![](https://blogger.googleusercontent.com/img/b/R29vZ2xl/AVvXsEjRh53oZ7HYC_pbpSW4o75nC2CMFp4uHXucYXlln55RTHU_CKjtP0PuIDCAkW-vWKS0rr6GCd1vWLRpYnea2W_Mq59ka6-9USX06Yj-GHUkPNeqhpfA1NpgGoAn1y1cXyDp2dZhTXQWkpbZ/s1600/DSC09743.jpg)
曾一度掀起城中熱潮的台灣過江龍Dazzling Cafe, 試業時開店10分鐘派罄全日的籌, 都咪話唔嚇人...
聽講話而家星期六日都仲要排4小時, 攪到我一直都唔敢去試... 直至神秘食力組織"Blackhole | Atlantis | Bermuda"的骨幹成員強勢回歸, 我地又再次上演猛食出籠啦~~~
分析了眾多食評中的排隊數據, 選守為攻, 係Dazzling Cafe開門前30分鐘去到佢門口等佢開門!!!
11:30AM 到達, 大家睇下, 都無人嘅...
![](https://blogger.googleusercontent.com/img/b/R29vZ2xl/AVvXsEgS4EHbjRuAp3-xcw9JwKLYL8zczk3clH4UQHTnkZuvnfO0ILoyNplfeoVoRLLT0eITOo1Kh81HkwvcqqpG0w4aG5paTQ-wsMSM1sJl2hJEreLa97mEghXeKDu7EvOzoV_Mst9W4ELWGrja/s1600/DSC09731.jpg)
策略成功!!! 第2張枱呀, Yeah!!! 影下門口相, 傾下計, 唔覺唔覺就入得喇, 感覺上都唔使點排隊咁...
![](https://blogger.googleusercontent.com/img/b/R29vZ2xl/AVvXsEjfBymOHB6shRYCIju9FO5s7qhyphenhyphenOgMDM9ATlKSZL1joh9ztyK7Vgs3MCjOgOkEcg8P2iRX2_cv0RjS7mcu3B4LAzHznnSl4-QIsegU7F3xKmuTcngD-8KkNX6PCwU8cpPTZe6bTmmXVHOvB/s1600/DSC_3772.jpg)
不過呢個策略亦有風險, 排唔到頭圍用膳的朋友, 就最少要等1.5小時先有得食喇~ 排我後面的人龍都唔知入唔入得晒...
![](https://blogger.googleusercontent.com/img/b/R29vZ2xl/AVvXsEidtGhTGQNijK82jI2mkHj3qj__aojXnAr9wXDTtAt91RitdrMhggmDVpLyrgoot93h2EIIyhK_eTT1KncMWglOfRWhBDv83pQSYV0wPkaTCGowmrL4dKbaXuLoqx0QyyT7Y7-eX5uI0Ftn/s1600/DSC_3773.jpg)
12:00PM 開...... 閘......
![](https://blogger.googleusercontent.com/img/b/R29vZ2xl/AVvXsEgR4AzVRw4OGBhPtwfJdBF1wji1WRlbokxhoLTD1ZvqPNr1hTZXb_AhAX0-W-N8VobtDSEleR8n8mL3YPkZPlvl3oKwRzOGTzwANGnji4QmyACtx1X9XPRj8lygmMLinqCMkfle6K5HgtL1/s1600/DSC_3774.jpg)
好靚的Private Room 呀!!!
![](https://blogger.googleusercontent.com/img/b/R29vZ2xl/AVvXsEh0RJ0-n5fLEz2AuRFEi0DfZyaZp3lANniVYaxM9tACF0ViCF1SqYIzPtQY8Sz9NHlrMUc9NaP4Wtfr7kdZMT1CnTkYMtitgwf15HZ9IDdVhodx_11wKC-4qk7mzxv-2ulU01x5akCpAuN1/s1600/DSC09732.jpg)
好可愛的兔耳朵椅子呀!!! 好夢幻呀!!! 會否上演一幕Kenmerry夢遊Dazzling?!!
![](https://blogger.googleusercontent.com/img/b/R29vZ2xl/AVvXsEgz43p4cveN3gsWBkwn0mzxGxTK7XFSSqEGgpMWgIQaGEAB_QiLWWnFU04WfPxruJuTqS7Y6G6_BVGQEZ_oO9rq2eJOvAsp6-cNGgbWJ4A7q8k6wqoZ2sL_Ga1tAU67Z9ye0FDQ0prf4KD5/s1600/DSC09734.jpg)
窗外的景色非常優美, 俯瞰整個九龍公園, 市區中罕有的大片綠茵, 可惜背光嚴重, 難以拍得好照片...
所有店主都是刨冬瓜only, 不打緊, 你有你講刨冬瓜, 我有我講廣東話, 一樣落到單...
我地明明係第2枱進入店內, 店內座位未爆滿前已落單, 眼見好多客人都有得食, 我地等了又等... 等完再等...
