![](https://blogger.googleusercontent.com/img/b/R29vZ2xl/AVvXsEj0FNc6P1SFK_HzUELCny9Sjrg8iPqoTK1Cw49w2AUSR5Og6CHjmf6ODH8sTcFPBVuX0EloIUP93tNIyKSoozFNCJZoQwPiFG40BZFND3FSUizxhmPocVVWrpNlodsUSLBoRoxM1C_9TOVp/s320/img1541658008329.jpg)
紐西蘭嘅最後一夜,係行程中最震懾人心嘅一夜~
約翰山天文臺觀星之旅(Mt. John Observatory Tour)!!!
全球七大國際星空保護區之一!!!
單憑肉眼就睇到銀河(Milky Way Galaxy)!!!!!!!!!
震撼程度係完全Unexpected!!!
同一日內睇完冰河,再睇埋銀河,我係山上第一句說話:我想再黎呢度呀!!!
睇完冰河之後,我地先返酒店check-in放低行李……仲要放低埋相機,因為……山上面唔比影相!!!(白燈會影響大學收集天文數據)
17:00pm Peppers Bluewater Resort
![](https://blogger.googleusercontent.com/img/b/R29vZ2xl/AVvXsEjCNU1WXNBkCGJaeQioxTHlb6U5WzrtD6jHPGfUeCmubaLXGpMEaAtuQY_aDBJM3kZjTjZmpa49K47FdmWiyLUR_1sBATRVSkLdFUedlKJRxjS0i3GgstyHExW1yBywMXoUCGOpHR6nT6UA/s640/img1541654934311.jpg)
未夠5點黎到,一直比唔到房,擾攘一輪,將我地一團友分開2大區,聽講笑口常開嘅司機都忍唔住同酒店嘈~(因為區與區之間距離頗遠,拖住大行李不太好走)
我地住呢一棟地下中間,打開落地玻璃窗可以坐係陽台欣賞令人屏息嘅美景,特卡波湖(Lake Tekapo)同新西蘭最高嘅山峰庫克山(Mt Cook)!!!
![](https://blogger.googleusercontent.com/img/b/R29vZ2xl/AVvXsEgEkYqceUyxEaNZih_xQqbkylY115lhZ3_iTukeDod6j0jo_12_kdQY-d4vy4o6ZEZKrlCZnLCR0T-HOIkNzYCXMeXobAycchi6hzEwQCUCMwg_maGIz-lpI3URhvAFJnDYGCxuMk9-fbxr/s640/img1541654974960.jpg)
![](https://blogger.googleusercontent.com/img/b/R29vZ2xl/AVvXsEjnBMdZbikrcGCettOXzagHpjwJ4Rbvu34DfEDE1NOz-RJ9zwhV6X_fvCq2roKlmuxh273Zb8tmgxpJaQ3WjsULbvyFUiGMkYJ8PWQFZT1T6ZtR3dtqU8zyxttnDigwkuw_ln8fMbF9B432/s640/img1541655165661.jpg)
![](https://blogger.googleusercontent.com/img/b/R29vZ2xl/AVvXsEg1XfDVRtRBLg0-4jjLmPYOTkuLKSUVvfCOgBCrmuT1N_4I-elp0pAS_ywjRoMktK5TvX86T5EEYL8jc0y9V0dOh1Uv5ehQD5xic8KLdyTw7dNUPwN6W3-4cdGLDjmLKh0zIk6jVQzX22QE/s640/img1541655373235.jpg)
浴室好大,有浴缸又有淋浴間~
![](https://blogger.googleusercontent.com/img/b/R29vZ2xl/AVvXsEjAeSlr-dYFl0NL08Q7QmWqG0ZvI0LI29JG4t-kdl7H3SWC1-pVtvTNOe5Mzf4mGsBP-ttmNMSCbyXt2HL-fmWFK1R7AYI_ZnWOmOfd1kmRx7pIynFq3A5E0EoC-oLYGrI42v_QC1137K86/s640/img1541655296079.jpg)
![](https://blogger.googleusercontent.com/img/b/R29vZ2xl/AVvXsEh63Kj7g98jFGwEvijqB-1gDH9BkSqw7lWn_5R_-jeAST1S43U60iAoBwTehMviYvlxiimVMB6mmIO1BZLIlYhS6YWzSbfdWkrnbhJzi7nr67ELwa6gsgLlTbeQFmkQa3JbZLU-bKSAicw_/s640/img1541655272959.jpg)
唔知有無人夠膽夜晚打開落地玻璃窗瞓覺嘅呢?
