行程：GLORIA OUTLETS華泰名品城（午餐）⇨光南大批發⇨濱松屋（晚餐）⇨米朗琪咖啡館（早餐）⇨圓山花博公園（ＵＢＩＫＥ）⇨林安泰古厝⇨朱記餡餅粥（晚餐）⇨五分埔服飾商圈⇨西門町
哈哈，又跳返去寫半年前嘅旅遊ＢＬＯＧ。。。
貓兄同成班同事去台南玩完，再單拖黎台北搵我玩２日。
我地今次好勇，約係大家都未去過嘅地方會合—桃園高鐵站！單拖果隻！
目的地—GLORIA OUTLETS華泰名品城！（大家都見到啦，天氣好差，個天灰矇矇咁）
好方便，一出站行過對面馬路就係，遲Ｄ機場捷運開埋更方便。（咳，寫文寫得慢，２月已開通咗）
貓兄教我上ＫＫＤＡＹ買嘅特價車票。
到埗第一時間寄存行李係自助ＬＯＣＫＥＲ。
１２點正，食個飽飯先緊要Ｄ，唔係邊有力血拼。
深愛Burger的貓兄，第一時間被加國美食所吸引。
環境都幾舒服。食物中規中矩。價錢偏高。人流不多。
味道：★★★☆☆
環境：★★★☆☆
服務：★★★☆☆
衛生：★★★★☆
抵食：★★★☆☆
Roots Cafe
地址：桃園市 中壢區 春德路189號
電話：+886 3 287-0632
網址：roots.com.tw
桃園GLORIA OUTLETS都仲算好新，而家只係開咗３份１，人流少，價格唔太覺得係OUTLETS。
最後我地都只係買咗２條同款同色嘅單車褲。（一齊著出街就爆笑囉）
抵到係無貨，得１條，貓兄叫職員ＣＨＥＣＫ機，台北地區仲有１件，最後要運去內湖家樂福分店，我要遲幾日先去拎得。
原本我地仲係＂ＥＳ必＂瘋狂掃貨，埋單時職員先話我地買嘅所有物品都無折，明明門口大大隻字寫住４０％ＯＦＦ，算，一樣都唔買，拉隊轉身走。
等貓兄搞埋個退稅我地就坐高鐵返台北。
回到台北，先去旅館ＣＨＥＣＫＩＮ放低行李，再係台北車站附近隨便逛逛，貓兄帶咗我去光南大批發見識見識。嘩！樣樣野都好抵咁呀，我另類到爆，無買藥妝無買文具，居然買咗２盞勁光露營燈。（送比屋企有露台燒烤嘅朋友）
晚餐介紹貓兄去濱松屋食活劏鰻魚飯三吃，因貓兄問我食過肥前屋未，當然要帶佢黎呢度見識吓啦～
貓兄話貴Ｄ都值，仲好食過日本專賣即燒鰻魚果區，仲即刻ＳＥＮＤ相比佢Ｄ同事睇。（佢剛去完日本踩單車，我都唔記得佢講邊度）
話說２星期後，居然見到食尚玩家的浩角翔起原來都有介紹過呢間鰻魚飯架！即刻影低個電視ＳＥＮＤ比貓兄睇，証明我無介紹錯，ＷＡＫＡＫＡ。。。
舊食評：http://www.kenmerry.com/2016/11/Hamamatsu.html
飯後返家樂福ＣＨＥＣＫ價，呢隻台灣至有嘅牙籤，家樂福正價ＮＴ＄８８，光南大批發好似特價都ＮＴ＄１２８，嘩，仲以為真係批發價，好險無賣。（露營燈可能買貴咗好多，嗚嗚）
第２日。。。
９：３０食早餐。。。
台北女生上班前趕來影裝置藝術Ｈｅａｄ ｉｎ ｔｈｅ Ｃｌｏｕｄｓ。叫我地幫佢影完，就主動話幫我地影合照。影完先發現我地國語發音怪怪的，露出驚訝表情，哈哈～
米朗琪咖啡館出名草莓鬆餅，不過早餐就食甜品真係有Ｄ唔慣，我都係食三文治啦，都好好味吖，再加埋杯非常好飲嘅冰滴咖啡，人生如此，夫復何求。（話說１號館已ＦＵＬＬ ＨＯＵＳＥ，職員帶咗我地黎有多款食物不能供應的２號館）
我地就係靠晒佢，踩９ＫＭ ＵＢＩＫＥ，挨到下午４點先有午餐食，中途斷水斷糧。
上次食評：http://www.kenmerry.com/2016/09/Melange.html
味道：★★★★☆
環境：★★★★☆
服務：★★★★☆
衛生：★★★★☆
抵食：★★★★☆
米朗琪咖啡館 Melange Café
地址：台北市 中山區 中山北路二段16巷23號
電話：+886 2 2563-6768
網址：https://www.facebook.com/MelangeCafe/
１１：００圓山花博公園攞車（我地倆個都係第一次踩ＵＢＩＫＥ，好興奮呀）
踩兩踩，Ｄ波係咁撞埋面，眼鏡都矇晒，唔得，太誇張喇，停一停先。
穿過花博公園美術園區，沿濱江街踩到林安泰古厝。諗住留５分鐘影張相打個卡，結果遊花園遊咗１個鐘。
通過基十號疏散門，進入花博大佳河濱公園區。
去到大直橋底開始落大雨。台灣Ｄ雨唔係講笑，老虎蟹都避一避先。順便打埋ＰＯＫＥＭＯＮ擂台。
大直橋另一邊係迎風河濱公園，遠眺美麗華摩天輪。（大直係台北最貴的高尚住宅區，相等於全台灣最貴）
掟個靚彎，轉入觀山河濱公園。民權大橋下佈滿白鴿。
環東大道。
彩虹橋
通過基四號疏散門進入饒河街觀光夜市。
前往松山車站還車。歷時５小時。
４：００ＰＭ 午膳於松山車站的朱記餡餅粥（尷尬時間，其他食店好多休息中）
餐後雨中漫遊五分埔服飾商圈，無咩收穫，轉戰西門町家樂福。第２朝貓兄中午機，１０點就要坐巴士去機場，所以我地就此告別，嗚嗚嗚，ＢＹＥ～（第２朝我全身肌肉好似比人打散晒咁，痛到咩咁）
後話：部電話唔知係咪比Ｄ吹波波水入侵，無耐就壞咗（買咗唔夠半年），貓兄ＷＨＡＴＳＡＰＰ傳比我的相無做ＢＡＣＫＵＰ，無晒，唉～
沒有留言:
張貼留言