![](https://blogger.googleusercontent.com/img/b/R29vZ2xl/AVvXsEj9xR0y1mXOtkBeSGbx3JxQDM0vNKarYa-hxDTOcJhvKxqWYXskkJ3MLjJd9F_Rxb2AFqrZG8OCdBMO_OkULbMSal4qDDGApwlOS-yBPzIRuYZomu-w-uW2YeuXMC7SH1_mnm10zqWPIzDG/s1600/DSC_3761.jpg)
之前係沖繩幫黃毛仔入咗大量沖繩限定Lu Lu Lun, 都幾重, 原來走水貨都唔易做... 仲要帶埋Tablet迫人地睇我地係沖繩影的婚紗相, 個袋實在太沉重啦, 今晚唔帶相機喇, 用手機影住食物相先啦~
約日子的時候都無為意今日係光棍節, Honey, 你就自己1個好好地留守家園應下節喇~
韓松對於我同好多朋友來講, 絕對係經典回憶!!! 大家到今時今日都間唔時會提起話再想去懷緬一下... 唔係講笑, 有Blog為証, 5年前的食評, 去片!!! http://www.kenmerry.com/2009/10/hansong-korean-restaurant.html...
一坐低職員就擺低Jar啤酒?!! 咩事呀而家?!! 店員大叔見我咁大反應, 施施然走埋來解釋話係茶o黎o架!!! 噢... 係咩... 見咁多泡, 我同朋友都以為係啤酒喎... 仲以為老屈黨迫人飲酒添... 哈哈...
![](https://blogger.googleusercontent.com/img/b/R29vZ2xl/AVvXsEiK3LqWn3GY45JXDjiPnCUVVzQ_ABVPjD5IxIRgATIDXtzdQN5knpxSTLODdAYzVlG4zGYL2P2h62p9E_Jp6iuxu-s7ae2_Sgmgl4WBpwVzj1wtuv9M7aQsphxqGfclxQ8_8GPCYGzcfNaX/s1600/DSC_3745.jpg)
落完Order, 睇睇環境... 同當年好似無咩點變, 係D枱更更更加迫囉...
![](https://blogger.googleusercontent.com/img/b/R29vZ2xl/AVvXsEjeIvAK5KxLoxo-E8rMS127AcngFVMwGwvjNwpF2WX_Z6aav-koTIs-do9mUvaTexJrstmQpO1WSrkC9P_-1sxe-OVPEmRR7SM8bxHnRVj9YTLAEPGEwgSWYMsoSQWvNpu1krYtLSEG0z7v/s1600/DSC_3746.jpg)
朋友發現張餐枱墊好搞鬼... 圖文並戍展示餐具如何擺位... Errr... 唔知我特登擺錯的話, 會唔會被責罰嘅呢...
![](https://blogger.googleusercontent.com/img/b/R29vZ2xl/AVvXsEgKW5rA_U8moBm8Z7TFDi2_EAc8jqH0cQnL8OaQZDzAX8B15M2iYw1Du6i4yLuvOWsePrnhuPeotSyaHkrCqn1ryPuRQYXXtcMXtHXuAi11Np667EZgUMqp94tNAUthTqmqMEIahqpii556/s1600/DSC_3758.jpg)
前菜有6碟, 味道中規中矩...
![](https://blogger.googleusercontent.com/img/b/R29vZ2xl/AVvXsEgCRxG-NqTQ1lDjoquspixO1N33e9T36YZpehvstPMR46szSlG7UWOIQOv1TGKuGyTaaMkjFhA8kmCIe2CEBMYp3UhXVT0Tbfz4nIjoqVekNTahfUrrkJ-QfpF8TH2I_41pZWyDjvSbNN9b/s1600/DSC_3751.jpg)
韓松五花腩(厚) 150g $128
-- WoW... 好肥呀!!! 2隻o野一路行去韓松一路討論紅豆冰係減肥大敵, 又話飲1次就已經好有罪惡感, 咁, 五花腩唔通食咗唔怕肥?!! 真係神又佢鬼又佢... 哈哈!!!
![](https://blogger.googleusercontent.com/img/b/R29vZ2xl/AVvXsEg7n04CUfsvq36_XPwJPfGPVvpFFh93KPOnKPsrQOn2DsNCIWhAQsKsaWa-EOH5kqU5Q9T4gSFS8ST_7K1dO7s7vCVv6fVF48hqmj5zOaNIREYod5seAAktVuZOQPSCY46p_iANr0cLjHnF/s1600/DSC_3750.jpg)
職員大叔二話不說就幫我地擺平... 噢... 唔係擺平, 個盤係斜的!!!
![](https://blogger.googleusercontent.com/img/b/R29vZ2xl/AVvXsEjOffoqUxi9sWxY_dKOnpZKt6GrOJfXuhL4hLT_XeS47bWsplt_KAVjHo2bF9IvSNHdP8WQlHxDLl7eNGgoE6iNXK0a-YARpNPCHxLlskCRaL90eJUtYaLsb2H0XdtzR3L48-S9v8YhcqU5/s1600/DSC_3754.jpg)
烤出來的五花腩的油會流落泡菜度...
