太古坊鴻星12:00前埋單嘅早茶抵食又好食, 特價得o黎唔會將貨就價, 食物質數與正價時段無異, 所以我同Honey經常都會去幫襯... 不過唔知係咪撞正員工用膳時間, 只得3-4個人做o野, 服務接近「零」, 經常都食得幾勞氣, 唔係因為地點方便價錢OK食物又OK, 真係唔會去受氣囉~
今日去到, 如常冇人帶位, 如常自己行入去, 如常服務員見到你都扮見唔到, 如常自己搵位, 如常坐低都係當睇你唔到... 唔想勞氣?!! 唯有自己行去收銀處度拎點心紙, 順便叫佢開埋茶, 跟住就有個「哭喪著臉」嘅阿姐走埋o黎開茶...
如果你有報紙係手, 飲完茶會比d阿姐拎去賣嘅話, 咁就唔同講法喇!!! 你埋咗單起身鬆人阿姐都會企定定同你雞啄唔斷十幾分鐘, 就算其他茶客問佢拎點心紙佢都會視若無睹, 眼中只有你~
如果你係單身中年男士, 睇落生活悠遊, 女部長都會企定定同你雞啄唔斷十幾分鐘, 就算其他茶客三番四次問佢拎點心紙佢都會視若無睹, 眼中只有你~
我地呢d「N無人士」... 嘿~ 今日見到坐輪椅嘅婆婆同我地遭遇一樣, 佢個工人仲企咗十幾分鐘先搵到人Serve佢地~
眼見鴻星近期玩Gimmick推出「三國宴」, 仲出埋「點心篇」, 所以我地都湊吓熱鬧, 點o黎試吓~
桃園三結義--劉備、關羽、張飛被一"籠"打盡?!! 白臉劉備係奶皇包, 紅面關羽係紅豆包, 黑面張飛係芝麻包, 件件都咁好味, 仲好Kawaii呀~
![IMG_2633](https://googledrive.com/host/0B1o5dMkLtKdLODdEVVh4cUE1bWM/OOxEr6hSXN_.jRI6JiBQhg.jpg)
草船借箭--芝士蝦春卷, 比想像中好味, 亦好脆~
![IMG_2707](https://googledrive.com/host/0B1o5dMkLtKdLODdEVVh4cUE1bWM/OuYSquUxCapns3ZsiIK2BA.jpg)
蒸鳳爪--好腍好入味, 鐘意食鳳爪嘅朋友必定要Order~
豆腐花--必吃, 好滑溜~
![IMG_2634](https://googledrive.com/host/0B1o5dMkLtKdLODdEVVh4cUE1bWM/I1q07UXJ5OgrXvuRdXQ1ew.jpg)
平時o黎飲完茶會派9折劵下次用, 可惜之前2次唔知點解都冇派, 我冇理到... 上次見有茶客問, d阿姐先比呢個Memo Pad連9折劵, 我坐隔離枱, 啱啱埋完單, 佢都唔派比我, 因為我冇嘈住要9折劵...
今次去到, 睇清楚宣傳單張, 任何時段惠顧, 就會獲得一本...
埋單時問阿姐拎, 佢唔知真定假, 我講完佢唔打算比, 我指住宣傳單張頌讀一次條款及細則, 佢竟然話"呢個9折咋嘛", 實在溝通唔o黎, 我最後補一句"你拎1本比我", 佢就咁就走咗去... 部長找錢時, 我再問佢拎, 佢好似好唔願意比咁, 之後等咗好耐, 佢先拎比我地... 咁唔想比就唔好攪宣傳啦, 唔該!!!
![IMG_2712](https://googledrive.com/host/0B1o5dMkLtKdLODdEVVh4cUE1bWM/EG2rkiLGDRwG6KhHCmtAFA.jpg)
今次去到, 睇清楚宣傳單張, 任何時段惠顧, 就會獲得一本...
埋單時問阿姐拎, 佢唔知真定假, 我講完佢唔打算比, 我指住宣傳單張頌讀一次條款及細則, 佢竟然話"呢個9折咋嘛", 實在溝通唔o黎, 我最後補一句"你拎1本比我", 佢就咁就走咗去... 部長找錢時, 我再問佢拎, 佢好似好唔願意比咁, 之後等咗好耐, 佢先拎比我地... 咁唔想比就唔好攪宣傳啦, 唔該!!!
![IMG_2712](https://googledrive.com/host/0B1o5dMkLtKdLODdEVVh4cUE1bWM/EG2rkiLGDRwG6KhHCmtAFA.jpg)
是次每人消費約 50 元
味道: 4 環境: 4 服務: 1 衛生: 4 抵食: 4
###
地址 : 鰂魚涌英皇道979號太古坊濠豐大廈2樓
電話 : 2628 0110
星期一晚我係利苑食晚飯,都差不多成萬元一圍,都係由第3道菜開始就無野飲,直到甜品才有茶,眼中只無我
回覆刪除[版主回覆05/30/2012 14:09:16] 唔係呀嘛... 萬元戶都咁?!!
真係一間間服務
回覆刪除我去過將軍澳中心..我那時還要拿卷去吃..不用比錢便可走那種..
那兒服務生還有傳菜的..再還有經理也好好..
我最後還問卷寫糖水..可否轉甜品糕點...怎知經理不只拿了糖水..還有糕點不只一款給我..所以我開心到...我起身走.還問經理我..是否真的不用付錢..因為那些免費卷一般都要付回加一茶位等價錢....但最後都不用..真扺..
[版主回覆08/02/2012 23:28:50]絕對同意, 有時候同一分店, 可能換咗人, d服務都會唔同晒~