![](https://blogger.googleusercontent.com/img/b/R29vZ2xl/AVvXsEhdZEUFjYsekUPPhyphenhyphenQ328WCeoXXxR8-AFpEOKEWzaqqBcwpY1IU4uo0h-GiQQWyxOrD9vOe8xEFCCyFcvo4x9uKbgOAEWDXaOiX7hxiceDzjGg1Qu1PqSsIWD9qDqFfNvXdd5mRrYc3q3Yb/s640/img1541656007369.jpg)
我出去囉~
樓上樓下嘅房間係子母房,大門入面又有2度大門,可以分租,又可以租晒整棟,只關最外面嘅一度大門就變成Family House~
![](https://blogger.googleusercontent.com/img/b/R29vZ2xl/AVvXsEhIs4o1fv26jJOSWly5YjXFvY50j5Z2aNfMasFeF_jJCtHQ_RFefK4HC86iBxSj3-Tn_4pnuMlro9sPaiNFfzVBdWmT8tyyteToGRZ7qZ-z0l9if96qf-7fdY5DTqsFAu5RqYdKvIvwo-yy/s640/img1541655247784.jpg)
由客房行去餐廳都幾耐吓~
![](https://blogger.googleusercontent.com/img/b/R29vZ2xl/AVvXsEh524ab1GlN1ia-fPiEKJ6_KGfnMWfEUE0k3rQDb9ZBrFww5Ybp4dtCCEHAmqDrJ65ERdJOXGmXFvD0678uwYQ5rWOAroCLpYy5Ayz2ohU_xdsLtiEbY9jBkp9o512c4T3zBjOwxaZztlWj/s640/img1541654905442.jpg)
18:00pm 晚餐賣相精緻,好味,終於唔再係Buffet,日日食Buffet食到滯,食到怕!
![](https://blogger.googleusercontent.com/img/b/R29vZ2xl/AVvXsEidjnwqw4qeNLu3DQDWLAz74aXmBhyphenhyphenDqmeRtpkA134lnwExqF_OvXhjUcAwpJbG3KMmChqn2fAPQSbc4neP9ztVJ1UWcMWskPdPVUe6LDHPCqZzXa_9hETkrsUo493TrxmtMIAlnDDWm_aM/s640/img1541654866119.jpg)
![](https://blogger.googleusercontent.com/img/b/R29vZ2xl/AVvXsEi_UcNOAT5G9zI-WgdCOQ2UCnxi32a_bUW1XNab3xcxkHgYxN5NaWMVblwQV0AvpOWPOLiXN8LmnX8X2BYexm0fKyQj3cGKu9p3PisFFc3MIaSMh_g_47m-oS7mIy4nn8H7h-oDk0MY_hwD/s640/img1541654633097.jpg)
![](https://blogger.googleusercontent.com/img/b/R29vZ2xl/AVvXsEioYoNQTVQBZBdwNsrFthl1sNejCrNkgXb58t7udNe_GY1QglOn-MR53-MywQNFTax33agcJ0CXK3U0RlwxCOqMIK3Su7i7P82VvY1Nm6y0ERYVUp8Z9JXXLof3926r9Fvw4qv0ypN_GgTG/s640/img1541654808276.jpg)
![](https://blogger.googleusercontent.com/img/b/R29vZ2xl/AVvXsEgah6PjsNKmUK9UHHE41dwuWxXJ8fkymEunEMvIQc7y7eSaGd58A6sJsG92HWKvxaMU4XqDsR8jHTjMd-hlIQrc6GDQzWoM3jf1XN8OiDv6fhl50hZlxVg2pnUEXcmZVCtCOtAk8w0ZKkvY/s640/img1541654762923.jpg)
