網頁清單

2011年10月28日 星期五

2011 香港美酒佳餚巡禮 Hong Kong Wine and Dine Festival

28 October 2011, Thursday

去過一次「2009香港美酒佳餚巡禮」, 嘩... 好鬼辛苦, 曬住日頭, 天氣又熱人又多, 而且當時仲係沙地, 沙塵滾滾咁, 去一次就怕怕...

今年見天氣轉涼, 同埋係夜晚去, 好啦, 再試一次啦...

係港鐵九龍站A出口有免費Shuttle Bus直接去到, 正!!! 我地坐5:30PM第一班車, 去到時冇咩人, 可以盡情影相...



入口擺放咗幾架老爺車, 好有型呀~


隨品酒證一SET獲贈Stölzle Lead Free Crystal Glass酒杯一隻連袋...


我要同Vivienne Tam設計嘅酒樽一齊影相~ D酒樽好可愛呀!!!


今年多咗好多綠化地帶, 個場靚咗好多, 已經再冇沙塵滾滾嘅情況, VERY NICE~



行行吓, 行咗o黎GRAND TASTING PAVILION... 我地係冇睇過地圖嘅囉, 只係驚夜D會開始多人, 所以一味向前行, 諗住影多D相先...


** 因為見有BLOG友問關於「香港美酒佳餚巡禮」嘅問題, 為咗方便大家, 我加番我TASTE過嘅攤位號碼同名稱比大家參考 **


德國醇釀園莊 German Wines Ltd. (攤位#G8)
我地原先冇唸住飲酒, 不過見到呢個攤位標明自己係德國酒商, 好, 就埋去八吓... 職員都好NICE咁介紹每1支酒嘅特性, 當中有好多關於酒嘅英文詞彙, 我地當然聽唔明, 但係都扮明點頭, 嘩咔咔咔... 當HONEY揀好咗3種WINE TASTING之後, 職員又解釋點樣決定TASTING嘅先後次序... HONEY先試1支比較DRY嘅德國香檳汽泡酒--2005 Henkell Trocken White, 之後再試比較甜嘅白酒--2005 Rüdesheimer Berg Schlossberg, 呢支白酒係拎過金獎o架!!!


HONEY最後試埋左邊呢1支甜酒--2005 Anselmann Riesling Eiswein, 超過2千蚊1支嘅德國冰酒, 嘩!!! 好好好好好飲呀HONEY話!!! 佢話未飲過咁好飲嘅酒, 原來貴酒真係唔同D... 大家記得去德國醇釀園莊試吓佢支冰酒呀!!! 唔係就走寶啦!!!


跟住職員話我地係佢地嘅第一個顧客, 所以送咗右邊支酒--Riesling Sekt trocken比我地, 嘩!!! 賺晒啦我地!!! 仲有入場證嘅一堆COUPON, 又水又朱古力又果仁, 嘩, 賺到笑呀!!! 


繼續流連於GRAND TASTING PAVILION... 

聖皮爾精品酒業 ASC FINE WINES (HONG KONG) TRADING CO LTD (攤位#G16)

HONEY試埋左邊呢支o黎自意大利嘅紅酒--2005 Serego Alighieri Vaio Armaron Amarone Classico, 佢話冇乜特別喎...

香港旺角朗豪酒店 LANGHAM PLACE, MONGKOK (攤位#G22)

飲飽喇, 都係時候食醉啦... 我見好多人都試食朗豪坊嘅爐端燒和牛串配秘制柚子胡椒汁, 我又去試埋一份... 好好好味呀!!! D牛肉好淋呀, 一D根都冇, 軟綿綿, 好似綿花糖咁呀, D日式燒汁都好好味呀, 唔怪得咁多人湧埋去啦!!! 仲食咗個松露金縷衣, 都幾好味呀, 因為有塊超甜南瓜墊底, 上面係黑松露鮮雞...

GRAND TASTING PAVILION入口仲有免費小吃供應, 又蝦片又麵包又煙肉腸仔又餅乾, 咁搞法, 今晚唔使食飯啦... 之後我地離開GRAND TASTING PAVILION, 繼續搵食...

