地果團已經劃咗位, 成個區域有籬笆包圍住嘅啫, 枱面仲間住間住咁放咗KUONI紙牌, 唸住萬無一失, 點知... 咁都出事!!!

~~~ 以下內容, 只係對當日發生嘅事敍述出o黎, 並不帶任何歧視成分, 閣下請不要對號入座 ~~~

團友們開始陸續到來, 點解會唔夠位坐嘅呢?!!

領導發現有4條阿嬋混入咗我地個區域, 行埋去同佢理論, 果4位刨冬瓜惡言相向, 領導都冇佢咁好氣, 搵餐廳職員同佢地理論, 經調查後, 佢地係食7:30AM嘅, 餐廳職員好聲好氣同佢地解釋, 佢地啋你都有味, 繼續「禮義廉」地大啖大啖食, 餐廳職員無奈地呆企係度...

真係覺得佢地好冇教養囉, 遲半個鐘頭食會死嘅咩?!! 佢地真係唔知個醜字點寫o架喎!!! 仲好似自己打勝扙好叻咁o架喎!!!

其實我地以往都遇過唔少團友係來自國內, 佢地都係守秩序而有禮貌, 雖然大家只係萍水相逢數天, 但係都以禮相待, 相處融洽~

果班衰人, 真係影衰晒d黑頭髮黃皮膚嘅人!!! 可憐我地去到外國玩, 外國人單靠外表根本分辨唔到我地係知書識禮嘅中國人, 好多眼神都當你係曱甴咁, 天啊!!! (好彩之後去到法國, 有中途站收銀伯伯同我講"Konichiwa", 原來我可以扮日本妹)

~~~ 敍述完畢 ~~~

早餐同之前幾日差不多, 但係芝士同果醬嘅選擇多d, 味道都好d... 個麵包好似Pat Pat呀, 如果有朱古力醬, 可以抺d係中間, 咦呀... 嘩咔咔咔~


呢個9日團嘅重點主題(對領導o黎講)... DaDaDaDa... 寶齊萊(Bucherer)!!! 你地睇吓牆上面個掛鐘, 8點半咋!!! 人地9點正先開門o架!!!


領導係呢段時間, 不厭其煩地傳授購物心得比大家, 然後就派紀念品Coupon, 強調大家唔買o野都可以上頂樓拎番份紀念品嘅, 更叮囑大家臨上旅遊巴前緊記要幫襯吓佢個Toilet~

8:45AM 開... 閘... WeWu...


咁歷史性嘅一刻, 我一定要影低佢先!!! 之前係香港睇新聞, 見d同胞係英國嘅百貨公司衝閘嘅一刻, 真係覺得好恐怖, 估唔到自己有機會參與其中... 不過我地係知書識禮嘅香港人, 絕對唔會做出一d影衰自己嘅事嘅!!! 我地最後係好有儀態地, 慢慢一步一步有秩序地步入寶齊萊!!!

大家跟住領導上頂樓, 越行高一層就越少團友囉, d團友又會心急到咁嘅, 嘩咔咔咔... 拎完紀念品, 繼續留係頂樓遊蕩嘅就只係剩番我地同其中一對新婚夫婦, 遊咗一陣大家都分別出咗外面影相lu, 証明大家都「醉翁之意不在錶, 在乎山水之間也」~

日間嘅教堂橋~ 我上次o黎成條橋都掛滿花o架, 好靚o架!!! 點解而家d花唔見晒o架?!! 聽領導講, 原來8月先會掛花... 咦... 我上次又真係8月o黎喎!!! 乜我上次咁好彩, 一o黎就見識到真正嘅花橋!!!



捕咗好耐, 先等到d雲散咁少少, 見到少少藍天~



日間嘅琉森車站~

琉森車站面向琉森湖~


琉森湖~


琉森湖好多天鵝o架~
為咗同班天鵝o黎個親密接觸, 我地有晒準備...

o黎!!! 你!!! 過o黎!!! 係呀, 叫緊你呀, 仲望喎, 快d過o黎~

呢隻幾靚!!!
嘩, 使唔使咁高速呀?!!

係呢個位見到2隻天鵝擺出招牌POSE... 2隻面對面, 彎起條頸, 咀對咀, 形成一個心型!!! 心型呀!!! 好浪漫呀!!! 可惜... 佢地散水快過快門... 否則必定成為Photo of the Trip!!!


10:30AM... 到我地要散水啦!!! 出發!!! 起程前往鐵力士峰!!!

Bye Bye啦, 琉森~ 多謝你送比我嘅紀念品呀~


想回顧3年前嘅回憶, 可以瀏覽德瑞"浪漫之路"2009 -- Lucerne~



西歐「文藝復興」2012 の 總匯 http://www.kenmerry.com/2012/08/2012.html

1 則留言:

  1. 睇咗好多篇,寫得好盞鬼﹗特別係行李去咗隔離房...
    [版主回覆10/16/2012 19:32:55]多謝你的讚賞, Thank you so much~

    回覆刪除