![](https://blogger.googleusercontent.com/img/b/R29vZ2xl/AVvXsEiw_r6LO_lrnBexJHccB7r4Kisk7q4zyBSjH8rmf0B8VxueWAtFiiDPiGk5sbmrWvqt6c0cbTxjZTdjMPIYaSkEgUrefpr1W2IP6xTGyiwafRz58OVg763ah2-rCEBvMup6zugPm1sS8KRp/s1600/DSC_2170.jpg)
上次去韓國街食完秀韓國餐館, 比KaKaMa發現樽裝香蕉奶同士多啤梨奶, 今晚佢又話要補貨, 所以地點一定要近韓國街... 就係咁, 揀咗呢間印尼餐廳...
我抽著幾KG的手信, 緩緩步至餐廳, 竟然仲要我行1層樓梯, 過份吖... 好彩即刻有位坐, 否則我對手一定會斷開... 今日又係我最早到, 唔打緊, 影吓相先...
因為手信太重, 唔想再帶相機增加負擔, 就用Sony Xperia Z1影住先... 店內環境異常陰暗, 加上食物賣相不吸引, 無心機影, 相片質數奇差...
大把卡位都唔比我地... 可惡!!!
![](https://blogger.googleusercontent.com/img/b/R29vZ2xl/AVvXsEgc4Slifqdo3rZ8nJxvwfWNh8qAfg74rcyp3mR5by_poZ6Ubqpf-51y1Kpu6y-CGwywxogmiLWXLY3wEQZakg8VdAHo1YZ67xZqddzw9q9gQwYopKV1GQG8-_j_s8oy_Tg0bAiqqKTM0bHl/s1600/DSC_2166.jpg)
餐牌與桌布...
![](https://blogger.googleusercontent.com/img/b/R29vZ2xl/AVvXsEh1bXJJDxUev0PgK27lugqMwgNKIxgYk5Dy2TcUImsU4Mn_Xx9m28RGBlatFlMuI6X0wxbd8DujX0GN_UWpFyi2rQI7MlXRzEK-pjZVAAGdvULZfPjB6NbSGQu3ao4NliwgvvHz-f61Jsno/s1600/DSC_2167.jpg)
~~~ 時隔1個月先寫呢篇Blog, 記憶已有點模糊, 哈哈 ~~~
煎粟米餅 $60
-- 其貌不揚之最 x 美味之最!!! KaKaMa真係好鐘意食炸o野, 第一樣就叫煎粟米餅, 當時我心中暗忖 : 何解妳咁鐘意食炸o野, 好熱氣好油好肥... 煎粟米餅上桌時醜得離奇更讓我厭惡它,誰知咬了一口, 嘩!!! 好味到吖!!! 香酥鬆脆, 熱辣辣, 嗦嗦聲2啖食完... 死喇, 希望我唔會從此愛上食炸o野, 否則身形肯定4級跳!!! (現在已肥到屎)
![](https://blogger.googleusercontent.com/img/b/R29vZ2xl/AVvXsEiw_r6LO_lrnBexJHccB7r4Kisk7q4zyBSjH8rmf0B8VxueWAtFiiDPiGk5sbmrWvqt6c0cbTxjZTdjMPIYaSkEgUrefpr1W2IP6xTGyiwafRz58OVg763ah2-rCEBvMup6zugPm1sS8KRp/s1600/DSC_2170.jpg)
印尼香炸雞翼 $70
-- 嘩?!! 又炸o野, 妳想點呀?!! 炸雞翼乾了小小, 味道無乜特別...
![](https://blogger.googleusercontent.com/img/b/R29vZ2xl/AVvXsEjz2wyA4R0MZoohKMnZvmqv_StMBH9RQD4ZJ2G7NHM8ELb60OTWGbguTM0UiX17xWl6p_7Uk450f8NfU82TUCCdIubz2pNQljxS4gQR_VvUXQuSYPWp7Q0OVmgDi-7vpboyCor3BOUtPyJ3/s1600/DSC_2171.jpg)
加多加多 (印尼沙律) $80
-- 賣相嚇人到不得之了!!! 蝦片唔脆, 已沒心機... 蔬菜一向唔係我杯茶, 不太喜歡...
