![](https://blogger.googleusercontent.com/img/b/R29vZ2xl/AVvXsEhr8hOKY90i6IamPTCrhB-fPRA0yMtcoE8rezgm-hLwME9xvrlHBhzsYQTZsWfnmg0Oc5QgVtp5lg3qKIWodftT56w8vd7JZ0Nz8WnuSZc19KSTFKwzybhzC_rWSXuUtfz0eQKK3K9iNyuK/s1600/DSC08556.jpg)
出席完U Lifestyle x YA KUN Coffee & Toast 的 Private Party後, 有食友推薦附近新開的甜品店Passion by Gerard Dubois on Mody Road, 幾位同道中人昂首闊步前往朝聖, 可惜... Full House!!! 更遇到等位中的客人不禮貌對待, 真想同佢講一句 : 「放鬆點啦, 香港人」...
極速離開... 躊躇之際, 食友們提議到附近1間佢地之前去試食過的Dabyida Restaurant and Bar... 可惜... 坐低後先發現, 如果唔食Tea Set for 2的話, 並無任何小吃供應, Drink List更只有酒精飲品...
再次極速離開... 隔1個舖位見到有間酒吧, 今次我地要企係門口認真一點睇清睇楚個餐牌先...
![](https://blogger.googleusercontent.com/img/b/R29vZ2xl/AVvXsEiEVlKZ81p3mTK8w6UblD_hOmSYpqZyEzAn3A4wq6WdWZcHDrFq3VsBwqPqB-54M8Kqsz7ny-n4TfDUF_MeUO6iyVcl7d9Ia5-Sfu89URK9nW8e-KLIkjfylkGr2Uv6WZXKaMDqEVNDo5x2/s1600/DSC08532.jpg)
猶豫之際... 店員飛身撲出, 我厚住面皮問店內會唔會有凍檸茶之類, 店員答「第2個就無, 你就有」, 我心想「咁即係有啦」...
雖然是1間酒吧, 但眼見店內裝修都幾Stylish, 又好整潔, 座位又舒適, 得1-2枱客, 好適合靜靜地傾吓計, Happy Hour價錢又合理... 反正星期六係尖沙咀週圍都難搵位, 就決定入去博一博...
![](https://blogger.googleusercontent.com/img/b/R29vZ2xl/AVvXsEiH1S9kXFFOL2l-AwBnrKMMgVmtDdk66toc-jMkaACJ_Eyd1ekea-vO2RIc8CM9GbBu7K1bW1_uWYwLSjgrGk9bffSWKnSo-wwf98f0Rv4Ddy3Z4LmPdbXj519slaW9MHJmqxqUem3l4_xr/s1600/DSC08546.jpg)
Snack Menu有6款選擇, 全部$68...
Deep Fried Rice Ball with Mushroom & Truffle Fillings
-- 樣子不太吸引, 但切開後驚為天人...
![](https://blogger.googleusercontent.com/img/b/R29vZ2xl/AVvXsEi4kJsWoV0NDfvl0C2_EF-ESS5v0sAgz68YfSfuUUSOu2eaktHZuLIg2gtK6xEuw49-w7Y9h6q-uaqZJFmP38bo1KFkX9USXK3oRbXByAPSqo1TBGSc2Rhyphenhyphen-U1G7H4JuFtoo8MLx3tbSggI/s1600/DSC08542.jpg)
原來炸飯球入面係用意大利燴飯的, 外脆內軟, 入口好Creamy, 味道非常好, 正!!!
![](https://blogger.googleusercontent.com/img/b/R29vZ2xl/AVvXsEiVr8K7xiVoC8URwG5zQW87iMs1HxW-8gEi_8_deTpDGGxvRaO1lXqsuw-n-qTnBR95p2OeT0LfFcHxfct0lkqZw5ajgdFRa2cY46Wn49LkCUSU0n5KBjBIlFqD4R_OwSHA0wrlxpoAXEId/s1600/DSC08544.jpg)
原來酒吧以前係無小吃供應, 係近幾個月先有, 關鍵正是剛才飛身撲出的店員, 6款小吃正是佢的傑作, 佢之前係Cova做過, 認識Cova的意大利總廚, 店員來到酒吧後便發揮所長...
