網頁清單

2014年6月30日 星期一

加國「喜行」の《自助洗衣》Coin Laundry初體驗 @ Easy Kleen Laundromat

20 April 2014, Sunday

[8-12°C, Periods of rain] ~ Day 5 ~

 14天的旅程, 獻出很多第一次, 包括晨早就跑到酒店附近的自助洗衣店(Coin Laundry)!

旅途太長, 準備去冰川, 要帶厚衣... 喜行加國, 準備去飲宴, 要帶飲衫... 點樣可以將咁多衫褲鞋襪毛巾頭巾塞入2個旅行喼?!! 仲要帶化妝品, 護膚品, 沐浴品, 電子產品配件... 其實, 真係無位囉!!!

左Plan右Plan, 放棄旅行風桶, 放棄旅行熱水煲, 放棄呢樣放棄果樣, 都係搞唔掂... 最後... 決定上網搵吓酒店附近有無洗衣店... WoW...又比我搵到喎, 從酒店步行大約20分鐘... 就係咁, 我地只帶了8天的衣服, 毛巾帶幾套隔天在酒店房手洗, 總算可以用2個大旅行喼擺平...


其實親戚同朋友都有話可以拎衫去佢地屋企洗, 不過我唔想麻煩人地, 而且我已經做好晒功課, 唔好晒咗我一番功夫嘛, 旅行途中自助洗衣都係一種體驗嘛...

9:00AM 帶著Hand Carry旅行喼, 裡面塞滿了之前4日穿過的污衣, 從酒店出發, 沿Skytrain路軌 (No.3 Road)轉入Richmond食街Alexandra Road街尾, 全程慢行約20分鐘, 成功到達... 途中看到很多櫻花, 心情好興奮...
 




慶幸天公造美, 沒有下雨, 否則旅行喼必定變成落水鴨...

店內有多部洗衣機及乾衣機...


Step 1 唱散銀...


Step 2 買洗衣粉及柔順劑... 每1樣都係CA$0.75 (約HK$5), 2樣加埋HK$10... 當地人普遍係自己帶埋好大支洗衣液來...


Step 3 入錢... 洗衣CA$2.5 (約HK$18)... 入好硬幣, 要好大力咁推進機內, 如果部洗衣機引擎唔著, 要拉出來重新大力D推入去, 唔得就再來再大力D... 正在油油翻新牆身的女店員好Nice, 見我阿呆上身, 主動過來幫忙推錢... 推幾下搞掂... 跟我機的伯伯搞唔掂, 女店員出手十幾廿次都唔Work, 唯有幫伯伯轉機...


Step 4 落洗衣粉及柔順劑... 紙狀的柔順劑, 都係第一次見...


Step 5 洗衣... 完成時間約30分鐘...


30分鐘期間你可以離開, 如果唔驚比人偷晒D衫的話... 選擇留低的話, 有Free WiFi任用, 或者呢張破損的按摩椅...


洗衣店內好重清潔劑的氣味, 我必需離開... 嘻... 只係跑到洗衣店後門透透氣...

洗衣機停定後, 可以拎個藍放衫, 再推到乾衣機前...


如果衣物太厚太多水, 可以先以離心機飛走多餘水份先放入乾衣機, 例如厚被或地毯之類... 每3分鐘CA$0.75 (約HK$5)...


Step 6 乾衣... 每5分鐘CA$0.25, 30分鐘為CA$1.5 (約HK$10)... 女店員好關照我, 見我呆站乾衣機前, 走返坎主動提出幫手... 無佢我真係搞唔掂...

溫馨提示 : 除非你放衣物入乾衣機前全部逐一整理, 否則厚物30分鐘係乾唔透... 我地摺衫期間發現, 要逐一檢查, 可疑物要放入乾衣機中再乾多10分鐘...

11:00AM 開始好多人來... 佢地自己帶洗衣液, 揸車來, 係後門(停車場)入, 伯伯開2機, 3人家庭6機一齊開, 好誇張!!!

有個男人係洗衣店內食麥記飲咖啡, 佢睇Mobile TV打發時間, 不時大笑...

有人選擇留低, 亦有人選擇離開... 洗衣店附近有好多Cafe / 餐廳 / 酒樓, 如果唔係等陣約咗人食Lunch, 我地都會去嘆茶...

洗完衫摺好晒入旅行喼, 已經夠晒鐘!!! 急忙拖住旅行喼行返出去Skytrain Lansdowne Station... 超低能嘅係, 與友人會合之後, 佢竟然帶返我地入去洗衣店對面的餐廳食Lunch, OMG!!! 如果問定佢餐廳係邊, 我地同個旅行喼就唔洗行咁多冤枉路啦~~~


~~~ Easy Kleen Laundromat & Dry Cleaning ~~~
COIN LAUNDRY AND DROP-OFF SERVICE
Address : Unit 123-8571 Alexandra Road, Richmond, British Columbia
Phone    : 604-273-6925
Email    : easykleenlaundromat@gmail.com
Website : http://easykleenlaundromat.com/
Open Hours : 7am - 11pm Everyday incl Holidays (FOR SELF-SERVICE COIN LAUNDRY)


加國「喜行大溫」2014 の 總匯 http://www.kenmerry.com/2015/01/Vancouver-Canada.html

4 則留言:

  1. 路過的... Bounce 嗰兩張紙, 係放入乾衣機的, 唔係洗衫用既柔順劑 ^_^;

    回覆刪除
    回覆
    1. 謝謝指教, 我果然是剛出城的 :P

      刪除