![](https://blogger.googleusercontent.com/img/b/R29vZ2xl/AVvXsEhLAbe6P0lDMUAFzs6cQ31H_M1TSErIcRSt_AMHTQPP3MmrokUqD6avfhH_BmGh3Urv4kbibQe0imcbrYoW8J0Mbm5ZRHCP2QlCFtrqBlLOCGRE21czO4MB2LivI3wHF1HToFhoZKzxOcic/s640/img1541654657928.jpg)
![](https://blogger.googleusercontent.com/img/b/R29vZ2xl/AVvXsEicgMTLHgBlBl68QmRtrLgqkVqOPmZsKkV-dF64AsFwDXw5HEscSaPA3f1NY3Z-UYr3-Py6psWCwUfKouHuGiqlWmnVgz322w7OerUQU8Hn0aluhs1JXJXzMg8qiKyB185DdhakLKx8bg1k/s640/img1541654587923.jpg)
食完晚飯,個天已經黑晒~
![](https://blogger.googleusercontent.com/img/b/R29vZ2xl/AVvXsEgFJg8JZgV4yLfb0zlu7Kf8SUT86VXSOPC8Odo-gZyI7OuTFNH29YNn06zSufSdgY5uxcSHJlpJkmuH8jiHcsPkAESEovHxH3AX_fAawhTukbL-GZ9L2hTbIL92Af_3bubYtu4K1FIF0Ikf/s640/img1541654555135.jpg)
導遊仲八到,IT楷早2個星期都係住呢間酒店,好似係呢區睇地起樓!!!WOW……咁我地都唔好執輸喇喂(發夢都無咁早)~
味道:★★★★☆
環境:★★★★☆
服務:★★★★☆
衛生:★★★★☆
抵食:★★★☆☆
Peppers Bluewater Resort
地址:State Highway 8, Lake Tekapo, South Island 7945, New Zealand
電話:+64 800 275 373
網址:peppers.co.nz
🚌🚌🚌💨💨💨
19:00pm 約翰山觀星辦公室
![](https://blogger.googleusercontent.com/img/b/R29vZ2xl/AVvXsEhdRrTyExCYi2K-EsAHSOfueHhS9O0Dkpbh1sIbhsqmQ-_mqwDvltt-h9G59eE1va2cKjD1GpTjzHLtLYH6kWFqjazV1IrL2OqwoG43FgVnYaotfab3pYocDKVoWqLQkRnsfPCnG-z_GjRS/s640/img1541654522939.jpg)
職員會派條星星頸繩比大家掛係頸度識別,再派太陽能LED手電筒(紅燈)&小筆記,最後根據大家身形借出南極JACKET!!!
![](https://blogger.googleusercontent.com/img/b/R29vZ2xl/AVvXsEjyfIOS07NUEYGdVfaiPcl5H7NlKa1t55o7RIwFY1RtL_GD0G8Ls2WyyoB-HeWpp-pbMrL3HXUHGqHLHxDTX3qtBgHDFI7X9fLaXQnMVsIP2bdsoqApkFVc0xfGtj1hWpWQ-3UHKXMLY1go/s640/img1541655416668.jpg)
無論你件外套或者羽絨褸有幾厚有幾暖都好,南極JACKET,唔拎會死人架!!!
我件長羽絨褸跟我去過北海道玩雪上電單車&滑雪兜,我對佢充滿信心,曾經一度唔想拎件南極JACKET……好彩,我最後拎咗……唔係?肯定凍僵死鬼咗係約翰山上面!!!
