網頁清單

2014年7月21日 星期一

加國「喜行」の《果然台茶》儷舍研磨咖啡 Leisure Tea & Coffee

21 April 2014, Monday

[9-13°C, Partly Cloudy] ~ Day 6 ~

今天參加了翠明假期的維多利亞1天團, 7時已出發, 飄洋過海, 11小時的行程當中, 最少有7小時是呆在交通工具上, 遊覽了Victoria Harbour, 吃了難以下嚥的午餐, 遊覽了寶翠花園 (The Butchart Gardens), 在BC Ferries上吃了美味的White Spot漢堡... 回到溫哥華, 應該很疲倦了吧?!! 想休息?!! 仲未得!!!

今晚約咗力仔舉行頒獎禮兼飲夜茶, 就算幾攰都好, 都要撐住呀!!!

明天參加了翠明假期的洛磯山脈4天團, 一大清早便要出發, 幸好導遊好好人, 主動提出來酒店接我地, 唔使力仔晨早6點來酒店車我地過2條街去Alexandra Road的Pickup Point -- Sheraton酒店...

回到酒店休息了一陣, 執拾一下行李, 今晚飲完夜茶返來仲要將個細行李篋拎去Lobby寄存4日, 玩完洛磯山脈4天團先Pickup返...

9:00pm 力仔來酒店接我地, 車咗我地去Richmond食街Alexandra Road... 從停車場的後門進入餐廳... 嗯... 儷舍研磨咖啡... OMG!!! 我都無同力仔提過, 我本來就Plan好同Honey試呢間台式茶舍, 估唔到會同力仔咁心有靈犀!!! 力仔話我第1次來溫哥華已經咁識搵食, 強烈建議我去urbanspoon開返個戶口, 哈哈...

餐廳張門口相係尋日拖喼去Coin Laundry時路過影低的...


餐廳內籠一眼睇晒, 我覺得瑞士小屋風味較濃, 我地坐係右手邊升高了的地台, 靠牆梳化位舒服到無朋友...



儷舍新鮮水果茶 CA$6.75 (約HK$50)
-- 力仔的另一半極力推介, 在車上到餐廳內不停強調同香港唔同... 賣相當然係100分, 新鮮水果多到迫爆個茶壺!!! 一飲落口, 當真, 果然, 好味到無朋友!!! 從未飲過咁好味的果茶!!! 超濃縮到起沙, 少少酸, 多多香... 天呀!!! 以後我飲唔返咁好味嘅果茶點算好呀?!!


蜂蜜菊花茶 CA$5.75 (約HK$40)
-- Honey真係好鬼滋補, 我地過到來日日挨暖氣, 個人Dry到不得之了, 佢居然自己識叫杯蜂蜜菊花茶來潤一潤, 眾所周知加拿大的蜜糖好出名, 比個叻你... 有圖有真相, 大家睇下個茶壺入面的菊花多過茶, 足本到呢...


紅茶綠茶奶茶冷熱一律CA$4.75 (約HK$35)...

力仔的另一半極力推介II -- 珍珠!!! 又係在車上到餐廳內不停強調同香港好好好唔同... 居然誇張到另外Order 1碗淨珍珠!!!
我心諗 : 好銀胃喎, 又硬, 食淨咗你食呀?!!
佢係咁叫我試, 我超唔情願之下, 舀咗幾粒入口, WoW!!! OMG!!! 點解可以咁好好好味嘅呢?!! 真係好味過香港食到嘅多多聲呀!!! 又柔軟, 又煙韌, 浸過黑糖漿, 唔死甜, 甜得來又帶點香, 超級好味唷!!!
舀吓舀吓, 成碗比我自己一個食晒!!! 力仔的另一半不禁露出勝利笑容... 嘿嘿... 呢一仗, 你赢!!!


紅豆燒餅同窩夫雪糕都係力仔推介, 味道都好好, 但珍珠實在超班...


十分感謝力仔夫婦請我地飲呢餐夜茶, 絕對係加國「喜行」的Top 10 Best Activities!!!

除此之外, 亦要多謝力仔為我準備的長途車零食... You're So Sweet!!!


原本聽朝要力仔6am來酒店車我, 我已經超級唔好意思, 估唔到佢仲驚我係車上餓親, 仲打算來車我前去Timothy's賣埋早餐比我上車慢慢嘆, 我真係好感動!!! 今次無機會試到加拿大出名的Timothy's, 希望有機會有下次再來試啦~

Urbanspoon的Link :-
http://www.urbanspoon.com/r/14/1421788/restaurant/Vancouver/Richmond-Central/Leisure-Tea-Coffee-Richmond

是次每人消費約 HK$ N/A 元
味道: 5 環境: 4 服務: 4 衛生: 4 抵食:4
###
地址 : #1110-8391 Alexandra Rd Richmond, BC V6X3W5
電話 : (604) 821-9998


加國「喜行大溫」2014 の 總匯 http://www.kenmerry.com/2015/01/Vancouver-Canada.html

2 則留言:

  1. 花果茶如此豐富 , 引得我躍躍欲試 , 下次到溫市都會試試 , 謝謝你的分享 .

    回覆刪除
    回覆
    1. 聽到你咁講我好開心呀, 我要努力D寫埋剩低果幾日行程先得啦 :p

      刪除