![](https://blogger.googleusercontent.com/img/b/R29vZ2xl/AVvXsEgmqOWaJ4nMhcVpdhaRrX0f0jB5-Cg4V0DisHq6S0qazJtQdt8P4RPpaS-wA5ltXWWMsTDP07jzM91FY5FZQYEv7mcLu4-8H6bb0uJS185foL6lNdp1P6eQnVEhag6OK1nX8TZZdAtjOF5q/s1600/DSC_2178.jpg)
羊/豬肉沙爹 (半打) $86
-- 燒得焦香的沙爹, 肉質不乾硬, 蘸上大量香甜沙爹醬, Yummy!!!
![](https://blogger.googleusercontent.com/img/b/R29vZ2xl/AVvXsEjgnm2aih-XngVLAyob8vV9to0gqyS6EgZempjoXtLEpo71pJaCego7W2JVX-mWwgmoLrI7frfFy_-QwzAl1mvc9OxqHHRKCUJ65m91Jq7h5LdE5exoFO8gleS_uLgPTdxpXHFiwPXiSx6F/s1600/DSC_2169.jpg)
印尼炒米粉 $78
-- 作為一個炒米粉痴, 要遇上讓我吃一口已不想再吃的炒米粉, 是頗有難度的... 點講好呢, 淡囉, 料只係鋪面都唔係撈埋一齊... 個賣相唔掂就緊o架啦...
![](https://blogger.googleusercontent.com/img/b/R29vZ2xl/AVvXsEj_Dxw9y7sU3Dm4wkMjcaIpu2hYdFs2Dseix1vGmGoPw6rq0vPZQn_8bxbeiknuRfdsKPQhO7iTrZEGYAOgaWcFUdJAGAeRNO8SKGlS3ly2wo0V4lXivMFL58jykSmKz1aIsKADKGs465_i/s1600/DSC_2179.jpg)
咖喱牛腩 $82
-- 食咖喱蘸薄餅是常識吧?!! Sorry, 呢度無薄餅... 個咖喱汁好稀, 睇樣都知麻麻地, 唔想撈白飯, 結果齋食...
![](https://blogger.googleusercontent.com/img/b/R29vZ2xl/AVvXsEjROzCnA36JvjnWEgLphbxAMB4OzxqahRN26Gkv3LhIcLfe1HvyKIw_GtQw4ukfSLzdcSFbcQ1Ggv_8VWiMvN0yqm8bfXhryHHgxA0wMJXMbVzijGYd36DtZjM3EpkddRerUiFf2vP_0CHm/s1600/DSC_2177.jpg)
珍多冰 $35
-- 小時候到雍雅山房飲過珍多冰, 童年的記憶烙印於腦袋深深處, 讓我今天不顧一切喝下呢杯珍多冰... 其實呢... 珍多冰一向都唔好飲嘅, 因為有我最憎的椰子味, 仲要冒肚仔痛的危機, 都係童年回憶作祟...
![](https://blogger.googleusercontent.com/img/b/R29vZ2xl/AVvXsEgpIZhQkgS4SslE1vryZ2kzKnEXsPT-4PDF4VsDQdhDTTMvjoTC8RNBY6Agd853NkD2codI35MiLo-30TyUwry7MHbnDYfYC0yV8iY7E8R2l3_vBvRQrWPSQJTz5yPmfjZ5le0w0SvwWluw/s1600/DSC_2176.jpg)
4個人食咗$800, 覺得有點不值... 服務一般般, 味道一般般, 賣相驚嚇, 環境讓我有點擔心會身痕, 好彩最後無事...
若不是到處都Full Booking而呢度仲有得Book位, 真係唔會來囉...
不過今晚都幾開心, 除咗一班死黨都幾滿意我送的手信, 我地仲影咗張自拍晚餐合照Whatsapp比今日生日的無敵, Caption係我地食緊佢餐生日飯, 超抵死, Wakakaka... 無敵, 見到此Blog的話, 唔該你組織一下5月之星生日宴...
是次每人消費約 $200 元
味道: 3 環境: 3 服務: 3 衛生: 3 抵食: 3
###
地址 : 尖沙咀加連威老道66號1-2樓
電話 : 2367 3287
沒有留言:
張貼留言