![](https://blogger.googleusercontent.com/img/b/R29vZ2xl/AVvXsEjLuxiwIktut-XplOqra260adLGxWqSaj2WJoJWsnsXjUuAykfJJv3AdX-JU36tt5RZAzJyIz99W3Io3VpX3WA9-3AjJqrd40FW65blIy6gWDn_xdm2o2tmSiCVfYO_DF_RTSQFqvbZG61b/s1600/DSC09786.jpg)
原本約好咗12月初去蟹膳食餐貴嘅, 點知...
KaKaMa突然話佢買比我地的台灣手信11月尾到期, 要緊急召集大家出來!!! 我第一個回應係... "嘩!!! 如果收到過期手信, 我一定第一時間Upload上Facebook囉"... 嘩咔咔咔... 真心話到咁, 仲唔係真正朋友?!!
奧海城III期離地鐵站真係非比尋常咁遠... 趕到我氣咳... 唔記得影餐廳門口個大酒桶...
![](https://blogger.googleusercontent.com/img/b/R29vZ2xl/AVvXsEgHBp2sGX6HOOK_5N2qt0ThbfRSgGP9buhIYlUH96i8vsPceZbmPTnVOEwyeJmtF197h_uWuv4eIqJ8N4eW67fLy74C5VqpaQF3uj96G3KfomcKnppDZiG8ocILQwIgZvnkYHnEuwT-L6a5/s1600/DSC09770.jpg)
![](https://blogger.googleusercontent.com/img/b/R29vZ2xl/AVvXsEgKwy-N7hrSz9HMMK41Oao2qJrpfE2p4tCGj57esu9YYQpha4YAOa7q6iOT-wIZOrRE2EXlpD1b6qS8aeAPSdlEI2Ei2evQ0tFktx2Mw8t851VEKCWotkiow5-2TvMa8R1xWSctB568UCqM/s1600/DSC09771.jpg)
![](https://blogger.googleusercontent.com/img/b/R29vZ2xl/AVvXsEi9_UpenFn0sxVaBpp-dxumEMYgR-a42W4DCXk4jeGfzXX1nauzpjXvwpL8ogcYdorZTUUgfVW9wnCqJ3QsQD7skNKlynIHxKZ19knjVrXL93HQIVKh53EIJzmMKhyphenhyphenCdNplnZDk-g8-ktUA/s1600/DSC09784.jpg)
![](https://blogger.googleusercontent.com/img/b/R29vZ2xl/AVvXsEgnjNB4FfT8ev4NwL7FylR3zYjydv7AzzolnP1aaQKiIDtuvkoUgQpeMxGu4Jn9O7-tJ6nUTcjGV1IsYWT07C6-B2H7UwCJvLY3rS9WnLJu8OjdOI_HICeNYkEjEF2hjOWj9H_u_5Q4FHf4/s1600/DSC09774.jpg)
其實... 我唔知點解壽星揀食德國菜但又無揀食德國豬手同飲德國啤酒... 不過坐低就有得食, 淨係需要苦惱飲咩好, 我都唔太介意嘅...
行到好口渴的關係, 好想飲凍飲... 左揀右揀都唔係太啱心水, 又係飲返熱檸茶... 最難得係阿姐逐樣推介我逐樣Reject, 阿姐仍然好有禮貌, 最後我問熱檸茶有無得Refill熱水, 阿姐仲話"有, 無的話我私人Refill比你", 勁豪氣!!! 阿姐, 比10個讚妳!!!
![](https://blogger.googleusercontent.com/img/b/R29vZ2xl/AVvXsEiUjsngJcJaCsscFmBhDNabnrDqUSe-ZccBLw9x0DGehseClK_Rv1PM7a2ulYwaCOb538XtohEas2yn52oEC6j0QNGgDWIGOodNhoLKgtcSYG9TkdRiRTKP1HkzcJt4025aHdIUEMbApJ-q/s1600/DSC09773.jpg)
Pumpernickel with Smoked Salmon, Potato Salad, Capers and Dill
-- 例遲的KaKaMa, 是要付出代價的... 成件事勁好笑, 咁受害人自稱已出站, 我地咪落單囉, 食物又一擁而上, 咁肚餓自然就會食, 點知比我地食清咁滯, 無理由留隻碟係度比人見, 我狼吞虎嚥薯仔沙律, 含住係口未吞就好趕咁搵職員拎走條碟... 偷食真係特別有快感, 哈哈哈...