足本2小時,係山上面360度無遮無擋,吹住強風,體感溫度應該低過攝氏負20度,我件長羽絨褸+南極JACKET,觀星觀咗一陣,仲派熱朱古力比大家暖手暖身,都仲有絲絲寒意,你自己話有幾恐怖!!!
Earth & Sky - Booking Office
地址:Twizel Main Street, 7945, Fairlie-Tekapo Rd, Lake Tekapo 7999, New Zealand
電話:+64 3-680 6960
網址:earthandsky.co.nz
🚌🚌🚌💨💨💨
坐約翰山天文臺專車上山,車內嘅燈都係紅色,上到半山,車燈都熄晒,車繼續駛向山頂~
到達山頂,落車後,大家跟住職員指示,係黑暗中向前慢行~
大家係一塊唔太大嘅平地停低,抬頭一看,OMG!!!我抖唔到氣呀!!!
銀河呀!!!!!!!!!
![](https://blogger.googleusercontent.com/img/b/R29vZ2xl/AVvXsEiCRKSAWyJTXMgvdpofdUVmwHLmCvYb4nes12yZuDaf-9TK8RGvdNLuTZWeqAF_kSNdTkVD9wGUtxpERo-VGoem8rbhHeL-SuBI_jtAbhNK-gsGfhxinmXaWDbgvQwQR1rz-MbzFXnVLhc3/s640/img1541657722913.jpg)
咁大個女諗都無諗過,有生之年,可以用肉眼睇到銀河!!!我以為一定要用天文儀器先影得到睇得到~
D星多到似有過萬粒咁,HONEY返到香港查書,天文學家話係約翰山天文臺靠肉眼睇到嘅星,大約有3000粒左右~
有團友仲話見到流星,仲見到2—3次,OMG!!!我咩都見唔到呀!!!
職員全程用國語講解,約翰山天文臺係全球七大國際星空保護區之一!!!WOW……
我地做人好膚淺,去紐西蘭純粹為咗去哈比人村 (Hobbiton)!!!無哈比人村嘅團,Foul出局,唔係直航,Foul出局,香港航空,Foul出局……就報咗呢團。
章程話有觀星之旅,心諗:最多咪放你係撻空地望上個天5分鐘……(對唔住,我錯喇)
誤打誤撞,大開眼界!!!
職員話我地今日非常LUCKY,星空清晰度達90%,加上月亮8PM後先會出來,月亮光芒會蓋過一部分無咁光嘅星星,月亮未出來天空係最暗嘅,可以睇到最詳細嘅銀河系,觀賞度絕佳!!!(如果大風、落雨、落冰或落雪,觀星團會被取消)
更更更LUCKY嘅係,今晚有天文攝影師係現場,團友可以交自己部DSLR單反相機比佢,佢會幫團友影低星空美景!!!
導遊仲強調唔可以影相,叫我地擺低晒D相機係酒店,好彩有團友唔聽話,係都要咩埋部相機上去,我地先有靚相同大家SHARE~(亦有團友交相機時被天文攝影師SAY NO,似乎鏡頭圈SIZE都有特定要求)
特別鳴謝團友慷慨解囊,大方SHARE天文攝影師拍低嘅絕美照片!!!LOVE U!!!