季季紅乳豬 (攤位#D122)

去番頭先想食但未切嘅季季紅乳豬, 嘩, 原來仲跟埋咁大碗飯o架, 好誇張呀!!! 乳豬依然同幾年前一樣, 皮脆肉嫩, 好正呀!!!


飲食得喜 JOY OF LIVING (攤位#D130)
之後係附近嘅攤位JOY OF LIVING見到呢個好得意嘅芝士花--瑞士Tete de Moine!!! 可以自己親手刨, 刨完真係好似一朵花咁o架, 好過癮呀!!! 不過... HONEY話... 個樣似雪耳多D喎, 哈哈...


IFOOD LTD (攤位#D121)
再去附近嘅攤位IFOOD LTD排隊, 因為見到好多人拎住PARMA HAM, 仲要每片都有一張膠紙隔開, 好HIGH呀... 我呢D貪心人, 一次過要晒意大利3寶--巴拿馬火腿+沙樂美腸+芝士... D芝士... 好好好味呀!!! 我未食過咁好食嘅芝士o架!!!


華記永昌 WAH KEE WING CHEONG LTD (攤位#D125)
試食劵所餘無幾, 見到附近嘅攤位華記永昌有呢隻黑橋牌香腸賣, 即刻買比HONEY試吓, 之前係美食博覽食過, 好好味o架!!! 層皮燒到脆卜卜, 入面D肉充滿豬香, 好正o架!!!



今趟真係飲飽食醉啦, 可以專心欣賞開幕典禮!!!


有好o野飲又有好o野食, 仲有咁多贈品拎返屋企, 我下年都要再o黎過呀!!!

今次旅發局攪「香港美酒佳餚巡禮」攪得好好呀, 大家一定要去感受吓歡樂氣氛!!! 希望旅發局可以再攪多D咁正嘅活動啦!!!

###「香港美酒佳餚巡禮」詳情 ###
 
日期 : 2011年10月27日 至 10月30日
地點 :  西九龍海濱長廊
入場費 : 免費 
網址 : 
http://www.discoverhongkong.com/wineanddine-month/festival/tc/html/highlights/introduction.html



5 則留言:

  1. 買左冰酒呀?我都想試
    [版主回覆10/28/2011 13:13:47]冇買呀, 試飲咋, 2千幾蚊1支呀, 你買o黎請我飲啦...

    回覆刪除
  2. hello, i will go tonight
    can you give me advice for buying 品酒證/品酒券 will be better?
    [版主回覆10/28/2011 16:20:36]實在唔知閣下嘅酒量, 如果有幾個朋人, 大可以買品酒證share, 會送Lead Free Crystal Glass, 仲有其他贈品~
    如果得自己一個, 飲唔到咁多, 買品酒券係一個唔錯嘅選擇~
    [版主回覆10/28/2011 16:18:00]多謝你的瀏覽及留言 ^^

    我尋日冇咩行A/B/C區, 集中火力係D/G區, D區必試JOY OF LIVING(攤位#D130), 自己親手刨芝士花, 1蚊港紙1個Gram!

    回覆刪除
  3. thanks ar =D
    [版主回覆10/28/2011 16:34:42]You're welcome, enjoy la~

    回覆刪除
  4. Pandora 香傭講法文2011年11月7日 凌晨1:57

    架車正ar^^
    [版主回覆11/07/2011 13:01:52]多謝你的瀏覽及留言 ^^

    架車真係幾正~

    回覆刪除
  5. RoboSpark 鑫承智慧科技2011年11月8日 中午12:40

    季季紅真係咁好食??我樓下都有一間,未食過
    [版主回覆11/08/2011 14:17:35]我食果間係藍地老店喎, 果次係預訂全隻乳豬, 拎到去朋友屋企, 用骹剪剪開係脆到索索性... 朋友第2日翻叮都話仲好脆...
    [版主回覆11/08/2011 14:14:54]多謝你的瀏覽及留言 ^^

    回覆刪除