網頁清單

2014年7月13日 星期日

加國「喜行」の《飄洋過海》維多利亞市一日遊 Victoria on Vancouver Island 1 Day Tour

21 April 2014, Monday
 
[9-13°C, Partly Cloudy] ~ Day 6 ~

來到加拿大的頭幾天, 每一日都要與當地的親友聯誼飯聚, 今日終於開始玩2人世界跟Day Tour... Yeah!!! (errr... 其實今晚返到酒店之後都約咗親友去飲珍珠奶茶, 明天一大清早便要動身出發去4天團, 咁密集的行程都幾辛苦, 但開心享受)

我係大鄉里のVancouver Island唔係Vancouver... 第6場TAKE 2... Action!!! 

大家係咪聽到一頭冒水?!! 我初時都係... 原來Vancouver Island係北美洲西海岸最大的島嶼, 毗鄰BC省, 面積與荷蘭相若... 溫哥華島長460 km, 比台灣更長(394 km), 卻只有76萬人口(2011年), OMG, 我鍾意呀!!! (心心眼)

Victoria是BC省的Capital, 位於溫哥華島的南面, 每年夏天整個城市的街燈掛上1500個花籃作裝飾, 被譽為"City of Gardens", 係2009年被Travel+Leisure Magazine評為全球最佳島嶼第10位... IT係目前全市最大的產業之一(*0*)... 咁吸引, 點可以唔去打卡呀?!!


好想好想跟2天團, 慢慢欣賞咁人煙稀少的美麗城市, 順道係Fairmont Empress Hotel嘆個下午茶... 可惜留加時間不多, 只好退而求其次, 1天團照殺... (欲知報團詳情, 請看頁尾分解)

7:20am 導遊Daisy好好人, 主動來Radisson酒店接我地...

7:30am 本應在最後1個Pickup Point -- Sheraton酒店上車的人客No Show~ 正式展開長達11小時的Day Tour...


Daisy係廣州人, 30年前第1批中國留學生, 當年1間House只係1萬蚊... 最令我地感到親切嘅係, 佢同我地講廣東話, 哈哈... 佢係溫哥華唯一的女導遊兼司機, 勁!!! 啪啪啪啪... (掌聲)

在車上Daisy以國語及英語講解, 車上得我地2個廣東話人, 佢講完國語同英語之後有問我地要唔要講埋廣東話, Honey答 : 唔使, 重複得太多會好悶, 節省時間介紹多點當地風土人情更好... (查實呢, 有英文講解我地先OK)

Daisy : 好多人都知舊金山係邊, 但就無乜人知新金山係溫哥華, 因為淘金潮只延續了數年(1858~1865)... 今天的Day Tour將會橫跨3個Cities -- 列治文 (Richmond), 三角洲 (Delta), 維多利亞 (Victoria)... 非常誇張!!! 

雖然Daisy好好人, 留咗第一排位比我地坐, 車外景色盡入眼簾, 可惜坐我地後面果2位大嬸太Talkative同Loudly, 完全蓋過車內的Speakers...

8:00am 到達Tsawwassen Quay Market!!! BC Ferry前往Victoria的輪船會於8:35am啟航, 我地必需於商場內流連半小時...


Tsawwassen Quay Market內有食店, 但Daisy建議大家上船後先食, 到時有2小時可以慢慢嘆...


我地週圍影吓相, 睇咗一陣紀念品店就夠鐘上返車喇... 相中的白頭鷹標誌在附近一帶很容易看到, 代表該區是加拿大原住民棲身之處, 白頭鷹在原住民眼中是神聖的鳥, 是神和人之間傳遞信息的使者, 經常出現於木制圖騰藝術品...


8:30am 夠鐘上船啦!!! 嘩嘩嘩!!! 成架旅遊巴連乘客剷上船?!! 第一次咁樣上船法... 提提大家, 想去Vancouver Island, 如果唔想坐船, 就只可以坐飛機, 想坐車? 喔噢...


又要唱返舊年去南澳袋鼠島首飲歌... ♫去旅行... ♪搭車又搭船... ♪好暈呀... ♪快食保X丸... ♫

OMG!!! 唔記得食暈浪丸呀!!! 尋晚好攰, 無洗頭無刷牙就瞓咗, 瞓到失去知覺, 今次6am鬧鐘未響人已醒... 

船上有幾個休息區, 座椅好軟熟, 好好好舒適, 仲舒服過屋企張梳化呀!!! 附近有幼童Corner, 照顧週到...


船上有2間快餐店...



