網頁清單

2018年11月9日 星期五

紐西蘭「哈比人回鄉」2018の冰河與銀河匯聚。約翰山觀星

28 September 2018, Friday

紐西蘭行程話咁快就接近尾聲,聽晚就要搭飛機返香港,好唔捨得呀!!!

紐西蘭嘅最後一夜,係行程中最震懾人心嘅一夜~

約翰山天文臺觀星之旅(Mt. John Observatory Tour)!!!

全球七大國際星空保護區之一!!!

單憑肉眼就睇到銀河(Milky Way Galaxy)!!!!!!!!!

震撼程度係完全Unexpected!!!

同一日內睇完冰河,再睇埋銀河,我係山上第一句說話:我想再黎呢度呀!!!


睇完冰河之後,我地先返酒店check-in放低行李……仲要放低埋相機,因為……山上面唔比影相!!!(白燈會影響大學收集天文數據)

17:00pm Peppers Bluewater Resort


未夠5點黎到,一直比唔到房,擾攘一輪,將我地一團友分開2大區,聽講笑口常開嘅司機都忍唔住同酒店嘈~(因為區與區之間距離頗遠,拖住大行李不太好走)

我地住呢一棟地下中間,打開落地玻璃窗可以坐係陽台欣賞令人屏息嘅美景,特卡波湖(Lake Tekapo)同新西蘭最高嘅山峰庫克山(Mt Cook)!!!




浴室好大,有浴缸又有淋浴間~



唔知有無人夠膽夜晚打開落地玻璃窗瞓覺嘅呢?


我出去囉~

樓上樓下嘅房間係子母房,大門入面又有2度大門,可以分租,又可以租晒整棟,只關最外面嘅一度大門就變成Family House~


由客房行去餐廳都幾耐吓~


18:00pm 晚餐賣相精緻,好味,終於唔再係Buffet,日日食Buffet食到滯,食到怕!







食完晚飯,個天已經黑晒~


導遊仲八到,IT楷早2個星期都係住呢間酒店,好似係呢區睇地起樓!!!WOW……咁我地都唔好執輸喇喂(發夢都無咁早)~


味道:★★★★☆
環境:★★★★☆
服務:★★★★☆
衛生:★★★★☆
抵食:★★★☆☆

Peppers Bluewater Resort
地址:State Highway 8, Lake Tekapo, South Island 7945, New Zealand
電話:+64 800 275 373
網址:peppers.co.nz


🚌🚌🚌💨💨💨


19:00pm 約翰山觀星辦公室


職員會派條星星頸繩比大家掛係頸度識別,再派太陽能LED手電筒(紅燈)&小筆記,最後根據大家身形借出南極JACKET!!!


無論你件外套或者羽絨褸有幾厚有幾暖都好,南極JACKET,唔拎會死人架!!!

我件長羽絨褸跟我去過北海道玩雪上電單車&滑雪兜,我對佢充滿信心,曾經一度唔想拎件南極JACKET……好彩,我最後拎咗……唔係?肯定凍僵死鬼咗係約翰山上面!!!

足本2小時,係山上面360度無遮無擋,吹住強風,體感溫度應該低過攝氏負20度,我件長羽絨褸+南極JACKET,觀星觀咗一陣,仲派熱朱古力比大家暖手暖身,都仲有絲絲寒意,你自己話有幾恐怖!!!

Earth & Sky - Booking Office
地址:Twizel Main Street, 7945, Fairlie-Tekapo Rd, Lake Tekapo 7999, New Zealand
電話:+64 3-680 6960
網址:earthandsky.co.nz


🚌🚌🚌💨💨💨

坐約翰山天文臺專車上山,車內嘅燈都係紅色,上到半山,車燈都熄晒,車繼續駛向山頂~

到達山頂,落車後,大家跟住職員指示,係黑暗中向前慢行~

大家係一塊唔太大嘅平地停低,抬頭一看,OMG!!!我抖唔到氣呀!!!

銀河呀!!!!!!!!!


咁大個女諗都無諗過,有生之年,可以用肉眼睇到銀河!!!我以為一定要用天文儀器先影得到睇得到~

D星多到似有過萬粒咁,HONEY返到香港查書,天文學家話係約翰山天文臺靠肉眼睇到嘅星,大約有3000粒左右~

有團友仲話見到流星,仲見到2—3次,OMG!!!我咩都見唔到呀!!!

職員全程用國語講解,約翰山天文臺係全球七大國際星空保護區之一!!!WOW……

我地做人好膚淺,去紐西蘭純粹為咗去哈比人村 (Hobbiton)!!!無哈比人村嘅團,Foul出局,唔係直航,Foul出局,香港航空,Foul出局……就報咗呢團。

章程話有觀星之旅,心諗:最多咪放你係撻空地望上個天5分鐘……(對唔住,我錯喇)

誤打誤撞,大開眼界!!!

職員話我地今日非常LUCKY,星空清晰度達90%,加上月亮8PM後先會出來,月亮光芒會蓋過一部分無咁光嘅星星,月亮未出來天空係最暗嘅,可以睇到最詳細嘅銀河系,觀賞度絕佳!!!(如果大風、落雨、落冰或落雪,觀星團會被取消)

更更更LUCKY嘅係,今晚有天文攝影師係現場,團友可以交自己部DSLR單反相機比佢,佢會幫團友影低星空美景!!!

導遊仲強調唔可以影相,叫我地擺低晒D相機係酒店,好彩有團友唔聽話,係都要咩埋部相機上去,我地先有靚相同大家SHARE~(亦有團友交相機時被天文攝影師SAY NO,似乎鏡頭圈SIZE都有特定要求)

特別鳴謝團友慷慨解囊,大方SHARE天文攝影師拍低嘅絕美照片!!!LOVE U!!!