![](https://blogger.googleusercontent.com/img/b/R29vZ2xl/AVvXsEgVf1xkMlOFnE3JXQlR41vF185kFKwEf_9H9jYecIHnMk_G-w2RRa_WuF4aHf7QF3B5FSlkeND65TjNGQUkS7kYNlIw1XAKVzWKVfUZKQah7L-3IRM7C4tTadQ3gItB-52WDmmOrDNkkAXI/s1600/DSC_3759.jpg)
烤到金黃色的五花腩, 已經走咗好多油, 咬落滿口甘香, 好味呀!!! 點知泡菜仲好味, 吸咗五花腩的肥油, 香到呢, 仲中和埋酸辣味, 我同朋友狂隊好快就食清光呀!!! (隔離枱對小朋友, 竟然食剩晒D泡菜, 乜咁暴殄天物呀...
![](https://blogger.googleusercontent.com/img/b/R29vZ2xl/AVvXsEj9xR0y1mXOtkBeSGbx3JxQDM0vNKarYa-hxDTOcJhvKxqWYXskkJ3MLjJd9F_Rxb2AFqrZG8OCdBMO_OkULbMSal4qDDGApwlOS-yBPzIRuYZomu-w-uW2YeuXMC7SH1_mnm10zqWPIzDG/s1600/DSC_3761.jpg)
帶子 6粒 $148
-- 可唔可以擺得好睇少少呢?!! 咁嘅賣相, 真係見到都無食慾... 睇人地D食評都唔係咁嘅, 同埋我覺得人地果碟大粒好多囉...
![](https://blogger.googleusercontent.com/img/b/R29vZ2xl/AVvXsEhYIeTeVT6Ogc4gXOe08fIEYfLCmqsDbE8_giAne0xtvuZY69K7H394JJHCoR06Utfkbzn_pR5Hp5WRz7qfHP-1XGmRyeo5ltBAoknzpsbFmyDcqqWs9DWKGCbkvPRzneqlP6rIrGYxGnJH/s1600/DSC_3756.jpg)
不過好彩嘅係, 味道真係好好, 朋友一放入口就忍唔住大叫"好味呀!!!"... 口感柔軟中帶彈性, 味道都幾鮮, 唔知係咪因為塊鐵板頭先燒過五花腩, 有肉汁留低...
![](https://blogger.googleusercontent.com/img/b/R29vZ2xl/AVvXsEg2PImQ92ays9CfMLwd5uuQ9dCVlmfPVlzkcfoh6rmuQNn8pq4BvrJB_AGcv6WAnbC7yAnBCKzeT3H60AxvKSfIsKD1vGGjPNMWnHLA7F9yWOqKSHxXlO93QuTooma1bGmEmiGWVpSG0OLU/s1600/DSC_3762.jpg)
雞肉石頭窩飯 $98
-- 有飯焦的!!! 少辣的確不夠惹味, 而且飯身太腍, 口感不太好...
![](https://blogger.googleusercontent.com/img/b/R29vZ2xl/AVvXsEjS0z0sLpyoI5Gv0Sxm5_pW5GlVMVR7MUuo5zT9k4YMGzw4Hq4bNIt2Jdq86Za6GTTLGs9wSnhFOvXtD4aqu-6g0eSIzDlTIMwuFZeUEwTOSQTzHjzmDYkn-IuQySltTGthE2MkXT2AIWjo/s1600/DSC_3760.jpg)
又唔貴喎, 2個人只係4百蚊...
今日人太少無緣食王牛排、海鮮鍋、炒粉絲、炒年糕... 已知會台山四寶下次要陪我再來... 貓兄可以試下醬油蟹...
好懷念當年有高大靚仔幫我地烤五花腩, 當然服務比高分好人之常情啫...
今日初段都有個Kawaii妹妹招呼下, 到烤肉時變咗1個率性大叔, 更懷念當年果位高大靚仔... 服務又無網上食評講到咁差, 可能果D人無去過服務最差的韓國錦城飯店啩...
是次每人消費約 $200 元
味道: 4 環境: 3 服務:3 衛生: 4 抵食: 4
###
地址 : 尖沙咀柯士甸道144號祥景樓地舖B-C及1樓A-B室
電話 : 2736 8670
去得佐敦, 飯後甜品點少得"宏 日本麵日本甜品店"呢?!! 帶朋友去到門口, 佢讚間舖好靚... 揀食咩都幾苦差, 睇落樣樣都好好味咁... 走果時佢仲買埋外賣, 拎埋卡片... 咁... 我今次無介紹錯啦啩...
![](https://blogger.googleusercontent.com/img/b/R29vZ2xl/AVvXsEjG9guKpAct1LDy_rjjCUERMq1VWv4yr9i6Ge74Dh5t9kDLdlT8tA_C69fy_6bPyY6N_wUvGR5Aq89EVjWq6SCWaJmsZ8wk0UVI9NefkPCWnyuL4VUy6e0nwxkd_fYOUo7j9S2URKy6RfrS/s1600/DSC_3763.jpg)
哈哈... 好變態... 又迫人睇我去沖繩影的婚紗相...
好友º°*甜夢安睡☾。゚晚安★•*¨✬。☁
回覆刪除❤♬°•♩瞓覺覺豬喇。゚¤*¨開心星期一♪¤*¨♫*
:)
刪除記得幾前年去韓國玩時,唔識睇韓文,唔識點菜,只有看圖片叫菜,非常麻煩.
回覆刪除在我家附近大半年前開咗一間韓國餐,早排去試過,石窩飯和麵,都唔掂
我N年前去韓國是跟團的, 韓文真係難過日文好多(日文都叫有少少漢字吖), 唔係好敢去自由行~
刪除石窩飯都唔掂就好唔掂喎 @_@