![](https://blogger.googleusercontent.com/img/b/R29vZ2xl/AVvXsEitCiTh17MQMag2FpUP9WOhr6Z3nlKs-zn1Ol3DxmcSx-FcJjRwxzsFU2G0lPDIAI-6d6qJ1IFdAveCAXiTrO7EH1lnmu2QWZSbMm__VE-nRYiTcy0iPN14ppxh7QVSXIzx1C7yV-SPbtYA/s1600/DSC09778.jpg)
Berliner Warm Apperizer Platter 特色拼盤 $168
-- 小食拼盤有精選煙豬肉腸、德國鹹豬手肉夾餅配洋蔥蓉、煙三文魚伴德國黑麥包、香燒肉粒及炸脆大蝦... 個夾餅口感都幾奇怪, 味道仍未見精彩... 豬肉腸好味... 香燒肉粒不太行... 煙三文魚同黑麥包其實唔太夾... 炸蝦好油呀...
![](https://blogger.googleusercontent.com/img/b/R29vZ2xl/AVvXsEg-CyWBk4DssnzOp4TsXFsNRV0R-w25D0U0eA80Ibsu2UQy5pGTDcLhOUBODRXYX4dhuQGgd4Y-1MdS6QDyCs4kkjUyuO-lpcDofVcMSy6NZqxiJyRpL5Q9ZXgts1MG_DHduAoxb7Dw-2_n/s1600/DSC09776.jpg)
Pork Belly Sliders 德國式燒豬腩肉包配紅酒洋蔥及香草汁 $72
-- Mini Burger個包比較乾旱, 味道似麥皮... 餡料味道不見突出, 不難吃的...
![](https://blogger.googleusercontent.com/img/b/R29vZ2xl/AVvXsEjsJIq_3uWfcja-glqvoBtXoRXp2bFnqSCzWspMqU_l-dGARzYFHG7u0q15Il_jk1mghNATgVJfa5jCrGxvmBezlcMlxQBDYhmPMuOrafJ-88nIHdSVQhP6QFPY5-qp0ZYI68Bm5t8k5SWu/s1600/DSC09781.jpg)
Traditional Thin Crust Pizza 洋蔥煙肉脆薄餅 $128
-- 好味... 薄脆餅底唔錯, 咬落啖啖都係餡, 配料似食焗薯, 好香口...
![](https://blogger.googleusercontent.com/img/b/R29vZ2xl/AVvXsEibEN53DPnKgZWKWOl7kAPzM1h6t2ZfMJm-inkS4ku0MSgubAQWtLpQvmmvbPNVkm_DMZAX-Ia2vszont3fYmEQgce5jRZuZo9YBiohAeoFb5s1_TVrSOTgCZjnOUASjs2VmG-BgS9lBX75/s1600/DSC09785.jpg)
Sausge Platter of Bratwurst, Regensburger, Nurnberger and Cheese Krainer 肉腸拼盤配燒薯及酸椰菜 $218
-- 幾款什腸都好味, 唔會過鹹, 唔配啤酒都OK... 燒薯粉嫩美味, 酸椰菜酸度低, 為香港人可接受程度 (係德國食的酸到苦)...
![](https://blogger.googleusercontent.com/img/b/R29vZ2xl/AVvXsEjLuxiwIktut-XplOqra260adLGxWqSaj2WJoJWsnsXjUuAykfJJv3AdX-JU36tt5RZAzJyIz99W3Io3VpX3WA9-3AjJqrd40FW65blIy6gWDn_xdm2o2tmSiCVfYO_DF_RTSQFqvbZG61b/s1600/DSC09786.jpg)
甜品餐牌唔太吸引, 決定轉場...
樓上許留山係路邊開2張枱, 座位窄到喊, 食物唔吸引兼貴到嘔,坐低咗唔夠3分鐘起身走...
嘿嘿... 就係咁... 造就咗我第一次坐龍媽車... 我地出發去大角咀食街食甜品Lu~ Yo Ho~
是次每人消費約 $230 元
味道: 3 環境: 4 服務: 4 衛生: 4 抵食: 3
###
地址 : 大角咀海泓道1號奧海城三期地下G18號舖
電話 : 2148 5388
沒有留言:
張貼留言