紐西蘭行程話咁快就接近尾聲，聽晚就要搭飛機返香港，好唔捨得呀！！！紐西蘭嘅最後一夜，係行程中最震懾人心嘅一夜～
約翰山天文臺觀星之旅（Mt. John Observatory Tour）！！！
全球七大國際星空保護區之一！！！
單憑肉眼就睇到銀河（Milky Way Galaxy）！！！！！！！！！
震撼程度係完全Unexpected！！！
同一日內睇完冰河，再睇埋銀河，我係山上第一句說話：我想再黎呢度呀！！！
睇完冰河之後，我地先返酒店check-in放低行李……仲要放低埋相機，因為……山上面唔比影相！！！（白燈會影響大學收集天文數據）
17:00pm Peppers Bluewater Resort
未夠5點黎到，一直比唔到房，擾攘一輪，將我地一團友分開２大區，聽講笑口常開嘅司機都忍唔住同酒店嘈～（因為區與區之間距離頗遠，拖住大行李不太好走）
我地住呢一棟地下中間，打開落地玻璃窗可以坐係陽台欣賞令人屏息嘅美景，特卡波湖（Lake Tekapo）同新西蘭最高嘅山峰庫克山（Mt Cook）！！！
浴室好大，有浴缸又有淋浴間～
唔知有無人夠膽夜晚打開落地玻璃窗瞓覺嘅呢？
我出去囉～
樓上樓下嘅房間係子母房，大門入面又有２度大門，可以分租，又可以租晒整棟，只關最外面嘅一度大門就變成Family House～
由客房行去餐廳都幾耐吓～
18:00pm 晚餐賣相精緻，好味，終於唔再係Buffet，日日食Buffet食到滯，食到怕！
食完晚飯，個天已經黑晒～
導遊仲八到，IT楷早２個星期都係住呢間酒店，好似係呢區睇地起樓！！！ＷＯＷ……咁我地都唔好執輸喇喂（發夢都無咁早）～
味道：★★★★☆
環境：★★★★☆
服務：★★★★☆
衛生：★★★★☆
抵食：★★★☆☆
Peppers Bluewater Resort
地址：State Highway 8, Lake Tekapo, South Island 7945, New Zealand
電話：+64 800 275 373
網址：peppers.co.nz
🚌🚌🚌💨💨💨
19:00pm 約翰山觀星辦公室
職員會派條星星頸繩比大家掛係頸度識別，再派太陽能LED手電筒（紅燈）＆小筆記，最後根據大家身形借出南極JACKET！！！
無論你件外套或者羽絨褸有幾厚有幾暖都好，南極JACKET，唔拎會死人架！！！
我件長羽絨褸跟我去過北海道玩雪上電單車＆滑雪兜，我對佢充滿信心，曾經一度唔想拎件南極JACKET……好彩，我最後拎咗……唔係？肯定凍僵死鬼咗係約翰山上面！！！
足本２小時，係山上面３６０度無遮無擋，吹住強風，體感溫度應該低過攝氏負20度，我件長羽絨褸＋南極JACKET，觀星觀咗一陣，仲派熱朱古力比大家暖手暖身，都仲有絲絲寒意，你自己話有幾恐怖！！！
Earth & Sky - Booking Office
地址：Twizel Main Street, 7945, Fairlie-Tekapo Rd, Lake Tekapo 7999, New Zealand
電話：+64 3-680 6960
網址：earthandsky.co.nz
🚌🚌🚌💨💨💨
坐約翰山天文臺專車上山，車內嘅燈都係紅色，上到半山，車燈都熄晒，車繼續駛向山頂～
到達山頂，落車後，大家跟住職員指示，係黑暗中向前慢行～
大家係一塊唔太大嘅平地停低，抬頭一看，ＯＭＧ！！！我抖唔到氣呀！！！
銀河呀！！！！！！！！！
咁大個女諗都無諗過，有生之年，可以用肉眼睇到銀河！！！我以為一定要用天文儀器先影得到睇得到～
Ｄ星多到似有過萬粒咁，ＨＯＮＥＹ返到香港查書，天文學家話係約翰山天文臺靠肉眼睇到嘅星，大約有３０００粒左右～
有團友仲話見到流星，仲見到２—３次，ＯＭＧ！！！我咩都見唔到呀！！！
職員全程用國語講解，約翰山天文臺係全球七大國際星空保護區之一！！！ＷＯＷ……
我地做人好膚淺，去紐西蘭純粹為咗去哈比人村 (Hobbiton)！！！無哈比人村嘅團，Foul出局，唔係直航，Foul出局，香港航空，Foul出局……就報咗呢團。
章程話有觀星之旅，心諗：最多咪放你係撻空地望上個天５分鐘……（對唔住，我錯喇）
誤打誤撞，大開眼界！！！
職員話我地今日非常ＬＵＣＫＹ，星空清晰度達90%，加上月亮8PM後先會出來，月亮光芒會蓋過一部分無咁光嘅星星，月亮未出來天空係最暗嘅，可以睇到最詳細嘅銀河系，觀賞度絕佳！！！（如果大風、落雨、落冰或落雪，觀星團會被取消）
更更更ＬＵＣＫＹ嘅係，今晚有天文攝影師係現場，團友可以交自己部ＤＳＬＲ單反相機比佢，佢會幫團友影低星空美景！！！
導遊仲強調唔可以影相，叫我地擺低晒Ｄ相機係酒店，好彩有團友唔聽話，係都要咩埋部相機上去，我地先有靚相同大家ＳＨＡＲＥ～（亦有團友交相機時被天文攝影師ＳＡＹ ＮＯ，似乎鏡頭圈ＳＩＺＥ都有特定要求）
