網頁清單

2014年7月13日 星期日

加國「喜行」の《難以下嚥》晉美海鮮酒樓 Don Mee

21 April 2014, Monday
 
[9-13°C, Partly Cloudy] ~ Day 6 ~

7:30am 從列治文出發, 搭車又搭船, 輾轉到達溫哥華島上的維多利亞市, 首要任務 -- 遊覽Victoria Harbour!!!

遊畢便驅車前往維多利亞市的唐人街...




China Town最大的中菜館 -- 晉美海鮮酒樓 (Don Mee)...


12:30pm 導遊兼司機Daisy在餐廳前停車, 指示我地上3樓後便驅車前往停車場...

行樓梯上到2樓, 點搵都搵唔到樓梯上3樓, 傍惶之際, 剛才係旅遊巴好嘈的大嬸拍一拍我背脊用廣東話同我講 : "係上樓, 唔係3樓"... 嘩咔咔咔... "火羅"爆的我只好以笑遮醜, 我從來唔否認, 我唔識普通話...

2張8人枱, 有6個菲律賓人迅速坐下, 2位大嬸不甘示弱, 插枱... 咁我地7個年輕人順理成章坐去遠少少的8人枱... 甫坐下, 即刻拎個奶媽(電)出來餵奶...


窗外的景色實在令我很滿意... 盛放中的櫻花, 心裡感到既欣慰又滿足, 第1天到達列治文時所有櫻花都被大雨打得落花流水, 我當時差點想哭出來...


得自己1個人的年輕單身男仔見我同Honey用廣東話溝通, 就開始搭訕... 問我地係咪溫哥華來的... 我明佢意思, 佢係想問我地係咪溫哥華人... 我答香港之後, 佢話佢都去過香港旅行, 仲問我地住邊區, 傾傾吓原來佢香港朋友的屋企, 竟然就係太古城... 佢係溫哥華讀書, 親戚遠道來到加拿大, 佢就陪親戚來Victoria觀光... 親戚?!! 個2位大嬸?!!

What?!! 6個菲律賓人先係佢親戚?!! 單身男仔係菲律賓人?!! 真係任你點估都估唔到囉, 單身男仔比韓國男明星更白滑更靚仔呢!!! 嗯... 咁點解佢會識講廣東話?!! 噢... 原來佢嘅廣東話係來自香港的同學教佢的, 普通話係來自台灣的同學教佢的... 嘩... 佢好叻呀!!! (心心眼)

原來佢的菲律賓親戚都識講普通話, 佢地係菲律賓去私校學的... (汗顏-ing)

講返餐Lunch... 從來對團餐不抱奢望, 可惜... 今天的團餐是絕頂的差!!!

炸雞
-- 睇一眼就知難食, 雞皮被炸至"乾硬化"... Honey迅雷不及掩耳夾了1隻雞脾給我, 之後我地掛住同單身男仔傾計, 同枱的2女1男竟然趁機將整碟雞食清光, 離開時其中個妹妹用"刨冬瓜"同我地講"慢慢食", 嘿, 我都唔知讚你有禮貌好吖?!! 定話你無Table Manner好?!! 我地跟團咁耐, 都未試過咁無品, 食埋團友的餸唔留比人...


粟米湯
-- Long Time No Eat呢種罐頭粟米蛋花湯... 的確有香港懷舊風味... 閃電上完6餸1湯後, 再無見過任何服務員...



麻婆豆腐
-- 難吃!!! 唔香又唔辣, 豆腐唔滑, 獻汁太糊仔... 吃了一口, 已給3個"刨冬瓜"清碟...


回窩肉
-- 難吃!!! 打瀉鹽般, 鹹到苦!!! 吃了一口, 已給3個"刨冬瓜"清碟...


IQ題開始... 請問第1張相同第2張相的菜, 與第3張相的菜有什麼分別?!! 3個"刨冬瓜"竟然掂都唔掂呢3碟菜, 好明顯, 佢地好需要飲"胚芽好立克"...




我已好幸運, 有隻雞脾咬吓, Honey同單身男仔先慘, 刨白飯, 無啖好食...

我食完隻雞脾, 就只可以"硬"食無味西蘭花撈飯... 唔係講笑, 西蘭花真係硬到無煮過咁...

Daisy終於出現, 見幾碟菜食剩, 問我地打唔打包... 打包?!! 咁鬼難食, 仲打咩包呀?!! 好食的話一早比人食晒啦, 仲洗咩打包呀?!! (火火眼)

收拾心眼... Next Station is... The Butchart Gardens!!! WoW))))))

Urbanspoon的Link :-
http://www.urbanspoon.com/r/317/1423866/restaurant/Vancouver-Island/Downtown-Victoria/Don-Mee-Victoria

是次每人消費約 HK$ N/A 元
味道: 2 環境: 3 服務: 2 衛生: 3 抵食: 2
###
地址 : #538 Fisgard Street Victoria, BC V8W
電話 : (250) 383-1032


加國「喜行大溫」2014 の 總匯 http://www.kenmerry.com/2015/01/Vancouver-Canada.html

沒有留言:

張貼留言