Virgin Colada $40 (Happy Hour價)
![](https://blogger.googleusercontent.com/img/b/R29vZ2xl/AVvXsEg0H_rSygiGFNRceLqH38spOr0n0QkBMgFJCsff_bfGbm1a2WktbaPmR_VTu9DFfAe-igWWZSgFOpvd5OdiprG5FRzOV-Fjr9xMBUb-CLOa3vKrEKu4ezrMbrocVa5pKljFknPDIh01HfJq/s1600/DSC08543.jpg)
Strawberry Kiss $40 (Happy Hour價)
![](https://blogger.googleusercontent.com/img/b/R29vZ2xl/AVvXsEixDera0nT5I321-ArEntHGqUsO3aBlG5yaIp20YjJTBw1rUARTpmTyCHWcE2yyWLQad4P_YnzFTDimr5bEkjvia-WlDUY6MZ8EyB14L7dqO4dEA3KhQVrxrfzwD1wQlDEVKeFt3YI1AsHw/s1600/DSC08541.jpg)
Stella Artois $48 (Happy Hour價)
![](https://blogger.googleusercontent.com/img/b/R29vZ2xl/AVvXsEhef68retsW1JC87xc06UgOJNX1x2XFvadYfW3dd2hHvxmPoyhJM3jAvXyOqoM5siRhbYBmpQhtXjuMo1QiJfGUVt0riBEpXMIh-hhwo69jmww_aMpdH_CmYxqSWTpJXHhkkQnhj7JRS4iR/s1600/DSC08539.jpg)
Oreo Speed $60 (Happy Hour價)
![](https://blogger.googleusercontent.com/img/b/R29vZ2xl/AVvXsEiBFuwNTq2Au6I-dozaNky9KBSg3wwmz6xaFLhD86A-Uldaju04HU9SycpT7nZI4V-X5uQx6oHIA9jo7YnlnBYEh55mqFUfd1oWWOrqh_glNsLQ-QwlDriUjBmBn3jWd-bAEpWCSVH6UOvn/s1600/DSC08547.jpg)
5個女人幾多個墟?!! 我唔識計...
傾到另外2枱客都走埋, 我地變相包場... 戰地記者再深入少少酒吧區影多幾張相... WoW... 有Live Muic Show...
![](https://blogger.googleusercontent.com/img/b/R29vZ2xl/AVvXsEh4tQKHePpprCbgQMZpm9rssNVtDqekXuL-pWhcw-iJ-pnmRsxl_NloJTrNuxoa0OmjWJr7S7quMghGxVqPihQ9df_GpOKPVqZ4ORwMcglFHcVaLRJesWB9Sh_hBz-KTEXw27heKoTx58oW/s1600/DSC08549.jpg)
老闆一眼就睇得出我用Sony Cybershot DSC-RX100咁利害?!! 仲讚我識貨... 細問之下, 原來佢自己都係用呢部機, 唓, 即係你讚緊自己識貨啫...
玩樂區...
![](https://blogger.googleusercontent.com/img/b/R29vZ2xl/AVvXsEgSwKatMQr_CGMWbkTl6YCkLgAF3XXCIzQUdKjn3pMtO9x2Hg7kincgd596qqBG1PfhunL-SvyrmJr-PeL1OL3fn-0-1wkvdM4oTNrFpl2q0uR5LovEA_c9djQv1QN0Dj37gwXREYGJYXt7/s1600/DSC08550.jpg)
3點坐到5點, 坐足2個鐘, 傾得好滿足, "星爸爸"價錢, 5星級酒店享受, 好自私咁諗, 唔好話比人知, 如果唔係下次來肯定無位... 不過又做唔出, 始終我唔係黑心人, 都想同各Blog友分享, 等大家去到尖沙咀想搵地方飲杯o野坐吓傾吓計都有地方落腳...
店內沒有半點酒吧必有的異味(煙味, 嘔吐的酒味)... 正!!!
Happy Hour時間超長, 星期日至四 中午12點到晚上9點, 星期五至六 中午12點到晚上8點...
離開時店內開始亮燈, 氣氛更浪漫, 熱戀中的情侶Must Like...
![](https://blogger.googleusercontent.com/img/b/R29vZ2xl/AVvXsEhr8hOKY90i6IamPTCrhB-fPRA0yMtcoE8rezgm-hLwME9xvrlHBhzsYQTZsWfnmg0Oc5QgVtp5lg3qKIWodftT56w8vd7JZ0Nz8WnuSZc19KSTFKwzybhzC_rWSXuUtfz0eQKK3K9iNyuK/s1600/DSC08556.jpg)
是次每人消費約 $70 元
味道: 4 環境: 4 服務: 3 衛生: 3 抵食: 5
###
地址 : 尖沙咀棉登徑8號地下9號舖
電話 : 2722 0050
呢個炸飯球是意大利餐的 arancini ,墨爾本有一條街叫Lygon St. 有小意大利的別稱,差不多間間都有供應。
回覆刪除嘩, 你好勁呀, 我完全未聽過arancini, 多謝你教識我一樣新野, 呵呵, 即刻袋入袋先~
刪除我舊年去墨爾本無去過Lygon St., 如果有機會再去一次, 一定要去試下d意大利餐 :)
勁乜呢?你咪仲叻,寫幾百篇食評,我就唔識寫,只識睇人食評跟食,因為我老婆懶,唔鍾意煮,而且又話唔識,咪成日出街食咯。
刪除wakakaka... 我都係無(煮)飯太太, 我老公都好慘, 咁多年來都成日出街食 XD
刪除點解被人……,喺咪有誤會
回覆刪除幾舒服,人客少,食物唔錯
但酒吧都咁早開,生意難做
唉... 我諗住等位, 見有個男人企係九里遠望住同一張大枱, 佢得1個人, 我地5個人, 當時有張吉的2人枱, 我咪問佢"唔該, 你係咪等緊呢張枱?", 佢兇神惡殺咁答"唔係我企係度做咩"... 我都懶得再同佢講野, 即刻轉身背住佢... 我地離開餐廳後, 我見到佢係餐廳週圍行, 望入D廚房度, 根本無等位~
刪除