特別鳴謝團友慷慨解囊，大方ＳＨＡＲＥ天文攝影師拍低嘅絕美照片！！！ＬＯＶＥ Ｕ！！！
南十字星(Southern Cross)！！！（金田一一破案線索）
大麥哲倫雲＆小麥哲倫雲
職員教大家點搵出南十字星(Southern Cross)，係現代88星座中，最光亮，形狀有Ｄ似風箏果個就係南十字座，可以用佢黎做「指標星」定位，佢同水衛一中間就係正南方！
南十字座有幾勁？佢係好多南半球國家嘅旗幟上面都有出現，包括澳洲＆新西蘭國旗。
南十字星理應係南半球國家先睇到，但好神奇地位於北回歸線上嘅台灣墾丁又睇得到喎！！！（台灣係日本統治時代，南十字星曾經係台灣嘅隱喻）（其實沖繩石垣島都見得到嘅）
再黎就教大家點睇大麥哲倫雲＆小麥哲倫雲，金星水星火星，半人馬座α、天蠍、牛郎織女……
之後就幫大家同銀河來個大合照！！！Precious Moments！！！
（望穿秋水，等咗3星期先收到相，原因係攝影師受咗傷，希望佢無咩大礙，快Ｄ康復）
睇完？未！我地仲可以係職員協助下，進入天文學家嘅世界，參觀世界上最南端嘅光學研究設施—天文波（個名我作嘅）。
初時大家都爭住排隊進入天文臺使用天文望遠鏡睇星，狼珠星雲、球狀星團 、珠寶盒星團、土星環！！！
後尾大家都ＬＡＹ晒入去避風，好好笑！！！有幾大風，３６０度無遮擋，轉貼官網相片比大家睇吓果度有幾空曠～
上咗人生寶貴一課！！！
強烈推薦：冰河與銀河匯聚。國際星空保護區。約翰山天文臺觀星之旅
D 團友冇睇過魔界，又冇睇過金田一，我係團中變咗異類～
再強調：南十字星係金田一一嘅破案線索！！！
University of Canterbury Mt John Observatory
地址：Tekapo 7999, New Zealand
電話：+64 3-680 6000
網址：
🚌🚌🚌💨💨💨
返到酒店，鼻腔出血，腰部左右２邊都勁出幾十粒紅疹水泡，耳蝸痛……（返到香港發燒）
10:30pm 有人未夠喉，走出房外草地影星～（草地上有大黑影跳下跳下，２次，有Ｄ驚，最後只敢係屋外影，路燈相對變得太光）
有備而來，裝埋觀星ＡＰＰ～
相機＆腳架都好重要～
Sony RX100＋矮腳架，３幾粒都影到嘅～
Olympus OM-D E-M10加高腳架，好好多囉～（都幾滿意架啦，當然唔夠天文攝影師勁啦）
ＯＭＧ！！！我居然漏咗沖涼液＆洗頭水係皇后鎮間酒店！！！神奇地，呢間酒店提供嘅衛浴用品居然係濕疹人士救星—PARABEN FREE！！！你話喇，今次紐西蘭之旅仲唔係由頭行運行到腳趾尾！！！（搞到我醒起未買PARABEN FREE沖涼液，一切已經太遲，好彩返到香港撞啱永安半價）
早上再影客房更美～
尋晚有野跳下跳下嘅黑暗草地，如果可以走上去中央影星效果應該更好～
ＨＯＮＥＹ話尋晚有個男人，講國語，只穿底橫，住隔離上層，走落隔離下層，狂拍門叫囂，話人地部電視開得太嘈……
ＨＯＮＥＹ話但佢咪仲嘈，重點係：夜麻麻１１點幾，淨係著件底底，啪咗丸咁，有邊個會開門比你呀？！！
ＨＯＮＥＹ話個男人發現佢之後，心虛，即閃返上樓～
我係邊？係房入面努力ＰＡＣＫ緊行李囉，聽日要飛返香港喇！！！
08:00am 望住咁靚嘅特卡波湖（Lake Tekapo）食早餐，精神為之一振～
出發！！！目的地：香港！！！
9日6夜行程：
Hong Kong ✈ Auckland
🚌 Roselands Waitomo Caves（自助午餐）🚌 Waitomo Glowworm Caves 🚌 Te Puia毛利人村落x傳統Hangi晚餐（自助晚餐） 🚌 Rotorua Millennium Hotel（住宿＋自助早餐）🚌 鹿制品工場 🚌 Holiday Inn Auckland Airport（自助午餐）🚌 Auckland ✈ Queenstown 🚌 Prime Waterfront Restaurant and Bar（晚餐）🚌 Millennium Hotel Queenstown（住宿＋自助早餐）
🚌🚢 百年古董蒸汽船x牧羊場表演 （自助午餐）🚢🚌 笨豬跳發源地 🚌 淘金鎮 🚠 Skyline & Stratosfare Queenstown（自助晚餐）🚠🚌 Millennium Hotel Queenstown（住宿＋自助早餐）
🚌🚢 Milford Sound Cruises（自助午餐）🚢🚌 龍蝦鮑魚宴（晚餐）🚌 Millennium Hotel Queenstown（住宿＋自助早餐）Christchurch ✈ Auckland ✈ Hong Kong
用肉眼都睇到銀河，好正﹗
回覆刪除震撼程度非筆墨可以形容，學奶粉廣告話齋：外面嘅世界等住你我去發掘 XD
刪除