齋坐了足足1小時... 煮1個意粉要1小時?!! 入座時強調限食1.5小時喎!!! 仲有2個甜品都未到, 點夠時間食呀?!!
佛羅倫斯花枝干貝麵 $95
-- 帶子好巨型, 柔軟富彈性... 意粉辣辣地帶點菌香, 幾惹味... Not Bad...
![](https://blogger.googleusercontent.com/img/b/R29vZ2xl/AVvXsEjLnVcm4v1Od1l1HYNUhAH5vVucFJLqkdzZv0npuKFD47GLPA_cpnHPzVUX8QQKk49OiOuLcwYbuJuvPhXaDzfk9ficJYmivV8JkzAo-oDj5685HO4G6AGmAirPDnxRhT0c8mjvn96vFHLB/s1600/DSC09740.jpg)
就愛草莓蜜糖吐司 $98
-- 必吃招牌菜, 好味卻沒有太大驚喜... 可能係好多其他餐廳食過蜜嘜厚多士... Dazzling的最大優點是將麵包切條烘脆...
![](https://blogger.googleusercontent.com/img/b/R29vZ2xl/AVvXsEiL9pNIUa9bEOGGh6fHvn421j9fYvkyjn0BHcxOvegVZrZ_tYVE1UEfsVTSfjxxFIU2O_SPooatwc2dCFVAjcDXjKUzLNY1YI70au8-YACNbkFR9SsCW8bcSS5TC5H7wBQlRunPPv7lnbj6/s1600/DSC09742.jpg)
經典巧克力鬆餅 $85 (加QQ麻糬 +$15)
-- 噹... 噹... 噹... 噹... 幸福的鐘聲終於響起了!!! 來個壓軸大驚喜... 第1次食加入QQ麻糬的鬆餅, 真係超超超超超好味... 酥脆的外層, 包住Q彈的內心, 熱辣辣, 口感好到無朋友, 朱古力雪糕味甘少甜, 撈埋鬆餅一齊食, 又冰又熱, 好味到停唔到口... OMG... 我的減肥大計會唔會就咁栽係麻糬鬆餅手上?!! 我腦入面已經盤算緊幾時再來食喇~
![](https://blogger.googleusercontent.com/img/b/R29vZ2xl/AVvXsEjRh53oZ7HYC_pbpSW4o75nC2CMFp4uHXucYXlln55RTHU_CKjtP0PuIDCAkW-vWKS0rr6GCd1vWLRpYnea2W_Mq59ka6-9USX06Yj-GHUkPNeqhpfA1NpgGoAn1y1cXyDp2dZhTXQWkpbZ/s1600/DSC09743.jpg)
![](https://blogger.googleusercontent.com/img/b/R29vZ2xl/AVvXsEjSLGfXfy0e0mBlMETPyRKYyYmD5GSCL8YWY__44offJQid3cdkbiDo-Gi2qfouoT8oUQ0QEGrooZqiqLr02h-0-ZdL-iKR3iUsaKsHbvUP4HmcIlRk3rmjzZcSPPuhgtham18T3JgdiuVU/s1600/DSC09745.jpg)
四水果茶 $42
-- 中伏... 點解1粒生果都無嘅?!! 只係1杯落咗果味香料的紅茶...
![](https://blogger.googleusercontent.com/img/b/R29vZ2xl/AVvXsEiBDa7U9bTZDYDKQnpxe2-MHprW19ZPWa_feRgRK6mk73Tz54GpVgGOnqEv0QVkWD3p2QgfObe5UpvUn9gq29srFFZYAw0RyQR9so9J6vfAjRE7Xk1anJpjYYws9mI0vC5ogdUkQhRBg1fs/s1600/DSC09737.jpg)
加粒整色整水的大棉花糖... 無助於提升味道或口感...
![](https://blogger.googleusercontent.com/img/b/R29vZ2xl/AVvXsEgH_cd-xykH2H51aLEBpX-3fYEwznvD50fMFswcaQqpJzxf78FCWOhu9D7qcpoj9_gZ3G6tAo_yREVfq0bH38BNjwlLh70V_kJExuRJ9yo4MU-1324L9KvfkOmfurdrvv60SYVJiCs5rXT2/s1600/DSC09739.jpg)
印度大吉嶺 $42
-- 力力話睇食評見多人讚所以試下... 未見佢飲完有咩Comment...
入座時話限食1.5小時, Finally坐足2小時15分鐘, 未知是否同落單接近1小時先上意粉有關...
我堅會Encore!!! QQ麻糬鬆餅, 你要等我呀!!!
是次每人消費約 $210 元
味道: 5 環境: 4 服務: 4 衛生: 4 抵食: 3
###
地址 : 尖沙咀彌敦道100號The ONE 3樓22號舖
電話 : 2312 6099
嘩~ 都好有興趣想食 QQ麻糬鬆餅!但如果淨係為佐食呢份野排甘耐... 都幾贛居吓 :P
回覆刪除哈哈, 大有人在, 我都唔想咁ON, 所以花咗少少時間鑽研策略, 慶幸成功了 :p
刪除