紅掌返o黎啦~

10 May 2011, Wednesday

自從前幾日發現盆墨西哥罕有地出咗3隻芽, 呢2日又發現棵紅掌終於出紅掌啦!!! 我終於有運行啦!!! (喃嘸喃嘸... 衰運速速遠離我!!!)

呢棵紅掌原本買番o黎果陣係有2支紅掌, 可惜落係我手上唔夠1個月, D紅掌死晒... 之後... 連D葉都死得七七八八, 因為D泥入面有好多白色蟲, 食緊佢個莖, 超恐怖... 我最後將佢轉咗做水種, 幾年啦, 都係得綠葉, 冇出過紅掌, 之但係今日終於比我等到啦~ 我D衰運應該行晒啦啩~ YEAH!!!

盆墨西哥個3隻芽發育進度理想...

連門口盆死咗9成嘅萬年青都出緊新芽, 原本之前已經多次想掉咗佢... 忽然... 一切好似充滿生機咁... 人生... 真係難以預測!!!