久違了的遊戲機中心...


甲板堅凍, 寒風刺骨... 為了欣賞如詩如畫的風景, 忍受刺面的強風是值得的, 但必需間歇性入船艙取暖, 否則會凍傷...





參觀完畢, 係時候醫吓肚... Breakfast Set 有6款, 我地Share食1個餐 -- The Westerly Sandwich CA$8.29 + 5%GST (約HK$60)... 車打芝士火腿煎蛋夾英式鬆餅, 又幾好味... 薯仔濕腍腍凍冰冰, 感覺像炸完擺過夜才拿出來, 非常不濟... Salsa醬更失望, 沒有香草味只有醋酸, 吃一口已吃不消...


吃飽繼續往甲板吹吹瘋, 好Crazy凍呀!!! 救命呀, 好大風呀, 吹到個人都左搖右擺, 企都企唔穩!!!

比個航海路線大家睇睇... 出發點 : Tsawwassen, 目的地 : Swatz Bay, 船公司 : BC Ferries...


10:30am 返回 Deck 2 停車場, 搵返架旅遊巴上車, 從碼頭坐45分鐘旅遊巴去到Victoria市中心...

11:00am 出發至今已3.5小時, 才到達第1個景點 -- Victoria Harbour!!! 逗留時間不多, 只有1小時, 根本沒可能走進必到的帝后酒店(The Fairmont Empress), 只好在Victoria Harbour附近粗略拍照... 帝后酒店每年Serve 50萬杯茶, OMG... 好想好想入去Hi Tea呀!!!


British Columbia Parliament Buildings多面影...








BC Time Capsule...


叫得花園城市, 街上的花多到嚇死你... 櫻花散落時, 最好就係同心愛嘅人一齊坐馬車, 一邊觀光, 一邊享受櫻花浴, 諗吓個畫面都覺得浪漫到暈呀!!!




12:00nn 發完夢未呀?!! 上車啦, LaLa聲))))))

12:15pm Mile 0 -- 紀念因癌症於18歲時失去右腿的少年Terry Fox, 他並未因此而自暴自棄, 反而計劃跑步橫跨加拿大來為癌症研究基金籌款, 終點定於維多利亞的Mile 0, 可惜只走了一半的路, 便被癌魔奪走生命...


12:30pm 午膳於China Town...

~ 加國「喜行」Day 6 待續 ~

<< 回到出發前>>

作為翠明之友, 去到翠明地頭加拿大又點會唔優先考慮跟佢團呢... 不過, 翠明假期加拿大都有缺點, 就係付款方法!!! 如果你想越洋報名並以信用卡付款, 竟然離譜到要你email信用卡底面的相片, 眾所周知, 有了信用卡底部的Secure Code在網上世界想買什麼也可以, 如果佢地的email被人Hack了或中了電腦病毒而導致信用卡底面的相片外洩, 不法子有埋你的簽名式樣, 到時冒埋你的簽名, 出事後想與信用卡公司爭辯都百詞莫辯... 當我是傻的嗎?!! (我舊年越洋報澳洲墨爾本的Day Tours都只係需要比Card#同名同Expiry Day)

等了又等, 到了2月中, 終於比我等到翠明假期香港出到團號, 急不及待衝去報名!!! 唉... 安樂晒, 終於可以上網Book酒店喇, 一日未定出團日子, 一日都唔可以上網Book酒店, 搞到日日擔驚受怕...

2009年跟翠明假期香港去德國瑞士, 當時導遊派咗2張$100 Coupon, 無Expiry Date, 我打定輸數帶埋去報名, 居然可以每人減$100!!! 仲要我地係翠明之友, 每人再減$50, 嘩, 減減埋埋, 仲抵過係翠明假期加拿大越洋報名, 好彩我之前無屈服啫~

以上所講Discount用於Rocky Mountains 4天團, Victoria 1天團團費每位HK$800另加CA$8導遊費...

報名前e-mail問翠明假期加拿大可唔可以來Radisson酒店Pickup, 原因是Richmond的Pickup Point -- Sheraton酒店關閉裝修半年, 對方職員拒絕... 值得一讚, 導遊Daisy好好人, 早一晚Call我時主動提出來我地下榻的Radisson酒店接我地, 唔使我地行十幾分鐘去Alexandra Road的Pickup Point -- Sheraton酒店... 感激流涕...


加國「喜行大溫」2014 の 總匯 http://www.kenmerry.com/2015/01/Vancouver-Canada.html

沒有留言:

張貼留言