網頁清單

2011年5月7日 星期六

「兩餸套飯」の 蕃茄炒蛋 + 蜜糖煎雞柳

5 May 2011, Thursday

繼尋日小試牛刀獲得小小嘅成功(雖然稱唔上好食, 起碼唔使掉晒落垃圾桶, 搞到要落街食)之後, 今日再接再厲...

今朝搵咗兩款家常菜食譜... 蕃茄炒蛋同埋蜜糖煎雞扒, 不過係JUSCO買唔到雞扒, 所以轉咗做雞柳...



蕃茄炒蛋--嘻嘻... 發生咗幾樣技術錯誤, 下一次再整應該會好好多...


蜜糖煎雞柳--味道都OK, 不過雞柳比較乾鞋, 用番雞扒應該會好D...


經過尋日硬飯一伇, 今日個蒸白飯已經達到"電飯煲"水平, GOOD!!!


連煮兩日, 聽日都係時候抖一抖, 出街食下好野~

8 則留言:

  1. 有進步喎.....個飯 番茄蛋再加牛肉會更好味,雞柳基本上我覺得點煮都鞋,雞扒點煮都好味好多。
    [版主回覆05/07/2011 20:45:00]應該咩時候加入牛肉呢?

    回覆刪除
  2. 先炒蛋放上碟,用蒜頭爆香炒牛肉再放上碟,放番茄炒加水及糖,鹽,牛肉及蛋一齊放入番茄炒下,味道OK可上碟。
    [版主回覆05/08/2011 17:44:00]好, Thank you!!! 等我下次試下先~

    回覆刪除
  3. 同意Mandy,雞柳真係點煮都係鞋口! p.s.買肉時記住叫肉檔幫你切,就算係超市揀pack好肉,都可以叫佢幫你切片架!
    [版主回覆05/26/2011 11:55:00]吓... 但係我係吉之島買肉, 佢已經切好晒, 有D仲去皮去骨, 唔覺有人叫職員幫手切喎...
    我前晚買到雞脾扒, 煎完Juicy好多!!!
    蕃茄炒蛋進步咗小小, 但係D蛋仍然唔夠滑, 有待改善~

    回覆刪除
  4. 吉之島我又無試過買肉!不過點計都係自己揀一大舊肉,叫人即切好過切定啦!
    [版主回覆05/26/2011 12:14:00]又有道理喎... 好... 等我下次試下先...

    回覆刪除
  5. p.s. 惠康、百佳都有預先切好一pack既,不過只要我見到肉枱有人,我都儘量揀原件肉!但!有時間都係最好去街市買囉!
    [版主回覆05/26/2011 12:17:00] 街市... 有得揀都唔想去...

    回覆刪除
  6. 我都明,不過街市啲野真係好好多!
    [版主回覆05/26/2011 12:27:00]但我又驚驚地街市賣走私肉... 我知比例小... 睇得新聞多, 要以防萬一一下...

    回覆刪除
  7. 你估菜無事咩?你睇返之前既新聞,超市既鮮活食品一樣有問題!
    [版主回覆05/26/2011 21:10:00]係... 我知... 但我唸住如果JUSCO有問題, 我可以告佢嘛... 街市嘅話, 告都冇用啦~

    回覆刪除
  8. 我諗你食晒無剩報紙先會報你食咗既菜有農藥,食晒啲豬肉先知有添加劑,跟手話你知,唔係長期食唔會影響健康!你告得啲乜!間中幫襯吓街市支持吓佢地唔好俾超市獨大啦!
    [版主回覆05/28/2011 00:58:00]之前行去街市買野, 買完行去搭車返屋企, 再行去轉小巴... 只係維持咗幾個星期, 已經骨膜炎...
    我已經十幾廿年冇去百X, 近年都冇去惠X, 311之後打正旗號支持吉XX!!!

    回覆刪除