南十字星(Southern Cross)!!!(金田一一破案線索)
![](https://blogger.googleusercontent.com/img/b/R29vZ2xl/AVvXsEjvEn9dbyYZTQoDdLUCsGdi78U6OC0b6WHPA11VsV62HrcyikYb74crJDWvSK5mshUWLY_VpFyKWM6iQN0H-NNy58rdme8nIcOZvHvAKjeMWHCHoEvbH6EGtc5MGwpsnCMN44ilVknWsBY7/s640/img1541657778463.jpg)
大麥哲倫雲&小麥哲倫雲
![](https://blogger.googleusercontent.com/img/b/R29vZ2xl/AVvXsEgq0L0TXqeEfHEecum8DL4Idm2WGgjfl8pVqMavk7YickHO4aGSJ3_n-GSTi1_fvgQGgjtZCY2w_6TK4GRID3VqGkO4XjX4IXdryme8cRNn_2zJ2hZXhZ4mKcQZesIddzu_DVqdoYm_nvUp/s640/img1541657828005.jpg)
職員教大家點搵出南十字星(Southern Cross),係現代88星座中,最光亮,形狀有D似風箏果個就係南十字座,可以用佢黎做「指標星」定位,佢同水衛一中間就係正南方!
南十字座有幾勁?佢係好多南半球國家嘅旗幟上面都有出現,包括澳洲&新西蘭國旗。
南十字星理應係南半球國家先睇到,但好神奇地位於北回歸線上嘅台灣墾丁又睇得到喎!!!(台灣係日本統治時代,南十字星曾經係台灣嘅隱喻)(其實沖繩石垣島都見得到嘅)
再黎就教大家點睇大麥哲倫雲&小麥哲倫雲,金星水星火星,半人馬座α、天蠍、牛郎織女……
之後就幫大家同銀河來個大合照!!!Precious Moments!!!
![](https://blogger.googleusercontent.com/img/b/R29vZ2xl/AVvXsEj0FNc6P1SFK_HzUELCny9Sjrg8iPqoTK1Cw49w2AUSR5Og6CHjmf6ODH8sTcFPBVuX0EloIUP93tNIyKSoozFNCJZoQwPiFG40BZFND3FSUizxhmPocVVWrpNlodsUSLBoRoxM1C_9TOVp/s640/img1541658008329.jpg)
(望穿秋水,等咗3星期先收到相,原因係攝影師受咗傷,希望佢無咩大礙,快D康復)
睇完?未!我地仲可以係職員協助下,進入天文學家嘅世界,參觀世界上最南端嘅光學研究設施—天文波(個名我作嘅)。
初時大家都爭住排隊進入天文臺使用天文望遠鏡睇星,狼珠星雲、球狀星團 、珠寶盒星團、土星環!!!
後尾大家都LAY晒入去避風,好好笑!!!有幾大風,360度無遮擋,轉貼官網相片比大家睇吓果度有幾空曠~
![](https://blogger.googleusercontent.com/img/b/R29vZ2xl/AVvXsEiptD-tyoLqTbEXzhru_zkJhXz_ZiE-qF4EmGgXg-tUs09jVF9d36ShVMaJ6p8T_Dxj1k1IM94jfzmjQmCHavVpT-HBn2hovUzUlWhO8L-X0ypQuAiBuT5FiCRw1M7nLZnVzh_xDZZ-auAX/s640/44525137_2187194291527633_1118000710366003200_n.jpg)
上咗人生寶貴一課!!!
強烈推薦:冰河與銀河匯聚。國際星空保護區。約翰山天文臺觀星之旅
D 團友冇睇過魔界,又冇睇過金田一,我係團中變咗異類~
再強調:南十字星係金田一一嘅破案線索!!!
