網頁清單

2009年9月15日 星期二

金田日本料理 (II)

1 September 2009, Tuesday


旅行完之後食完一餐又一餐... 今次到咗拉力早敍餐... 目的係派手信...


之前食過呢間幾好, 價錢又OK, 所以就提議o黎呢度, 諗住話開懷大食一番... 點知... 之前食過都OK嘅食物, 今次變得好唔OK...


蒸蛋--唔得, 冇味...
蒜片牛柳粒&薄燒牛肉--全餐叫做OK小小...
芝士年糕--好膩...
凍豆腐--冇味...



魚生&壽司--全部都唔新鮮, 最得人驚... D吞拿魚會留D紅色水出o黎, 好驚佢係染色o架囉... 松葉蟹腳棒壽司D蟹腳棒又係出水, 好似食塑膠咁, 好恐怖...



秋刀魚&鯖魚--尚算OK...



南瓜&蕃薯天婦羅--都好味... 蝦天婦羅--唔得, 極之唔新鮮, 唔知自己吞緊D咩...
串燒--正正常常...
炸雞軟骨--嘩... 食咗一粒咋... 唔得... 成口油... 唔該拎走...



棒餃子--又一唔好味之作...
鴨胸鵝肝卷--嘩, 見到個樣都唔敢食, 挑咗小小o黎食, 咩味都冇, 都唔知放咗D咩落口...



燒羊架--最火滾係呢樣!!! 我地7點正坐低就Order, 之後以為溜咗單, 前後Order咗4次, 佢夠膽死8點半先上... 最慘係油淋淋之餘, 係冇味o架!!!
但係隔離枱(8點前要埋單走人$148)仲遲過我地入席, 竟然食咗3-4轉, 收平D嘅竟然仲唔會溜單, 如果唔係等個羊架, 我地都8點正走得啦, 但係我地竟然要比$188, 仲有冇天理呀!!!
我Book位嘅時候, D職員從來冇提過平價時段, 淨係話1個價錢坐足4粒鐘, 好唔老實呀!!!



唔好睇佢咁多選擇, 學力仔話齋, 冇一樣o野可以令佢想再Re-Order!!!



呢間金田, 冇下次!!!


是次每人消費約$197.4元
味道: 1 環境: 3 服務:2 衛生: 2 抵食: 1
###
地址 :  尖沙咀寶勒巷3-7A萬事昌廣場3樓302室
電話 :  2311 8328 /2367 7388


沒有留言:

張貼留言