南十字星(Southern Cross)!!!(金田一一破案線索)


大麥哲倫雲&小麥哲倫雲


職員教大家點搵出南十字星(Southern Cross),係現代88星座中,最光亮,形狀有D似風箏果個就係南十字座,可以用佢黎做「指標星」定位,佢同水衛一中間就係正南方!

南十字座有幾勁?佢係好多南半球國家嘅旗幟上面都有出現,包括澳洲&新西蘭國旗。

南十字星理應係南半球國家先睇到,但好神奇地位於北回歸線上嘅台灣墾丁又睇得到喎!!!(台灣係日本統治時代,南十字星曾經係台灣嘅隱喻)(其實沖繩石垣島都見得到嘅)

再黎就教大家點睇大麥哲倫雲&小麥哲倫雲,金星水星火星,半人馬座α、天蠍、牛郎織女……

之後就幫大家同銀河來個大合照!!!Precious Moments!!!

(望穿秋水,等咗3星期先收到相,原因係攝影師受咗傷,希望佢無咩大礙,快D康復)

睇完?未!我地仲可以係職員協助下,進入天文學家嘅世界,參觀世界上最南端嘅光學研究設施—天文波(個名我作嘅)。

初時大家都爭住排隊進入天文臺使用天文望遠鏡睇星,狼珠星雲、球狀星團 、珠寶盒星團、土星環!!!

後尾大家都LAY晒入去避風,好好笑!!!有幾大風,360度無遮擋,轉貼官網相片比大家睇吓果度有幾空曠~


上咗人生寶貴一課!!!

強烈推薦:冰河與銀河匯聚。國際星空保護區。約翰山天文臺觀星之旅

D 團友冇睇過魔界,又冇睇過金田一,我係團中變咗異類~

再強調:南十字星係金田一一嘅破案線索!!!


University of Canterbury Mt John Observatory
地址:Tekapo 7999, New Zealand
電話:+64 3-680 6000
網址:

🚌🚌🚌💨💨💨

返到酒店,鼻腔出血,腰部左右2邊都勁出幾十粒紅疹水泡,耳蝸痛……(返到香港發燒)

10:30pm 有人未夠喉,走出房外草地影星~(草地上有大黑影跳下跳下,2次,有D驚,最後只敢係屋外影,路燈相對變得太光)


有備而來,裝埋觀星APP~



相機&腳架都好重要~

Sony RX100+矮腳架,3幾粒都影到嘅~


Olympus OM-D E-M10加高腳架,好好多囉~(都幾滿意架啦,當然唔夠天文攝影師勁啦)


OMG!!!我居然漏咗沖涼液&洗頭水係皇后鎮間酒店!!!神奇地,呢間酒店提供嘅衛浴用品居然係濕疹人士救星—PARABEN FREE!!!你話喇,今次紐西蘭之旅仲唔係由頭行運行到腳趾尾!!!(搞到我醒起未買PARABEN FREE沖涼液,一切已經太遲,好彩返到香港撞啱永安半價)


早上再影客房更美~


尋晚有野跳下跳下嘅黑暗草地,如果可以走上去中央影星效果應該更好~


HONEY話尋晚有個男人,講國語,只穿底橫,住隔離上層,走落隔離下層,狂拍門叫囂,話人地部電視開得太嘈……

HONEY話但佢咪仲嘈,重點係:夜麻麻11點幾,淨係著件底底,啪咗丸咁,有邊個會開門比你呀?!!

HONEY話個男人發現佢之後,心虛,即閃返上樓~

我係邊?係房入面努力PACK緊行李囉,聽日要飛返香港喇!!!

08:00am 望住咁靚嘅特卡波湖(Lake Tekapo)食早餐,精神為之一振~




出發!!!目的地:香港!!!





9日6夜行程:
Hong Kong ✈ Auckland 
🚌 Rotorua Hobbiton 🚠 Rotorua Skyline x Stratosfare Buffet(自助晚餐)🚠🚌 Rotorua Millennium Hotel(住宿+自助早餐)
🚌 Roselands Waitomo Caves(自助午餐)🚌 Waitomo Glowworm Caves 🚌 Te Puia毛利人村落x傳統Hangi晚餐(自助晚餐) 🚌 Rotorua Millennium Hotel(住宿+自助早餐)
🚌 鹿制品工場 🚌 Holiday Inn Auckland Airport(自助午餐)🚌 Auckland  Queenstown 🚌 Prime Waterfront Restaurant and Bar(晚餐)🚌 Millennium Hotel Queenstown(住宿+自助早餐)
🚌🚢 百年古董蒸汽船x牧羊場表演 (自助午餐)🚢🚌 笨豬跳發源地 🚌 淘金鎮 🚠 Skyline & Stratosfare Queenstown(自助晚餐)🚠🚌 Millennium Hotel Queenstown(住宿+自助早餐)
🚌🚢 Milford Sound Cruises(自助午餐)🚢🚌 龍蝦鮑魚宴(晚餐)🚌 Millennium Hotel Queenstown(住宿+自助早餐)
🚌🚢🚌 Tasman Glacier Explorers(自助午餐)🚌 約翰山觀星 🚌 Peppers Bluewater Resort(晚餐+住宿+自助早餐)
🚌 牧羊人教堂 🚌 土產店(午餐)🚌 基督城紙教堂 🚌 南極探索中心 🚌 美心皇宮(晚餐)
Christchurch ✈ Auckland  Hong Kong



2 則留言:

  1. 用肉眼都睇到銀河,好正﹗

    回覆刪除
    回覆
    1. 震撼程度非筆墨可以形容,學奶粉廣告話齋:外面嘅世界等住你我去發掘 XD

      刪除