University of Canterbury Mt John Observatory
地址:Tekapo 7999, New Zealand
電話:+64 3-680 6000
網址:
🚌🚌🚌💨💨💨
返到酒店,鼻腔出血,腰部左右2邊都勁出幾十粒紅疹水泡,耳蝸痛……(返到香港發燒)
10:30pm 有人未夠喉,走出房外草地影星~(草地上有大黑影跳下跳下,2次,有D驚,最後只敢係屋外影,路燈相對變得太光)
![](https://blogger.googleusercontent.com/img/b/R29vZ2xl/AVvXsEgQDIOfIygSwGpPiozi3W78o4Z-aO1pZpEjJg0qoP8TgzKTTMkoA0xzk2iKZv2IiwBApSXJhMOIIccv167s1VGhOLef7lrjKFblN_ef8zpW8zjby_hP8mCXZTLn1XacbnncQ_DC4I0mVB7v/s640/img1541654489912.jpg)
有備而來,裝埋觀星APP~
![](https://blogger.googleusercontent.com/img/b/R29vZ2xl/AVvXsEgWg78SrRFBb_p7Swmh0Sf1X40hD3dO2tJoU9lQyQ9h-nT5X-eayxHD-O8SzhcPEjKwNvR91vgeNvStAAv2bhkNBvbnkLT_jDpUEWFqkU2R5vC4LSBINviq9d6g9mlc2PUBU6Bz1liJ5G1Z/s640/img1541654358497.jpg)
![](https://blogger.googleusercontent.com/img/b/R29vZ2xl/AVvXsEhBgjJPvHrAXDrIpmwMgFZmAzqJ7s9Met3A5KoZF_YFDsdY35QCzR2A3G1eSbJ8ck93RWF7PuYjDe4-KpO29bDuvoENp9GfoD_ce7TB1JYkWhn10iLuVl7SjsGaO4VGjhyG_lCELkbkXmqp/s640/img1541654420933.jpg)
相機&腳架都好重要~
Sony RX100+矮腳架,3幾粒都影到嘅~
![](https://blogger.googleusercontent.com/img/b/R29vZ2xl/AVvXsEgydQw5lmRc2FyQOQJv2rYXy_zWr1cDpkbL_HTjHvDL6V6zUlafFgpPwamBPntvk6OA_x1NssfQJP30Oi7nt2sAXZA6Nbdr-R7YW0i4JANrOOCavymjWvwkRy1QDUunN8e953h6EYqjPWtQ/s640/img1541656040212.jpg)
Olympus OM-D E-M10加高腳架,好好多囉~(都幾滿意架啦,當然唔夠天文攝影師勁啦)
![](https://blogger.googleusercontent.com/img/b/R29vZ2xl/AVvXsEgSrWeuJjDwi8Jv4FFZa29W0ZJye20aksC8voPeZTINWRmrj0pZtHffMNtndjSjItrpuC2uUTFm3QaN-MHpUOmKjvziqdBjfMQFuZxp80ThG4Z54z3rWtGGwndtQI-2UJ69poBqXrLltPhF/s640/img1541656068174.jpg)
OMG!!!我居然漏咗沖涼液&洗頭水係皇后鎮間酒店!!!神奇地,呢間酒店提供嘅衛浴用品居然係濕疹人士救星—PARABEN FREE!!!你話喇,今次紐西蘭之旅仲唔係由頭行運行到腳趾尾!!!(搞到我醒起未買PARABEN FREE沖涼液,一切已經太遲,好彩返到香港撞啱永安半價)
![](https://blogger.googleusercontent.com/img/b/R29vZ2xl/AVvXsEiKGQwzYHQ0T8nUT-plkXxuQI8-Phw9tXd49hnMhfV2FPvrOxmMsH96ugQ25Xxi4qTWCVNKt7wmLTYSE241QjGbm1rtIsjI3d92GChyphenhyphen5ijBc7uW85HDGd48tHBx0sK9tlxrCqP8eCGar8BD/s640/img1541654322663.jpg)
早上再影客房更美~
![](https://blogger.googleusercontent.com/img/b/R29vZ2xl/AVvXsEi4m9WNFl-HvCMq9uF-DE8AQPWBANFLJhrymznCSKCT4kRHZrCH9DLcDT4LFIVkdf0QtquCagHkW6i822JXOh-FunBecWr4kxmg2onsFoGADIk1X5jzkin36Me0PPrcbR10rkUsTQkI0mbc/s640/img1541654243010.jpg)
尋晚有野跳下跳下嘅黑暗草地,如果可以走上去中央影星效果應該更好~
![](https://blogger.googleusercontent.com/img/b/R29vZ2xl/AVvXsEglFiquP7p8tZ5dZFnfBbPtiGmuYfLwZn2jjj8lCmCn4AT42QXLt1N3azwNYB0RrVXx8ey8YkK5sxaSjhyD5VFQmSkYq4FRKvBZQ0sH2CTq0y6hXhAbHu5qFqspuoDLEhU7xy0zkYF0FyWZ/s640/img1541654290862.jpg)
HONEY話尋晚有個男人,講國語,只穿底橫,住隔離上層,走落隔離下層,狂拍門叫囂,話人地部電視開得太嘈……
HONEY話但佢咪仲嘈,重點係:夜麻麻11點幾,淨係著件底底,啪咗丸咁,有邊個會開門比你呀?!!
