較早前收到DD通知, L’Eclipse推出「生日之星」優惠, 顧客於生日月份內與親友到L’Eclipse用膳, 每一天都可享免費大餐!!! 咁抵??? 我地一眾9月之星緊係要拿拿聲Book位啦!!!
誰不知... 先遣部隊DD食完之後, 叫我地都係轉第二間啦... 嘩... 唔係咁大鑊呀嘛??? 係唔想煩(再搵第二間)同埋驚DD嘴刁嘅情況驅使下, 我都係決定要同Honey去了解下...
一坐低諗都唔使諗, 就隊龍蝦先!!! 澳洲龍蝦、龍蝦蚶、迷你龍蝦仔、波士頓龍蝦... 嗯... 最好食都係波士頓龍蝦, 配紅酒汁好夾(全晚最好, 食多幾隻就值回票價)... 再o黎多一Round先!!! 青口肉好細粒, 食之無癮, 棄之有理!!!
![](https://googledrive.com/host/0B1o5dMkLtKdLODdEVVh4cUE1bWM/LAugxdmziXuqNoCtod0itg.jpg)
![](https://googledrive.com/host/0B1o5dMkLtKdLODdEVVh4cUE1bWM/p7QvzlxasDxuJW6n99c5jA.jpg)
每名顧客可從原隻鮑魚、燕窩薑汁蛋白布甸、煎和牛及比目魚四款主菜中選兩款美食... 網民大比數話燕窩薑汁蛋白布甸最好, 但係食落冇咩特別啫, 至於鮑魚, 真係又細又冇味... 和牛就好軟腍, 味道都唔錯, 但係好細舊囉...
![](https://googledrive.com/host/0B1o5dMkLtKdLODdEVVh4cUE1bWM/GK1vTYa23HusAlvGQyxhQw.jpg)
![](https://googledrive.com/host/0B1o5dMkLtKdLODdEVVh4cUE1bWM/2eWCBwfLtTw_bXEYiVw3Rg.jpg)
刺身得4款, 三文魚好多筋, No Good!!! 壽司賣相麻麻, 唔想浪費個胃嘅空間... 沙律都OK新鮮...
![](https://googledrive.com/host/0B1o5dMkLtKdLODdEVVh4cUE1bWM/y3HzDpND1XP7l2hbZtmvvw.jpg)
巴拿馬火腿, 切到薄過紙, 擺得又肉酸, 好小家, 唔似酒店作風... 味道仲... (冇再添食)
羊奶芝士先恐怖, 只係影相嘅短短時間, 竟然溶到一灘汁咁, 我唔敢放落口囉...
![](https://googledrive.com/host/0B1o5dMkLtKdLODdEVVh4cUE1bWM/lUERItOh8_1fd3ZOKB5AQQ.jpg)
熱葷嘅即燒蠔有6隻味揀... 我揀咗煙肉同茄汁... 嘩... 好唔得囉, 個樣唔掂之餘仲要完全冇味, D肉又超細粒... 其他熱葷都冇一樣可以令我再食多一Round...
左下角個唔知咩醬蒸豬肉先恐怖, 我只係食咗20分之1...
餐飲熱檸茶又一恐怖傑作... 等咗好好好耐... D水係微溫嘅, 我飲咗半啖已經成杯唔飲, 因為我驚佢D水根本未煮熟, 我唔想博...
![](https://googledrive.com/host/0B1o5dMkLtKdLODdEVVh4cUE1bWM/yFwwkIs0uLDmF.XQTW8B3w.jpg)
食到咁上下, 見有單反攝友出咗去Buffet枱影相, 仲要玩自拍合照, 都冇人理佢, 我地又出去影下相先...
![](https://googledrive.com/host/0B1o5dMkLtKdLODdEVVh4cUE1bWM/VWA9Yl5s26bicYUHA0bqTA.jpg)
![](https://googledrive.com/host/0B1o5dMkLtKdLODdEVVh4cUE1bWM/VPl21xAwiH17JvsdyRn.rg.jpg)
![](https://googledrive.com/host/0B1o5dMkLtKdLODdEVVh4cUE1bWM/N34QXd9Rv5iHAMnXV6pNIg.jpg)
出去拎甜品時, 廚師極力推介我試下部Pancake機(上圖), Click OK之後等50秒就會自己彈塊Pancake出o黎, 仲叫我加個Movenpick雪糕球o黎食, 我揀咗夏威夷果仁味, 呢一味自制甜品我都幾滿意...
![](https://googledrive.com/host/0B1o5dMkLtKdLODdEVVh4cUE1bWM/iKkQweq.CUiC8FCj9.zOLw.jpg)
![](https://googledrive.com/host/0B1o5dMkLtKdLODdEVVh4cUE1bWM/voMZYJknRju1JEP4xU5eng.jpg)
但係其他甜品就真係麻麻地啦, 連我呢個甜品怪都可以食一啖就唔食嘅, 唯一食晒係個朱古力Cake, 大家自己諗諗啦... 法式焦糖燉蛋最奇怪, 個面係水汪汪嘅, 乜唔係應該用火槍燒到脆脆地嘅咩???
![](https://googledrive.com/host/0B1o5dMkLtKdLODdEVVh4cUE1bWM/I_1bk0tZguZ95P.0MM_w8A.jpg)
生果都OK嘅, 除咗奇異果有神功護體刀叉不入之外(好大力咬都只可以留下好淺嘅牙齒印)...
![](https://googledrive.com/host/0B1o5dMkLtKdLODdEVVh4cUE1bWM/JNIlw3nTQRslynxllkIyCw.jpg)
每名顧客都有當晚精選甜品一客, 呢晚係「士多啤梨三重奏」, 有士多啤梨梳乎厘、芝士蛋糕(面頭有16分之1粒士多啤梨), 士多啤梨毛士... 我淨係食咗梳乎厘, 味道都好一般下... 呢個「三重奏」, 就算放係度任拎, 我都唔會食囉, 使唔使一人一客咁矜貴呀...
![](https://googledrive.com/host/0B1o5dMkLtKdLODdEVVh4cUE1bWM/6vfD8feL8OmdcVoU0RkXyw.jpg)
雖然話我係免費, 但係呢個價錢, 如果唔係Buffet, 可以有好多好好味嘅選擇囉...
不聽DD言, 吃虧在眼前!!!
是次每人消費約$281元
味道: 2 環境: 4 服務:3 衛生: 4 抵食: 2
###
地址 : 尖沙咀北京道8號香港朗廷酒店高層大堂
電話 : 2375 1133
F
回覆刪除