網頁清單

2013年12月7日 星期六

微型公仔屋 の 迷你煎釀三寶車仔檔 (Dollhouse Miniature の Pan-Fried Three Treasures Trolley)

5 December 2013, Thursday


學緊迷你魚蛋車仔檔時走咗2堂去澳洲旅行, 回港後拼命跟回進度, 順利於課程結束前峻工, 都要再多謝一班好同學關照...

迷你煎釀三寶車仔檔極速跟貼課程進度, 5月中已經全部做好, 只差最後一步... 用百膠漿貼實三寶然後落埋油落油鑊... 只需要1日時間就能峻工拍照, 但我竟然掉低咗7個月先係書櫃攞返出來, 搞咩呀?!!

哈哈... 其實我好怕用百膠漿貼實完成品, 因為驚貼得唔好睇又拆唔返開, 會浪費之前下的苦功...

新一系列KERORO微型劇場, 籌備經年(擱置7個月), 隆重登場!!!
KERORO X「微型公仔屋 の 迷你煎釀三寶車仔檔 (Dollhouse Miniature の Pan-Fried Three Treasures Trolley )」第12場TAKE 9... ACTION!!!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
背景音樂 : 《沉思曲》Méditation from Thais (經常出現係粵語長片中的「悲傷」的小提琴配樂)
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

開檔前撻著石油氣爐個火先... 嘿... 呢支火柴會唔會大咗少少呢?!!


Keroro Solo 獨白 :

香港租金太貴, 無力負擔, 鋌而走險, 轉行做走鬼檔!!!

新鮮滾熱辣嘅煎釀三寶...啦喂!!! 唔好味唔收錢...啦喂!!! 埋邊坐... 樽裝可樂3蚊支...啦喂!!! 隔離檔咖哩魚蛋蘿蔔豬皮魷魚都係我睇o架...


紅腸, 尖椒, 燈籠椒, 豆腐, 茄瓜, 魚蛋, 實有1款啱你口味...啦喂!!!


小心滾油...啦喂!!!


10蚊3串...啦喂!!! 要紙袋就自助...啦喂!!! 豉油辣油甜醬自己o黎...啦喂!!!


嘩咔咔咔... 無聊完畢!!! 多謝Keroro-San粉墨登場, 幫手睇檔煎釀三寶!!!

煎釀三寶車仔檔全相...




由於時間關係, 趕到連背景同地板都無攞出來,燈都無打, 好彩白雪雪影出來效果都唔錯... 唔打燈齋靠陽光都好大代價, 斑斑噓噓聲湧緊出來呀!!! Oh No!!!


今次的制成品我真係幾滿意, 雖然係混色方面仍然係重手咗... 可以鬆一口氣?!! 唔得喇, 仲有雞蛋仔檔呀, 完全未開始過, 得1個月時間做咋, 下個月又要開學啦~~~

 ###  拉姑網上微型教室 ###

請大家先準備好樹脂黏土及各種工具...

** 重要聲明 ** 由於時間關係, 車仔已經預先準備好!!! (同Miss買的, 唔係我自己鬥木)


拉姑網上微型教室, 學歷、年齡、性別、國籍不限, 有興趣者皆可... 大家都立即一齊動手做啦, 埋位啦喂~


Step 1) 紅腸

樹脂黏土, 肉色, 搓成長柱體...
樹脂黏土, 紅色, 搓成長柱體, 壓扁, 包住紅腸肉, 煎走多餘的紅腸皮... 待乾~

Step 2) 豆腐
樹脂黏土, 肉色, 搓成長方形... 待乾~

Step 3) 茄瓜
樹脂黏土, 肉色, 搓成長柱體... 待乾後油上紫色~

Step 4) 燈籠椒
樹脂黏土, 綠色, 搓成長柱體, 壓扁, 窩出弧形... 待乾~

Step 5) 尖椒
樹脂黏土, 綠色, 搓成水滴形, 椒頂插孔... 待乾~


Step 5)
乾後切開...


Step 6) 魚肉
樹脂黏土, 肉色, 釀到蔬菜上... 待乾~


Step 7) 
乾後油上啡色...

完成!!! Yeah Yeah Yeah !!! 今次的作品我真係幾滿意, 開心, 呵呵~~~

再次感謝我最敬重的老師, 悉心教授如此精美的煎釀三寶車仔檔~

9 則留言:

  1. 香港邊度有得學?類似一日速成/入門班有無呢(始終我在香港逗留嘅時間有限)?

    回覆刪除
  2. 真係好似呀!!! 十足十呀!!! 連滾油都有泡沫!!! 十個叻呀!!! :P

    回覆刪除
    回覆
    1. 呵呵呵呵... 多謝芬妮讚賞, 好開心呢 :)

      刪除
  3. 整得好靚呀!
    小禺無玩開迷你食物,不過覺得超得意
    之前買落幾包黏土仲未用,唔知入門係整咩既呢?

    回覆刪除
    回覆
    1. 多謝小禺讚賞, 好開心呀!!! 我唔係學咗好多個Courses咋, 唔敢扮專家, 以我所學過的, 糖果同朱古力手工較為簡單, 出來的效果都幾Sweet :)

      刪除
    2. 吖, 魚蛋同牛丸最易, wakakaka...

      刪除