HONEY話個男人發現佢之後,心虛,即閃返上樓~
我係邊?係房入面努力PACK緊行李囉,聽日要飛返香港喇!!!
08:00am 望住咁靚嘅特卡波湖(Lake Tekapo)食早餐,精神為之一振~
![](https://blogger.googleusercontent.com/img/b/R29vZ2xl/AVvXsEj6Smk26hsT5lfmbe_UxsvUQNOTTJJnIpNuTMPOYvZrV-_J-yXCbjrx889ssYHdOlkiyZT6qtotczDdf6QmiuYHSbrqYfJx8nflTfmRRBgwKvj0-WBsWX2vAIQ6akAtqmZu3jWqZbT019sO/s640/img1541654217987.jpg)
![](https://blogger.googleusercontent.com/img/b/R29vZ2xl/AVvXsEgwGxee-GVEe0YtaDyJjWr3MMB4xwCEz35slh1BeL-GqF3EBM2f2a35peV4tUfUeNnwG5WE3OyA_qy1TuvbAHFWnVDfJYRMGoG9m1oaWThX__FiYKh5aqolpnSCWMpf0AaihDFD50B6RFv4/s640/img1541654189092.jpg)
![](https://blogger.googleusercontent.com/img/b/R29vZ2xl/AVvXsEi00LSDiyVNyB8W52eqYNb9w63fwWgWMCtR6Zy8DpFtry5fHKOiXdVJqkAivWyy2GFto6ag63T8cDjIQXbQLtZLZv5DJNrIV7L7ZycRbOlL03Ch65GB5zEgfrjYJcg-CTZ3W9_lDzyzZWde/s640/img1541654157086.jpg)
出發!!!目的地:香港!!!
9日6夜行程:
Hong Kong ✈ Auckland
🚌 Roselands Waitomo Caves(自助午餐)🚌 Waitomo Glowworm Caves 🚌 Te Puia毛利人村落x傳統Hangi晚餐(自助晚餐) 🚌 Rotorua Millennium Hotel(住宿+自助早餐)🚌 鹿制品工場 🚌 Holiday Inn Auckland Airport(自助午餐)🚌 Auckland ✈ Queenstown 🚌 Prime Waterfront Restaurant and Bar(晚餐)🚌 Millennium Hotel Queenstown(住宿+自助早餐)
🚌🚢 百年古董蒸汽船x牧羊場表演 (自助午餐)🚢🚌 笨豬跳發源地 🚌 淘金鎮 🚠 Skyline & Stratosfare Queenstown(自助晚餐)🚠🚌 Millennium Hotel Queenstown(住宿+自助早餐)
🚌🚢 Milford Sound Cruises(自助午餐)🚢🚌 龍蝦鮑魚宴(晚餐)🚌 Millennium Hotel Queenstown(住宿+自助早餐)Christchurch ✈ Auckland ✈ Hong Kong
用肉眼都睇到銀河,好正﹗
回覆刪除震撼程度非筆墨可以形容,學奶粉廣告話齋:外面嘅世界等住你我去發掘 XD
刪除