力仔話想搵返童年回憶, 講到咁, 點可以唔瞓身支持呀?!! (其實我都想搵好耐)
去年開業, Food Bloggers們爭相Upload相片, 紅極一時, 想必定有其過人之處... (此思維可害你後悔一世)
的確, 我沒有做好事前調查, 是自作自受...
來到店外, 有點錯愕!!! 店內1個座位都無?!! 要坐係後巷食?!! 對N年無掃街同踎大排檔的我來講, 絕對係極地挑戰, 希望明天不用探海獅醫生班...
大粉 $26
-- 一睇個粉樣已知唔係自己的童年回憶... 蝦米又少... 細個時食勁多冬菜, 不過呢度得勁辣菜脯, 真係超勁辣, 落幾粒已可辣死我... 味道真的不行... 害我冒極大胃炎風險食呢碗唔係我回憶中的粉, 想哭...
上肶 $22
-- 又叫錯!!! 其實我地係要試招牌十八座火鴨翅, 神推鬼㧬, 唔知點解會叫咗鴨肶, 雖然個碗有幾滴火鴨翅跟埋來... 十八座火鴨髀大大隻, 啖啖肉, 如果食肉獸想填飽個肚都算唔錯嘅選擇... 鴨味是有的, 肉質偏腍, 不合我的心水...
魚蛋 $10 / 燒賣 $10
-- 全餐最有睇頭係辣魚蛋, 醬汁香辣濃厚, 蠻滿意的... 燒賣亦是我喜歡的, 食過有杞子果間超難食... 店員阿姐都幾好人,同佢講想要碗仔Share都好快手比我地...
價錢一目了然...
離開時先發現"勁辣菜脯 請勿高賣"的通告... 真係無諗過, D人連菜脯都要偷...
由一開始坐低最驚的事... 好彩臨食完先發生... 係後巷有烏繩高速飛行是常識吧... 我撥, 我撥, 我撥撥撥...
我的金句之一... 回憶總是美好的!!! 今天, 又要搬下出來...
是次每人消費約 $35 元
味道： 2 環境： 1 服務： 2 衛生： 1 抵食： 3
###
地址 : 佐敦寧波街27A地下
電話 : N/A
失落於十八座狗仔粉, 走幾步路去宏搵心靈慰藉...
綠茶蛋卷同咖啡蛋糕真係無得彈...
抹茶麻糬(Matcha Mochi)好正呀!!! QQ的, 甘甘的... 上等斯里蘭卡白毫紅茶是我必選的...
嗰杯茶我係去全世界都飲住。因為點解呀？我去到邊度我都好鐘意飲熱茶嘅，（去到）每一個國家必須要飲，抹茶乜乜乜。
沒有留言:
張貼留言